Curry Corner (已結業)

I don’t come to Sham Shui Po often, and I had a curry craving.I noticed there were a few curry places in the area and I decided to go with Curry Corner as I always enjoyed finding good value eats around the Dragon Centre Food court.For $48, I got a Butter Chicken set with both Biriyani rice and paratha (Indian style flakey bread almost like an Indian croissant) and it came with a side of green veg and a soup. I’m very particular about my curries and their sauce was very well balanced- not overly

一心諗住嚟食我最鍾意嘅butter chicken, 點知中咗大伏叫咗嘢食後二十五分鐘都未有得攞，本身已經唔係幾開心。點知攞到之後開始食，成碟butter chicken都係骨碎，就算啲雞都全部啖啖好多骨碎我唔係話要啖啖肉先滿意，但點解連肉都得咁少呢。。。不過利申，個汁ok，印度薄餅ok，個湯都ok。只不過係啲雞真下下咬落去得骨無乜肉。。。成餐都食到好小心同精神緊張

黎到西九想試下印度菜，food court剛好有一間印度菜餐廳，叫了個羊肉Briyani(可以說是印度香飯/印度咖啡炒飯)，味道很不錯，50蚊睇落唔算平不過份量充足，飯十分香，辣度剛剛好，羊肉也極淋，不過食的時候要小心碎骨。Ordered lamb briyani and the taste was so good, the rice and spice mix perfectly and the lamb is so tender, but please be careful for the little bone left in the rice.

意外地高質嘅西九龍中心印度小店喺西九龍中心意外地發現咗一間真係印度人老闆嘅印度小店即刻試下！點菜店員識得小小中文，都足夠溝通。點咗個最鍾意嘅Butter Masala Chicken，成個套餐都只係48蚊，仲可以包埋薄餅同飯，認真抵食雖然等嘅時間比較長，但真係望住佢哋兩個人即整，男嘅整薄餅，女嘅煮咖哩，即叫即整，好評！出到嚟充滿驚喜，我敢講拍得住重慶大廈嘅質素Butter Chicken甜得嚟又有小小蕃茄味，香滑可口，用嚟送飯同薄餅都一流！薄餅已經事先剪好咗一塊塊，入口麵粉味濃，十分好味！飯都係印度嘅長條飯，有啲似米粉剪碎咗，同平時食開嘅泰國米或者珍珠米好唔同，個人都係十分鍾意！除此之外，仲有小小菜同一個類似中湯嘅湯，都幾好味但Butter Chicken、薄餅同個飯都令我印象深刻又抵食又好味，值得過嚟呢度一試！

同朋友喺北河街體育館行過去西九龍中心food court搵野食，上到去好多人、亦有好多餐廳揀。最吸引到卵地係呢間印度餐廳，老實講，餐牌上面好多樣餸都好似好好食咁! 因為想識啲平時少食嘅野食，最後揀咗Curry Corner嘅南印度餡餅($45)，等咗5-10分鐘就有得食，啲份量有啲嚇人。第一下咬落個餡餅到就知幾足料，餡餅上面加咗層蛋，所以食落去更加滋味，同埋碟野附送醬汁、有薄荷醬嘅菜同湯，令味道唔會太膩。真係好抵食啊!下次再嚟會想試吓素食set，希望水準都係咁好。

今日又去深水埗行街街，去到西九龍中心首先上去嗰個類似冒險樂園嘅東西完遊戲之後就落一層去呢個美食廣場食晏仔喇。呢個美食廣場真係應有盡有，你諗得到嘅菜式呢度都一應俱全。行咗一圈之後決定食呢間印度菜，唯一一間嘅印度菜，佢名叫curry corner。點左一個double happiness 套餐。雞、牛，羊肉任揀一款再培蔬菜咖哩。

我係喺長沙灣附近做完義工之後，就要搵嘢食for 晚餐啊。大家都想去咗西九龍中心到搵食喎，貪嗰邊有好多選擇。埋位之後就去咗curry corner 到睇下有咩好食，之前都有幫襯過，覺得質素都唔錯，想試吓其他嘢。今次揀咗個係出邊難啲食到嘅，特色南度餡餅(healthy murtabak set) 配咖哩雞。$45有齊咁多野真係好抵。間小店係印度人打理，感覺上間野都幾正宗，即叫即整等左10分鐘左右，餡餅食落去好足料，配咖哩食真係冇得頂！本身以為會好乾但係原來食落去都唔會攪到我係咁飲水。最下次真係可以試吓佢其他嘅curry set

同男朋友來親深水埗, 10次有9.5次都會來西九龍中心Food court食野!方便嘛 價$平, 又多選擇!而我地每次來親, 都一定會叫1個咖喱羊肉配薄餅來食!其實我第1次食, 係多年前喺apm food  court食的！而男友就係多年前係朗豪坊food court食過。但２間都冇左了...然後,同男朋友1齊之後, 發現西九龍中心Food court有呢間!  那當然要吃呀!咖喱羊肉配薄餅呢個餐, 可以揀雞羊或牛, 但識食一定係揀羊! 咖哩羊真心正店員同整薄餅嘅師傅都係印度人!薄餅都係師傅手拉出來的!薄餅點d咖哩汁食, 真係好好味!咖哩蔬菜同雜豆味道都好好!所以我地每次都必食

