Donut Café (愉景新城) (已結業)

第一次黎呢度過聖誕！同四個家庭既小朋友！大概年齡都係四五歲左右發現呢度廚房玩具又少基本上講真無咩可以玩既玩具！佢哋就一直係度玩滑梯😂聖誕氣氛都一般我覺得可以整棵細既聖誕樹係店度都好！不過值得讚既就係食物！味道都唔錯！希望小朋友玩既地方可以增加多d玩具！畢竟你地係親子餐廳為重點！至少要俾小朋友可以有多玩樂既地方！

聖誕大餐心水推介Donut Cafe 有得食又有得玩，地方坐得舒適，😍重點係食物質素高質，大人同小朋友都食得好開心🥳最近推出咗🤤🎅🏼🎄聖誕海陸鮮味大餐❤️飄雪蕃茄芝士雲吞拌牛肉丸: 芝士味濃嘅雲呑，拌juicy 牛肉丸加上咁靚嘅食用花花做擺設裝飾，真係睇見都好開心😍❤️深海雙魚帶子配薯蓉: 澳洲野生小鱗犬牙南極魚塊及那威三文魚，鮮味十足，肉汁鮮嫩可口❤️士多啤梨雪樹奶昔，有我嘅至愛士多啤梨🍓加上鮮奶，真係香滑無比❤️忌廉雪山朱古力，超濃嘅朱古力🍫味❤️原木祈願蛋糕，加上可以自己動手加朱古力裝飾嘅薑餅人牛油曲奇，真係有得玩又有得食。Ps而家個蛋糕可以原個訂貨返屋企，開party真係點少得佢啊🥳

【 充滿節日氣氛的聖誕海陸鮮味大餐 】 🎅🏻哥哥就黎放聖誕長假期喇，媽媽我又係時候要諗定帶佢哋兩兄弟去邊度玩好呢？🎄為左迎接聖誕節，Donut Cafe推出期間限定的「聖誕海陸鮮味大餐」，有兩款主菜，又有甜品和兩杯士多啤梨雪樹奶昔和忌廉雪山朱古力飲品，咁吸引，當然要帶兩兄弟去又食又玩啦！「聖誕海陸鮮味大餐」😋飄雪蕃茄芝士雲吞拌牛肉肉丸芝士雲吞味道香滑，芝士味濃，好啱小朋友食。😋 深海雙魚帶子配薯蓉澳洲野生小鱗犬藍牙南極魚塊及挪威三文魚兩款魚塊各有特色，配菜有多款蔬菜，夠哂健康。😋 原木祈願蛋糕甜品有小朋友最愛的朱古力蛋糕和薑餅人曲奇餅，唔太甜好好味。薑餅人曲奇餅仲有枝朱古力筆附送，可以係曲奇餅上畫圖案，哥哥好有興趣呢！🎂Donut Cafe今年有完個原木祈願蛋糕預訂，全人手製造，好有節日氣氛，我都訂咗個用來開聖誕Party喇！

一間可能食野，又比小朋友有playground玩既餐廳。現場環境乾淨衛生，每枱都有一枝搓手液，有大型兒童玩樂設施，個滑梯都好高下，而小童要100入場費，而每個成人有最低消費，但正常點餐基本上都過到。食物價錢會略高，相信已加入兒童設施既費用，不過選擇都幾多下，今次我地點了炸薯條，芝士長通粉，海鮮薄餅，菠蘿豬仔骨，自己點了個雜果賓治。小朋友超鐘意炸薯條，炸得外脆內軟，咸道適中。其他菜式都正正常常。計4大3小，人均不到$200，每節時段2小時，也是不錯的選擇。

【 搞怪有趣的萬聖節派對套餐 】 🍩黎到10月，到處都充滿萬聖節的氣氛，就連好玩的Donut Cafe都推出左萬聖節限定套餐呀！🎃萬聖節限定的美食造型真係勁攪鬼，一上枱成班小朋友已經嘩嘩聲，係咁話好得意。我哋想一次過試晒「傑克燈南瓜雞肉飯」、「嘩鬼小食拼盤」和「粉紅魔幻士多啤梨奶昔」，所以選擇左「Donut and Ah Meow搞怪派對套餐」，有飯有小食拼盤和兩杯奶昔，一次過滿足我哋的食慾。🍔「嘩鬼小食拼盤」有嘩鬼造型的迷你漢堡和酥皮脆皮腸，仲有BBQ雞翼，小朋友都話好好味。媽媽們就覺得「傑克燈南瓜雞肉飯」唔單止夠特別，南瓜飯好Creamy充滿南瓜香，值得試下。

