影片
電話號碼
34883875
營業時間
今日營業
11:00 - 17:00
18:00 - 21:30
星期一至三
11:00 - 17:00
18:00 - 21:30
星期四
全日休息
星期五
11:00 - 17:00
18:00 - 21:30
星期六至日
09:00 - 17:00
18:00 - 21:30
以上資料只供參考, 請與餐廳確認詳情
食家推介
上次黎到無開，今日黎之前打黎問咗有冇開先😎終於可以再黎食漢堡包😋真係好好食👍🏻朋友就叫公司三文治🥪佢都話好食👍🏻下次會再黎食🥰飲埋杯朱古力飄雪就飽哂😌
繼續閱讀
朋友介紹 ，襯放假就遠離市區去試下環境清幽舒服 兩人叫左兩個晚餐 有湯 包 沙律菜 主菜 甜品 及飲品我地叫左一份Pork ribs 及 羊架 Pork ribs 夠 Juicy 唔會乾爭爭 配埋陳醋醬汁好好食😋羊架特別出色 香軟juicy ,熟度剛剛好配埋芥末帶出羊肉香味👍🏻👍🏻👍🏻我非常鍾意飲咖啡，依度既咖啡滿足到我夠晒香而宜價錢唔貴 個人覺得性價比高
繼續閱讀
今日2個人帶狗狗到天空之城late lunch。之前收藏咗呢間餐廳，但嚟到之後先發現原來年幾前已嚟過，只係果次對食物的感覺一般，所以冇乜印象。今次再嚟，食物水準我覺得都幾驚喜！今日點咗一客輕午餐（雞扒意式包配薯條$78）同一客下午茶餐（芝士蘑菇奄列$40），飲品升級咗做一凍一熱的特濃朱古力（跟餐加$16/杯）。雞扒意式包配薯條一嚟到好驚喜，因為件雞扒超大件，個意式包唔細，但一併落去件雞扒突曬出嚟，大滿足。狗狗爸爸話雞扒帶少少脂肪，肉軟稔，好味。一般漢堡都係跟漢堡包，比較大路，而呢個餐係跟意式包，特別之餘，包夠鬆軟，亦有份量。薯條係少啲，不過，佢係薯仔炸出嚟架！有幾條薯條仲連薯皮。薯條炸到外脆內軟。就喺呢個時候，狗狗爸爸話：「下次可以再嚟」~係對呢間餐廳的認可。芝士蘑菇奄列以下午茶嚟講，份量足，女仔食夠飽。蘑菇算多，奄列裡面有洋蔥，洋蔥煮稔咗後軟身又帶甜味，仲有牛油跟多士，以呢個價錢同埋香港物價嚟講，性價比算高。一凍一熱的特濃朱古力同樣係加$16，但凍就抵啲，因為熱的賣相一般，凍果杯攞嚟「打卡」都抵。而且凍果杯都夠濃味，忌廉上仲有朱古力醬，搞勻後幾好飲。至於值唔值得加$16試特飲，我覺得見仁見智，但我見到另一檯的客人同樣都係加咗錢嗌特飲。埋單時發現呢間餐廳唔使加一，狗狗爸爸報告：「$150咋~」，佢覺得價錢比預期便宜。一般2個人帶埋狗狗到天空之城附近的餐廳消費，午市要二百零蚊（有時仲係一杯嘢飲2個人share），所以Crazy February真係好味又抵食。最後，要提多3樣嘢：（1）店員姐姐待客至上，非常有禮貌，好欣賞佢呀；（2）如果揸車嚟，餐廳對住幾個車位，我見到有2檯食客都係一食完行幾步到對面就開車走，好方便，泊低架車又可以睇住架車，好安心；（3）要留意，而家雖然天氣轉涼，但戶外仍然有蚊，若果諗住坐出面，最好帶定蚊怕水。
繼續閱讀
