euro go go

營業中

休息中

一直都好中意食Euro gogo ，算係做得不錯的意大利餐廳，價錢都可接受！2個人嗌左4樣野，平均都係100一個人蜜糖雞翼！肉質好嫩滑，焗得好香！芝士青口好大隻抵食，好鮮甜！仲有白汁波菜龍利柳寬條麵，龍利柳好多，啲汁唔會太稀，成個麵食落好juicy

因為紅日7月1日放假，就同埋哥哥爸爸訓到晏一晏先出去食飯！剛好踏正2點下午餐，可以用優惠既價錢食到euro gogo前菜：香蒜蓉包本身烤得不會太脆，所以唔會擦傷口嚨中間塗左蒜蓉部分非常淋，軟綿綿又香口仲帶有一點牛油感 香辣雞翼：個汁呢比較結身一啲嘅基本上雞翼烤得好脆不過林咗個汁落去之後就軟林林 雞翼個味道都係靠呢個汁調住嘅半分百寶：有黑椒，番茄，牛肉，蘑菇等整體嚟講呢都係番茄味係比較重一啲嘅黑椒味係食落去第一口有感覺到囉Pizza佢底都幾薄架蕃茄味實在太重啦所以我都係覺得麻麻地好食依個係最好味嘅蘑菇煙肉薯蓉好食到爆表面上有蘑菇同埋煙肉跟住用火槍再起面嗰度再烤多一烤可惜個底嗰度呢就冇將個啲煙肉蘑菇混埋結果食到面就好好味如果食底就係得薯蓉我阿哥驚唔夠飽所以叫呢個但係呢真係麻麻哋好食建議大家唔好嘗試啦食其他嘢仲好過最後埋單162 3個人食計返都係＄60左右一個人啦 非常之抵另外佢嗰檸檬茶都真係唔好飲檸檬有檸檬味茶有茶味係永遠溝唔埋成為檸檬茶

五點幾就食的晚餐～行到累想搵個地方坐下，食下野～行到過黎～就睇下有咩食～係我同友人，睇緊有咩食果陣，店員就俾左餐牌我地，同我地講可以坐埋位慢慢睇喎～😂😂五點幾仲有下午茶餐～我叫左牛仔腸配熱香餅友人叫左波菜汁龍俐柳闊條面～半自助型號，買完店員會幫手送上食物~跟餐+$8,可以飲Mochaccino~因為係"cino" 的關係~奶味好重~朱古力味唔出~牛仔腸配熱香餅~如果唔要牛仔腸可以轉配香蕉~牛仔腸正常味喇~唔太特別~熱香餅因為無牛油的關係，比較乾，配埋糖漿岩岩好~波菜汁龍俐柳闊條面~闊條面有用芝士焗，但食唔到芝士味~龍俐柳好滑，同應該係腌左的關係，好夠味~而闊條面同個汁就唔係好夠味~個波菜好似菜乾~lol一啖面一啖魚個味就岩岩好喇~

一行3大2小去藍地搵食，點知見到呢間野門面幾好，我地又想食西餐，就膽粗粗入去了。因為係節日所以都要等位，等大約15分鐘左右喇一入到去，暗暗的燈令我地覺得好浪漫，好可惜我地都係女，下次可以同男人去喇今次我地試左個芥末有骨豬，味道真係好驚訝，冇諗過一食落去就係滿滿的黃芥末醬味道，每一啖都好攻鼻呀⋯⋯但感覺幾爽。友人都覺得肉質口感好好，而且不肥不膩，值得推介友人叫左白汁帶子意粉比小朋友食，有3粒大帶子，味道較啖，但都有鮮味，但個意粉就比較差了，因為都冇咩味，只有cream and milk的味，完全係冇咸味至於個鮮茄長通粉，味道還可，長通粉唔會太林，而已番茄味都夠的，呢個都不過不失了

焦糖燉蛋買一送一真係可遇不可求，閒逛元朗突然想食法式甜品，跑來Euro gogo吃個Cream Brulee!這個焦糖燉蛋份量很大，似是2人share的size! 欣賞燉蛋裡面混入雲尼拿籽，很傳統的做法。而燉蛋亦很挺身香滑，一羹羹的吃著很是滿足。稍為可改善的是燉蛋糖份比例太高，平常吃得很甜的我也覺得太甜了。反而鋪面的焦糖不夠厚身脆皮，吃得不夠盡興。這是一個假日下午茶餐，連飲品$38 算是中價之選吧，在元朗區越來越多優秀的餐廳，euro gogo要保持競爭力真的要努力gogogo了！

