Domon 居酒屋 (淘大商場3期) (已結業)

個飯本身都已經唔算好食，煮得好求其，明明係晚市開始冇耐，冇乜人都攪成咁，飲品又普通...諗住，叫得做居酒屋，普通飯就算啦。再叫個雞泡魚魚乾，送下啤酒，坐多陣吹下水，點知份野係咁既，到叫啤酒個下又話賣晒，得另一隻...唔會再去啦...

又到九龍灣做yoga，今次做完yoga同朋友去左Domon食飯，黎左幾次九龍灣都未有機會試，今日終於試到餐廳裝修走日本風，設計簡單，坐位與坐位之間都有相當大既空間，坐得舒服！睇睇menu，食物種類都幾多，有冷菜、野菜料理、卷物、一品料理、創作料理、水產、揚物、串燒、鐵板燒定食等等！而家啤酒仲做緊優惠，買一送一，抵呀！先黎吞拿魚沙沙沙律沙律有四片吞拿魚，估唔到會咁大塊吞拿魚刺身非常新鮮，上面灑左啲黑椒，食落更惹味！配上酸酸地既沙律醬，好開胃！再黎串燒，揀左雞奕、燒牛柳串同埋豬軟骨雞奕燒得好香脆，上面加左啲鹽，好好味！牛柳串同豬軟骨都燒得幾惹味！呢個水蜜桃果酒，好香水蜜桃香味，加上夠凍，唔錯！火炙牛拖羅拉麵牛肉切薄片，好林好入味，拉麵口感夠爽口，連埋個湯一齊食先係最高享受！因為個湯加左辣椒🌶️，又香又辣，超惹味呀！芝士牛柳鐵板定食，嘩！成塊芝士達左0係個飯上面，芝士慢也溶掉，飯連芝士一齊食，超正！上面仲加左蔥花、蟹子，所以食落更加香！牛柳口感幾林，肉味濃，好食！加有番茄可以冇咁heavy！定食仲配有前菜同味噌湯，$78一個set，都幾抵！總括黎講，餐廳食物質素唔錯，服務幾好，下次做完yoga

與同事一行十多人黎呢度午餐，唔使等位，即時入座。午餐選擇不多，我點左雞扒定食，配有前菜及湯，沒有另外叫飲品，因為餐廳有清水提供，侍應亦照顧周到，加水速度快。雞扒好食，不足之處係同事叫的鰻魚定食好耐都唔到，等了超過半小時。

呢晚同一個三年無見既小學同學食飯，其實咁長既一段時間無見面，突然約返 我諗左好多餐廳，主要真係想搵間CP值高但又環境舒服，適合傾到計既餐廳，最後就搵到呢間Domon居酒屋，呢間餐廳位於淘大，唔講都唔覺原來已經好耐無黎過淘大呢邊，感覺上呢邊既餐廳好多都已經翻新過又或者換哂新餐廳。餐牌食物選擇:其實餐牌既食物選擇都算幾多，好多唔同種類既野食都有，我影左幾張我覺得主要會揀既餐牌，另外因為呢間係居酒屋所以我對飲品都有小小期望，本身諗緊飲唔飲果酒，但最後都無叫到，因為大家都話算啦平日食晚飯飲下果汁算，不過飲品有做緊promotion，就買一送一其實幾抵飲。冷燻牛腱 $42先黎既係一份前菜─冷燻牛腱，其實牛腱呢樣食物我平時只係通常食中菜會有機會食到，日本餐廳則好小見到，Domon既牛腱入味，上面配上小小芥末，芥末既份量岩岩好，下面有洋蔥伴底，成個口感好特別，呢個前菜好開胃，成功刺激味蕾，成件事係一個享受！燒雞軟骨串 $28雞軟骨炸到岩岩好，配上檸檬汁，味道口感都係一流。燒牛柳串 $38燒牛柳串呢款串燒係成晚我同朋友都覺得最好味，牛柳粒上面既醬好好味，配上肉質鮮嫩，簡直係人間美食！燒開邊手羽 $38

九龍灣淘大都多餐廳,行黎行去見呢間冇乜人就入去試下,店舖裝修都幾日本feel,食客都幾斯文唔算好嘈,所以環境都幾舒適。不過有位侍應有點奇怪,問佢門口個餐牌包唔包野飲佢又好似問非所答。叫左黑蒜豚肉拉麵,湯底濃又唔咸,有黑蒜味,溏心蛋重蛋味,豚肉份量都夠,豚肉入味,拉麵麵就有少少揀水味,但麵質都ok煙韌唔會overcook.沙律連埋個餐,沙律菜都ok唔苦,算新鮮泡菜豚肉就一般啦,冇乜特別,味道ok..

