Crazy February

營業中

休息中

29-9-2019星期日早上打完波, 搭朋友私家車黎左呢度開餐, 佢地星期六/日早上先有早餐供應 (平日沒有早餐的)餐廳位置錦田爾巒對面既天空之城, 10:30am左右已經差唔多坐滿。(有寵物既朋友還可以坐在店外, 空間寬敞, 不過下午會西斜😬) 我叫左英式鬆餅早餐, 配熱咖啡。由於即叫即整, 加上客人較多, 大約等了10分鐘左右。佢既鬆餅類似m記豬柳漢堡包, 除左薯餅好脆好熱之外, 整體無驚喜... 反而佢既熱咖啡用一個鐵盤裝住上, 可以自己加奶加糖, 而咖啡又夠熱, 不錯!

Crazy February真係唔係一般人食到既咖啡店除非 你住爾巒或附近村屋😂 點解咁講 因為真係好遠忌廉黑松露蘑菇意大利粉其實所有意炒加黑松露都係絕配 唯一挑剔係汁唔夠濃唔夠稠意粉可以再硬身d 咁就very good啦珍寶早餐就略嫌茶餐廳味濃 如果太陽蛋變炒蛋 漢堡排加厚咁就唔係呢個價錢啦😂😂😂😂😂💕鮮奶咖啡我幾中意個擺碟同隻杯 但係咖啡都係流於平民味道係村屋內要做餐廳 做居民生意 要價錢合理 加埋款式創新高尚又係難Crazy February如果menu升級 我實會再黎食😂

今日同朋友去了附近嘅crazy feburary 食brunch, 叫了 egg benedict 同all day breakfast👍 首先講下個egg benedict,大大份, 隻蛋仲流心,半生熟,好好味! 另外嘅all day breakfast 都係大大份, 仲有多款食材,味道一流👍👍👍

星期六就係食tea, 揾朋友，Hea既節奏🍰。 去到2:20，其實2:30開始tea, 但我地照問有無lunch,因為同款食物，下午茶同lunch既價錢無變，但無左個蒜蓉多士同湯🍞🍲，（係好食不容錯過架😛），所以叫lunch抵d。蒜香肉絲意粉🍝，勁多蒜，我鍾意，但食得多就覺得好咸。蘑菇白汁意粉🍝，試左啖味道不錯，但友人食到一半覺得好漏🤣🤣🤣。至於個waffle,焗果時飄來陣陣燶味，出到枱都見到好黑🤭，其實佢真係好胞，入面唔會太多粉漿係幾好，奈何overcook了，希望下次整好d。入黎天空之城真係好舒服，平時食NZ之外呢度係試第二間，陸續有黎呀💪🏻

自從發掘了天空之城這個用膳的世外桃源後, 特別愛上Crazy February的home feel. 餐廳佈置很warm, 侍應們都很有人情味, 所以每逢假期都必定過來。平日的日子都非常容易搵位, 只是假日偶爾要稍等一下, 不過都很快有座位安排好。在嚴冬的夜晚似乎大家都比較鍾情打邊爐/雞煲, 不過我跟老公仍然是偏愛Crazy February, 今晚的寧靜更好, 可以好好享受二人世界。Soup of the day是蕃茄湯, 酸度適中, 很開胃主菜我點了比目魚配薯蓉, 意外驚喜是旁邊的配菜比目魚很Juicy, 肉質嫩滑老公點了豬胺架, 不過時間關係, 忘記影相, 豬胺架略嫌少少偏肥, 邊位有一層肥膏, 但肉質仍然是很嫩滑Set dinner有甜品及咖啡竟然送上兩款不同的甜品, 很有心思。咖啡是即磨的cappuccino, 為完美的晚餐畫上句號。

