Da dolce X Domon (已結業)

第一次同bf去呢間日本野幾好食 因為食下午茶既關係,只係叫左個牛油拉麵同炸薯餅share食牛油拉麵好正!湯底好香!!食完d麵之後都好想飲哂d湯!哈哈炸薯餅都唔錯炸得好脆好香 雖然不過冇牛油拉麵咁特別,但都好味 下次會再黎

看完電影，隨意逛逛朗豪坊，順便覓食。看見這間拉麵店，雖然對這裏的拉麵興趣不大，但竟然被雪糕吸了進去。看看餐牌，又看看客人的大大碗拉麵，於是叫了一個有飯有麵的套餐兩人食。叉燒拉麵＋鰻魚飯：拉麵非常非常普通，很認真去試那個麵條，完全唔覺有何特別，而且慶幸不用自己吃掉這一大碗；鰻魚飯就奇特了，飯像給BB吃的糊仔，非常難吃。至於叉燒和鰻魚質素一般。終於主角來了，選了超濃黑朱古力，香滑濃郁，總算有點安慰。

帶住期待的心情來試試這間屢受蔡瀾點名力讚的拉麵店， 店外還擺放着蔡san 推介的鮑魚拉麵廣告牌，期望很高， 誰知失望而回。點了蟹脚拉麵和帆立貝拉麵， 先來客煎餃子試試功夫， 餃子不算油膩但肉質不夠鮮嫩， 落筆打三更。 主菜隨後而來， 蟹脚和帆立貝尚算不錯但拉麵最重要的湯底鮮濃味均欠奉， 比起連鎖店味千拉麵店還要遜色。侍應服務不錯但用膳期間不停有「蚊芝」盤旋， 這點亦影響了我們欣賞食物的心情。

呢幾日放假日日出街食野呢間domon都比到幾深刻印象我~ 係mk,見唔係好洗等位就去左試啦早排聽friend講話蔡生係tv介紹過 係香港最正宗的拉麵店so都幾有興趣~ 我自己就叫左個算係招牌菜既牛油拉麵~雖然唔係話好特別但個湯底好香,d拉麵好滑好in un之後再黎個小食炸餃子~呢個真係好好食!d皮薄得黎又好脆!!蔡生果然冇介紹錯

係電視睇蔡生介紹過呢間野~唔知到原來mk都有個日行開街,個fd話有間日本野唔錯就聽佢話去試去到先知就係tv介紹個間@@ 裝修都唔差~如果d台大張番少少就更好.野食方面都不俗叫左個牛油拉麵,煎餃子同炸薯餅拉麵唔錯,湯底幾香口餃子同薯餅好好味!餃子個皮好薄好正薯餅好香口

蔡瀾多番介紹嘅 Domon 札幌拉麵 ,一直都想去試,今曰去朗豪坊時,發現地庫有一間Da dolce X Domon 的餐廳,其中一邊就是札幌拉麵,於是决定在此吃下午茶今天共叫了(1)煎餃子 - 蔡瀾冇推介錯, 餃子皮夠薄, 饀料唔會太實又有肉汁 (2)帶子义燒豬軟骨拉麵 - 價值HKD78,似乎貴了一點,因只得一隻帶子,一片簿义燒及一小件豬軟骨,味道OK啦!可能期望過高,所有啲失望

早前聽fd介紹過話朗豪有間拉麵店連住雪糕店~覺得幾覺癮 就決定去試~ 同fd琴日特登去左試因為驚太飽食唔到雪糕所以淨係叫左個牛油拉麵姐fd就叫左個叉燒豬骨湯拉麵 牛油拉麵都幾特別,幾滑,湯底幾香我fd話佢個個叉燒豬骨湯拉麵d叉燒好好味~個湯都好濃好好味~ 食完之後就食左雪糕正XDDDDDD

昨日係朗豪坊買左飛睇戲, 未開場前, 先醫醫肚.睇水牌發現有呢間食店,不過都找左好耐先找到.位置真係唔太好, 去到 B2, 要穿過間超級市場先到.唔係專登找都找唔到. 地方唔算大, 不過又有雪糕又有拉麵.Anyway,醫肚為主, 我同女友一人點左一碗拉麵再加 D 小食咁.先上既係我點既牛油拉麵,嗯... 顧名思義, 即係拉麵加入牛油上麵既時候, 牛油都未溶晒.據說牛油拉麵有保暖作用,唔知係咪心理作用,的確冇咁凍.至於我女友既辛辣拉麵我女友話好食,不過我唔食辣既,所以不便評論.至於小食, 個蝦餃子真係好得.賣相本身已經特別,口感亦唔錯.味道當然讚啦.埋單每人百鬆 D,唔算好平, 不過都叫物有所值.By the way.食完個麵, 覺得有 D 口渴