約一個月前，已見到這裏加設了朝食，供應時是是7:30-11:30，價錢尚算吸引，故在上星期六與家人去試了。朝食的套餐，除了麵餐是拉麵之外，其實與港式早餐分別不大，奶茶也是港式的。之前沒有光顧過，一進店內便覺得佈置相當日式，加上客人稀少，環境頗為悠閒和舒適。侍應是幾位阿姐，招呼亦算有禮貌和週到。我們分別點了蕃茄雞絲拉麵($25)和香煎豬扒餐($30)，配奶茶和咖啡。這個價錢甚至比連鎖快餐店便宜，但這裏的環境卻清靜得多。拉麵的餸料很少，只有一些雞絲和雜菜，幸好拉麵的份量也夠飽。拉麵的質地柔韌彈牙，湯底呈奶白色，偏重魚味也頗清甜，配在一起味道不錯。至於香煎豬扒餐，有一件煎豬扒、厚多士、茄汁豆和煎雙蛋，賣相十分家庭式。那件煎豬扒醃得極入味，質地不算稔軟但肉味豐腴，加分位是配搭的汁液，做得甚為惹味。以這個價錢來說，也算是超班了。飲品方面只屬一般，奶茶和咖啡均偏淡，尤以咖啡為甚。不過在居酒屋吃朝食，也沒有預期會有高質素的港式飲品，不過不失已經合格了！

8月底平日時間，第一次同朋友去呢度食晚飯，服務態度唔錯，食物水準ok。於是今日9月9日，同埋屋企人，一行四人再去食。我地坐起門口卡位，打算叫野食，5位服務生起哂最後排位置，埋頭苦幹抹台，擺位，等左好耐，終於有位服務生見到，埋黎寫單，即使叫佢拎幾隻碟，都唔願，有一位目光呆滯，好似take 左野咁。食物到左，除左拉麵，鐵板鰻魚飯，炸豬排外，所有串燒，燒尤魚都係唔熱，似預先做好，只係冧返醬汁上去就出餐。完全唔似第一次起食果時，又熱好味，非常失望，唔會有下次。

呢間係淘大近期最新嘅日本餐廳，睇完小熊就同男友黎呢度試試如何喇，本身不太餓，就叫左少少試下拉麵唔太硬，湯底夠濃，蓋過了牛油味，本身想夾起舊牛油，但佢溶得太快，趕唔切🤭🤭牛油溶完後，變得heavy jor叉燒得一塊，我就唯有同男友一人一半啦粟米好甜，加上咸咸地嘅湯，不錯嘅北海道牛油拉麵 (味噌) $68 送左杯白提子汁燒秋癸 $28 燒牛柳串$38牛柳都算岀色，肉質唔韌，亦都入味，份量亦算多。秋癸夠大條，夠新鮮。埋單百五蚊。

淘大多左好多嘢食，Domon呢個位看來都轉左好多手，又俾個機會試下呢間日本嘢啦！推薦的菜式又D都特別嘅，價錢唔算平，正常日本嘢價錢！好想食魚就叫左個燒油甘魚魚餃，知唔方大碟就➕20蚊轉左定食（有前菜-北寄貝沙律一啖，白飯，味噌湯），個湯幾好飲，個魚就無咩味，多番小小海鹽會好味D，魚嘅份量好少. 好彩有碗飯湊下米氣，如果唔係真係唔飽！服務還可以，等嘢食時間都正常，埋單$107.8，麻麻地抵食（如果對比埋食物質素）

經過見到已經開業, 今晚特別走去試食, 環境都好舒適, 大概6點半左右, 唔駛等位, 但其實舖內都座滿8成人, 食物款式都算多黑松露煄蛋 - 賣相OK, 味道唔差, 都有少少流心既蛋黃白酒煮蜆 - 冇諗過咁精緻, 食到到喉唔到肺, 雖然新鮮但太細粒燒栗子薯 - 一般巨峰烏龍茶 /  水蜜桃烏龍茶 - 一杯好普通既飲品, 麻麻地好飲鮮橙汁 - 好明顯係溝出嚟既, 唔好飲燒開邊手羽串 - 外層脆口, 肉質鮮嫩煎餃子 - 好HEA咁煎咗面同底, 其實仲有啲皮好明顯係未煎過燒鮑魚 - 真係大粒到呢!!!! 燒出嚟既鮑魚真係麻麻地好食, 外層變硬了汁燒魷魚筒 - 呢款不錯, 魷魚新鮮軟熟豚肉定食 - 賣相一般, 味道普普通通北海道牛油拉麵 - 賣相都唔太吸引, 味道係可以, 拉麵都有口感總結 : 唔會特別再去試, 好一般既居酒屋

