Domon 居酒屋 (淘大商場3期) (已結業)

上次食完晚餐送咗一張20$優惠卷 梗係要係限期前用咗佢🥢黑蒜油豚軟骨拉麵🍜$65有兩大舊豬軟骨 熬煮得好淋 入口即溶嘅口感 再配合完美嘅溏心蛋簡直不得了🥢另追加三件唐揚雞 $18炸得鬆脆 內裡嘅雞肉香滑 三件完全唔夠分啊🥢芝士咖喱豬軟骨定食上次食完覺得好好食 今次推介比媽媽 平時對食挑剔嘅佢都話好食 大滿足😋

之前食過佢係中環既拉麵店，但係佢無左呢間分店之後就無再食過domon 既拉麵啦。咁岩星期五放假，過左黎九龍灣淘大睇戲，行過見到Domon 個店名覺得好驚喜，原來佢地有開居酒屋。出面係用gulu 攞位，8點左右攞位，等左15分鐘就入得去。入到去覺得好似去左日本，d裝修好日本居酒屋。佢有兩個餐牌，一個係主餐牌，主要係小食、沙律、串燒、餸菜（好多都可以加$20就可以轉套餐），另一個係「本店限定」定食餐牌。我地叫左咖喱吉列豬定食、牛肋骨定食、沾麵、蜜桃味清酒。兩個定食都係用熱窩上，兩個都好好味。牛肋骨湯底似關東煮湯底，清清地幾好味。我對佢既沾麵好失望，同平時食開既好唔同，沾麵既汁好似平食拉麵個湯底，好稀。大家黎都係食返正常拉麵好啦。

成日覺得呢間嘢好貴下 但原來佢地都有定食 仲要好飽肚果隻🚩明太子雞翼去曬骨 啖啖肉 中間有啲類似芝士嘅醬汁👍 🚩牛肉鐵板燒定食好多配菜 睇落都好開胃 牛肉好淋 唔會韌得濟咬唔到🚩芝士豬軟骨定食呢個係期間限定 唔係日日都有 一來到就即刻撈勻佢 好快你就會見到啲芝士拉絲🤩 豬軟骨好入味煮得啱啱好 最後因為啲飯太多搞到食唔曬每一份定食都配有味增湯同牛蒡前菜 牛篣脆片就食得多 咁樣食都係第一次 脆口甜甜地 啱曬開胃🥢總結係一間味道唔錯之餘又價錢合理嘅日式餐廳🍴

收工番到屋企附近，發現呢間居酒屋有拉麵食，又唔洗等位，所以就入左去lu餐牌其實都多選擇，串燒，拉麵，定食，壽司，小食，飲料。樣樣麵有sd但我地就叫左兩個拉麵同一個卷物。惠方卷其實入面就冇包飯既，蝦係新解熱辣辣炸起，所以好開心😃，夾住黃瓜青瓜同蟹柳，食多兩件都唔怕膩包住既蟹子會食到卜卜脆聲咁之後就到辣牛肉麵，個湯好濃，都幾辣，但牛肉嫩滑然後就到呢間公司起家既牛油拉麵，一如已往既好味，麵又彈牙，配料又多但改良左既係佢已經冇之前咁死咸，幾好食

黎到DOMON居酒屋食LUNCH, 餐廳裝修日式, 播著日語歌曲, 冷氣十分足夠, 仲覺得好凍, 我和朋友點了 : 1)     鹽燒鯖魚定食 $582)     秋葵炒黑豚肉丼 $70鹽燒鯖魚定食鯖魚燒得香口, 唔會好燶, 加上醬汁, 沾上少少已經好入味秋葵炒黑豚肉丼秋葵切得薄片, 略覺得少, 豚肉份量就足夠, 洋蔥炒得夠淋身, 所以十分甜, 整個丼真的一個人已KO晒服務皆不錯, 由於室溫太凍, 茶一早已凍了, 所以要不停添茶。如果職員能再主動會更好。

第二次同男朋友嚟食飯，感覺唔錯既一間餐廳。極上鰻魚定食（$98）超大條鰻魚係假上面，非常足料個汁亦都好味另外仲叫咗個鐵阪燒芝士牛柳粒飯定食（$78)，唔記得影相。同pepper lunch 啲鐵阪飯好似，味道普通，可以唔洗特登試。蘋果醋酒（$38），少少地都夠兩個人share，味道偏甜，啱女仔～

今日係九龍灣放工, 於是同同事係附近搵食, 行到淘大同事提議食居酒屋。由於我地食飯時間尚早, 所以唔洗等位, 餐廳內好寛敞同好多位職員安排一個比較靜嘅位置比我地方便傾計職員遞上餐牌時, 因為食物選擇比較小, 進入餐廳前我見到門口的激安限定餐牌, 我便問職員有沒有門口的餐牌, 她答我沒有, 如有需要請到門口看或者影底到我舉手示意埋單時, 個職員見到我舉手, 但唔知咩原因扮見唔到行開做其野, 我再叫多次埋單佢先肯行過黎我同同事每人叫左一個定食及一款小食炸雞軟骨, 份量好多而且炸得好脆, 好香口汁燒魷魚筒定食魷魚筒好食, 味道岩岩好鰻魚定食偏咸, 一定要撈飯食

昨晚跟男朋友去了九龍灣晚飯，行完一輪都係選擇日本餐廳。- 出面個拎籌機壞左... 要入去叫waiter...- 明明不是全近門口, 一開門d風係咁逼入來, 覺得好凍, 餐廳室內設計有d問題- 職員一句說話令我印象深刻, "拎起上面個碗!" (命令我?!!?)- 鰻魚大條抵食- 串燒麻麻, 不夠熱, 也不脆

