影片
港鐵黃竹坑站B出口, 步行約5分鐘
繼續閱讀
電話號碼
62889130
付款方式
其他資料
Wi-Fi
酒精飲品
自帶酒水
加一服務費
以上資料只供參考, 請與餐廳確認詳情
今年生日，朋友知我喜歡食tart底，訂了一個像藝街品一樣漂亮的Lemon Tart 為我慶生！外形超靚，畫一樣，而且色丶香、味俱全！因為不少市面的lemon tart 都會吃到一陣蛋白的腥味，但這個一丁點腥味都沒有，所以非常喜歡💕🥰💕下次一定會再試其他蛋糕
繼續閱讀
793 瀏覽
為慶祝哥哥生日，親友們早幾個禮拜前都全部打哂針針，勁俾面！既然可以安心搞大佢，分成午餐及晚餐兩個十二人派對嘅生日蛋糕就決定一試壽星仔好友推介嘅網店「Crust n Crumb Bakeshop」。烘焙店於網上平台展出多款西餅甜點嘅靚相及簡介，XO仔選定款式後即以電子訊息與店方聯絡，店員亦迅速地回應，並告知蛋糕可選之大小、口味、顏色、對應嘅價格、要提前預訂嘅時間及付款方法等資料，相當詳盡。顧客可於約定時間從黃竹坑嘅烘焙工場取餅，不過自己為怕大清早就迷路，結果情願多付$30揀喺地鐵站交收。意外地，兩個七吋及八吋大嘅蛋糕剛好放得入一個大紙袋內，包裝穩固得黎一啲都唔重，蠟燭就黐喺盒面，簡潔企理。午餐時份陽光普照，所以就先襯返個夏日氣息濃厚嘅「8” Lemon-Yuzu Meringue Tart」。招牌檸檬柚子蛋白撻可選購六吋或八吋，設計可選中間開咗個窿或冇窿，建議八吋（$340/冇窿；$300/有窿）會更適合十二人派對，慶祝生日當然係要完整啲唔要窿窿啦！金光閃閃嘅撻撻其實極富立體感，只係小肥嘅攝影技巧未到家唔係好影得出個效果。撻品嘅曲奇批皮鬆脆輕巧，面面嘅蛋白層混入咗軟滑亮麗嘅檸檬及柚子忌廉直令外觀生色不少，中間嘅檸檬柚子醬酸酸甜甜，作為飯後甜品尤其清新消滯！同場嘅長輩建議甜品可以調整至少糖，進食時可以減輕罪惡感咁話喎。晚場生日會一啲都唔輸蝕架，安排壓軸上陣嘅「7” Earl Grey Chocolate Entremet」（$450）為法式伯爵朱古力夾心慕絲蛋糕，點選嘅火鳳凰鏡面款式外型金碧輝煌，頂面以幾粒大小不一嘅銀色波波點綴，即為火鳳凰增添時代感，氣勢十足！圓碌碌嘅慕絲蛋糕可選五吋或七吋，建議七吋會更適合十二人派對，八月嘅夾心餡選擇有金莎、Baileys甜酒、伯爵朱古力、泰式奶茶、開心果、熱情果配芒果及紅莓柚子、白桃抹茶、藍莓柑橘、荔枝紅莓。外表震撼閃爍嘅伯爵朱古力慕絲蛋糕嘅鏡面層十分光滑，最底薄薄嘅餅乾層則對比地鬆化兼脆卜卜，中間微甜嘅伯爵味蛋糕層芬芳軟綿，夾上柔滑香濃嘅朱古力慕絲更覺口感層次分明，配搭醇美可口得令舌上原本休息中嘅味蕾猶如火鳳凰般展翅起舞，確真夢幻！網上餅店「Crust n Crumb Bakeshop」訂購流程簡易，服務誠懇專業，蛋糕精美吸睛，高質美味，而且價格合理，作為慶祝活動嘅甜品絕對唔會甩拖，單憑為哥哥賀壽嘅親友們飯後都要細佬分享店舖嘅資訊就知堅掂啦！
繼續閱讀
今日有老板生日請食蛋糕。同事找來新嘗試，Crust n Crumb. 打開盒子一看，不但靚而且排列整齊，款式又多，有如那些高級品牌。再試一下，嘩！真美味又不是太甜，配埋coffee, 好一頓美味下午茶。
繼續閱讀