Deer Coffee

營業中

休息中

趁重陽假期嚟到西貢放鬆吓，經過市場街比呢間露營風木質色調嘅Cafe吸引到。當時舖頭都比較full，店員好貼心留低我哋電話叫我哋行陣再返嚟。等咗一陣都好快有位。舖頭有室內同戶外嘅座位，戶外座位好開揚，呢個天氣坐出邊都好舒服。仲可以見到好多狗仔經過而呢間餐廳都係pet friendly，見到隔籬枱都有帶狗仔。放假最適合食all day breakfast，咩都可以試啲，沙律配上酸酸甜甜嘅汁，非常開胃。薯餅酥酥脆脆，仲想讚吓個蛋好有蛋香而且好滑。配埋中間嘅生果，味蕾十分滿足。黑松露意粉非常香，仲有好多我最鍾意食嘅菇。食每啖意粉都有黑松露同奶油香味，意粉軟硬適中，亦唔會好油膩。飲品叫咗Hojicha Tea Latte同埋Passion Fruit Soda。Hojicha Tea Latte甜度適中，好香，同埋拉花好靚Passion fruit soda 味道酸酸甜甜好清新，打卡一流喺呢間餐廳嘅體驗非常好，店員個個都好親切友善。食物質素亦都好好，環境令人感到非常放鬆，食飽仲坐低慢慢唞吓，享受吓呢個假期。有機會都想再嚟試埋其他嘢食

舖頭用左大量木系傢具配搭綠色植物，西貢vibe!一入到黎就好有放假既舒適感。最signature當然係大大小小既鹿仔裝飾，仲感受到店主好鍾意同歡迎小動物，刻意留左一大幅牆貼上毛孩們既相片早上黎到叫左兩個brunchSignature All Day Breakfast一碟有齊煙三文魚、炒蘑菇、煙肉、太陽蛋、茄汁豆、鮮果、新鮮沙律菜、牛角包&炸薯餅，欣賞所有熟食都係熱住咁上碟，又有新鮮生果，並非罐頭貨。處理生果咁麻煩，依個唔係好多café咁有心做到，甜甜酸酸既生果balance返咸點，係好好既點綴Egg Benedict配煙三文魚& Parma Ham好多地方食Egg Benedict一係配煙三文魚，一係配Parma Ham，依度一款就有齊！難度係煙三文魚同Parma Ham都係自帶咸味既食材，點樣可以食落唔膩？巧妙之處係控制Hollandaise Sauce既厚度！配埋微煙韌既sour dough toast口感豐富又滿足以上兩個Brunch可以以優惠價(+$2X)加配飲品Hot Latte & Hot Mocha推介Mocha! 飲完之後特登問老闆係咪自家調配朱古力底，一飲就知唔係就

今日假期，心情非常好，熱辣辣嘅晏晝決定入西貢吸收吓陽光，行到去魚類批發市場發現對面有間Café，門面舖咗一層綠色嘅人造草皮，感覺風格幾休閒好岩HolidayMood，就決定入去嘆個冷氣順便食lunch。小店以木質休閒風顏色搭配, 特色椅桌和擺設, 讓客人感受簡約風情。其中一面牆仲貼滿咗好多毛孩嘅相，一問之下原來係寵物Friendly嘅Café！店內雖然面積唔算大，但可以讓客人有舒服嘅環境享用美食。食物款式貴精不貴多，餐牌前後介紹清楚，沒有圖文並茂，但備有英文版本，照顧本地和外國人不同的需要。🔳泰式香辣肉碎金不換煎蛋飯濃郁嘅泰式香辣肉碎鋪滿喺圓形蓋飯上，配上金不換煎蛋，辣味刺激得嚟但唔過份，肉碎嘅鮮嫩質感同煎蛋蛋黃豐富嘅口感相得益彰。每一口都有辣椒嘅香氣和肉香的融合，小小辣多多趣，推薦！🔳白汁蟹肉意粉白汁的質地柔滑Creamy帶有微妙嘅奶香味，搭配蟹肉嘅鮮甜同意粉嘅Al Dente！最喜歡係個意粉嘅囗感。🔳抹茶拿鐵 & 拿鐵咖啡濃郁嘅抹茶味道帶有少少苦澀香氣，同拿鐵嘅香濃奶泡融合得非常好，口感柔順！拿鐵咖啡就啱啲純粹簡潔口味嘅人～ 簡簡單單嘅奶泡同濃濃咖啡嘅經典配搭無得輸！🔳是日蛋糕 -

