Error19 夢幻烤魚場 (已結業)

我地一行三個好姊妹想搵間坐得舒服啲野又好食既餐廳，旺角算係世界中心，間野仲係地鐵附近好就腳，有卡位坐得好舒服！三人叫左份鮮青椒烤魚，魚肉好滑好鮮甜！條魚仲幾大條。咁岩我地三個都好鍾意食芫荽，癲到叫多份芫荽，盛惠$42但都俾得開心，因為佢好新鮮，最緊要係更加帶出烤魚嘅鮮甜香味，之後打邊爐個湯又充滿芫荽香！打邊爐叫咗西班牙黑豚豬腩片($138)，豬腩片索晒啲魚同芫荽湯超正，黑豚肉真係特別滑，入口肉味濃，算唔貴，好味道！

Error19 夢幻烤魚場 📍旺角彌敦道726號19樓呢排時冷時熱～唔知食咩好😉朋友介紹我去呢間係旺角既烤魚店食完辣野出一身汗好正～我叫左重慶豆花烤魚跟飯 ～ 小辣配涼拌魚皮小食 ～ 凍檸茶好小地方有涼伴魚皮食～食落爽口～烤魚份量好足～夠2-4個人～叫左小辣好惹味～烤魚愈入味～因為吸收左辣湯汁食完烤魚之後仲加左配料打邊爐🤩食到飽飽～見到佢地仲有串燒燒肉同海鮮～睇落錯～可惜太飽～下次再來encore 先得。

作為烤魚控，見到旺角有間烤魚店，同一般傳統川菜店不同，主打粉紅主題既夢幻風，而且有mirror同Error應援，咁特別就約埋朋友一齊去試試依度食烤魚有三部曲1.先選魚種 (清江魚/江團魚）2.再選口味及自選辣度3.要不要加配菜烤魚款式同口味選擇都幾多，除左辛辣口味—重慶豆花、青椒及金湯酸菜三款，仲有兩款不辣—香濃蕃茄或爆蒜豆豉口味🔺香濃番茄烤魚 $358我揀左香甜濃郁番茄烤魚，送飯一流，又好新鮮嘅番茄，酸酸甜甜地既茄味好出，又可以帶出魚既鮮甜，江團魚魚肉多，嫩滑無咩骨，啖啖肉岩哂怕哽骨既人，魚皮煎香過，所以食落比較香脆，有芽菜麵筋係底，份量幾足，我地4個人都夠食食完烤魚可以加湯繼續打邊爐朋友點左幾樣邊爐配料分別係蒿筍片、蓮藕片、鴨血片同午餐肉依4樣配料簡直無得輸，鴨血片滑嫩水潤Q彈，午餐肉厚切多片，成功吸晒湯汁，而且𝘊𝘗值相當高

今日放工同事問我食唔食埋野先走，話見到間餐廳名好特別好想試，咁就奉陪啦😂烤魚有清江魚同江團魚兩款，我地選左鮮青椒口味，有大中小三個麻辣程度，我地選左小麻小辣 ，魚肉好嫩滑，而且大骨，怕骨既朋友都岩食，一條烤魚既份量驚人，四個女仔完全夠食！雖然烤魚入面已經有配料，芽菜、豆皮等，但為食既我地都追加左安格斯牛小排、鴨血片同午餐肉😍，牛小排我哋個個都大讚，油花夠多，又重牛味，推薦食完烤魚之後就可以打邊爐，一魚兩食抵玩

呢排天氣比較悶熱，一放lunch唔知食咩好，同事介紹公司附近個幢彌敦道726號超多餐廳選擇，今日就揀左呢間位於19樓既Error19夢幻烤魚場，佢地既午市套餐價錢非常親民，就算升級至特色飲品都只係加幾蚊，一於試下先~🌟酸菜豆卜炆豬腩肉 ($59)天氣悶熱最適合食啲酸酸地既開胃小炒，呢個酸菜豆卜炆豬腩肉就最適合不過啦，份量都算多，一個女仔食完都好夠飽，豬腩肉加上餐廳秘製醬料一齊炒夠哂入味，豆卜仲要吸收哂醬汁既精華，唔小心食哂成碗白飯🌟特飲: 藍柑橘梳打 (跟餐+$)特飲方面就叫左呢杯層次咁靚既藍柑橘梳打，甜度適中，口感清新，解膩之選