呢到我一向都唔鐘意去,因為比呢個價,都要自助似大家樂咁比錢,我覺得唔值,見空閒兩個鐘,有冷氣先入去試下,好似好耐都冇自己靜靜坐起到試餐了,七月都過了一半,應該習慣下孤獨感,有時會諗咁樣就不會阻住人就更好了 ,點好餐,會比個牌選好位等好似話忌廉朱古力都唔錯,就試下,厚厚又滑的忌廉加香甜朱古力係幾好飲,好,增加了朱古力的香滑,忌廉上有焦糖增加甜味再加多個蘑菇煙肉焗薯蓉,送到來先記得自己唔食得菇了,但都要食,煙肉好香,份量唔多,菇都清新,唔錯,總結貴,得送餐就冇咩服務,食物水準ok

我一直去屯門分店euro為主，元朗開了幾年冇去過，主要太多人要等位，今日去了元朗廣場，我見到少了好多人，決定試下這間,euro gogogo間間分店都是先俾錢点餐後送餐，我點了熱香餅牛仔腸(34元),飲品要凍泡沫奶茶，另加8元,點好餐之後揾位坐下等店員送餐就可以，因我只有一個人易揾位,我坐下之後涷泡沫奶茶就送到來,泡沫比起屯門店杰身一些,奶味好重,反而茶味唔係太夠,只是一般,熱香餅跟著就到,但是完全不熱,應該煎好曬放在係度,一個唔熱的熱香餅是不好吃，這裡服務都OK,環境都唔錯食物水準熱香餅，我覺得涷熱香餅不好吃，煎定放係度 ，個餅好乾牛仔腸,這個反而幾好味,有些小微熱泡沫奶茶，這個幾好飮，奶味好夠呀，茶味反而唔夠，整體又OK服務我覺得幾好,送餐不用等太耐環境我覺得都唔錯價錢42元,其實偏貴番吃未必再來

今日同女朋友出街食飯，我地係元朗廣場第三層個euro gogo. Euro gogo一聽個名就係食歐洲菜式啦，佢既裝修總用左好似開放式廚房既風格設計，對我地黎講都好特別。坐左落去之後，餐廳有中有英，我地分別點左芝士海鮮意粉同菠菜汁龍利柳意粉。再者，我地大家最鐘意食都係雞翼，係大家眼神對到既moment, 就一齊指往蜜糖燒雞翼張圖。首先，我地個main dish上先，講我個個芝士海鮮意粉。 我認為整體上ok, 芝士充足但係意粉既口感唔夠，海鮮只係得蝦，蚝等等；而味道一般。另一方面，菠菜汁龍利柳意粉就相對好d, 個意粉都係個問問--冇咬口, 而龍利柳煮得好入味and鬆軟,所以菠菜汁龍利柳意粉試得過！最隆重期待既蜜糖燒雞翼過然不負我地所望，十分好食，必試之選！蜜糖幾乎塗抹整隻雞翼，肉汁好多and 熱熱既。燒雞翼我地鐘意食，十分可口，我地都贊口不絕！美中不足係個兩個意粉，希雅下次食有口感d啦。

Euro go go有唔少分店…但開極都唔會係好大間…係元朗廣場呢間…午餐時份都係要等位…呢度應該算係半自助式既快餐店…要自己搵位…同到收銀處比$買野食先…買完野食…會有個號碼比你放係枱上…侍應就會送埋餐比你…先到既係飲品...未飲已經聞到香桃味...有3片...紅茶相信都係茶包沖出黎...都ok...但其實我既主菜係忌廉朱古力...28蚊好抵又好味...咪話我似小朋友...相信係人睇到都已經好開心...對比雪糕...忌廉奶味重d...飲落去亦比較軟綿綿...好飲好多...選菠菜汁好似健康d特別d...清清地...味唔濃...pizza全部都係得薄批...半份會切開3件...真係好多磨菇...呢度似乎只得芝士粉...唔覺有其他配套...芝士粉係standard...無特別吧...pizza底餅仲好脆...十足十餅乾feel...料都夠味...起碼食完唔滯先啦...仲有小食叫...雞翼有辣味同蜜糖選...當然要選後者...蜜糖味重...好香...皮有d脆又無唔濃...沙律一般...汁跌哂落底...最好撈混先食...蒜蓉包都好脆...千島醬甜甜地好開胃...海鮮有蝦，蟹柳，魷魚等細細粒..