第2次黎食dinner, 但唔知點解次次都係得小貓3，4隻，今晚仲要得我地一枱，明明野食都有水準又唔貴雞翼即叫即炸，上枱仲要熱辣辣，食落仲好脆好juicy蕃茄茄子，因為今日係十五，所以走左肉丸，個汁好夠味柚子蛋糕好香又唔會太甜，勁好食希望佢地keep住有heart地做落去
繼續閱讀
屋企又大掃除 所以又要帶屋企嘅貓貓出街雖然我經常睇openrice 但都係無耐前先發現搜尋餐廳嗰度可以揀 動物友善餐廳因為係家貓本來就唔中意出街所以又係揀啲遠離市區 好嘈嘅地方( ´▽｀)所以又黎到天空之城啦！地址上唔係叫天空之城 但實際上只係一塊地圖去分隔星期日 天空之城都泊滿車啦行左入去 侍應都好快行過黎問我地幾位不過講我地有貓 就都係要坐返室外當日都係幾熱嘅一日 香港秋天嘅室外都28,9度室外只得三張枱每一張枱有把風扇吹住但唔係講笑。。 把座地風扇超好風。。坐低又一滴汗都冇出喎。。。坐低 三人一貓 4人枱啱啱好然後Menu就拎出黎啦 係一個咖啡拉花做logo即刻有啲衝動叫杯熱latte( ´▽｀) 但就算把風扇好風我都係坐室外。。有咩可能飲到熱飲啊。。。嗰陣兩點鐘 所以都仲係lunch time Tea 就無緣啦 sosad落單冇耐 餐飲就到啦可能都係啱啱好走左批人 即嗌就即整每個餐除左餐飲 仲有雜菜湯同蒜蓉包檸茶好夠凍 正！ 雜菜湯我覺得係偏酸但都仲係正常人接受到嘅範圍黎嘅( ´▽｀)蒜蓉包少見地係用白方包做底雖然一啲焦黃色燶位都冇 但其實係烘過仲要都幾脆嗰隻( ´▽｀)焦糖咖啡就係好正常好普通嘅咖啡( ´▽｀)正常苦 正常甜 入到口 Main最快黎係呢個( ´▽｀) 見人地openrice 推介影相係靚嘅( ´▽｀) 顏色配搭好舒服菜都算綠 煙三文魚都唔係冇色好唔新鮮嘅感覺Benedit 蛋非常流心 荷蘭醬偏淡煙三文魚都唔算鹹 包好難咬 又切唔開 所以當流心後就食得非常狼狽( ´▽｀)沙律好食嘅 都係個芝麻醬令全碟有返味 中和到其實都可以接受嘅 算好食嘅但個人唔會特別推介呢個另外嘅2個main 會比較出色意粉好重松露味 又大份 意粉未至於al dente 但唔淋洋蔥同蘑菇都好多 因為松露醬落得多 所以連配料都係滿滿松露味味覺上係滿足嘅都( ´▽｀)呢個最後到 一上枱有種 哇雞扒大到好似打孖上咁啲薯條好好食 有啲似炸魷魚啱啱炸起 十分正！應該有喺炸之前黐啲唔知咩上去( ´▽｀)雞扒真係好大塊 未食已經望到飽意式包 都好大份80蚊黎講呢個性價比最高雞扒個面某啲位都煎得香脆但juicy得黎又唔太油係真係幾好食( ´▽｀)然後 附上單據食得飽嘅！ 最好食係薯條性價比都高 價錢同食物質素係正比嘅係因為佢個logo令杯凍latte顯得平凡左( ´▽｀)可能熱飲會好啲呢道都應該係間小有名氣嘅寵物友善餐廳冇耐隔離枱就坐左兩隻貴婦狗( ´▽｀)唔知點解女侍應一行近隔離枱隻狗就會吠同發出啲好悪嘅聲雖然主人會同隻狗講 你嚇親姐姐啦但其實個員工都冇乜驚嘅反應( ´▽｀) 相反我地隻貓聽到狗吠就係咁震( ´▽｀)見慣大場面嘅姐姐都過嚟望下我地隻貓十歲嘅老貓又比侍應姐姐話似貓仔家貓都係唔中意出街。。又辛苦佢擔驚受怕
繼續閱讀