Cup Of... (已結業)

我實在很欣賞cup of. . .因為有休息位，裝潢都很漂亮，材料也真材實料，不再是主打珍珠奶茶!先來店面，很可愛粉色和韓國偶像這裡可以等飲品，和坐下飲用店鋪比其他飲品店大間。而最特別一款:重量級水果茶，分別 有綠茶，紅茶和烏龍茶味道。本人喜歡烏龍茶味。茶味濃些，配新鮮的生果，味道不會太甜。這個杯超大尺碼，方形連盍，約25cm-30cm高,內有生果大大件。石榴約3件，小青檸半個，西柚一片，紅火龍果1片，士多啤梨1粒……蘋果5片，西瓜3件，杧果3件，橙肉1件……仲有熱情果子，非常健康!可選擇走冰。杯身有長义一套提供，所以不用擔心吃不到底的生果。加梅粉感覺很有台灣味道，真的很喜歡!1杯可以2人分享，我就1人獨食，當下午茶!影相打卡位很多，布置真的不錯。難得有充電寶提供

荃灣-cup of：重量級水果茶(hk$45)去開荃灣路德圍梗係要行多幾步去豆花戰場觀戰...時光倒流價$3豆花，人龍何其壯觀！除左豆花戰，呢條街短短100米仲有多間馳名台飲店，一樣戰況激烈，但就在戰場的轉角，有間港產小店cup of 靜靜起革命...就係呢杯重量級水果茶吸引到我😍-勁勁勁勁勁大杯，而生果超過3/4杯，我飲完數過有最少10種生果，太強了，簡直是一個生果杯，連貴價生果如紅肉火龍果、芒果都有，所以雖然價錢唔平但還是有原因的。茶底有幾種選擇，我揀了烏龍😋，因為有熱情果，所以酸酸甜甜味好出，隨杯仲奉送梅子粉和叉比你食生果，很貼心，作為飯後飲品/甜品 perfect!舖頭仲間左個位比你坐低飲，好難得！

我在荃灣尋食中，雙眼被4個男人吸引，就係一張Winner海報，我敗了給他們。我不禁拎出手機影相啦～瘋狂行為認識我嘅朋友一定會知，或者我近親朋友會親身感受過，哈哈~另一個令我停下來就係呢間飲品店的老闆，佢任我發狂之餘亦好熱心同我傾談，還講解一下飲品店背後故事，我發現佢好愛老婆，全為了自己太太的喜好而開的飲品店，我訪問了佢差不多半小時，內容太長，真係要搵日用心寫一下。好啦～我梗係要飲一飲佢哋嘅最初原意要開一間水果茶嘅心願啦～我叫了一杯45蚊的水果茶，加了烏龍茶作底。烏龍茶香濃有茶味，間中會加了點水果一齊飲，生果新鮮加埋茶感覺非常良好。你一定會話45蚊一杯野飲好貴啫，係真係好貴，不過我只可以講呢一杯並唔係一般的水果茶，佢係真材實料，水果多到似水果盤，裡面生果多到呢～裡面有橙、黃檸檬、青檸檬、青檸、紅色火龍果、白色火龍果、蘋果、西瓜、芒果、番石榴、熱情果及菠蘿，希望我冇數漏啦～喂呀～會唔會誇張咗少少呀～生果多到我直頭覺得我自己食緊生果世界。不過真係好新鮮，而且不太凍，份量足料的。朋友飲了珍珠奶茶，味道也不錯，有茶有奶味，不苦澀，珍珠都煙韌，價錢只是18蚊，算正常，學生哥仲可以平3蚊，真係好良心

今日落左一整日雨😟學友哥哥都唱出了環境氣氛...🌧🎼冷冷雨Wo~Wo...🚶🏻‍♂️🌧沒焦點因找不到你🙇🏻‍♂️喺雨中獨自沒焦點的漫步與沉思的確幾Dry Dry😢曾經有個願望就係可以搵到一個與你走到老的嗰杯茶如今找到了 遇到了 相愛了☺️❤️但其實最重要的是如大家真心相愛👫身邊的是否你的嗰杯茶並不重要重要的是互相相愛 互相扶持最重要的是搵到個與你一樣喜歡飲飲食食一樣喜歡掃街飲茶😋與你一齊為飲😆🍵與你一齊餵飲心目中嗰杯茶☺️🍵依然沒焦點的你🚶🏻‍♂️不妨黎下荃灣路德圍呢度無論大中小各種茶款味道🍵喺當刻總會幫你搵到心目中嗰杯茶🤪茉香綠茶加珍珠過癮下叫左大杯Size係絕對驚人🙊茉香茶底夠濃味醇香☺️🍵另加煙韌彈牙既珍珠更增添口感😆鍾意飲濃茶既朋友不妨試試☺️紫薯星球來自紫薯星星的你果然薯不簡單🤪🌎🍠濃郁奶香既奶蓋🤤🥛配合餡多足料既紫薯珍珠寒天底😆啖啖充滿口感之餘飲落夠哂Creamy☺️🥛雖然因餡料既本身走甜依然甜左啲🙇🏻‍♂️但鍾意奶蓋紫薯既朋友們不妨叫杯走甜試試☺️