同朋友行完街唔算好肚餓，但又想搵個地方坐低傾吓計，之後我哋就揀咗呢間少女心爆發嘅餐廳，係食烤魚又可以順便打埋卡鮮青椒烤魚愛吃辣既我地就揀咗中麻中辣，食辣嘢要夠麻先至好食，魚有兩款選擇，我哋就揀咗江團魚，睇介紹話呢款魚既肉質地會滑身啲，果然真係滑溜既d魚肉，而青椒🫑辣味係好出，味道香口又入味，食到我出哂汗🥵 食烤魚點少得加埋窩筍片同蓮藕片，索哂辣汁浸到淋又辣先爽，最後仲單點左燒菠蘿作endding，香甜又多汁

同朋友出嚟旺角行街，朋友提議食烤魚，我話：得兩個人點食？？佢帶我嚟到呢間餐廳Lunch Set竟然有一人一鍋嘅烤魚鱸魚差唔多350g, 一個人份量恰好仲跟埋飯同飲品平時街市買條魚蒸都唔平呢個Set好抵食✨蒜爆豆豉烤魚 蒜蓉豆豉係家常口味，亦都非常惹味同烤魚真係絕配，魚肉嫩滑唔多骨魚肉新鮮串燒都有好多唔同選擇✨豬頸肉厚厚嘅豬頸肉，好爽口燒完唔會太乾口感豐富，灑上調味好香口✨燒菠蘿新鮮菠蘿燒完爆汁感超甜，同朋友一人一片...唔夠喉呀～下次一定要再Encore

有冇諗過食烤魚都可以打個靚卡呢? 前排同朋友就去左一間位於旺角既烤魚火鍋店，主打的川味烤魚，食完仲可以叫埋啲火鍋配料打邊爐，另外仲有串燒同四川涼拌架，選擇都好豐富!餐廳裝潢以粉紅色為主調，店門更有花牆設計，岩曬同朋友邊食邊打卡! 比較特別係佢地最新推出左午市餐牌，仲有一人烤魚食，都係$78，仲送餐飲好抵食! 唔食辣可以試下香濃番茄/蒜爆豆豉烤魚，食辣既朋友可選金湯酸菜/重慶豆花/鮮青椒，味道有驚喜!今次同朋友試左鮮青椒烤魚大麻大辣，佢地有兩款魚類可供選擇，條魚可以2-4個人食，肉質嫩滑好入味，食落重青椒麻香，建議加多啲吸湯既配料一齊食好好味，值得一試

-Error19 夢幻烤魚場😎地址: 旺角彌敦道726號19樓-前幾日同朋友2個人去食飯，唔係話好肚餓所以都只係叫咗好少嘢！👅但係無諗到原來個份量都唔少…其中我哋最鍾意係佢個小食🫰🏻鹽焗脆皮雞配麻辣雲耳👍🏻Rating🌕🌕🌕🌕🌗-個人真係好鍾意呢啲開胃前菜🤣次次食前菜都食飽哂 主菜都可以慳返😂辣椒籽平均佈滿係雲耳上面🥰入口麻香味十足 但又唔會過分辣…惹味得來又唔會話好油膩！🥹重點係雲耳同青瓜都爽口 青瓜又Juicy😋主角鹽焗雞 雞件嫩滑😌表皮焗到好脆 咬落去係啖啖肉😏而且雞肉好爽嫩 調味都幾深得我心！最後小菜配白飯 簡簡單單又一餐🫣味道真係唔錯！下次會再嚟試試其他野啦🤭-

姊妹有日約我夜晚一齊去旺角食烤魚，當時我覺得有啲麻甩xd 但去到就好驚喜粉粉的好少女風，啲餐具都好靚，真心似cafe多過食烤魚，女士們又多個食飯嘅好地方。晚市menu 上嘅魚有兩款，而口味就有六款，配菜有十二款，食完烤魚原來仲可以打邊爐/串燒燒海鮮，又幾好喎。我地揀咗油份無咁高嘅青江魚，口味就揀咗「 鮮青椒烤魚小麻小辣 」（$318）：條魚嚟到都幾大條，係2-4人份量，配料都已經有豆腐片，所以我地無另加配料，留肚食燒海鮮。魚肉好滑，調味好多舖滿魚面，所以味道都幾香濃，小辣帶麻香幾惹味。燒海鮮我地揀咗「 蒜蓉日本扇貝 3隻 」（$88）： 扇貝都幾大粒，燒得剛好唔會韌，裙邊就彈牙，好多蒜蓉好香口。下次gather多啲sis嚟食先。

