Double K Kitchen

營業中

休息中

跟餐奉上 羅宋湯 / 忌廉湯～ 羅宋湯微辣👌🏿 配上烘得熱脆的蒜蓉包 😁香草白汁焗三文魚粒 配飯 $58～ 極度圖文不符 😆 好在味道正常，有芝士焗，但唔多覺有香草， 略為有點鹹煙肉蘑菇忌廉天使麵配溫泉蛋 $60～ 煙肉有炒香～ 勝在熱辣辣 分量頗大 👌🏿用港式西餐嚟形容 Double K Kitchen 根本不能道出 它的 地味 😆 其實食物質素ok， 價錢不貴， 只不過間中會播下韓文跳舞快歌， 一時又播下 my heart will go on 😆，而牆上的裝飾更為絕妙 🤣 店主 Style 真係唔識欣賞🤣🤣🤣飢point : 6 /10#hungermarch #飢詩 #非飢詩

早前約了朋友到筲箕灣取件，跟著還要到銅鑼灣辦事，於是大家只可食個快閃午餐。東大街一向多食肆，於是來到這裏搵食。行經一間西餐廳，看見門外擺放有午市套餐，款式頗多，價錢合理，於是立即入座。因是中午時份，客人不太多，但過了不到十五分鐘，全餐廳已滿座，似乎這裡吸引不少附近工作的白領。套餐有餐湯、蒜蓉包、主菜和飲品。我們選擇了餐牌上寫着「必食」及「人氣」的西冷扒配紅酒黑椒汁和海鮮蛋包飯。食物份量也大碟，西冷扒有點過熟，少許「鞋」，但味道還好。海鮮蛋包飯的海鮮不多，但蛋煎得嫩滑。店員服務態度也好，簡簡單單又要快閃的午餐，這裡已算不錯。

週末約埋啲老友黎午餐，老友家住筲箕灣，咁當然就走去多野食既東大街啦，芸芸食肆中選擇左呢間Double K Kitchen, 門面都好靚，入到去餐廳設計都幾有特色，牆身既佈置加上別緻既燈飾，已把我們胃口大開了呢度的set lunch價錢適中，份量又多，都幾抵食雜扒餐，夠份量煙三文魚蜆肉忌廉炒天使麵白汁焗三文魚粒意粉煙肉蘑菇忌廉天使麵伴溫泉蛋每碟都大大碟，我們5人食4碟都有餘，而平均消費都係約50蚊，食物質素又唔差，好抵食

昨天趁有空閒，與朋友到筲箕灣東大街逛，順便吃午餐。走到近街尾，決定試試這間門面看來不錯的餐廳。餐廳的午市套餐都包餐湯和飲品，還有免加一，價錢不算太貴😀我們點了海鮮蛋包飯和美國西冷扒，兩者都是餐廳推薦的😬味道方面，蛋包飯調味不錯，但海鮮不多種類，主要是章魚粒；西冷扒的黑椒汁不錯，但似乎煮得有點過熟🤨不過份量都頗大，吃完都真的飽了。羅宋湯有跟餐包還是不錯的👍🏼店員的服務也很好，埋單每位大概$60。

平時極少去筲箕灣，是日去朋友屋企探BB. 朋友帶左我地黎。果然無介紹錯！朋友平時有食開，所以訂定位，8:00去到好full好多人等位。環境雖然有小小迫，但都算舒適，唯一唔鍾意啲燈光，藍色綠色影相唔靚😝食物無論賣相，味道，份量，價錢都好吸引！😋我地叫左一堆野share 。餐湯跟左個好精緻嘅沙律，有驚喜。主菜份量好足，d肉好嫩好好味。甜品啲公仔好得意！☺️睇得出佢地好忙，雖然有幾個侍應都好生手，但都好有禮貌。貌似經理嘅女士好細心服務好好！雖然好遠（我住新界🤣）但有機會都會再黎！

今日黎到呢到帶隊，就同左同事黎食飯。之前我黎呢邊都見過呢間野，果陣佢係新開有優惠，今次就錯過左個優惠不過都黎試試新野。係午市黎見到有好多學生，因為呢到學生有折，所以話最幸福都係學生時代。午市都有好多選擇，而且價錢算係實惠，所以就算無折都有好多打工仔黎食。而我就揀左煙肉蘑菇廉炒意大利粉，唔使怕唔飽，仲有餐包、餐湯同一杯熱飲。白湯質素幾好，好重忌廉味，點下餐包食仲入味。意粉汁唔算好多，味道唔算好濃，不過煙肉份量多所以整體都算有味。而份量就真係多，唔使怕食唔飽，女仔可以share食。

叫左個西冷晚餐，要求5成熟，點知間餐廳煮到well done, 真係無得頂，而且牛肉無味，超難食，仲要收$180，建議有得揀都唔好幫襯，中價餐廳價錢，仲衰過茶餐廳的質素。

又黎開飯喇，人數再多啲，所以可以食到嘅菜款又多點! 而今次有更大嘅驚喜，無論係主菜抑或係甜品，係擺設、賣相同味道方面都處理得好好。 *是次係同媽媽慶祝媽媽節日，呢餐晚飯佢食得好開心! 比10000個like!