食完晚餐之後一出門就被呢間全店粉紅，勁搶眼既Cup of...所吸引住🙈於是我地就緊係叫左杯黑糖珍珠厚鮮奶（$36 )芝士奶蓋入口濃郁厚滑，絕不感到稀或淡。而奶蓋份量亦十足，更佔整杯既三分之一❗️濃烈既芝士奶蓋味過後，隨後啖啖都係香濃既茶味同黑糖鮮奶味，好香好正👍 而最底下就係滑溜溜QQ 既珍珠，煙韌彈牙，令到整杯既口感更加豐富‼️P.S.中意芝士奶蓋既朋友，呢杯一定會岩哂胃口☺️P.S. 飲之前先搖幾搖，咁樣可以令到鮮奶，黑糖同芝士奶蓋可以更好咁融合埋一齊，味道更均勻完整😋😋P.S. 店鋪旁邊仲有最岩閨蜜👭或者情侶👫打卡點呢🙆🏻‍♀️粉紅色既裝潢，燈光閃閃既background,好靚呀😍

平時成日經過但好少飲台灣野飲，因為驚咗黑糖鮮奶既風潮。今日見無人就買咗個「芝士奶蓋芒果伯爵茶」(少冰微糖)個茶味好出唔會甜，茶味過咗之後係奪舌頭衝出黎既陣陣芒果清香，茶味多於果味，不過清新又怡人，而芝士奶蓋都俾得好大方，奶味濃又滑身綿口。$32既中杯都好大杯幾抵飲，性價比高

喺路德圍都飲過好多間台式飲品，呢度嘅岩鹽芝士奶蓋算好好飲，綠茶底清香，上面層岩鹽芝士味濃，而且唔係薄薄嘅一層，都佔成杯飲品差不多三分一，仲用個好可愛嘅心型杯裝住，打斜45度角飲剛好飲到茶同奶蓋，味道夾，會回頭再試埋其他飲品！

個奶蓋好香好滑😂奶味好重🤤我飲嘅係伯爵茶☕️茶味好重，擺多陣仲有好靚嘅漸變色💦真心推薦個奶蓋吖👍🏻我買左大杯，真係大杯到嚇親😱我都試左個黑糖珍珠鮮奶($26)鮮奶味都幾重，個黑糖味好重，但係個人覺得有點過甜，同埋啲黑糖味煮唔到入去粒珍珠入面

<飲品鋪唔洗一定去名牌既😆>而家 d水果茶 黑糖珍珠奶 呢 d飲品鋪開到成行成市 個人覺得任何商品都一樣 出名唔代表好味 🤷‍♂今日經過開荃灣見到呢間新開既 cup of 原來佢係大陸一間叫 <蜜桃之森>既香港分店 😃坦白講 對我黎講出名同乜分店都冇所謂 最緊要好味， 呢間 cup. Of真係十分唔錯😍 飲品好味 而且裝修以 粉紅色 白色 . 仲有 胡桃夾子裝飾 加上粉紅色既公仔熊 製作用心 🐻飲品種類好多 有唔同既水果茶 黑糖珍珠 好多選擇 正😆🥤重量級 more more茶 45 蚊 超大杯水果茶勁多生果 有火龍果 蘋果🍎 西瓜 🍉橙 番石榴 柑橘 菠蘿🍍最正係火龍果係紫色 成本高 其它生果都好新鮮清甜 水果茶吸哂 生果既味道變得更番甜 😆 飲完茶後 可以將 d生果 點以佢俾既梅子粉 食埋 d生果 大滿足 😄🥤星球大戰系列☄💫 二選一既芋頭星球🍠鮮奶底🥛 芝士奶蓋🧀我可以話呢杯係一杯好飽肚既飲品 😂入面除左有煙靭既珍珠外 仲有 晶鑽細細粒 好有口感， 同埋 長身爽滑既寒天 qq勁正 鮮奶好香滑飲落充滿芋頭香味🍠 最正係上面香濃既芝士奶蓋 撈埋

荃灣美食多同時台式飲品店舖亦愈開愈多間任你選擇這間舖在良辰吉時的斜對面沒有高人氣排隊的熱潮但就勝在有高質的味道喜歡芝士奶蓋的朋友絕對值得一試！除了芝士奶蓋亦有其他系列讓你選擇包括椰子奶蓋系列、沙冰系列、水果茶系列、滋潤系列、純茶系列、珍珠系列、黑糖系列及水蜜桃推介系列…另外可以比較彈性地選擇冰量及糖量而糖量可選擇微糖、半糖、小糖或全糖適合不喜歡太甜的朋友今次試了岩鹽芝士奶蓋芒果伯爵茶$35絕對不是稀或淡而無味的芝士奶蓋而是濃郁厚滑及惹味的味道芝士奶蓋份量多 滿滿的！面上有少許的芝士碎和岩鹽個人建議可以先開蓋斜飲會飲到芝士奶蓋、岩鹽、芝士碎及芒果伯爵茶4合1的味道 口感非常豐富先有濃烈芝士奶蓋的口感再慢慢帶有微微的芒果味最後是伯爵茶結尾飲到4分2份量可再選擇攪拌後用飲管飲用真心推介！而且芝士奶蓋的熱愛者更絕對要一試！

