Cupping Room Coffee Roasters (海洋中心)

營業中

休息中

如果行開海港城可以去cupping room飲杯咖啡，食件garlic bun!今次叫左外賣，店員好細心咁幫手加熱，加熱完啲蒜香好濃郁，入面有蒜混埋芝士一齊，好滑好香，加埋個包軟硬適中，配埋咖啡一齊過一個好舒服嘅下午🥰另外佢地巴斯克蛋糕都好好食，芝士夠香，入口即化，一人一小啖就好夠😋😋

進入餐廳後因詢問落單方法而遭店員大聲及粗魯反問，最終也沒有提出解決方法，及店員經常在店中大聲叫號，招呼跟比當街叫賣更差，詢問沒有得到正確答案更被怒目對待，非繁忙時間也如此，被問可否幫忙落單，被呼喝指要自己出門口買。

係海港城行到攰攰地，見到有間環境幾靚嘅海景cafe，就打算坐低食少少野飲啖啡～先試鹹食 Chicken & Avocado Sandwich ($88) 麵包烘得脆身，雞肉同牛油果配搭好健康😄 再試多個甜食，Grape Danish ($38) 外表好吸引，提子又圓又甜，酥皮酥脆鬆化👍🏻.咖啡就要左 Cappuccino ($40) 同 House Black ($38) 味道正常唔算太特別～總括黎講價錢偏貴～不過地段問題都理解嘅🤫

約姊妹出尖沙咀食早餐，我要求打卡多過食嘢🤭🤭，呢間之前都想去好耐，可能下午去，要排隊就冇等，今次約早餐，所以好多位😆😆。叫咗一杯Mocha 、一杯Cranberry Chocolate (見張相有拉花，點知嚟到兩回事，仲要味道一般😑😑😑）叫咗兩款丹麥酥，都好食。

採光好夠，座位都幾舒服，所以有好多人打卡，但都有人坐低傾下計飲下咖啡，原來都幾好飲喎！嘢食都唔錯，但pastry比較一般。*Chicken & avocado $88布里歐麵包夾Smoke & barrels 雞胸、牛油果蓉、高達芝士，再夾住煎到金黃色。麵包牛油味非常香，牛油果蓉有啲果粒感，雞肉比例比較少，仲有啲啲拉絲芝士，可惜包邊烘比較乾硬。Matcha latte (Hot) Regular $45有啲驚喜喎！抹茶茶味幾濃，我叫咗小甜，都有啲甜味，而且奶泡細膩，可以一戰。

長期排隊coffe shop今次終於入到，因為上網一早拎定飛打卡確實一流，對住海景嘅窗口位，晏就同夜晚影都好靚，建議6:00黎，咁就可以影齊2個景色1️⃣Dirty層次分明，飲落好香，咖啡味道適中，不會偏酸或苦💰HKD$402️⃣Matcha Latte仲可以加忌廉😍味道好飲💰HKD$45佢仲有好多款麵包，蛋糕，小食

呢杯matcha latte 53蚊，五啖飲晒。唔係講笑呀，d冰大夠到，重點係已經講左小小冰得啦，仲要俾咁多塊冰，每塊咁大！真係痴左線，賺錢唔該有返d良心啦！無良商家，搞錯呀！超級離譜，非常失望。cuppingroom本身好精緻高質，但係都唔好咁離譜啦，唔係話俾唔起53蚊，但係53蚊就唔該俾返53蚊嘅份量啦 唔好咁過份啦！仲要d cream多過抹茶拿鐵，真係好唔抵。我明白你係高級貴價店，貴過小店，但係都唔係咁誇張啦大佬！你要俾返適當嘅份量人。

依家喺海港城 裝修好靚嘅海景Cafe🤭🤭 唔止睇得 嘢食嘢飲又食得我哋行街行到攰 搵個地方坐低飲杯嘢食少少嘢 就揀咗呢間我哋叫咗焙茶鮮奶 伯爵茶，蒜蓉忌廉芝士包🤭呢個包真係超級邪惡 但真係好味😋

