EC Kitchen (已結業)

上星期六，同男朋友去元朗行街，見到小店有即叫即做既burger, 平平地咁， 30蚊有個cheese牛肉burger, 再加8蚊有埋粗薯條同氣水combo, 即刻買番個試一試佢。小店坐位唔多，不過我地5點左右食，就冇咩人係店度食，外賣既都有d。等左陣，薯條先到，粗薯條熱辣辣，岩岩炸起，正~ 食完薯條burger就到，burger既漢堡排都幾厚，食落都幾juicy~ 男友大大啖咁，幾啖就食完個burger啦！ cp 值超高，佢仲想encore多個set做宵夜。下次去元朗可以再食~

某個瘋狂的FRIDAY我們在lunch time 坐車去吃漢堡~HAHAHAHA位於元朗的EC Kitchen很多不同款式的漢堡我們選了最簡單的芝士牛肉漢堡+煙肉, 套餐配汽水和薯條 ($43)漢堡當然配可樂~漢堡牛的牛肉味很濃厚, 顯得煙肉有點多餘牛肉雖厚濃, 但肉汁不夠, 有點乾薯條是即炸的, 香脆可口

小弟因爲親妹既極力拉扯到左ec kitchen食lunch，聽說漢堡的肉可以啖啖厚肉（佢都係睇網絡打手既圖），再睇埋openrice既食評照，期待至極。但理想與現實卻很誠實，傳說中的厚肉始終只係傳說。（減半啦大概🙄）而面包皮比想像口硬（個人喜歡軟既）不過d肉係ok味道既，只係網絡打手將大家既期待推到尖峰，然後睇到個包當然就落返地啦。最後唔建議食炸咖哩角之類的炸物啦， 因為真係炸得太犀利啦，太熱氣啦。

鳳攸南街有不同特式既食店，呢間位於橫街內既一間鋪仔，有不同既雜誌Facebook 介紹過，我自己都食過兩次，今次已經是第三次，而每一次我都會食芝士手打漢堡，漢堡肉厚多汁，即叫即製！而且呢度仲有好多唔同既選，食多幾次都唔會悶、同埋服務員每次都好nice好親切

Facebook介紹唔可信，但連朋友都介紹，就成功引到我趁放假去試一試呢間出名嘅漢堡。見到門面有少少驚訝，比想像中簡陋，難道呢d就係隱世小店嘅條件除左漢堡其實仲有好多選擇，不過一場黎到當然要試招牌漢堡～一上已經聞到好香黑松露味，冒哂煙熱辣辣即烘包面外脆內軟，中間嘅自家製牛肉漢堡超厚超有份量，比機攪嘅有口感得多，而且好juicy，加上黑松露好香吉列蝦堡同樣即製，夠新鮮，不過味道比較普通，少少似快餐店嘅味道。推薦大家試手打牛肉漢堡，比其他售價較貴嘅漢堡專賣店黎講性價比算高不過店內環境麻麻，比較擠迫，如果有多d空間就更好！

去鳳攸南街覓食，經過EC kitchen, 見到佢張雜誌介紹 - 海膽黑松露芝士牛肉漢堡（$88），個名十分吸引，即叫左個黎食下，再加多兩個普通牛肉漢堡外帶。 佢啲包係即叫即做，所以都要等成10幾分鐘。煮完出黎實物係咁樣，海膽少左啲，舊牛肉漢堡就都算幾厚同幾juicy。個人麻麻地黑松露味，所以都唔覺值呢個價錢。反而佢30幾蚊果個芝士牛肉漢堡就真係幾抵食，性價比夠高。 下次會繼續黎買呢個芝士牛肉漢堡~

早前睇雜誌見到話元朗有間食海膽漢堡和薯條，真係實在對我黎講太吸引了叫左個普通的熱狗和海膽薯條，熱狗係正常食到的，但海膽薯條我真係第一次食。大量芝士和海膽，好滿足，但加埋茄汁就唔係好夾。熟左既海膽係無咁鮮味，但都好重海膽味和鹹香。價錢唔貴，咁食法都係五十左右。

睇到某雜誌介紹, 見到係元朗咁近~就約朋友黎試下~一試就愛上左喇!!餐廳入面無座位既~ 出面就擺左4-5張圓枱~咁岩呢幾日開始凍凍地~所以都唔會覺得好熱好辛苦~海膽黑松露芝士牛肉漢堡好巨型既漢堡~ 一啖基本上咬唔到~唯有切開佢分開慢慢噗~ 真係好足料~ D海膽同黑松露都好多~ 好濃味~ 食落口果下真係好滿足~牛肉都好多汁~黑松露蟹粉薯條新鮮即叫即炸~ 一擺低已經聞到好味既蟹粉同黑松露味~食到停唔到口~雖然一個漢堡要接近$100但食完真係會覺得值~因為份量都算幾大~而且用料都係有誠意既~我地4個女仔食左兩個漢堡+一個薯條都已經夠晒飽~因為今次主要為左呢兩樣野黎~後期睇番相先知個餐牌重有好多好多款野食~ 下次再黎食過

