EC Kitchen (已結業)

週末和家人去麗城探朋友, 閒逛灣景看到這間善用商場空間的漢堡店.見到MENU介紹的自家製的手打漢堡,而且即叫即製,食慣老麥的快餐包,不期然對"即叫手打包"有一種期望.所以就叫左兩個餐.黑松露海膽芝士牛堡,塊牛肉就真係巨厚, 而且烤得剛好,牛肉味超濃,肉汁真的由咀角滲出來.一啖咬落個畫面真係好似拍廣告.黑松露很香,未吃都能夠聞到.只是海膽味不太突出.塊牛肉真係多過兩隻手指咁厚.芝士,黑松露味道都算夾.另一個就叫左羊肉漢堡,又係超大塊羊肉羊肉沒有任何騷味,肉汁都唔少,又係好香口.羊肉巨扖燒得很鬆化.最後加多個台式鹽酥雞.沒有椒鹽,我自己覺得不太台式,反而似美式炸雞.味道不算咸,亦不油食物質素不錯,而且暫時人流不算太多.但因為手打即叫即做,製作時間都比較長.地點其實在灣景巴士總站隔離.算少少吊腳啦,就算我住荃灣,都真係有時間先再去試啦.

元朗，有家漢堡包店，叫做EC Kitchen，門外貼滿報紙雜誌介紹，好巴閉咁，有人稱佢為大西北時新。呢間「大西北時新」，原來已悄悄地開了分店，還要是在我家附近，以前Nova個位。於筆者而言，總算是一件好事，因呢一帶實在冇啖好食。需知道，當時Nova一去，我真是失落了好陣子，哈哈！趁剛開業，未有太多人認識時，去吃頭啖包。漢堡由$38起跳，到過百元的鵝肝、黑松露漢堡，亦有供應，豐儉由人。開業初期，持附近屋苑的住戶証，更可享有優惠。筆者之前試過元朗總店的出品，有點信心。加上眼見有十分邪惡的鵝肝漢堡，作為正義之士，實在無可能放過佢，所以不再猶豫，點選了鵝肝芝士牛肉漢堡。那塊牛肉，跟元朗店的一樣，超級厚身，但質感依舊鬆化。鵝肝雖只是薄薄的，卻不失甘香，連同芝士，收貨有餘。薯條好脆口，只須加十蚊，仲有埋罐裝汽水，無壞啦！唔使問，吃漢堡，梗係配可樂了。呢度咁方便，相信我會翻兜的。

#Herfood荃灣區 🌟蘑菇雞肉漢堡 全日早餐$68 包飲品新店新店🎊🎊🎊 今次到麗城啦！招牌手打漢堡🍔 小編真心覺得超值！雞肉漢堡差不多4-5cm厚，加上其他全日早餐配料：香腸/煙肉/雞蛋/炸薯角/茄汁豆，真正珍寶份量！