端午節，又帶豬女出去威啦！我哋嚟到依間露營風嘅Cafe，食物唔錯！我哋點咗：蜜汁雞沙律沙律新鮮爽脆，有2個配汁，一個係日式麻醬，一個係酸汁，好開胃。雞扒燒得好香，上面既皮燒香帶著濃郁密汁既味道，用左帶微辣既香草醃製，又甜又惹味，肉質又嫩。泰式香辣像碎金不換煎蛋飯依度既signature dish, 真係不能錯過！金不換既獨有香味，加上辣椒、紫洋蔥、蒜片同肉沫炒埋一齊，一口清新既金不換香、夾著微辣、蒜香等，令人食不停口。再加上旁邊個隻燶邊太陽蛋，液體狀既蛋黃撈飯又滑又香🥚凍抹茶拿鐵少冰外觀非常脆綠清新， 抹茶味超重，岩晒抹茶控， 加上牛奶好滑。冷泡咖啡以和式透明sake 酒樽和杯承載既係冷泡咖啡，視覺上已感到冰涼。雖然係冷泡，但無損咖啡既方向純郁。已烘焙咖啡味濃郁，入口甘香細滑。朱古力蛋糕層次分明，朱古力cream rich到近乎朱古力醬既深度。蛋糕又似混入大量既朱古力咁，但入口又溶為一體，朱古力打孖黎，好好好朱古力呀！

西貢Chill一Chill 🐶🍧 Pet-friedly cafe🐶放假有時會帶狗狗出去玩下如果去開西貢 一定要試下Deer Coffee 🩷寵物雖然要坐出面 但有露營車車同有大風機吹住 唔會好熱💨仲有一定既空間比狗狗活動 🥰今次我地同🐶🐶玩完去食Tea set。🥗煙三文魚鮮果沙律 份量係大既 , 煙三文魚卷埋分番開都唔少咖生果有火龍沐,橙,提子 都算多種類🍇🍊🍎食呢個係好清爽好Fresh😋🥐🍦牛角包窩夫雪糕牛角包窩夫係酥皮外層夠鬆脆牛油味好香 配上雲呢拿雪糕甜品控必定滿足🫶🏻🫶🏻小店飲品同食物造型上都有心機加上店面木系既裝修除左味覺視覺都滿足大家打靚卡加上店員對寵物都好友善啊🩷我去西貢都會帶狗狗再去食🫶🏻🐶

大推呢間cafe 無野挑剔 野食高質 寵物友善 舒服好坐 服務細心 香煎帶子明太子意粉 明太子忌廉汁好香濃 impressed個人覺得都係必試item 蜜汁雞扒沙律雞扒又大又厚 蜜糖汁雞扒超juicy 塊皮都好香脆惹味 平時唔食皮嘅我都忍唔住口沙沙律好新鮮 配芝麻醬/柚子醋都好開胃Carrot cake 高質 個cream cheese frosting 做得好好想再encore 份量唔細又打卡able Lemon tart 走香甜唔係偏酸路線嘅lemon tart Rose latte 好重rose味 味道啱啱好 唔會過甜Iced long black 唔錯無投訴嘅啡服務勁好 好細心 感覺到店員都好鍾意動物☺️

同朋友去西貢想搵個地方坐吓，路過呢間chillax cafe。環境peaceful 舒服又乾淨，點咗mocha 同lemon tea，夠熱好飲。店員姐姐好友善又有禮貌，連門外經過嘅哥基狗狗都忍唔住入去攞treats！下次去西貢會試埋食物，highly recommend!

.冬季旅行之西貢遊教育徑 出發前就係Deer Coffee食lunch 正正常常的打卡cafe 雞翼幾惹味！ Cafe門面好揚眼 室外座位係露營⛺️setting 坐低食就貪得意 但係食嘢就唔舒服🤣 · ┈┈┈┈┈┈ · ꕥ · ┈┈┈┈┈┈ · ✿ 明太子雞翼 $78 ✿ 黑松露野菌忌廉意粉 $88 ✿ 泰式香辣肉碎金不換煎蛋飯$88 ✿ Expresso Tonic $49 ✿ Shalerato $49 ✿ Cappuccino $45

🔺 Deer Coffee (西貢)呢間係好歡迎帶埋寵物黎既cafe, 裝修好靚好舒服，好多打卡位，好配合西貢呢個地方咁寫意～🔻白汁蟹肉意粉蟹肉份量好多，白汁岩岩好掛麵，唔會太乾，調味都岩岩好。🔻經典芝士漢堡份量超大，塊漢堡肉超厚超多汁，份面仲有番茄，生菜，芝士，包都經烘過，熱辣辣好香口。🔻跟餐加阻個切件蛋糕朱古力伯爵茶慕絲蛋糕蛋糕幼滑香醇，唔會太甜，飯後甜品寧舍滿足。🔻凍焦糖咖啡上枱勁吸引，面頭有焦糖脆脆，咖啡香滑。🔻凍朱古力面頭cream 好滑好甜，朱古力味岩岩好唔會好甜，同埋好濃。📍 Deer Coffee西貢市場街25號地舖

給自己輕鬆﹑減壓時候去西貢走一轉, 看看碼頭艇仔售賣的海鮮﹑行下海濱長廊﹑聽海浪﹑睇人爬獨木舟後, 再去食個Lunch(其實已經係Tea Time).感覺這間餐廳好舒適, 去到剛好唔駛搵位, 我地就好自然選擇了室外靈營枱.少少太陽曬, 有太陽擋既, 不會太熱.(當日天氣不太曬,有風, 會有少昆蟲在飛, 因為食物味道吸引而來, 戶外就是這樣). 間中有不少人放狗經過,喜歡看狗的, 或有帶寵物坐戶外也很合適.大致上, 食物質素蠻好, 款式不算少.( 相片中有D食物我無試過,所以不評論. )店員有禮, 我地食晒野, HEA坐左一陣, 都無趕我地.. 可能係平日啦.. 不過我地都唔好意思坐咁耐, 就離座喇.  