很喜歡到小店尋幽探秘，不時會有意外收穫，特別喜歡吃漢堡包。看到去過的漢堡店一間間地倒閉，包括他他餐廳、火山堡、鮑記大食部等，不勝唏噓。EC kitchen開業至今已有一段日子，能夠撐到現在定必有其吸引之處。餐廳座位不多，環境簡陋，但勝在價格親民。芝士手打牛肉漢堡 $30＋薯條，紙包飲品 $8磨菇手打雞肉漢堡 $30＋薯條，紙包飲品 $8手打牛肉漢堡非常非常厚！不能一口咬下去；牛肉味濃，略嫌不夠多汁，芝士亦可以更多，不過三十大元買到這種質素和份量的漢堡包相當划算。薯條是老麥那種，太幼了，跟粗薯條／扭紋薯條完全沒得比，另可自行到雪櫃挑選紙包飲品。朋友不吃牛，逐買了手打磨菇雞肉漢堡，一樣的厚度，一樣的份量，但雞肉肉質偏乾，調味不足，相對失色。蜜糖雞翼 $28/5隻水準正常~沒特別。這次到訪EC kitchen沒有驚為天人的感覺，味道不俗，主要以價格和份量取勝，希望下次再來會有新驚喜。

已經第二次黎呢到幫襯喇上次食完佢既高質漢堡包 心思思想再黎多次今次叫左個松露西冷牛肉漢堡，再加8蚊跟餐就多包紙包飲品同薯條見到呢張相都唔洗多講就知個漢堡扒有幾厚一上枱松露醬既味已經好勁加埋juicy 到爆既西冷漢堡扒 真係好夾松露同牛肉味都好岀 漢堡扒有d根 我就覺得好有咬口 令個漢堡扒更重牛肉味薯條友人話係m記薯條不過勝左即炸 夠熱又無林身所以都好好食

HKD68呢個肉醬海膽薯條上面有好多海膽肉醬裏面有少少芝士新鮮炸嘅薯條外脆內軟肉醬味道唔會蓋過薯條ge味道（睇下你係咪鐘意重口味，如果重口味就會覺得佢個肉醬淡左dd） 啲海膽食落去都幾新鮮幾鮮味Rating: 8/10

本身去食JC room ，點知今日得晚市諗起fb成日宣傳依間，就試下啦黑松露海膽漢堡$98蘑菇吉列蝦堡$48?唔記得左另外每個餐加多十蚊轉set，配薯條同氣水先來薯條：幼，新鮮炸，夠咸，食到一半全部都係又碎又短，同麥當勞新鮮炸既一樣，但個人比較喜歡粗薯氣水：夠凍黑松露海膽漢堡：大！伏！海報自稱漢堡有洋蔥碎，乾蔥碎，但係食落同個免治碎牛餅一樣，冇洋蔥碎，冇乾蔥碎，男朋友話仲衰過我煮，成舊水完全唔值，海膽又跌到一忽忽蘑菇蝦堡：職員拎來時，個包係好似麥當勞咁包好，一打開包裝紙，麵包已經俾職員壓到裂左，食落係好味過麥當勞，蝦比麥當勞大隻，好食過漢堡多多聲總結：一舊水係依度食個漢堡係完全唔值，一舊水出去食burger room ，食個最普通漢堡都好過佢冇賣相，唔明有乜值得宣傳？轉角JC room 個漢堡都好過佢

見到面書介紹咁正又咁近我屋企就去試下結果真心失望，同雜誌介紹個樣差咁遠咁樣一d都唔值68蚊，勁無誠意見到寶欣介紹個陣塊芝士係溶哂，但依家係就咁放上去我自己都識整啦海膽仲要有怪味友人叫左個漢堡但佢都話麻麻地

本身見到facebook好多人講就諗住去試下啦點知去到一間都裝修好只有風扇同吾涼既冷氣簡陋既接枱接凳都吾梗要因為野食先系我最期待叫佐一個all day breakfast加單叫一個包兩個都系安格斯牛肉漢堡真系影佐一張相就可以停d茄汁豆放到一撻撻都算個安格斯牛肉先系精髓系切碎哂再煎 無口感亦無味道仲要九十幾蚊真心覺得俾人呃佐下次真系睇哂食評先去試新鋪

老遠入黎食漢堡包，今次係第2次黎呢間食，荃灣食過1次，但無outdoor,所以要黎返元朗。今次都係叫左個2人餐，無叫飯，只要2 個包跟2小食同2飲品，咁既價錢我就覺好抵食 .包係最基本既芝士牛肉包&磨菇雞肉，但唔知係咪比錯，雞肉有d似豬肉，磨菇得1片，可能太多單關係，印象中第1次好味d.......不過都好好味。芝士牛肉包另加磨菇同芝士，但好似又係少左我加錢既芝士，maybe溶左睇唔到卦，最重要係老公話好味就得喇！小食要左洋葱圈，唔油分量剛剛好，另要左芝士炸雞，因為食左個包已好飽，見到炸雞真係唔太食得落，味道都係一般。最衰2人餐只可以跟飯同意粉或小食，如果可以要撈麵就正。以咁既價錢，我覺得ok喎，之前係出面食過2xx-3xx左右都係差不多，係賣相呢度似快餐，因自助買票麻。order時佢都有提我要等好耐，其實老遠黎到點都等埋喇，最緊要有得坐住等。