Délifrance (大有廣場)

營業中

休息中

今日行開灣仔，經過大有商場，諗起「李大有」，所以入去逛逛。剛好午膳時間，就入左去 Delifance 食。肉醬寬條麵：因為即焗，所以落 Order 後要等十五分鐘。店員會送到客人的座位，尚算方便。味道即如肉醬意粉，但寬條麵俾到我特別的口感。雞肉長通粉：整體味道可以，磨菇沒有草青味，雞肉不硬可入口，通粉汁夠濃有味。奶茶：太甜太多奶， 溝好後成杯都係白色。檬水：我都未督，一黎已經有好多核。2人餐百六蚊可以接受。係呢，有冇人知邊個係「李大有」？

今日嚟咗呢度食早餐，環境唔錯，服務態度幾好啊早餐冇乜好選擇，食物賣相就一般，腸得半條，麵包得半條，雞肉切碎不是一件上🙈，雞蛋流汁，味道就尚算OK啦，不過食品不太熱！

好耐冇幫襯過Delifrance, 品質方面改善咗不少。午餐三文治類包餐湯和飲品。牛油果素菜三文治麵包可自選法飽或牛角麵包。我當然選擇我喜愛的牛角麵包喇！餡料頗多，有蕃茄，青瓜，雞蛋，還有主角的牛油果，可惜牛油果還末全熟透，少了份口感。粟米忌廉湯粒粒粟米幾有嚼口，濃稠綿滑。咖啡品質不錯，飲後有回甘味。品質有改善但店員方面要有待進步，只顧閒聊，我份餐放了約五分鐘都冇示意我去取，一問之下，竟然唖口無言，今時今日咁嘅工作態度唔得囉！

Delifrance 成日食，不過最主要都係食包類，今日難得試下他的all day Breakfast有三文魚，蛋，腸，茄豆，薯餅，火腿，沙律菜，食物都很豐富，材料都ok，不過薯餅不夠脆，蛋味道不夠，整體質素正常，但未能留下深刻印象，下次都係會選包類雙併法包:經典包類就吸引很多了，食左咁多年質素都好穩定，吞拿魚很濃郁，汁和魚肉的比例剛剛好，賣相都相當不錯，加些芝士粉更惹味菜湯：湯幾足料，可以食到好多菜，令今餐健康點小食及其他飲品：表現正正常常啦

大有商場的食肆不算多，Delifrance 是大有唯一的西餐。今天買了$15的白汁碎蛋白吉包。吃了一件才想起要拍照，其實份量是有這張相的２倍。碎蛋的份量的平日正價的差不多，味道正常。可是包不太脆。總括而言，這都是不錯的輕食。

是晚和舊同事天使約左撐枱腳，我地去左灣仔大有間Délifrance食dinner，我地選擇買２人套餐沙律＆餐飲唔記得乜野雞肉意大利飯，但麻麻地好食煙三文魚paste，普普通通跟餐甜品，個蝴蝶酥好食左，之前係中環食過一次，勁硬，今次好鬆脆天使加錢轉心太軟，不過不失啦

見完客精力耗盡, 都係食番少少野補充體力, 響附近隨便入左Delifrance, 睇睇餐牌都好多選擇, 唔想食得太heavy, 所以要左個"All day breakfast"$89. 配料都唔少, 蘑菇炒香左, 菇味更加出. 粟米有淡淡牛油香味, 食落唔會太生, 腍度剛好.蕃茄, 三文魚都幾新鮮. 滑蛋幾滑, 又夠蛋味, 而且份量幾多. 煙肉煎到脆卜卜, 幾香口, 腸仔唔會太咸. 最正係個牛角包, 外表夠酥, 夠熱又鬆軟.另餐送咖啡, 好香好濃咖啡味, 仲幾滑, 唔差得過其他賣幾十蚊杯既餐廳, 祗不過無拉花罷了.

I have never visited Delifrance at all before till now. This delifrance has lots of selections on the menu but the price is not cheap at all.This Delifrance is quite big with lots of tables and seating. Long big displayed counter and staff is cheerful. I ordered Mushroom soup and a bacon and cheese sandwich for my lunch. The size of the sandwich is quite acceptable for me. the soup is a bit too small. This place is large but not many people at all, wonder why????I could see other customers is ju

今日Annual leave, 幾個朋友都訓到王朝八晏,趁著下午茶時間黎左Delifrance好鐘意食佢地既火雞火腿芝士,烘過既包熱辣辣,半溶芝士有少少流心,火雞肉又唔會肥,好岩女仔口味~呢度朱古力好大杯(加大),雖然真係幾甜,但都算幾Creamy,不過男仔就可能會覺得太甜LU~焗薯勁正, 芝士多得黎唔會太漏,少少焦既邊加埋半流心既芝士真係好好食,咖啡都好香咖啡豆味,唔算係煎得有點焦既味道,但夠滑夠濃不過D卷卷就甜左少少了,連我甜品魔都覺得佢好甜呢...

