Crostini Bakery & Cafe (已結業)

我很喜歡吃麵包，牛角包更是最愛！今日又想吃牛角包，Crostini 的麵包，水準之上，跑來吃午餐，看到 All day breakfast。供應２款 All day breakfast，Set A and Set B，定價一樣是98元，分別在配的麵包和香腸，Set A配牛角包，Set B配多士，選了 Set A：#All day breakfast，牛角包、炒蛋、茄汁焗豆、烤原個蕃茄、車厘茄、薯角、煙肉、紐倫堡腸，豐富的組合，好味！#Cappuccino，Crostini 的咖啡，好味！

Bread and desserts in this cafe look attractive!  Decided to buy some of them as lunch for this chill Saturday!  Earl grey Sea-salt cookies were fantastic too!Cream Cheese Pineapple Bun $13- Highly recommended!  Cream cheese was served separately and the sauce was creamy and smooth.  Together with the pineapple bun, the taste was cheesy and sweet.  A very nice and yummy combination.Earl Grey Tea & Walnut with Dried Mango $20- This bread was super dry and hard in texture.  Not much earl grey flav

今朝一早嚟到鑽石山荷里活廣場，本身想去馬莎行吓街買下野，同埋想睇電器，中午想行吓志蓮淨苑，所以先嘆杯咖啡食個早餐，原來呢度都有crostini, 但係我11點先開門，我哋唯有等佢開門，為咗飲一杯靚咖啡，值得嘅Hazelnut latte 幼滑清甜，配麵包或者蛋糕就一流啦！我哋揀咗cheese croissants and sweet potatoes raisin bread 難得同閨蜜傾吓計順便去shopping，太好了

好耐冇去鑽石山廣場行，因為啲嘢其實唔係太啱我，難得今日阿姨想出去逛下，就陪佢去兜個圈。個場唔算好大，但餐廳都佔幾多，行到攰想搵個地方坐下，但又唔想食太多野， 剛好比我見到有間Crostini Cafe，平時蛋糕就買得多， Cafe都係第一次，有位就入去坐下。叫咗兩份包同兩杯latte,其中一個係大啡菇餡料加沙律菜，另一個係三文魚，不過我覺得兩個包嘅味道都比較一般，反而個薯角幾香脆好味😋。但我都係志在搵個地方坐下同埋飲杯咖啡，相對地杯咖啡就好好多，又香又滑，奶同咖啡比例剛剛好，但對我來講就大杯左d,飲左好耐都飲唔晒，最尾都係放棄⋯

呢間係我比較喜歡去既餐廳，由於除咗有咖啡外，仲有我最鍾意嘅蛋糕，一個套餐有齊晒咁多野食，同埋仲有意大利粉或薄餅選擇，可謂既方便又快捷，意粉味道尚可接受，甜品就好好味， 所以會經常去幫襯。

今日喺荷里活商場行街，行到攰想食下野，但係又未到正餐時間。就諗住食下啲包先。見到啲包都幾靚，我就揀咗個蘋果丹麥酥同個朱古力鬆餅。拎走。好快有，揾位坐低一睇，個鬆餅變左牛角包咁都得？照食啦。個牛角包好一般，冇味。丹麥酥幾正，脆皮，食到蘋果。

由於工作關係，是日來到荷里活廣場，先吃點飽，再辦事。看到這裡的內設雅座，店內雲石桌子整齊排列，又有自家品牌的衣裳、文具，已一隻腳踏進店了。兩頁寫滿文字的餐牌，真是看得花多眼亂。餐牌上，共劃分了三類食物，意粉、pizza、三文治，字體大小很統一，閱讀費時。迷惘的瓶子還是向店員查詢，經店員很純熟迅速的指點後，很遺憾，原想吃的crab salad，沒有供應，唯有，改吃其他。成功柯打了，並取了電子牌待取餐。Smoked salmon Arugula PaniniWith Chunky Blue cheese dressingGinger LattePanini，一般來說，就是Ciabatta加熱印上坑紋。當然，也有panini是沒坑紋。很明顯，這份panini是沒印上坑紋，咬下略帶香草味。藍芝士醬吃下微酸，以為細嗅並不臭，怎料那陣獨有的臭腳味長存，真是舒筋活絡。Ginger latte經得起時間考驗，約10分鐘後咖啡面才泛泡泡，實屬正常，而且拉花持久。奶泡是融合了薑絲，真材實料。

Crostini 之前只試過她的甜品如果唔係朋友仔約我去鑽石山睇戲我都唔知道有間Cafe提供三文治, Pizza 等等。 鋪面唔算好大只有幾張枱,牆邊位置除左有曲奇,蝴蝶酥等食物之外亦有衣服及手袋售賣. 而且並不便宜小手袋都要數千元,我眼見就沒有人有興趣似裝飾多過零售. 講返食物先: 我喜歡她的三文治可以所有野都自己選擇. 從麵包,餡料,蔬菜到醬汁都可以按照自己的喜好決定....唔會有自己唔鍾意的食物破壞了用餐愉快的心情，味道亦合格比起其他同類型的法式快餐好多了。 那杯紫薯Latte 有外表又有實際好睇又好味,唯一失色的是薯角有點咸又太淋不吃也罷 . 整體非常滿意,價錢合理,如果工作附近都有一間就好了.