呢間餐廳係我公司附近，見到個環境好靚，主打烤魚！呢日中午過嚟試下個Lunch先原來午市除咗有一般套餐，亦都有啲一人烤魚套餐，真係第一次見，好吸引😍不過今日有少少趕時間，留返下次再食▫️酸菜豆卜炆豬腩肉(白飯）$59呢個餸可以選擇辣 或者 不辣，我就選咗不辣，份量好足夠，猪腩肉炆到好淋好入味，酸度剛剛好，酸菜同豆卜都好好食，送飯真係一流套餐 追加 小食 涼拌魚皮 $24魚皮食落好爽口，一啲都唔腥，好食另外仲加咗個蠔油生菜，都唔錯午市套餐都幾抵食，款式都幾多，搵日要同個朋友嚟食下烤魚先😍

最近香港開多左四川烤魚店，今日同朋友去左旺角做facial，做完facial係openrice search下附近有咩好野食，比我搵到呢間樓上川菜店，仲有特色粉紅花花牆岩哂打卡，餐廳空間感十足，坐得好舒服🔥鹽焗脆皮雞 ($59)雞皮半煎炸表面呈金黃色，咬落口感酥脆，而且雞肉依然保持鮮嫩多汁，送飯一流🔥小食: 涼拌魚皮 (跟餐+$24)跟餐可以加配多款小食，有麻辣雲耳、紅油抄手同涼拌魚皮等川味小食，我就加左個涼拌魚皮，份量都唔少，魚皮口感彈牙煙韌，配埋個秘製醬汁好好食

朋友話想食川菜帶左我去間粉紅餐廳幾girly，原來除左常見既川式客飯之外，仲有我最愛既米線，特別之處就係有酸菜湯，同埋可以揀寬粉～但我都係揀返米線😊自選風味飯麵套餐$56/$59，視乎咩餸我揀左魚片酸菜湯米線，佢用個平平地既碗上，食落感覺就係食緊酸菜魚咁😂 佢魚片冇乜骨，份量都好多米線比酸菜魚配開既寬粉接觸湯既面積更多，所以更索汁😋跟住追加左份麻辣雲耳，麻香十足，成碟好多汁，同埋有撈埋青瓜條，食落更清新可解辣

朋友發掘到呢間超夢幻餐廳，成個裝修勁少女，充滿粉紅色，好靚好啱打卡丫。同埋坐得好舒服，唔會話好局促‼️重點係呢度嘅食物竟然係有得食烤魚😂勁大反差！而且味道勁香食入口勁惹味😘我哋今日食嘅一人烤魚午餐，分量剛剛好，有魚有飯有配菜仲有埋野飲添🥰餐廳有好多款一人烤魚揀，我揀左重慶豆花烤魚，要左中辣，好好食🤗先講條魚，好新鮮，魚肉好滑溜，香料重味又夾條魚，食得好爽！加埋麻辣牛肚絲小食，超正！啲牛肚絲好彈牙☺️野飲就要左冬瓜益力多梳打，解渴又解辣，總之好啱我口味，下次要再黎食呀！

誤打誤撞去咗呢間食川菜嘅餐廳，佢同傳統嘅川菜餐廳店面設計有啲唔同😂呢間超新穎有趣，比人耳目一新嘅感覺❤️我最鍾意佢哋嘅午餐一人烤魚，平時食烤魚要幾個人分享先食到，但呢度勁好，一個人就得，烤魚一人分量，用個烤爐仔又得意可愛，食得好開心😁而且佢唔係得個樣，條魚好好味🤤我叫呢個香濃番茄烤魚，番茄🍅勁濃郁又香甜，用嚟送飯一流，真係一啖接一啖好快就食完😋我見menu晚市可以食完烤魚再打打邊爐，下次叫埋啲朋友一齊食飯先🥳🥳