=w= 發現好靚既日本店鋪，服務都超級好，在點選食物的時候，店員會介紹食材的，真的是採用日本食材運送，非常值得品嘗。另外，店鋪的綠茶非常好喝。海老惠方卷：炸蝦香脆爽口，絕對是即做的，甜甜的玉子配上青瓜的爽脆，滿滿的蟹子，這種是考功夫的壽司卷。芝士海老脆脆：作為小吃，最喜歡脆口味道。採用蝦肉作為餡料，彈牙很有口感。最特別是芝士醬，微咸的芝士味帶點辣感，讓人很難忘的味道>< 天然火山石清酒煮花蛤：上桌後才倒入清酒焗花蛤，香味撲鼻，使用醬燒豚丼：採用日本黑豬，肉嫩鮮甜，脂肪分佈平均因此夠香滑，面而珍珠米沾上醬油，令食物更提升，非常美味w 燒烤類 鹽燒秋葵：很特別的小食，秋葵有種特別的味道，這店採用夠新鮮，所以很不錯。免治雞棒卷既肉汁香，每一口肉中夾雜著爽脆的菜，這個很讓人回味。栗子薯超甜好食，細細粒的模樣很可愛的說，我們當它是甜品食用!! 最後，點了些小食，加杯飲品，與友人聊一下天，很寫意的晚上。巨峰烏龍茶x水蜜桃烏龍茶 水果的甜香味，又不會蓋過烏龍茶獨特的味道，值得一嚐

真係非常之驚喜， 一入到去啲服務真係冇得彈 服務超級超級超級好雖然嘢食款式不係好多，但勝在樣樣野都要熱騰騰 見我哋攞住好多行李專登攞張凳過嚟俾我哋放係香港真係好少見 。值得一試

朋友傳來訊息介紹了一間新開業的居酒屋, 店子也就近我的工作地點, 所以不用多想便來看看水準如何。坐下來, 點了一杯橙汁, 酸酸地也夠冰涼, 為這天較熱的天氣消消暑, 感覺唔錯。先來一客黑松露燻蛋, 溏心蛋做得唔錯，味道香甜, 也有蛋香, 加上一些黑松露的香氣, 更加好吃。店員推介了火山石清酒煮馬刀貝, 用清酒煮馬刀貝, 令到馬刀貝更加鮮甜, 馬刀貝本身也算大隻,而且肥美肉厚, 採用天然火山石來加熱和保溫。最後店員將北海道牛油拉麵(味噌)捧上來, 試了一口湯底之後，有鮮味; 叉燒方面，厚薄適中，肉味濃郁; 溏心蛋做得唔錯; 麵條是黃色蛋麵條，掛湯能力不錯, 麵條是非常爽口和彈牙，口感唔錯。

見新開, 又見到啲人講到咁好食, 所以入去試下; 點知中伏; 極其量只可說是普通OK, 唔話佢難食巳經算俾面; 其實日本野好難可以整得咁難食, 費用唔算貴,但食物質素仲差過一般快餐店水準 。食物款式又少, 我地一人叫左一個拉麵, 麵質仲差過街邊果啲車仔麵, 仲要係最難食果款; 塊肉唔知係咩肉, 或者唔知雪左幾耐, 你試下就知我講咩架喇! 燒扇貝又係無味的; 海老惠方卷還可以; 最好味就係杯茶!本人對食物質素一向要求都好低, 好多時朋友話難食, 我都可以接受,  但真係從未試過食過一間日本餐廳水準是這樣差的,  真係可一不可再, 我以後都唔會再入這餐廳食的! 

上幾星期見到淘大花園新開左間(Domon )札幌居酒屋, 於是好奇心下就入左去試…一入到去真係好有日本居酒屋既FEEL,好似置身係日本感覺….我同朋友都急不及待去點食物…我地點左幾樣都唔錯!!!火山石清酒煮花甲採用天然火山石, 係其中一道較為人熟悉嘅日本清酒料理, 清酒加熱後香味更加突出, 加上小許調味, 令到蜆肉更加鮮甜, 最後連湯一拼飲完醬燒豚丼我很愛吃日本的丼, 呢個醬燒豚丼真係一啲都唔簡單，厚身豬肉，再加上特別調製的醬汁，真係香噴噴，睇見就流口水！豚肉有一定的油脂，肉質柔軟，再配上日本米，正呀！醬油川海老海老炸得香脆可口, 入口香脆美味 芝士海老脆脆外皮炸到香脆, 食落啖啖芝士, 帶來左超豐富既口感