印度人開的餐廳,你可以看到店內全都是印度人,我想他們應該是一家人吧,而他們都很友善,特別是收銀姐姐我叫了一個名叫"雙喜臨門"的餐,很有趣的名字吧,很明顯是抄襲中式餐廳的,從這點可以看出他們很努力融合我們香港呢。雙喜臨門(53$) 有雞肉牛肉羊肉,素菜,配印度餅,所以其實不應該叫雙喜臨門,因為有4樣東西,所以我看到這個名字時頓然開朗。最有趣的是他們跟餐配送即棄筷子,印度餐廳配即棄筷子這件事情真的有點滑稽,哈哈,確實是很體貼,有人可能會問為什麼我點的咖哩沒有飯?其實印度人習慣用餅來配餸菜吃的,所以大家不要把餅和餸菜分開吃,這樣你會吃不到真正的印度風味。味道方面:雞肉和牛肉做得跟一舨茶餐廳差不多,而羊肉做得不錯,易入口,不韌,重點是他們的咖哩跟7-11,茶餐廳的咖哩味完全不同,7-11,茶餐廳用的都是罐頭咖哩,但他們的咖哩是用真正的香料造出來的,因此咖哩的香味更重更濃,如果你想吃真正的咖哩,我建議大家來這裡一試 整體味道不錯價錢方面:我認為是十分實惠的,用4,5十多元就可以吃到真正的咖哩,份量也充足,良心店

西九龍中心個food court 之前食過一次.. 已經覺得好平.. 今日同屋企人再黎食.. 可以買多幾間..試多幾間.. 其中一間就揀左呢個正宗印度咖喱..餐牌中有素食有肉食..始終第一次試所以揀左masala chicken 既set..穩陣d..另外見samosa $20有兩件都好平所以都點左..samosa係勁大件!!!!!!!我諗可以一開四都唔覺得細舊!!仲要係好味..不過因為係炸定左所以唔熱..講返masala chicken..估唔到係有飯仲有薄餅..可能切合返唔同人既需要..飯本身有味..個汁唔辣亦唔咸..雞份量都唔少架..沙律就冇試喇..至於薄餅..唔知點解係爛開哂..唔係完整一塊..不過係好食既..

Curry Corner 由印籍人士經營，咖哩羊肉飯商務餐只是 $48，包括清湯、咖哩羊肉飯、paratha 薄餅、沙律菜。咖哩汁的蕃茄味好濃，比一般咖哩清新（該不會是遷就港人口味掛？）。不過飯、paratha 薄餅同咖哩都唔算太熱，比較失色。特別係薄餅如果做到熱辣辣的效果應該會好味好多，感覺唔夠熱就有點油膩了。可惜可惜。羊肉係帶骨頭的，份量都算好多，以這個價錢來說是超值。發覺西九龍 food court 多咗日本人特登去覓食，有手持旅遊書 / 本地日本人。最緊要唔好入圍米X蓮啊～～～～

同朋友去西九龍中心覓食，行哂成個food court後就決定要食個印度咖哩。小店由印度人打理，有唔少港人幫襯。喺半開放式廚房入面，見到師父喺入面轉薄餅同煎薄餅，人手即叫即整。菜式選擇唔多，原本想叫murtabak set, 有幾塊有餡薄餅之餘仲有雞肉/羊肉揀，但佢冇貨。唯有揀其他，見人地叫商務套餐好似好吸引，所以就叫咗個羊肉curry set ($48)，佢有咖哩羊肉、印度白飯、一塊paratha 薄餅、少少沙律菜同有個清湯。雖然滿足到小妹想食印度咖哩同想食羊嘅胃口，但整體而言白飯偏硬同唔熱，而薄餅都因為凍咗所以覺得唔太好食，不過佢都幾軟身同有油香。咖哩方面，因為小妹一向重口味所以覺得佢個咖哩汁幾好味，不過香料味濃未必人人都啱。羊肉林身但冇乜羊肉味。最後食完飲埋個蘿蔔清湯可以清清重口味，湯入面有蘿蔔粒同薑絲，薑味濃郁。以$48食到印度羊肉咖喱嚟講算係唔錯。

黎到西九FOOD COURT,每次黎都必定會黎呢間印度菜既今次叫個 "瑪沙拉奄列三文治"都只係30蚊呢間最好既係所有野都係即做可以睇住師父點樣整個三文治就係薄餅加煎蛋包住撈左印度式香料同生菜絲,蘿蔔絲等等個酥皮好軟熟唔會硬左,可以一試~~印度香料好香口,有時口味真係估佢唔到咁好食~~

係西九龍真係十分多野食，根本簡唔到，印度菜甚少食，一於試下。羊肉夠林幾好食，但個汁真係唔係人人岩，好奇怪亦唔好味，但重點一提個拉薄餅真係好好食，即叫即整，食得出手工味道，未食過就一定要試下👍🏻👍🏻

又一個吾知食咩既下午，上到黎西九，揀左又揀，最後決定食下新口味。個餐叫漁獲至寶，不過其實係雞肉黎既。啲雞係雞脾肉，好滑，不過未算好入味。但薄餅就好香，好好味，本人喜歡。另外附送一碗清湯，食完飲返碗清清口氣。