平常都有幫襯午飯晚飯，已經覺得食物品質非常好，餐廳老闆們都好親切。今次食評係Crazy February 嘅到會，因家人非常即慶地開除夕倒數Party，於是要張羅食物，因家人住爾巒嘅關係，第一時間想到Crazy February 的到會自取服務，其實預訂時間真的不夠3天，亦嘗試一下，除了一兩樣食材餐廳不能安排外，其他都無問題，非常感謝！有機會一定會早點安排，那就可試齊想食的食物了！家人準時自取食物，已準備好及用大紙箱包得好好，取回家後我們急不及待開始食，每款都很有水準，比較以往其他到會，真的非常值得大家一試。樣樣好食！最愛沙律、牛柳粒、漢堡包、意粉及雜菜。

友人A先生換咗部新車，一班麻甩佬起哄話要睇車，要搵一個地方食早餐又可以擺到幾部車確實唔容易。A先生話之前去過錦田一間小店 - Crazy February 食西式早餐，可以泊到車又可以輕輕鬆鬆傾下偈。嚟到呢到睇睇Menu，估唔到呢到除咗有普通早餐、All day Breakfast，而且竟然有班尼迪蛋。班尼迪蛋食材看似普通，但係工序繁複。提供班尼迪蛋嘅小店唔多，在新界大西北更為少見。班尼迪蛋當中嘅靈魂人物就係荷蘭醬。荷蘭醬用生蛋加澄清牛油製成，製作加熱時一不留神容易變成炒蛋，唔容易存放， 最好即整即食。呢到嘅荷蘭醬濃稠度造得剛剛好，唔會水汪汪，可以掛汁係水波蛋上面一齊食。火腿換上煙三文魚，略帶咸味，配合荷蘭醬嘅微酸，味道層次更上一層樓。英式鬆餅食落感覺好似無經過烘烤處理，如果可以烘得乾身少少會更對對我胃口。沙律係有機蔬菜，配少許芝麻醬，芝麻醬無喧賓奪主，食得出蔬菜原有清爽鮮味。當你用刀切開水波蛋，流心蛋黃緩緩流出，同香濃嘅荷蘭醬結合，再用叉吉起一小塊煙三文魚同英式鬆餅一齊送入口，Fantastic！食住呢道班尼迪蛋，聽住店內嘅音樂同友人閒聊吹水，絕對係假日放鬆心情嘅好方法。 隨餐奉送的

媽媽的朋友有著一顆少女心, 說要辦生日會我就厚著臉皮一起來位於元朗錦上路有一堆小餐廳, 就是可以坐室外的食店這天氣當然是坐有冷氣的 這家是新開的Crazy February, 租場可坐20人辦小PARTY紅酒是我家送的禮物看似裝飾的CUP CAKE 也不錯吃紅桑子&柑桔CHEESE CAKE柑桔CHEESE CAKE 受到媽媽們的喜愛食物看上去都不錯耶~老實說, 飲料不知道是什麼橙桃汁, 很難喝手工漢堡很好吃~小小一個份量好鮮果沙拉混蛋黃醬很棒, 沙拉醬跟鮮果比例剛剛好~讚瑞士雞翼有點硬, 還可以肉醬闊條麵也不錯菠菜批我不愛吃, 三文治挺好的 然後店裡有香脆的窩夫~雖然粉漿不夠味, 但超級香脆, 配上雪糕好吃~(本人對窩夫超有要求上面一份是主角的下面是來賓的重點到了擁有少女心的媽媽的朋友(因為想要一個公主蛋糕而對老公一直唸唸唸唸唸唸他老公終於為她準備了一個 ~公。主。蛋。糕~連公主都是老公選的~明明老公喜歡低調, 但也甘願為老婆淨誇<–嫁對老公的好例子看生日牌就知道蛋糕出自金蘋果公主娃是自己買去再造成蛋糕一整個超漂亮, 大家興奮了很久~

女兒今天又考完一科，找個地下舆家人開心飯聚，等亞女放鬆下. 之前見朋友食過，就坐車去試下啦，我由屯門出發，到錦上路西鐵，再轉專缐小巴，5分鐘左右就到，好易搵，原來旁邊都有其它餐廳，下次又可以試多幾間！

