DINELAND

營業中

休息中

一直都好想試呢間餐廳因為屯門黎黎去去都係得啲大集團想搵間小店都真係幾難今日終於有機會過嚟試啦😍😍😍成個裝修好有feel 仲有室外嘅位置仲可以帶寵物添🩷黑糖麵包好軟熟 我覺得仲好食過outback嗰黑糖麵包🤤前菜好新鮮 個沙律汁酸酸地好開胃🩷餐湯係熱辣辣㗎好滑好香好好飲😍蜂蜜牛油雞翼件件都大大隻，啖啖肉好Juicy👍🏻南瓜帶子意大利飯呢個真係非常之驚艷好香濃嘅南瓜味感覺好南瓜湯嚟煮咁搭埋菇菌帶子，真係非常之惹味🩷🩷西班牙伊比利亞黑毛豬肉眼扒配青蘋果燒汁一上枱我仲諗緊係唔係Overcook但係切開好有驚喜入口唔乾之餘，仲有豬肉汁配埋佢個青蘋果燒汁真係冇得頂連配菜薯仔都煎到好香口💯兩杯餐飲就正正常常👍🏻整體嚟講呢間餐廳真係唔錯價錢唔貴之餘，而且味道好食睇嚟屯門終於有間好食嘅西餐啦😍😍😍

位於屯門區環境不錯的一間餐廳，地方不算太大，但裝修環境開陽舒適，係一個朋友聚會嘅好地方。平日晚上又不同既晚餐， 晚餐菜式齊全，包括有沙律， 餐湯， 餐包， 主菜， 飲品。沙律感覺新鮮， 開胃，係不錯既頭盤。 接住係餐包同餐湯， 餐湯今次係粟米湯，粟米味夠，濃度適中。最驚喜嘅係個餐包， 不同一般既餐包，黎既時候仲係熱， 外脆內軟， 好好食！ 主菜我地叫左一個香煎智利鱈魚， 份量都足夠， 魚皮煎得好脆， 魚食落一d 都唔會有魚腥味， 唔錯👍🏻另外一個主菜叫左即刨黑松露忌廉汁意大利雲吞， 菜如其名，上面真係有即刨既黑松露， 仲唔少添， 貨真價實， 意大利雲吞都唔係出面急凍嗰啲， 呢個雲吞大大粒一粒， 入面放滿滿既菌類， 成碟充滿左濃郁而清新嘅香味，鍾意食菌類既朋友一定唔可以錯過😊總括而言，成餐飯嘅感覺唔錯，員工衣着整齊，配合裝修，整體感覺舒服relax，食物都好有質素，可以一試！

生日飯book 左黎呢間餐廳食，已經提前打電話request 甜品想插生日牌，送上黎漏左搞到我好失望，開聲同侍應講我remark 左生日，你地冇幫我插到生日牌，侍應冇講sorry，冇表達歉意，對客人態度冷漠本來見到有差評都唔信有伏，但呢間餐廳係真係值得一個中肯既差評，冇比錯佢既🤕實話實說呢食物質素一般，冇話好好食，龍蝦果個意粉唔平，但唔好食的，呢個價錢成日激嬲客既話就唔好搏了，係會有更好既選擇！🥶返工得閒會黎食的，食完今餐。。我想叫啲同事唔再幫襯了🫠open rice 差評堅料黎，絕對冇死錯人，生日飯真係咪揀呢度啦！

今日晚上6:45 order 一份意大利雲吞，一份煎鱈魚，耐心等到7:15仲未上餐，追問一位waitress:「唔該，有2份餐未到。」waitress重複我嘅說話一次：「有2份餐未到？」重複完就行開咗，無講話會跟進。其他俾我遲嚟嘅，客人都已經上咗餐，差不多食完。直至7:30, 有另一位waitress話個餐準備緊。我已經等左好耐，諗住等到7:35個餐仲未黎就叫埋單走人，因為要趕住返工。7:35分個餐仲到，咁我點就請一位waiter幫手埋單，我同waiter講啲食物冇嚟過，佢竟然覺得奇怪。最後啲嘢食7:37先到。其實你漏咗單咪講囉，完全一句都冇交低，職員態度不知所謂。呢間嘢食物唔差，但服務態度真心垃圾。