今天終於用了$18作$30的現金卷，買了一個原價$32的法式沙律包餐，有三件迷你沙律法包及餐飲。由於我不吃肉，因此我特地吩咐店員全部換成蛋沙拉。店員將切好的三件法包烘熱，吃下去微溫及微脆，口感一流。但奈何上面的蛋沙拉、沙律菜及蕃茄都是冰凍的，又熱又凍，不一致，不甚喜歡，雖然整體味道可以。用$20吃到這個餐，還算值得。正價就不太值了。

兩個人下午茶兩份餐大家share食我地久不久都來呢度噗下午茶呢間主要是法國餐廳所以好多三文治都係用法國麵包今日的三文治有蛋沙律，吞拿魚及一般的撻另外一份是蛋治拼腸仔食物都很精致，飲品亦保持香濃滑不過嚟呢度主要有得慢慢坐享受一下一個悠閒下午茶打發一些無聊時間就真

大熱天時，在香港想找一個可以坐下休息的地方並不容易。人氣精品咖啡店通常要排很久，去M記又似乎沒有新意。今日在銅鑼灣吃過日本菜，之後慢慢散步到灣仔一帶嚐了個新式甜品，因為實在太飽和太累，所以到附近的大有商場走了一圈，結果發現了這家Delifrance。因為客人很少，而且還有舒服的梳化卡位，真是有如沙漠中找到綠洲，很感動。現時喝罐裝汽水，總覺得沒有以前好喝，喝幾口裡面的氣體就已經全部跑掉。今次發現店方用的不是普通小小一台的汽水機，而是用類似花灑喉直接注入的裝置，出來的汽水，非常有氣，喝到接近杯底仍然夠氣，非常解喝。我們只點了一杯百事可樂，邊喝邊聽着《中國好聲音》，就這樣過了一段寧靜愉悅的時光。

今日乃長洲之友Y在公司的最後一日，明日起，她將正式退下火線，過著悠哉遊哉的退休生活。雖則一把年紀，但Y頗為新潮且外向，節目已安排得一籮籮，不愁寂寞。連散水餅，她也捨美心東海堂等老餅店於不顧，揀了較IN的Delifrance，買了數款撻和酥皮包回來。作為忘年深交，小妹有優先權，第一個揀餅。甫見到粒粒分明，圓潤飽滿的藍莓撻，不禁大愛，一手奪過來據為己有。然後，才施然然替其派餅。藍莓撻由新鮮甜美多汁的藍莓、香滑細緻而不太甜膩的吉士醬，以及香脆且牛油極香的曲奇撻皮組合而作。一口咬下，三種質感，三重享受，無與倫比的美味也。最難得的是，藍莓粒粒硬身且鮮甜萬分，咬口十足，果味於口腔中爆發。喜歡鹹點的小師弟J要了一個腸仔牛角酥包，牛角酥焗得金黃且脹脹的，賣相不錯。然而，露出兩邊的腸仔皮烤至萎縮，看似乾硬硬的，不甚討好。不過，基於我們一早的協議，大家要分甘同味。因此，小妹也分了少許來吃。牛角酥咬下油膩膩的，外皮微脆內裏煙韌，質感尚算鬆軟。腸仔烤至外皮乾脆，幸內裏仍濕潤，嚼勁十足，稍嫌偏鹹了少許而矣。

今晚想食得light 少少，又醒起之前買左團購現金券，用$15買$30,都幾吸引~ 點咗新出嘅熱 Choco Hazelnut Latte （大) $38, 補$8 , 好香chocolate ,但仲飲到有 hazelnut ，少少過甜，總算好飲! 再點咗 turkey and cheese sandwich with wholemeal bread , 烘過脆脆哋，cheese 同turkey 冇咩特別，菜就少咗啲，整體okay ~ $41 , 補$11 , 8點半到，少人又靜，坐咗幾耐舒舒服服

話說之前買左團購,,15蚊買30蚊,即係一個餐可以平30蚊咁我就叫左個凱撒沙律拼烤雞,比一個月前加了$5,即係$60-$5=$45我都覺得一沙律咁樣都貴貴地,但係算啦,我都好中意呢樣食物我叫左外賣,有湯,我揀左龍蝦湯先講個沙律,我食過數間餐廳的凱撒都唔係白色O個隻沙律醬,因為我唔中意白色O個隻我先食凱撒,結果呢到係白色O個隻醬,真係好唔明點會係咁,不過D菜都算新鮮,但係D,面包粒唔脆,又硬骨骨,唔好咬,雞肉仲離譜,D肉係實既,冇烤的感覺,亦冇乜雞味.,反而個龍蝦湯最好,有兩隻蝦完全唔抵,去M記食沙律好過食佢,佢呢D質素,屋企整都好食過佢,諗左陣比喊臉定比OK好,,但係諗返個價錢,決定比喊臉比佢