試過晚餐感覺不錯，再來吃早餐。點了蕃茄雞絲拉麵。蕃茄唔見有，雞絲有數條，最重要的湯底，是水的味道。。。中伏了。讚的是厚多士，夠熱，希望店舖留意湯底的味道，很重要！人手也不夠，或者是早餐時段吧。

去年6月中開幕,終於有機會試到好多人介紹佢既招牌菜式有海老惠方卷,醬油川海老醬燒豚肉飯,火山石清酒煮蜆等仲有串燒,小吃以家庭料理,小吃類為主,好多海鮮款式仲可以配酒飲清酒店蜆,用日本國士無雙酒放入石鍋,煮3-4分鐘食得帶淡淡既酒味,唔會搶過海鮮既味道味道甜鮮原隻燒北寄貝（$48）一樣用上日本清酒煮加入牛油,貝肉厚身爽甜,鮮味好食自創海老芝士脆脆 包成三角型炸香,咬開香脆,送酒一流醬油川海老河蝦炸脆,加入醬油調味,開胃小菜一流串燒有秋葵,雞肉棒抹少許鹽已經相當好味炸蝦卷,有青瓜,甜蛋,蟹肉,紫菜夠脆身醬燒豚丼  份量十足!

去睇戲前諗住食啲嘢先咁就去咗附近睇就咁望份Menu都幾吸引尤其係啲定食入到去坐低嗌嘢食見唔係好肚餓我同朋友就叫咗個拉麵食上菜速度好快但佢碗麵同Menu上面嘅有啲出入辛味噌叉燒拉麵面嘅質感一般叉燒好薄 仲要好軟粒蛋仲要係唔係糖心辛味係0一啲都唔辣囉個湯完全係辣油溝出嚟㗎個湯淡到死黑蒜油豚油軟骨拉麵面嘅質感都係一般豬軟骨幾好食 好入味 但油脂分布太多啦一咬落去嘅質感成口油令到碗麵好油膩湯底係完全冇黑蒜油味睇落係有黑蒜油但係個湯係冇呢個味囉個拉麵完全唔掂檔

星期六下晝放工，九龍灣一帶搵食，四圍都係人，揾食真係唔易。去咗淘大中心位置， 有幾間日式嘅餐廳都有好抵下午茶，星期六日都唔會暫停，今次揀咗Domon，拉麵同飯加麵豉湯都係一律38蚊大大碗，小食同飲品另計，要加一。我哋兩個人坐到卡位，環境舒服吾擠迫，我叫咗一碗叉燒拉麵，另外朋友叫咗一碗泡菜豬肉飯， 上枱拉麵係熱辣辣的，唯獨是叉燒太瘦但係都幾大塊， 麵質彈牙， 湯底夠清，最啱想食清清地的我，而我朋友嗰碗泡菜豬肉飯就比較惹味，豬肉薄切，肥厚適中好入味，下次一定要試，是值得推介

新開的店子，試一試吧裝修是日本風，木器為主，簡潔，不過有點快餐店的感覺座位與座位之間頗闊落，贊不過座位不好坐，椅背太直了由於未領酒牌，不能賣酒，超市沒有我想喝的，或是不凍，最後選擇在便利店買 blue girl下午3時多，點了：花魚一夜幹（半條）$68﹐還好，燒得剛好，香口燒海膽飯糰 $68﹐這個差，飯糰鬆散，海膽不新鮮，只剩餘腥味醬油川海老 $35﹐很多蝦不新鮮，加上處理欠佳，可見到不少蝦頭都變黑了收費便宜，但不值得再來

今個午餐，終於走咗入黎呢間，之前睇過，啲午餐都未係咁嘅價，好似加咗幾款平少少，咁就吸引咗我哋入去😅😅我揀咗個最平，55蚊，燒雞扒定食，一睇到，覺得佢好抵呀！ 另外女友就叫泡菜豚肉定食，貴我幾蚊，58大元！ 雞扒到先，賣相ok 喎，完整一個定食，有小前菜，有湯，好開心😁 至於味道，正常啦，但雞扒幾乎是凍的，都唔知因為我坐正風口位定本身佢唔夠熱😐 終於叫咗佢叮一叮先食，俾佢叮前，挾起哂啲沙律菜，點知叮好翻來，又有翻沙律菜，無端端厄咗一份沙律菜添😝多謝哂。到女友個個喇，賣相都不錯，但啲豚肉勁薄，拎起都差啲分唔到瘦肥部位，但有個好處，食落完全唔覺有食咗肥嘅感覺😆 同樣都係一個完整嘅定食，小前菜同湯，正，味道都正常，ok好味😊大至上，我都覺得係好評嘅，食物唔貴，又ok好味，加埋有員工優惠，所以覺得抵食呀😁所以係會再來食lunch 的😁😁

今晚同朋友去淘大食飯見到新開有間居酒屋就膽粗粗入去試下本來都無咩期望見到是日精選有幾個選擇其中有薑汁牛舌同銀鱈魚西京燒啱食👍👍黎到樣唔錯食落又好好食喎牛舌整得好好食 夠味香口因為係薑汁底汁夠濃 而且有好多牛舌同洋葱非常惹味我係叫套餐有埋個飯同湯真係好夠食 份量好夠個銀鱈魚亦好得條邊係整到好 脆而肉就林又香又係好好食而且條魚都唔細 又係好夠份量佢既水準真係好過好多一般餐廳難得九龍灣有間好食日本餐廳會再黎試其他野呀！