已經第二次回頭了，先是與男友，因天氣太熱而決定買飲料解渴，我們看見別人拿著一大杯的飲料所吸引，原來是這間粉粉粉飲品店。我們叫了桃桃四季春，我們加了$5升級大杯裝的，雖然有點昂貴，但結果沒有讓我們失望，真的一大杯，而且滿滿桃肉，男友更說是以為在吃水果，而不是喝東西！我們因為太口渴，一喝已經喝了一大杯，而在路途上亦有不少人看著我們的飲料，實在太大太吸睛了，哈哈但我們越喝越甜，喝完仍是口渴，是有點過甜了。而第二次又是經過荃灣口渴了，我帶友人來，她選了椰子奶蓋系列的玫瑰荔枝茶，而我亦是選回桃桃四季春，但這一次我聰明了，少甜，怕甜死我嘗了友人的椰子奶蓋，真的一大陣椰子味，原來除了芝士奶蓋，椰子奶蓋亦是十分搭配的！味道也不錯而我的桃桃與原本的也是一樣

Recently, many famous brands appeared in Lo Tak Court, like 東喜_ , 良辰_ _ etc. But before this fierce competition, Cup Of ... was already selling Hong Konger’s favourite milk cap.I ordered a green tea topped with cheese milk cal and durian. At first, I thought the durian was added into the milk cap but it wasn’t. You could see the floating durian on top of the milk cap.I love the cheesy milk cap very much, it’s thick and smooth with a hint of cheese. Mixing it with the durian, it’s wonderful !

依家市面上愈黎愈多果茶飲品店 今次無意中搵到既依間 係一間好少女心既飲品店 粉紅色貨櫃既設計 都係一個外表吸引既影相位依間野12點鐘開門 但係可能未準備好 所以今次黎既時候接近1230都仲未開哂閘 所以未能睇到全貌 不過都係睇到網上介紹既設計 門口有個menu 同時都有今期特別推介飲品 今期介紹既係蜜瓜飲品Menu上面既野飲名都好有趣好吸引人，例如「你今日飲左未」、「青瓜戀上觀音兵」等。不過如果加埋英文譯名或者用咩材料整會更好 始終會俾到客人睇埋知道用咩整 唔洗因為唔知咩黎就猶豫試唔試。 依間飲品店其實主打賣既係水果茶 不過今次點既係岩鹽芝士奶蓋珍珠奶茶 一向幾中意珍珠既我 見到其他人寫既食評 就決定試試 點既係M size 係正常size 從外表睇已經睇到好厚既奶蓋 上面係沈左啲芝士粉 一飲落去 味道有啲太甜 面既芝士奶蓋溝埋一齊 飲左幾啖已經好「漏」好飽 珍珠都好彈牙 好多唔會好膠值得黎試下同影下相

好耐冇嚟荃灣掃街😍一落天橋就見到呢間飲品店，依家天氣咁熱梗係買番杯嚟飲下啦😙#岩鹽芝士忌廉芒果伯爵茶($35)😋好味指數：(7.5/10)拎上手都幾大杯😚雖然唔係我飲過最濃芝士味嘅芝士奶蓋， 不過呢間嘅奶蓋都唔差😋飲落去都幾濃厚，奶蓋唔會化晒落啲茶到😍仲有啲鹽係上面鹹鹹地咁😚芒果同伯爵茶味都幾平衡，開個蓋仔奶蓋加芒果伯爵茶一齊飲就最正🤤

之前岩岩新開果陣幫襯過一次，今日帶完兔兔去見獸醫，咁岩經過就心郁郁想再試下🤨上次試左佢啲百爵茶幾好飲，所以今次就揀返啲common既奶茶，點知伏左🤷🏻‍♀️嗚嗚。。。- 珍椰奶茶呢杯奶茶有珍珠同椰果椰果同珍珠都正常，唔會話好腍，都係可以咬下既👍🏻😜 本身諗住一杯正常甜度一杯少甜，點知正常甜度一飲真係十萬個粗口🤷🏻‍♀️🤷🏻‍♀️🤷🏻‍♀️ 甜得誇張，連我妹妹平時飲開貢X/天X茗X唔駛少甜，都覺得呢杯野好甜🤭🤭🤭- 珍鑽奶茶（少甜）果個晶鑽好得意，好好咬口😍 不過啲奶茶係超級超級甜（已經少甜左）🤦🏻‍♀️🤦🏻‍♀️🤦🏻‍♀️ 我諗佢半糖先等於人地既正常甜度🤷🏻‍♀️ 如果唔怕甜既朋友仔，可以一試🤣總括黎講今次唔係咁滿意，下次都係試返茶葉果啲朋友，唔再飲佢啲奶茶了😣😣😣 唔知係咪今日果個員工落重手左呢🧐