影片
電話號碼
70727998
營業時間
今日營業
11:30 - 21:00
星期一至五
11:30 - 21:00
星期六
08:30 - 21:00
星期日
08:30 - 16:30
公眾假期
08:30 - 16:30
以上資料只供參考, 請與餐廳確認詳情
食家推介
大圍居住環境最特別嘅係，呢度集齊咗好多屋邨、屋苑同村屋，令呢個地方可以比到大家市區入面轉個角就搵到寧靜舒適嘅村落仔。亦都因為咁，座落咗好多村屋小店，嚟到搵嘢食總會有尋寶嘅感覺。今日尋到嘅係上徑口村嘅Dr. Cow🥳🥳聽個名就知係專食牛扒🥩 每日有幾款牛扒推薦，餐牌亦好多其他選擇今日揀咗澳洲Rib Eye一份配薯菜，另外叫了一份大蝦意粉🍝先講大蝦意，蝦肉有彈性且肉味頗濃，意粉用鮮茄蓉做，清新唔重調味，整體配搭不錯，未到驚艷但絕對係個舒服嘅選擇👍🏻👍🏻牛扒嚟到大概六七熟，切開保持到嫩滑同少許肉汁，調味同樣輕手向，可以食到牛扒原來嘅味道👅價錢親民，坐得舒服員工Friendly，會再嚟試！
繼續閱讀
大圍食嘢，宜家好多人都去商場，最近圍方開左，更多人去。所以我試下除左火車站附近幾條街，仲有咩食。搵到村屋都有一間西餐食，仲有各種牛扒賣。 今次老闆比較得閒，所以我就無睇餐牌，直接問佢推薦食物，自己再揀飲品啦！ 舖頭環境 芝士泡菜豚肉定食 (包沙律、餐湯、白飯)$98沙律各種沙律菜都有，唔係好肥嘅沙律醬，係類似凱撒沙律嘅醋，感覺開胃。粟米薯仔湯薯仔通常配番茄，佢呢個配粟米，有少少Cream。薯仔唔係大塊切，都唔係完全薯蓉，有少少沙沙口感，不過已經感覺好Creamy。芝士泡菜豚肉本身我唔太食泡菜，因為唔鍾意佢濃烈嘅味道。不過呢度泡菜用左韓國空運嘅新鮮泡菜，無防腐劑，再用芝士煮過，雖然一樣有蒜味，但即刻易入口左好多，酸酸甜甜好開胃。豬肉片都唔肥，好好送飯，好快食曬碗飯。 藍莓沙冰 $42(跟餐半價=$21)開頭見到個價錢，覺得有啲貴，會想睇下佢係咩情況。跟住見到原來成座山咁高，飲慢少少，真係會瀉架，所以其實下面個盤唔係裝飾。好啦！睇完樣，飲落去，好綿滑，完全無碎冰，仲要真係有幾粒藍莓點綴下，突然就覺得幾抵。 總數$119
繼續閱讀
顯徑個邊村入面既小店環境唔算大，但系都坐到四五枱，做街坊生意咁樣都幾溫馨主食：意粉/飯/沙律/扒 都有得簡今日叫左個日式定食_ 生薑燒雞扒定食雞扒＋海草 ＋滑蛋 - 配雜錦海鮮湯滑蛋系日式定食必備! 夠滑!雞扒大大塊，薑燒汁夠惹味，撈飯一流原本以為咖喱汁，原來系今日既時令湯- 雜錦海鮮湯員工都話好多湯/前菜都系會因應當季當造材料已定所以可能每次黎都有唔同既suprise蜆肉系一D都唔吝嗇，超足料!!!!花生Latte ~ 唔系好多舖有呢款咖啡，所以叫黎試試面層舖左一D花生碎，咖啡苦味同花生既香甜味結合一齊。層奶泡令杯咖啡更加濃厚和柔滑不過個人偏向飲D奶味無咁重既咖啡，呢杯就奶重左少少。員工整體態度幾nice, 中間都有d街坊會入黎打下招呼傾下計，感覺好warm~大家不仿支持下小店
繼續閱讀
以為大圍區都有間見得人既餐廳，同家人食好少少，用熊貓平台叫外送，一個$198既牛扒飯燶成咁，真係笑死人，重要係底同面都一樣咁燶，同食炭無分別，咁唔用心製作食物，不如唔好做啦，又糟蹋左塊扒。
繼續閱讀
原件安格斯西冷定食配溫泉蛋 +$10轉湯烏冬先飲手工餐湯～飲落純口似磨菇湯又唔似全肉湯～Anyway幾好飲🤤安格斯西冷肉質較實～但肉味好香～牛香味濃😋諗起都想再食～湯烏冬個湯底唔Hea煮～較岩哂味配烏冬超夾👍👍盛惠$1xx💰💰💰💰💰好味指數🫵 5️⃣最佳🍻🍻🍻🍻🍻☻非專業食評·純個人口味☻🗣️仲有咩想講地方需小但感覺好舒服～老闆亦健談👍有機會黎到依頭可以黎試下～下次再試下其他野先😋
繼續閱讀