Double K Kitchen

營業中

休息中

今晚同阿囡行街，好耐冇去DoubleK食嘢，行入餐廳佈置咗 Halloween，阿囡好鍾意。先叫咗個澳洲香煎豬鞍餐。肉好厚身、好軟、好滑，一D都唔鞋，食落口完全冇肉鬆粉味道，通常咁厚要落肉鬆醃，意粉好香香草味，超有水準，D侍應姐姐仲送咗掛飾俾阿囡。飲佢鍾意嘅特飲……夏威夷，餐牌有好多新飲品，我自己叫咗怀桂圓紅棗茶，單點都係$18，跟餐仲平一半。個餐超抵$I30都唔使，去其他餐廳食豬鞍，連加一起碼要$190。

今日去左東大街Double K Kitchen食晚餐，見呢間有位，就試下，當日叫左煙肉蘑菇忌廉炒意大利粉，海鮮蛋包飯，鵝肝牛柳黑松露意粉同埋甜品tiramisu~煙肉蘑菇忌廉炒意大利粉 $48意粉都唔錯，好彈牙，好香蛋黃白汁味，再撈埋d煙肉蘑菇一齊食 但份量比較細~女生會夠飽，男生就未必夠西蘭花忌廉湯冇咩特別，味道普普通通海鮮蛋包飯配自家製茄汁 $52這個裏面係咩海鮮已經唔係好記得，但味道係好食既，個時切開係見到d飯出煙的，新鮮出爐，暖笠笠，食完好暖胃法式鵝肝牛柳配黑松露汁意粉 $178鵝肝同牛柳都好好食，牛我地叫左7成熟，又唔會太生又唔會太熟，牛肉都好juice, 鵝肝味道唔差，只係油多左少少，加埋d黑松露汁 意粉就唔熱同有d乾身Tiramisu cake唔知點解，我唔係食到咖啡味而係食到香橙味，但味道都ok, 幾好食散點可另加$25 轉餐，餐有沙律，餐湯同多士總結，食物不過不失，環境比較細，服務員態度都有善~

諗住今晚試新野，又見幾多人食，應該冇伏啦。於是一家人嗌左3個餐；西冷、肉眼同牛柳配鵝肝。3個餐都嗌左5成熟，等左一陣先上餐。點知西冷同肉眼出哂事，塊肉眼扒多肥膏多到起碼塊扒既一半，切走多過食落肚。到上西冷扒，點知全熟，連幾成熟都吾識控制，不如去茶記食扒算啦。之後，同退返比廚房，再上返第二件西冷扒，切開係死肉色，係灰色，根本係千年牛肉，經理仲話5成熟係咁渦，我堅持無可能係咁，她才改口話自己都不接受，換其它牛扒俾我，我仲敢試？堅持要取消，所以收返加餐錢$25.。跟餐意粉仲要不知所謂，加pat蕃茄醬，得個死酸味，難為左我成家人既口。吾知點解有食評仲話好食，抵食，加加理理都要二百幾蚊一個牛扒餐唔係好貴？但都唔係俾呢d垃圾食物人食呀，真係唔知點抵！

今日行經筲箕灣東大街，同事推介話這間環境舒適，價錢又平，咁筍，試下先😉一入門口已經見到一個好綠化嘅招牌， 環境顏色配搭好柔和，令人有relax嘅感覺……😍😍同事分别叫咗 “煙肉蘑菇炒意粉”，本來以為會淡而無味，但出奇地，恰到好處，唔會令人覺得好滯“漢堡包配薯條” 一上枱眼都凸，哈哈！分量超級大， 絕對抵食反而我揀咗個 “肉醬意粉”，有啲失望囉， 點解咁大對比㗎 😣份量好少， 出名細食既我，都覺得爭啲，味道仲冇乜驚喜因係下午茶時段 ，加埋凍飲都係四十幾蚊，都OK 啦！