睇中個親子餐廳😍可以小朋友自己玩，於是就去試下，係食物方面，好彩唔算差，但講真，唔係話特別好食，價格偏貴，軟殼蟹漢堡包嘅嗰果隻軟殼蟹偏鹹，另外有肉桂口味果款甜品因為有雪糕放係上面，。所以果個玉桂條好快林晒，變得唔好食，其他嘢真心不過不失，如果唔係因為有嘢俾小朋友玩我覺得我唔會去食嘢，其實俾小朋友玩果d嘢都唔多😅，同埋每次入場嘅每一節嘅時段都唔係好長，得兩個鐘嘅時間，因為小朋友如果坐低食埋野，玩嘅時間就更加少啦

平日夜晚與朋友帶小孩到此餐廳進食，本身之前官網上參考過佢既menu, 但到餐廳發現menu價錢比官網貴$10-$30左右，但晚市較貴我覺得合理的，但最離譜是進食其間餐桌地下發現大曱甴出來覓食，OMG立即叫職員處理，處理完之後職員當沒事發生，但我已不敢再食了，加上餐廳冷氣大，食物好快凍晒，所以大人小朋友都沒有吃飽，食物方面，味道還可以，但奶昔卻嚴重地走樣，制作一般，完全不值$78杯，環境方面，設施都開始殘舊，遊戲範圍比想像中細，好彩當晚不是滿座，否則此遊戲範圍小朋友玩起來會很迫，總括而言，沒下次。賣相令人失望，不值$78杯與餐牌差很遠。。份量略少，$178$148整體上最正常一道菜

家姐就嚟過好多次第一次帶妹妹嚟原來半歲就要收費小朋友清潔費$100一位唔可以扣返消費我哋食平日4點3大人最低消費$150我哋兩個媽咪每人叫咗個兒童餐有意粉有小食有甜品生果 $178兩大三小埋單$700真喺唔抵 但小朋友鐘意一次半次都可接受嘅

今日帶小朋友嚟呢個親子餐廳放下電, 因疫情限制關係所以要提前預約, 當日book咗下午時段, 玩足2小時邊食邊玩, 有如置身在室內遊樂場餐廳內遊樂部份多元化, 設有幼兒區和3歲以上小朋友玩嘅飛船、繩網、滑梯、迷你超級市場、積木區和圖書區等收費方面設最低消費:大人$150/位、小童$100/位Ah Meow's 兒童餐呢個餐好豐富, 又夠飽肚, 有小朋友喜歡食嘅意粉、腸仔、炸雞塊、牛油粟米、啫喱同鮮果, 每樣材料都新鮮, 小朋友食唔停抹茶冬甩奶昔呢杯賣相吸引, 冬甩上層鋪滿朱古力醬和花生碎, 唔算太甜, 可接受, 抹茶奶昔有好濃嘅綠茶味, 岩哂綠茶控既人

被困在家多日，趁今日好天同公主去愉景新城行吓，咁耐冇出街嘅佢一定唔願返屋企，所以出門口前已經打定電話order Donut Café 嘅食材包，等我買晒返屋企唔使半個鐘就已經整好四道菜。❤️分別有 🥗 煙三文魚凱撒沙律嘅份量都唔少，醬汁亦都好夠唔使自己加！🥩蜜糖蘆筍薯仔牛柳粒，完全寫好晒要點樣整，味道十足。🍝芝士肉醬意粉超級方便，肉醬汁嘅份量好多，食晒個粉啲汁仲有好多喺度🍗燒蜜糖雞中翼8隻夠晒甜蜜，我個女就最鍾意。雞翼都好滑身！加埋三百蚊都唔洗，而且公主仲食到舔舔脷🤭

好耐冇出去食大餐，個人Dry到開始懷疑人生😞! 疫情究竟幾時先完?好彩有Donut Café🥯幫我諗定每日食咩，以優惠價錢訂購高質食材包，非常超值又方便👍🏻。就算地獄廚神都可以變大廚👩🏻‍🍳，只係簡單翻熱，就能煮出餐廳質素，孖寶食到舔舔脷😋。個人超推介BBQ汁醬燒豬仔骨, BBQ汁好惹味，折後只需$99(原價$208)，超抵食😌。卡邦尼意粉 (翻熱、混合) - 折後價$49 (原價: $128) 香煎美國西冷配牛油雜菜 (煎、炒) - 折後價$149 (原價: $308) 可以揀到Donut Café自取或叫某外賣APP外賣送上門都得😏