朋友提起最近這間西式小店很受歡迎 午餐性價比高 可惜平日午餐未能到來 所以今天再度二訪食晚餐最後點了2個晚市套餐 已經包了前菜 湯 主菜及餐飲 今天的前菜是salami配沙律 而湯是粟米湯 值得一提是這裏的粟米湯應該是自己用新鮮粟米打成的 飲落還有粟米碎增加口感 而個人最愛其實是這裏的黑糖包 上枱時有先焗熱 暖暖的包焗到外邊少少脆但內軟熟 黑糖味剛好 讚👍🏻🥩 烤美國牛柳伴香煎鵝肝 牛柳雖然沒有註明oz 但很厚身 份量很足夠 煎香的鵝肝放在上面 旁邊有薯仔蘆筍等配菜 發現牛柳配埋鵝肝一口吃會很夾🍝 經典芝士肉醬千層麵千層麵比想像中大盤 上面滿佈蕃茄醬及很重要的芝士!! 好飽但最後都忍唔住+$30點了心太軟 最期待當然是切開流心的一刻 配了一球雲尼拿雪糕 為晚餐劃上完美句號

今日去屯門食西餐🥗🍕，餐廳裝修有格調，好有外國風情，加上落地大玻璃，幾chill🤭 可惜室內full哂，被安排坐室外，高溫焗桑拿咁，都幾影響心情🥵✨ 蟹肉南瓜意大利飯配北海道帶子 $238 👍🏻👍🏻👍🏻蟹肉加上滿滿嘅南瓜汁，配上香煎北海道帶子 ，好食😋✨ 經典芝士肉醬千層麵 $188👍🏻👍🏻👍🏻份量啱啱好，千層麵本身唔會太厚，每一層都有濃郁嘅肉醬，加埋面頭焗到啱啱好嘅芝士🧀 一絕😋😋✨ 心太軟配雪糕 $30 👍🏻👍🏻👍🏻朱古力味不會死甜，朱古力外面帶有微微脆，配上雪糕食🍨 剛剛好，為呢個咁熱嘅天氣降降溫🥵👍🏻👍🏻👍🏻👍🏻（最推薦）- 👎🏻（可以唔使試）

難得朋友過咗嚟屋企附近食飯，我就帶咗佢喺附近一間好靚，性價比又好高嘅餐廳食！佢似森林咁樣嘅裝修，坐落去又舒服，所以都好鍾意去呢度食😚我哋叫咗兩個dinner set。蟹肉南瓜意大利飯配北海道帶子呢個飯非常之creamy，雖然我冇話特別好鍾意食南瓜，食起上黎唔會話只得南瓜嘅味道，反而係同蟹肉好夾嘅醬汁。而佢嘅帶子都好大隻，仲要煎到好香口，加埋成件事一齊食都好滿足！西班牙黑毛豬肉眼扒配青蘋果汁佢依塊嘅豬肉眼扒非常之厚肉，咬落去好嫩滑同埋好多肉汁，再加埋個蘋果汁真係非常之夾！另外佢半碟係我最鍾意嘅薯角、同埋煎香咗嘅蔬菜，所以整件事都覺得好豐富！😋佢套餐係會有餐湯同埋黑糖餐包，我覺得真係要食佢哋嘅黑糖餐包！因為真係非常之好食🤤另外跟餐都有嘢飲，所以性價比真係好高，好滿足😍

今日又好鬼熱所以真係要食啲消暑啲嘅嘢做午餐, 見呢間餐廳有生蠔🦪就入去食個lunch先, 叫咗二份lunch set -+2隻生蠔&二份甜品🐽西班牙豬鞍扒配蜜糖芥末籽醬🦀蟹肉南瓜意大利飯生蠔🦪（太平洋）有餐湯🍲小麵包🥖同埋兩杯🍹嘢飲甜品❤️🍫朱古力心太軟🍯焦糖燉蛋午餐食相當豐富食完好有滿足感😁😁😁出面都可以坐戶外但係今日太熱留返下一次😄👍🏻地點都好方便就去到輕鐵站都係2分鐘😙