聽講Crostini蛋糕好味、精緻都好多年，都未有機會試到。今次終於趁住朋友生日，特登去訂蛋糕試一試！款式選擇都多，有些都幾特別。朋友不愛太甜，喜歡清新口味，所以特登選了「白桃洋甘菊慕絲」。本身自己都已經好喜歡洋甘菊的味道，估不到用洋甘菊製成慕絲味道會那麼清香！蛋糕入面的白桃啫喱同慕絲非常夾，入口非常清新！！朋友當然啦！唯一小小不足的是海綿蛋糕可以更鬆軟。但Crosrini蛋糕絕對可以再encore!

原本想搵個地方同女朋友飲下咖啡做下野，「S」品牌長期滿座同位於Open area，所以想去「P」品牌睇下有無位，點知都系滿座仲有人等位🙊最後就行左黎哩間，環境比較靜，枱與枱空間都多，好適合傾計👍🏻鍾意飲咖啡嘅我哋就算話今日唔飲，但揀黎揀去都系揀左杯Rose Latte🤤Regular size都唔細杯，我仲以為佢沖錯杯比我🙊 聞落去玫瑰味都幾出，飲落都有玫瑰味（有啲cafe只系杯野加幾片玫瑰花就當系Rose Latte🤦🏻‍♂️），鍾意花香同偏甜coffee嘅會啱飲👍🏻另外女朋友叫左杯Iced Strawberry🍓 Chocolate，甜度適中👍🏻士多啤梨同朱古力嘅味唔會其中一樣太搶，女朋友Expect會有士多啤梨果粒🤭 不過Overall唔錯，仲可以加cream。

鑽石山呢間分店係相對較大同埋多位，weekend要早啲嚟啊，如果唔係就會好多人冇位坐㗎啦，不過我鍾意依度係因為坐位比較闊落，可以休休閒閒坐下嘆下咖啡。呢杯係cuppuccino☕️，咖啡好香好濃，奶同咖啡都飲得出，同埋都幾balance 唔會有樣野明顯重味d, 同出面d cuppuncino有少少唔同，佢個杯上面d 泡較少同薄，唔知係好定唔好啦。另外我最鍾意就係買一個佢哋嘅麵包同咖啡邊食邊飲，佢地d 麵包可能貴出面美x或者東xx 幾蚊，但係勝在餡料較多同埋麵包較實心，係食得飽的！同埋好味d!! 因為堂食關係，店員會主動幫你烘熱👍🏻

朋友生日，見呢間蛋糕店好靚，蛋糕都好精緻，又多款式，所以飯後就入左去食蛋糕，叫左一個蘋果慕絲蛋糕同一個士多啤梨慕絲蛋糕，兩個都得個甜字，冇咩水果味，覺得好人工，但裏面有幾層，又有啫喱同海棉蛋糕中和，整體尚可環境同食物都好靚，影相一流

因為住得比較近嘅關係 基本上每一個星期我都會嚟一次 每次都會係早上 而我都會叫一杯熱咖啡同麵包作為我嘅早餐 早上一般都唔會太多人 所以比較容易搵位 同埋環境比較寧靜舒適 服務方面店員亦都好有禮貌 每一個月第一個星期週末 佢都會有promotion 部份咖啡買一送一 今次我嗌左latte 麵包方面選擇咗金寶藍莓包 通常店員都會主動問你使唔使整熱 而我當然選擇整熱會比較好食 其中一個原因我會鍾意你去Crostini 係因為佢嘅咖啡好香 你今日呢一杯亦都冇令我失望另外我太太亦都叫咗蒜蓉蘑菇包 蒜蓉味好香 好味道最後近期睇新聞都知佢有擴充業務 希望去擴充同事亦都保持到現有水準！

約左人係百老匯睇戲，未夠鐘，坐低飲杯咖啡，呢間cafe第一次黎，門口望甘特別，有衣服，又有D飾品賣甘得意既，見甘得意，又入去睇睇，順便坐下飲杯咖啡，平日我多數飲齋啡，但有時間中都想飲下其他，所以叫左杯latte，望下個拉花，又飲得開心D😄😀———————————————————-昵到既咖啡幾香濃，不太甜，好香nuts味，間中飲下其他咖啡確實不錯☕️😋😋坐位又坐得舒適，見到隨左有咖啡飲之外，仲有意粉，沙律，蛋糕⋯⋯之類其他食物，不過呢區真係好小黎，睇吓下一次會吳會再黎呢到睇戲，有緣再黎飲杯咖啡☕️食件cake🍰😂😂

本身就特別喜愛 Ginger Latter，見到呢度仲標名係 Fresh 既，急不及特要一試。可惜有點失望，薑的味道始終不夠，反而被糖漿的味道擔了。不過底的咖啡還是不錯的，或者下次都係點基本咖啡會好一點。