同朋友行完山，唸住去東大街食個lunch，支持下小本經營小店，竟然有驚喜……可以唔洗加一服務費。一入餐廳環境不錯，坐位亦坐得舒服，唔會覺得局促。我哋3人各自叫套餐，都係$48-$68，每個套餐份量好夠。我叫左份煎焗美國豬柳野菌汁配意粉$53。塊豬柳唔會煎得太乾，食落有彈性，仲要有兩塊。個意粉真係有驚喜，無唸過竟然係好彈牙有口感👍朋友叫咗份雜扒餐配薯菜，又ok喎，薯角好脆👍，不過就真係建議啲茄汁唔好預先落在薯角上。友人表示雞扒好食過豬扒，但呢個價錢$63同份量係好抵食。另一位朋友叫咗分香煎雞扒配紅米飯$48，雞扒ok，個紅米飯唔會太硬或太濕，剛剛好。呢餐大家都好滿足

相約一班朋友在筲箕灣相聚，咁耐無見想搵間坐得舒服傾下計既聚餐地點。之前都幫襯過幾次，野食好味而且抵食。上次同主廚傾開計知道原來夜晚有聚餐既餐單，可以因應個人喜好，價錢Budget，人數而安排適合自己的餐單。今次提早3日預定，朋友們都喜歡食牛，所以main course 我地都選擇左牛，同埋沙律菜唔少得！當日一行六人7:30準時到達餐廳，已有八成滿座。日本溫泉蛋燒雞野菜沙律🥗喜歡沙律醋配上溫泉蛋沙律很清新，燒雞煎得很嫩滑！燒汁脆皮荷蘭鴨腿伴青豆蓉平時好少食鴨腿，但今次烹調令我有些意外驚喜。鮮蝦忌廉龍蝦湯本人對龍蝦湯有種情意結，必選👍🏽香煎Prime牛板腱伴菜茸😋主菜黎啦⋯今次大廚用左牛板腱，平時通常都係食牛柳，呢個真係好嫩滑，重牛味，而左手邊既係乳豬仔，好脆！！朋友們大愛❤️食到呢到真係好飽喇～～但係仲有個Dessert!Tiramisu食埋件cake真係好full!!完滿既一餐！總結：朋友們今次都好滿意，難得大家約到時間一聚，餐廳環境舒服，侍應態度十分nice,最緊要野食好味又唔貴，又可以幫你設計餐單，變化多！下次聚會必選呀！！

上個月跟老友去東大街食下午茶見到哩間有藍燈似有情調, 昨日和女友去太古城睇戲後搵地方撐檯腳, 即諗起哩間。本來想係太古城食,但間間睇過唔係大牌子就貴到亞媽都唔認得...最後同女友係AEON 門前搭丁丁去一去到已經見有幾個係前面等位, 本身諗住等得耐試對面韓食媽媽, 大約等左10分鐘就有喇氣氛幾好, 裝修亦明顯花左心思, 個人覺得好抵食我地叫左一個意粉一個飯, 兩個都好味, 夠熱!兩人買單約$280推介

拜山後來到筲箕灣，由於已是三時多，所以我們專門挑選一間有下午茶的餐廳，可以便宜一點嘛。我們選了在東大街盡頭的這間餐廳，因為看到它的下午茶價錢好像很超值。我跟老公分別點了柚子雞米多士和雞扒漢堡包。前者帶有開胃的酸酸味道，雞粒份量算多，味道不錯。後者的主角雞扒漢堡包完全沒有看頭，雞扒很薄，但旁邊的薯條卻很有驚喜。值得一提的是餐飲咖啡，非常合我和老公的胃口，很香很好喝。這間餐廳應該是頗新吧，有機會還可再來試試別的。

年少時，經常於此區遊玩，不少位置都充斥著青春回憶。步入社會，也時常返抵此地，除了懷緬青春，亦因此處食肆林立與集中。農曆新年之前，已得知此店的存在，唯獨未有機會一嚐其味。今天，與友好前來共嚐。步入店面，裝潢感覺一般，座位空間足夠，拼桌不會與陌生人有身體碰撞。迅速點了一道「慢煮燻豬柳」、「墨汁海鮮意粉」，及「法式田螺」(希望沒記錯菜式名字)，餐湯仍傳統港式紅、白湯，配法包。餐湯與法包味道可以，但未感驚喜。「法式田螺」以薯泥配搭味道清淡，作為開胃菜還可以。兩道主菜出場，「豬」味道達標，豬肉表面微脆內裡嫩滑，而表面有淡淡煙燻味，帶來慢煮感覺。「墨」份量充足，不單是意粉，海鮮也如是。墨汁不會過於黏稠，味道亦不澀，入口順滑。此店，應四至八人前來，方可多試不同菜式。

Spacious, comfy environment insideSoup and Garlic breadThe soup is quite thick, I wonder if the chef has added flour into it LOLSmoked salmon clam sauce with capellini ($52)What a disaster The sauce was watery and tastelessNot to mention its super tiny portion of smoked salmon, it's sliced as if it's leftoversThe portion of capellini is adequate though:It comes with a drink, I ordered a hot chocolate and it's makes the disaster more disastrousSuper watery again and it just tastes weird..:"(

今天難得去到筲箕灣東大街，行到街尾發現有一間新嘅餐廳，見唔使等位即刻入去坐啦，主打西餐，有老婆想食嘅豬手同埋天使面，尤其係卡幫尼意粉。落左單之後唔使3分鐘就有湯同麵包，賣相唔錯，再過多5分鐘就有意粉食啦，侍應快手招呼唔錯，店舖中嘅裝潢偏向浪漫，意粉就夠好味啦，豬手脆得來唔蘇，奶茶有少少苦澀，最後大眾化嘅價錢，高級餐廳嘅味道，唔錯。佢都有啲特別嘅甜品，但係好鬼飽所以無叫到。