.今日係老公生日，之前我哋每一年都會出街食飯慶祝，今年抗疫時間，所以我哋都支持喺屋企煮食最安全，適逢荃灣愉景新城嘅donut Cafe做緊外賣自取優惠，以低至38折優惠價，就可以訂到高質食材包，而且全部食材，都洗好切好醃製好😍簡直係我煮婦人生嘅佳音😍訂完食物後，員工會whatsapp，同我確認訂單，之後就可以喺預訂時間去舖頭攞食材了！食材到手時仲係好涷，冇出水，蔬菜類全部真空包裝，好新鮮！加上所有食材都係調教好晒調味料，夠晒入味。Donut Café 仲好貼心呀，每一款都有張字條，清楚列明煮食方法和烹調時間，寫得非常詳細，呢餐全家人食嘅生日飯，唔使一個鐘就煮好，非常方便！大家都食得好開心😄

Donut Café 就岀左高質食材包，一包包pack好曬，返屋企加熱就食得，好方便～價錢仲低至38折燒蜜糖雞中翼8隻 - 折後價$59 (原價: $138)卡邦尼意粉 - 折後價$49 (原價: $128) 煙三文魚蘑菇意粉 - 折後價$49 (原價: $128) 香蒜火腿長通粉 - 折後價$49 (原價: $128) 香煎龍脷魚柳配牛油雜菜 - 折後價$69 (原價: $148)BBQ汁醬燒豬仔骨- 折後價$99 (原價: $208) 食物大多數都系隔水加熱，幾方便，意粉就要再煮一分鐘，同汁一齊煮下先食得，味道都ok。煮岀嚟賣相都似系餐廳食。

Good price! Good taste! Cake: 母親節想好該如何與媽媽慶祝，以優惠價$158於Donut Café(荃灣店)訂購5吋心形士多啤梨拿破崙蛋糕(原價$328)🍰。蛋糕配上三層酥皮，口感集鬆化嫩滑於一身，簡直太幸福了！✨✨✨Ingredients Pack: 餐廳冇得堂食，有時都幾煩惱晚餐食咩好。而家Donut Cafe會́幫我地諗好每日食d咩，仲可以以優惠價訂購高質食材包，免費送到手上！試左BBQ汁醬燒豬仔骨，龍利柳，西冷牛扒，carbonara 同雞翼，就算我唔識煮野食，只要跟住佢步驟翻熱/煎番佢，就煮到一餐見得下人，好好味嘅晚餐。每天2pm前，填好表格並發送至WhatsApp 61141771。雙方確認訂單後以PayMe付款。取貨/送貨: 1) 6:00pm - 7:30pm 親臨Donut Café自取 或 2) 惠顧滿港幣200元即享免費送貨，只限送貨到荃灣新領域廣場 / 8咪半 / 滙利工業中心。地點: Donut Café, L1, Donut Village (Pizza Hut 對面)服務時間: 星期一至日 11am - 7:30pm查詢: 261

家中工人姐姐生日🎂，為咗感激佢呢兩年對我哋家庭嘅付出，我決定整個生日大餐俾佢。但就咁叫外賣又好似冇咩誠意，所以今次我要親自「下廚」👩🏻‍🍳，煮飯俾姐姐食。原來依家Donut Café以低至38折超抵價就可以訂購高質食材包，啱晒我呢啲「地獄廚神👿」！於是我哋去買禮物🎁，再去屯門接老公放工，然後順便到愉景新城拎食材包❤️。我哋訂咗👇🏻🍗燒蜜糖雞中翼8隻🥩蜜糖蘆筍薯仔牛柳粒🍝芝士肉醬意粉🍛芝士蕃茄漢堡扒配香菇牛油飯🐷BBQ汁醬燒豬仔骨訂完食物後職員whatsapp同我確認訂單，全程職員都好有禮貌，有問有答👍🏻。食材到手時仲係好涷🌀，啲肉冇出水，菜都好新鮮。本身我都有啲擔心會煮到一鑊泡🤦🏻‍♀️，話晒每款食物烹調時間不同，又驚煮好晒要好夜先食得飯。不過Donut Café好貼心呀，每一款餸佢都有張字條，清清楚楚列明煮食方法，例如醬汁包放入熱水煮5分鐘；飯要剪開包裝，放入碗內蒸8分鐘；扒、菠蘿等用中火燒熱煎pan，每邊煎幾多分鐘，都寫得非常清楚。我同老公分工，一個負責用熱水翻熱食物，一個蒸飯+煎嘢食，半個鐘就搞掂好5味餸，而且色香味俱全，哄得姐姐好開心呢😽！