復活節假期最後一天選了在 Euro go go 醫一醫肚才出動。可能假期尾聲的關係，將近 11 點店內還沒有幾枱客，讓我們享受了一個寧靜舒適的早餐 ^^我選了 Caramel Latte 和 芝士火腿牛角包有點後悔加了焦糖，因為完全把咖啡味給蓋過了。幸好芝士火腿和牛角包是永恆的絕配，而且賣相很好，稍嫌美中不足是芝士味太淡，可以說是不太吃得出來，能夠改善一下便好了。夫君的 Iced Hazelnut Tea Latte 和 白汁香腸火腿蘑菇意粉他好像也在後悔加了榛子醬，不太喝得出原有的 tea latte 了。白汁香腸火腿蘑菇意粉也在水準之中，只是白汁偏咸了一點。

DSE的第2天是在相同學校考試，不過天不造美，在考試結束時下起一陣雨，肥妹懶惰不想撐著傘四走覓食，唯有到附近的元朗廣場吃個午飯便算。位於元朗廣場三樓的euro go go肥妹一直都未曾嚐過，是次既然來到，眼見店內人群湧湧近乎滿座，那就吃個意粉作為午餐吧。選好食物付好款後只要安坐就行，十多分鐘後，職員便捧著我所點的意粉到來了。菠菜汁龍俐柳意粉 $50單看賣相是與餐牌上的照片無異，先拍過照後便滿懷開心地開始把意粉稍稍攪拌一下，不過問題卻出現了，此意粉並非菠菜汁，所謂的菠菜汁其實就只是加了菠菜在內，絕非是打碎後成汁。此圖是吃了一半的模樣，不過如圖可見，汁是白色的芝士汁而不是綠色的菠菜汁，單是這點就已經值得讓人負評了。意粉份量頗多，但煮得過腍，芝士汁亦過份稠結，非常漿口，可幸芝士味道不濃，不然肥妹恐怕連一半都吃不到。意粉伴上四小塊龍俐柳，味道並無大礙，都是普通餐廳品質，算是整道意粉中最為好吃的一樣了。

我一直都鍾意和朋友去吃euro go go，不過成日都要等好而耐先有位，今日得自己一個人吃LUNCH，搭人枱都無所謂，決定入去排隊買餐就搭枱坐，所以好快搵到個位坐。我點咗個白汁香腸火腿蘑茹意粉，加咗6蚊就upgrade做套餐，咁我選擇要沙律和汽水。坐低等咗幾分鐘就有侍應生把沙律和汽水送到我面前。個沙律好正，選用羅馬生菜，配上小番茄和青瓜，通通都好鬼新鮮，羅馬生菜好嫩，好爽口。而且個意式沙律汁酸酸地，吃得好開胃好開心。差不多吃完沙律就上意粉，意粉份量算大，ok夠飽。個意粉汁剛剛好，因為我不喜歡配汁多過意粉的感覺。話說回來，白汁味道ok架，不太淡而且吃不膩。唯一挑剔是香腸肉味不夠香吧…但意粉整體都好味。Euro gogo真係好抵食，估不到元朗呢間都keep到九龍區水準。侍應生雖然年紀好輕，但都好nice

元朗真的很欠缺大型商場，下雨天時，總想到商場閒逛，但較好逛的只有元朗廣場，故此，下午茶也在那細小商場攪掂! 這間euro gogo 裝修幾型格，木枱配以銀色鐵皮地板，而且坐位濶落，相對別的分店裝修明顯花過心思. 由於剛游完水，都有點餓，就order了一個火腿香腸鮮茄湯通粉+熱脆牛角包配熱檸水($32). 買票後，有專人會送上食物的，而我則選了一張靠牆的2人餐枱安坐，等候可令我快速恢復體力的食物. 火腿香腸鮮茄湯通粉先送上鮮茄湯通粉，通粉的湯底有濃濃的茄味，而且酸味足夠，通粉是有坑紋的，煮的時間剛好，很有咬口. 至於那些火腿、香腸也切了薄片，方便進食.  熱脆牛角包牛角包也是熱辣辣的，還配上冰凍牛油，鬆脆牛角配以牛油，那會不好吃呢! 怕胖的我也照單全收，吃了再算! 熱檸水內有三片薄薄的檸檬片，檸檬也新鮮，沒有苦澀味，可以補充足夠維他命C. 這間euro gogo環境不錯，而且食物也佳，下次再來時要試試麵包布甸呢!  

這間店食過兩次，之後隔左好奈都無再去過，兩次食都係意粉，味道其實好味，但有點吾值呢個價，個沙律好酸，我諗想開胃呱，但整體ok，飽肚！環境都吾錯，夜晚去食既話要排陣隊。

以往要食EURO GOGO都要去屯門，元朗分店開張都有一段日子，今日終於有機會一試，原本打算搵晏食，結果變成下午茶。兩人總計64元，除了意粉和果汁值回價外，個巴戟有點....令人失意。 芒果巴戟整體外貌不錯，內有乾坤。一刀切頭半段都是忌廉........再切才見有幾粒芒果!!可能本人太愛芒果關係!!皮: 夠薄、軟綿綿忌廉:都幾"梳夫"，甜度屬中等芒果可以多幾粒!!!磨菇肉醬意粉肉醬內有少許紅蘿蔔粒，芝士粉鋪面焗，結果變焦了，傳來少許芝士味，但吃下去不太覺。醬汁並沒有變成水注注，相反剛剛好足夠。平常吃的焗意粉，多數是淋，今次吃都的是彈牙質感讚！