Deer Coffee (西貢)📍G/F, 25 See Cheung Street, Sai Kung放假同屋企人去西貢chill下，見到呢間cafe靚靚地同寵物friendly🐶🐱，就入去試下啦！店員好nice，入面有幾pairs（前衛）老人家，見佢地有講有笑，係一間好有人情味的小店🥰☺️🤍牛油果炒蛋多士 $62Hot Americano $5屋企人揀左個牛油果炒蛋多士做早餐，🥑牛油果好靚好新鮮，炒蛋又非常滑，配返個Americano，真係一個good morning！🤍蜜汁雞扒反蛋多士 $80Hot Rose Latte $23我自己比較大食，就叫左個蜜汁雞扒早餐。雞扒煎得好香口，加埋蜜汁甜甜地好開胃。蛋可揀炒蛋、太陽蛋同反蛋，我想食半生熟所以揀咗反蛋，夾埋多士食，好滿足☺️另外早餐可半價叫野飲，我就叫左杯熱的Rose Latte😋淡淡的玫瑰香唔會搶走咖啡味，推薦！🤍白汁蟹肉意粉 $88Apply Juice $14由於環境好舒服，我地坐下傾下偈又到lunchtime了🤭見有少少餓，再試埋佢個意粉，蟹肉好足料🦀，白汁香濃，唔錯唔錯。午餐我地都半價叫左杯apple juice，refr

西貢都真係一個市區內比較慢活嘅地方，放假要比自己靜一靜飲杯啡放鬆一下就搵到呢間Cafe。坐落幾舒服，有戶外有室內，唔會太局促。牛油果蟹肉鼻哥包 $90呢到個Bagel望落表面比較係堅固，食落外包面好脆都幾鬆軟。牛肉果係攪碎再加上d黑胡椒輕輕調味過，加上蟹肉都幾多食落都幾鮮味。成個Bagel都好食，同埋唔會覺得愈食愈乾。白汁煙三文魚意粉 $92煙三文魚都多片唔會話太少，意粉個口感都煮得岩岩好有彈牙唔會太淋身，白汁個味適中唔會太過膩。Chocolate Cake +$28Chocolate Muffin $38另外點左兩個甜品食，兩款都係朱古力甜品。Muffin有兩件食落暖身有溫度，外脆面食落夠鬆身有少少濕度唔會太乾。至於朱古力蛋糕都幾大件，朱古力醬同蛋糕都幾香濃嘅朱古力味，唔會太過甜而且都偏係黑朱古力嘅味道，所以食落好濃味。Hot Latte +$23最後飲杯啡比自己享受一下慢活嘅下午，難得放假真係值得比自己抖一抖

最近天氣大好！週末來到西貢行山 （在此非常私心推薦東壩破邊洲的初級行山路線 風景美哭(;ﾞ°´ω°´)發現西貢超多打卡able的靚靚cafe! 隨機揀了一間cafe 也是值得一試的(｀・ω・´)b✂︎⚪︎All Day Breakfast $118⚪︎Egg Benedict • Smoked Salmon & Parma Ham $98⚪︎ Mentaiko Chicken Wings $78

今日遠離繁囂去到出名愜意既西貢效遊就無啦 食野就有我份 (≧∀≦)ゞ⍥ 蜜汁雞扒飯雞扒同手掌差唔多大 燒得焦香可口甜甜地既蜜汁 有種感覺似BBQ緊沾埋香草醬 中式變西式更添惹味餸飯無難度 (ゝ∀･)b⍥ 芝士火腿牛角包牛角包微暖 烘過所以脆脆地 (๑´ڡ`๑)夾上鹹香芝士火腿 呢個組合無得輸⍥ 白咖啡(๑• . •๑) 熱肥威既拉花夠靚仔唔會太酸 朋友表表示易入口⍥ 綜合水果茶由新鮮水果橙 提子 火龍果浸泡微甜 水果味超突出 (๑¯∀¯๑)熱壺盛上 飲完成身暖晒 健康選擇

行山前諗住打爆油缸，但懶得做research 又唔係好熟呢區，所以平時都係食開茶餐廳、飲茶或者有大財團做backup 的貴貴coffe shop, 今次誤打誤撞見到呢間有幾檯客食緊，心諗應該唔會差得去邊，就膽粗粗入去試下，估唔到有驚喜！😜 服務好、環境舒適整潔、坐得舒服係其次，食物新鮮炮製，睇得出係用心製作，分量亦比預期的多😋，用半價加左杯mocha，都好好飲啊！ 👍🤗下次再去西貢行山唔洗煩惱諗食咩喇！