今日去元朗爾X探朋友，之後一齊去附近的 Crazy February 下午茶。熱香餅拼香葉腸及漢堡排 : 份量不算多，但勝在熱辣辣，熱香餅及漢堡排沒有特別，反而腸仔好吃，有清清的香草味。咸牛肉炒蛋多士 : 咸牛肉份量比例略少，炒蛋倒還算滑，多士就不過不失。Chocolate Paradise : 本身期望滿滿的朱古力味，這個 Chocolate Paradise 比我想像有點差距，奶味太重，朱古力粉份量反而不足，有點過淡。整體上不過不失。

想搵個地方同朋友傾下計坐下，朋友覺得坐出面傾得自在啲，所以坐左係出面。叫左一個tea set兩個late lunch三杯野飲。Late Lunch份量好大份，細食既女仔晚飯都唔洗食阿😂!望埋佢地其他menu，朋友話要搵日試埋晚市！

在網上看到餐廳可以帶狗狗來，看食評的食物好似都不錯，帶埋狗狗來試下。車可以泊係餐廳外面，不過外面係沙地，有車經過會有d沙塵，帶狗狗要坐外面無辦法，幸好唔多車經過。外面只得2張枱，一張2人一張4人，我們平日約2點到達。餐廳不算大，整潔，員工有禮叫左一個all day breakfast 同一個lunch set，有餐湯同蒜蓉包，2杯飲品，共$194。份量大，味道亦不錯！

我地揀選咗兩款小食同三道晚餐！小食份量啱啱好，一口牛黑椒味夠唔韌。晚餐頭盤蒜蓉包好趣，南瓜湯啖啖蓉冇渣，沙律醬汁一流，什菜夠鮮嫩。主菜魚扒配照燒汁易入口，焗薯唔係原隻上，切片上夠心思。黑毛豬夠厚好咬口，配陳醋味道夾，薯條炸得香口。帶子燉飯，帶子煎咗先上，夠香又夠趣，燉飯易入口唔覺漏，冇滯嘅感覺。凍朱古力甜度適中，朱古力味濃。芝士蛋糕一小口，份量啱啱好！總括係食物新鮮，煮法有水準，配搭有創意，環境舒適，座位唔會太迫，坐得舒服，雖然離市區較遠，但都不太麻煩（有車更好，門口有位泊車），所以係值得一試的有心小餐廳！

星期一工作完畢，走嚟元朗嘆個下午茶先。呢度非常方便，架車就咁泊喺門口就得，就嚟中秋嘅下午，坐戶外位，有啲秋風吹埋嚟，又幾舒服喎柚子芝士蛋糕 ($36)芝士蛋糕日日唔同款，今日係柚子味。芝士蛋糕下面唧滿朱古力醬，唔鍾意食嘅我真係嘥晒.... 一拮開件蛋糕，個餅底就碎咗，沾滿朱古力醬😣 芝士蛋糕軟硬適中，但對於我嚟講當然係唔夠硬㗎啦！柚子味道香濃，但蛋糕中間似乎未完全解凍，咬落去有啲雪咁樣，普普通通啦，不過$36有一件蛋糕一杯茶有樹喺前面又有藍天白雲睇吓，總好過俾$63去連鎖coffee shop度坐啦休閒嘅下午喺度坐吓都唔錯嘅！

今日入去元朗去探朋友，經過見到一間小屋仔西餐廳，見價錢唔貴便入去試下，竟然比到我地驚喜。我地叫左黑松露海鮮意粉，上菜時見到有3隻新鮮大蝦，忌廉汁亦好明顯係自家製，仲有意粉煮到剛剛好，好有囗感，份量亦很大份。我老公叫的西班牙黑毛豬胺架都相當唔錯，食出有肉味，亦煮到剛剛好。最後我地叫左 即磨Latte 餐飲，大大杯。真係好滿足！我同老公都好少入元朗，原來元朗真係有好野食，我地會再幫襯。