今日一家四口經過東大街，搵食夜晚既餐廳，見到一家裝修有浪漫feel既西餐就打算去試一試，可能我地早到間餐廳唔係好多人（5:50分），坐低左d侍應幾好禮貌，而家好少餐廳除左酒店咁有禮貌，花心機介紹佢地d特色食物（可能係早到少人關係）。依間餐廳係食set為主 有包前菜 餐湯 餐包 野飲。我地叫左兩個忌廉湯兩個羅宋湯，羅宋湯味道唔錯有肉味酸咪咪帶點辣度唔錯幾好飲，忌廉湯就夠濃夠creamy 都唔錯。我地叫左佢地員工介紹既豬手同豬胺 兩個都唔錯 豬手夠脆不過d肉略過淋可能係over cook 同埋無配酸菜有點失望不過有跟乜乜芥末汁（唔記得叫咩名）都幾開胃。豬胺反而有驚喜，多汁又唔韌，聽佢地d員工介紹可以食成數，我就怕生食全熟。另外我地order左一個意粉（唔記得個名）正常不過不失 仲order左個海鮮焗飯飯底夠香不過d海鮮略小同埋有d油膩。仲有驚喜係佢地d咖啡係唔錯既即磨值得一試同埋有d特飲都有心思有蝶豆花飲品不過本人對d特飲無太大興趣。本人覺得係東大街黎講算係一間抵食既餐廳，不是價錢低就叫抵食，而係佢地食物服務都唔錯，呢d先叫抵食， 洗錢先洗得值。

今晚6點跟媽媽去試試，時間尚早不用排隊，但內裡都差不多7成滿，看一看餐牌，沒有肉的晚餐一般都在$80以下，要吃扒的大多要$100以上，都會跟餐湯、麵包、沙律、餐飲，價錢尚可接受。我點了西西里海鮮炒長通粉，味道幾好味，醬汁不太淡炸雞小食味道一般，建議醬汁另上餐湯很重奶味，麵包香口夠脆，沙律也可以小食餐牌選擇多，但份量少晚餐餐牌選擇多在東大街吃晚餐，一般中菜比較多，要食西餐的莫過於Double K Kitchen，位置於東大街頭，價錢視乎菜式有平中貴價菜，但仍有改善空間，如上菜速度不一，但7:30前8折實在太底，打和。

東大街既餐廳真係多不勝數，中日台韓泰應有盡有，今日就決定食西餐。食物款式普通，價錢有平有貴每款餐都包沙律、蒜蓉包同餐湯沙律都算有心機，每樣都切到好細粒，加埋胡麻醬，味道可以蒜蓉包夠香口，唔會太硬忌廉湯勁濃勁creamy 主菜：馬蘇芝士蘑菇忌廉汁焗海鮮飯白飯底不是炒飯底說好的蘑菇不見了青口、蝦同魷魚各一粒而且雪味頗重超薄魚柳三片最重要係成個焗飯都冇味的，係一D味都冇，即使我加左大量芝士粉都勁淡總結：要係一個競爭咁大既地方要站穩陣腳請多加努力另帶一提，7點半前埋單有8折優惠

今日同朋友喺東大街揾野食，見到間西餐廳平平地，選擇又多，所以就入左去試下。總括來說，食物一般，價錢合理，服務不錯。餐廳內乾淨，裝修幾靚，裝飾品都好特別，有風格，以田園及工業風為主。午餐款式算多，價錢亦合理，最貴都係$68個餐。最後同朋友每人各叫左一個餐，套餐包餐湯、蒜蓉多士一小塊、熱飲，餐湯有得揀紅湯(羅宋湯)/白湯(蘑菇忌廉湯)。多士較細塊，唔會頂住個肚食唔落主食，又夠香脆，幾好。另外朋友叫咗一份煙肉蘑菇忌廉炒意大利粉，個人認為相比起天使麵，意大利粉更爽口，更有口感，天使麵就太幼，太制，比較喜歡意大利粉。其實呢個價錢，呢種質素都合理，如果煙三文魚分量多啲會較好，實在太少，有點驚訝。服務也不錯，店員幾nice，埋單嗰陣見我食淨左好多麵問我點解淨咁多，驚唔好食，可見呢間餐廳都有心經營，唔係賺到錢就算。總括嚟講可以接受，價錢唔貴，行過東大街不妨一試。