可能是咖啡獲獎很多的餐廳 但員工態度不好 取票在門口等位， 但咁啱有講緊電話來唔切應佢， 跳左一張飛己經唔比入！ 我講完電話問員工，唔小心miss 左一張， 佢叫我係門口等話執緊枱會安排， 等左幾分鐘另一個員工就嚟同我講不切補位🤡可見其實佢地安排坐位其實係無standard? 叫我不如重新拎飛再等。 講緊之前我已經企係門口等左二十分鐘🤡 話過左一張都唔會補位。 真心不會再光顧。

August 2022每次嚟呢一度都需要等位，今次好好彩唔駛等好耐就可以入去食，仲要坐到一個望海嘅位置添，裝修有啲似喺郵輪嘅感覺，可能係店內嘅窗口設計，而嘢食同咖啡方面我就覺得同其他Cafe一樣大同小異，如果純粹行到攰坐低飲杯嘢係一個唔錯嘅選擇，有海景之餘，仲可以望住個海 relax 下。

個個都話呢間Cafe一定要來今日就過嚟朝聖都唔算太多人可能因為早上同埋平日Tiramisu呢個Tiramisu好香滑咖啡既味好香濃 甜度唔會太濃亦唔會太淡只可惜份量比較細蘑菇批都係出邊食到嘅味道 個批嘅表面都幾脆 幾好食同埋都夠熱服務不過我覺得服務態度就差啲好少執枱 同埋見到安排排隊都有啲差有啲時間會好混亂

去完海港城行街，仲唸梗去邊道可以食個輕盈少少既晚餐咁岩行過紅極一時，之前要大排長龍既網紅打卡咖啡店，竟然今日唔駛排隊又差唔多到日落時間，當然唔會錯過呢個打卡拍照既大好機會除左影到日落靚景，仲有幸影到少少曙暮暉，可以開心慢活一刻食品方面:Iced Matcha latte : 抹茶拿鐵牛奶味重，口感香滑，奶味香濃3" Apple Basque Chessecake : 巴斯克蛋糕香濃綿密，加入蘋果粒，口厚Cinnamon & Walnut Danish : 丹麥圈加入核桃粒、肉桂粉，香脆有口感帶肉桂味

麵包係好好味嘅，尤其是蒜蓉芝士包，真係好好味，令人食完想再食，肉桂捲都幾好味，不過如果肉桂味再重D就好啦，牛角包就爭DD，因為唔夠脆，整體嘅味道係高分嘅，不過有位著黑色衫嘅收銀員，無名牌嘅女仔服務態度差到一個點，黑口黑面似爭佢錢，問佢少少嘢又唔耐煩，如果係好多人排隊買嘢食，服務員急躁我可以接受，問題係當時有大概4-5個staff都好得閒，企係收銀水吧傾計，亦都無其他客人排隊買嘢食，點解態度可以差到咁呢？雖然我係買外賣，都唔希望受到咁樣嘅待遇。 簡直係俾錢買氣受，希望下次唔會再遇到呢個女仔，一個成年人出得黎做嘢，就要為自己嘅行為負責任，佢咁樣嘅態度實在係令人不敢恭維

這間咖啡店可謂紅極一時，平時經過要大排長龍，見今日人少少，就過嚟飲杯咖啡。開等了10分鐘左右就安排入座，但是應招呼好求其，沒有帶位亦沒有只是坐哪裏，於是乎揀了近海的枱坐低。沒有指示怎樣下單，要問他才叫我到門口買。我叫了杯凍咖啡，咖啡味不濃郁但香滑，對於沒有飲開咖啡的人算不錯。價錢算中等40 蚊一杯咖啡，當然望住維港這個景一定係賣點，環境都幾舒適，亦不會趕你走，可以悠閒地渡過一個下午。不會趕你走的同時，同時亦不要期望有什麼服務可言，所有嘢都是自助的。

尖沙咀海港城人氣滿滿的可以望海咖啡店！這夾包配搭濃濃醬汁、吞拿魚及蔬菜，入口新鮮、有口感及味道鹹鹹的，挺好吃！拿鐵咖啡，奶味挺濃及香香的，入口挺滑溜，值得一試！