今次再訪呢間西餐廳，食物質素都一樣滿意！➰經典芝士肉醬千層麵 （晚市套餐$188）鋪滿芝士和肉醬嘅千層麵，食落滿滿嘅芝士和啖啖肉醬，千層麵唔會太冧。➰即刨黑松露忌廉汁意大利雲吞 （晚市套餐 $198）大大粒嘅意大利雲吞鋪滿即刨黑松露。每塊意大利雲吞都浸滿忌廉汁和配以大片嘅黑松露➰黑糖餐包、餐湯、沙律兩個晚市套餐都包埋黑糖餐包、南瓜餐湯同火腿沙律。➰法式焦糖燉蛋 （跟餐加$30）跟餐甜品揀咗法式焦糖燉蛋，焦糖燒到焦香，適合作為飯後甜品🍮。➰朱古力咖啡☕️ （set dinner 加$15)朱古力咖啡會有少少苦，但咖啡味好出。➰熱朱古力 （跟餐免費）呢杯熱朱古力仲有心心拉花，真係好有心思。

#chuchu食在屯門📍 Dineland最近收早又可以係屯門發掘啲新餐廳！今日就去左呢間應該得附近居民先知嘅高質西餐！真•隱世！佢有落地大玻璃，採光好好，入面森林系咁，好relax ! 💡喺田景輕鐵站行幾分鐘，就係盈豐商場附近！—————————————————————❣️ 法式龍蝦汁帶子意大利飯 $1283粒大大粒帶子，帶子煎得好香口，意大利飯超入味，龍蝦汁超濃！.❣️ 香煎西班牙豬鞍扒配蜜糖芥末籽汁 $148超大塊，又厚！起碼有2cm厚！煎得好香，中間仲有微微粉嫩嘅顏色，入面切開仲好juicy，一啲都唔會嚡！個蜜糖芥末籽sauce真係超加分！酸酸甜甜，好惹味！側邊啲薯角都好好味！.❣️ 芝士奶蓋水蜜桃四季春 +$22芝士奶蓋本身口感好厚，唔會太甜，有芝士味！四季春茶底有茶香，加埋水蜜桃漿都唔會好甜！.❣️ 水蜜桃梳打 +$20爽！熱辣辣有冰凍梳打飲！一樣唔死甜！.💬 大讚個黑糖包，黑糖餐包熱上，超鬆軟！嗰日湯係雜菜湯，蕃茄味濃，好足料，酸酸甜甜！————————————————————— 不專業評分👅好味指數: 7.5/10 💰性價比: 7.5/10👍🏻推薦: 7.5/10 ——————

屯門建生本身都多食肆, 多左新樓就更多。係寶怡花園隔離就有間隱藏版既西餐廳。入到去都幾多人,6:30就差唔多full house,.晚餐有Set Dinner, 有頭盤, 湯, 餐包, 主菜同飲品。頭盤係八爪魚沙律, 八爪魚都有4隻大的, 配埋新鮮既沙律菜同黑醋汁。湯係羅宋湯, 蕃茄味濃, 裡面有好多材料,但唔會煮到爛哂, 都食到每一樣食材。.餐包係黑糖包, 跟埋cream , 個黑糖包焗熱左上黎係好食的, 因為好似岩岩出爐既麵包。經典芝士肉醬千層麵 $188份量都唔細, 每一層都有滿滿既肉醬, 配合面頭焗到岩岩好既芝士, 好食。千層麵本身唔會太厚。.西班牙比利亞黑毛豬肉眼扒配青蘋果燒汁 $298呢塊肉眼扒好厚, 切開粉紅色, 肉質嫩滑, 無over-cooked,青蘋果燒汁都好出色, 微酸甜。.呢度既份量都算多, 我地兩個女仔真係食唔哂。.芝士奶蓋四季春+Mango $22芝士奶蓋四季春+草莓 $22我朋友話佢飲過表示出色, 同出面賣既廢水有得揮, 所以跟佢一人叫左一杯, 跟餐加番$22。芝士奶蓋本身口感豐厚, 唔會太甜, 四季春茶底有茶香, 唔會澀, 加左水果令成杯飲品更加清新,