放假同朋友約食晏 見門外同店內都光鮮就入去試下 餐廳佈置同裝飾別緻😎坐位都舒適 有BB凳岩曬朋友帶住個BB 我叫左海鮮茄茸燴意大利粉 朋友就叫左煙肉蘑菇忌廉天使麵伴温泉蛋 d野食全部都好大份好足料 賣相同味道不錯👍🏼 套餐包埋餐湯同蒜蓉包 所以食到好飽🤣🤣叫左杯特飲”紫藍夢幻”樣子好靚也不錯的 店員有禮貌招呼唔錯亦唔會趕客坐足2小時 係同朋友閒聊既好地方 整體好滿意同食得幾開心 價錢又唔算貴 值得大家去試下👍🏼

剛剛係東大街早到等緊人甘諗住吃d野啦，係香港真係求拿其入一間餐廳都係伏，坐低一陣睇好吃乜，個d甘既企枱唔係只懂埋頭苦幹執枱就係度吹水，我就好似係揮手區揮極都冇人理，等了又等終於有人理我，落左單，叫左佢餐牌上所謂熱賣的煙肉磨菇炒意粉，好，等成世都未出到餐，隔離枱兩位呀嬋遅過我到都上曬野，終於見到佢出餐啦，原來係呀嬋之後入的那枱客又叫了個煙肉菇炒意粉，等甘耐好明顯兩個order 一齊做啦，都算啦，頂佢，上枱我個份得個兩條丁屎甘細既煙肉，我叫個企枱埋黎，我話點解同隔離枱個碟差甘遠，佢話比佢拿入廚房加，都冇意思啦，我當然話晤洗，轉個頭就拿張單話比個九折，根本都唔係折晤折既問題，做到甘hea不如唔好做，簡直不知所謂，我自己求拿其整個意粉都好食過佢，香港d餐廳只係識收錢，良心食肆？

先講環境成間大陸夜總會咁，不過服務都算ok。但係見到水吧個人就唔係好精神咁，嘢飲真心講難飲，太甜。可能我唔中意飲太甜，但個牛排難食，成數錯肉質差，意粉太林同茶仔一啲分別都冇100蚊食30蚊質素嘅食物，平你可以咁講，但係比啲咁嘅嘢我食我，真心講貴。要我影相真係冇心機影。香港人比啲誠信留言比人知邊間真係可以食落肚唔該，各位有水平有良心人 。有啲嘢就係一言難盡。我知做生意難，但係我比得咁錢都係想食好啲姐。

晚餐約了朋友不知往那裡去最後見東大街開咗間新餐廳，不妨一試！小店經營，用心製作，服務也很週到！價錢一點不貴！一定會再去幫襯💪🏻💪🏻💪🏻老闆仔要努力呀！

噚晚約了一班朋友去Double K食晚飯，冇去一個多星期又有驚喜，有新特品推出我同朋友各試咗一杯「白魔配藍精靈」同「粉紅知己」個名夠特別，好好飲，阿囡當然飲佢至愛「奇趣朱古力」仲有新小食拼盤，超好味，其他食物都保持水凖冇失手，朋友話價錢唔貴又抵食，下次再去。

主菜叫咗兩份：一份鵝肝牛柳一份羊架，都係叫七成熟，一份上到係全熟，算，睇埋第二份，等第二份切開都全熟嘅⋯⋯火喉控制認真麻麻，令到成個主菜都失色，變得完全唔吸引，作為配菜嘅茄子都幾好食，好軟身好入味，但整體水平真係超一般。同主管講咗聲，示意唔同我order嘅一樣，佢好誠懇咁講唔好意思，仲話換過俾我地，但我唔想再等就算，咁佢就退而求其次送咗個甜品示好（佢嘅處理態度值得一讚），甜品set碟set得幾好，但件餅都係切得唔靚嘅。從細節位可見唔夠用心。

餐廳裝修唔錯, 店外店內都有精緻既擺設, 坐得舒服 !而且下午茶價錢都幾經濟實惠, 一般 tea set 都係HK$4X , 適合週未同朋友食個tea傾下計.  去過幾次, 食左煙肉磨菇炒意粉 / 鮮茄焗豬扒飯 / 雞扒漢堡包配薯條, 最喜歡豬扒飯, 味道唔錯!下次會試下呢度既西多土, 好似好多人叫.