諗住去朗豪地底食雪糕,估唔到而家撈埋拉麵o黎做,咪順手試埋囉同條友夾份叫左個招牌牛油拉麵,鬼叫女仔怕肥咩上枱o個o下出晒煙咁,大熱天時食都幾惡頂,好在叫定雪糕不過又真係幾香幾滑,最估唔到芽菜好鬼彈牙,唔知點整o既呢雪糕真係幾正,一冷一熱好鬼死刺激一齊叫竟然冇平,小家左o的喎不過整體都唔錯o既,又唔駛等位,下次可以再去

一早聽fd講過話朗豪坊有間日本野連埋雪糕店,今日lunch經過就去試下喇同fd 2個去食,唔記得左佢食左咩..-_-我就叫左牛油拉面~因為之前聽過呢度幾出名雖然唔係話特別好味~但食落都唔錯幾滑幾香口!總括黎講都真係唔錯btw,食完之後因為太飽就冇食到雪糕XDDDD留番下次!

行街行列肚餓，諗住搵d嘢食下。見到朗豪坊B2好似有個「小food court」，原來係Domon。唔止，仲有Da dolce。為咗貪食完麵可以食埋甜品，所以即管試下。叫咗個牛油拉麵。嚟到嚿牛油仲好大嚿，可以睇住佢融喺d湯喥。食拉麵，我會第一時間試佢d湯，睇下佢有無落味精。飲咗一啖，好濃、夠味.....但唔似係味精。再食d麵，都幾好咬口。要講嘅，你佢份量好足，一碗已經好飽。之後，要食埋Da dolce做甜品，豐富晒！

對上個星期日 同女友出左旺角行街 女友提意食拉面 諗丫諗 味千~唔啦.之後記得 朗豪坊有間 domon 咁就帶佢黎食啦 鋪仔細細 我地叫左個2人餐 2個面 加3個小食女友點左牛油拉面 我就點左蟹肉拉面 3個小食就係 煎餃 薯餅 金姑肥牛卷 另外再點左個雞軟骨小食都上得ok快 係個肥牛卷慢左d 拉面到左佢先黎煎餃 皮夠薄 薯餅 真係要講句 薯不簡單肥牛卷加埋 伴碟 檸檬汁 又幾ok wwww雞軟骨 行貨講返拉面 囡囡個牛油拉比我試左幾啖 好滑 好香~我個蟹拉 啖啖蟹肉 但係味道對於我黎講 比較濃整體ok有安哥既可能 值得推介

昨日同女友BB行完街，突然間話想食拉麵，一時之間，醒起Langham place地庫好似有間Domon。開頭仲驚，係同名舖，但唔係同一間。問咗服務生小姐，知道同荃灣間係同一集團，就好放心咁入去。雖然好細間，不過都OK乾淨。女友BB例牌食佢至愛牛油拉麵；我就清清哋，义燒拉麵。拉麵嚟到，好熱之餘仲好香。睇住嚿牛油慢慢溶喺d麵喥，女友BB超開心，佢話咁樣好幸福喎。食咗一啖，到我覺得好幸福。原因係，d麵好爽，完全唔係d「一pat pat」、「林」晒嗰d。仲有d义燒，肉味好濃，配麵食真係perfect。成餐飯，我真係覺得頗有驚喜。睇嚟，下次拍拖又多個開飯點了。

早前聽人講話朗豪地庫開左間拉麵,雪糕cross over心諗咁搞笑? 咁都開始cross 埋一齊?前日同女友係旺角行街,突然諗起不如去試一試,原來係Domon叫左兩個牛油拉麵,味道都ok同其他Domon 差不多感覺上好似比味千好食d之後再試埋雪糕,不過不失,可能我對雪糕無咩興趣整體上黎講都ok既...又唔係好貴係坐係電樓梯下面有少少怪lor

每次同女友去旺角行街都會煩食乜? 又迫又多人,女人又唔想排隊 , 枱又無得訂 ~ so ~ 尋晚係朗豪坊行街時找到了 ....枱同枱有足夠的空間 , 唔嘈 , very good ! 尋晚同女友去左呢間餐廳食拉麵. 我叫左個牛油拉麵。湯底係鹽，女友就叫左個螃蟹拉麵，湯底係面鼓湯。牛油拉麵，唔錯。湯混左牛油既香味，一流。碗麵既份量好夠，落料亦都足, 但牛油香到死之餘, D麵質仲好靚, 雖然明知會肥, 但係都要食, 入口就好香牛油味, 反而有D搶左湯底D味, 令湯底為之失色!螃蟹拉麵 , 哈哈。所謂螃蟹原來只係4 條蟹腳 , 但總算鮮甜美味交到貨最好味既係薯餅，好甜同充滿日本蕃薯既香味食完之後，覺得味千同別府既唔好食，哈哈，一定會再encore.