同Lisboy影完學生相就來到呢度食個靚晚餐😋估唔到呢間隱世西餐廳平日都好多人要BOOK位，等到8:15pm好彩有最後一張檯俾我地🥰等待期間，店員服務仲好好，俾咗個Tray我哋放袋😋🍽️ 脆皮德國咸豬手配酸椰菜（蜜糖黑椒汁）好掛住脆卜卜豬手🍖見到呢間餐廳好多人都叫呢個脆卜卜豬手就即Order呢款主菜，上檯好大份3個人都食唔晒，切好晒俾大家分享，最特別係啲豬皮脆得來唔會太硬脆叫唔開，仲有大量肉汁添，有啲肉連皮再加肉汁，Lisboy都嘗試兩塊😋正！🍽️ 意式水牛芝士薄餅依家Lisboy已學識Pizza🍕呢個字，帶佢出街食Pizza就好開心！今次叫咗個水牛芝士薄餅，即叫即整手工pizza😋夠晒鬆脆！芝士味濃！🍽️ 意式肉醬寬帶麵Pasta都係Lisboy最愛嘅詞語，每次出街食Pasta，我地都會用熱水滾一滾先俾佢食，佢每次都食得好滋味😋事實呢個肉醬寬帶麵番茄醬濃，仲有量肉碎，好味道🤤差啲唔記得講Lisboy食個黑糖包食到停唔到口，仲自己靜雞雞點啲牛油🧈食😋

本人今日同家人 食午餐5人、埋單都千一二蚊、食物質素一本、但服務實在真係太差、尤其、其中一位少女侍應、其態度如同救濟你一般、按飲管落枱兩、三次、叫佢話聽唔到其態度如同爭佢錢一般、

屯門以糅合園林及現代風格的西餐廳，更設有室外座位，氣氛相當悠閒。🍞黑糖包包+南瓜湯包包超軟熟 好食之餘 仲有淡淡黑糖味 🦞龍蝦汁大通粉是一種以龍蝦汁為基底的通心粉菜餚使用了龍蝦汁作為調料,這款通心粉的整體口感非常柔滑細膩,充滿濃郁的海鮮風味,通心粉仍有適當的彈牙感,在咀嚼時不會過於軟爛,而是能給人以適中的咬勁。龍蝦尾肉質細緻而富有彈性,給人以極致的鮮嫩感受🧄蒜片白酒煮活蜆蒜蓉獨有的味道配上白酒，最後與大大隻既蜆的鮮味互相混和，絕對稱得上是無懈可擊的組合，仲係冇沙😝😝🥂Château Coulonge Bordeaux Moelleux 2020 france 【歐盟及法國有機認證— 法國出品有機白酒】甜度中等 帶菠蘿和西柚的香氣係一種迷人的味道 配搭海鮮係非常夾😙🥭🧀試咗芝士奶蓋芒芒四季春茶芝士奶蓋濃厚 勁足料芒果底沙冰啖啖芒果肉 估唔到連飲品都係誠意之作💛📌 Dineland地址: 屯門良德街3號豐連地下1號舖餐廳OpenRice連結:https://s.openrice.com/QrbS0dly500~uYaABBA

一嚟坐出邊好熱 得一部風機吹出嚟係熱風 又多蚊 張枱仲要有雀屎 啲杯又污糟 要自己洗乾淨先飲到 嗌咗四樣嘢 嗌咗兩杯嘢飲都等咗15分鐘都未有 仲要個場冇乜人 職員服務態度一般 性價比超級低 唔會再嚟 喺屯門食呢個價錢 真係一啲都唔值 最後$600埋單