影片
港鐵旺角站 D3 出口, 步行約9分鐘
繼續閱讀
營業時間
星期一至日
11:30 - 21:30
以上資料只供參考, 請與餐廳確認詳情
相關文章
香港少見嘅韓團主題cafe（老友係EXO狂迷，去到勁興奮😅）以往覺得主題餐廳好伏，多為打卡，但呢間食物味道真心唔錯。人參雞鍋，雞肉好嫩滑，而且有雞油香味，入面塞咗啲糯米，好足料，食完飲返碗熱湯好暖身！辣醬非常惹味，雞肉又夠入味，面頭再加埋啲芝士，邪惡但係超好味！就連餐具都好有心機~嗌完見到隔離枱食牛仔骨，賣相都好吸引，下次再嚟試~
繼續閱讀
今日帶Delta睇獸醫前, 係呢度食午餐. 店員非常友善, 見我地視力麻麻地, 主動幫我地剔點餐紙, 同埋介紹食物. 漸變色既杯, 好靚!試晒4款前菜. 泡菜好味, 菠菜居然冇調味, 都ok. 魚板最有特色, 蘿蔔我地本來就一般. 部隊鍋麵$88想食好耐了, 唔係好多餐廳有一人份量, 金色既煲好搶眼. 食材對得住價錢, 有大碌雞尾腸, 厚切午餐肉, 泡菜同魚板都好味, 係年糕少左d. 公仔麵既份量就啱啱好, 芝士泡菜湯既味道唔夠正宗, 但係都好味. 韓式拌飯(bbq牛肉) $118店員推介, 賣相吸引, 又非常飽肚. 牛肉份量多! 好似真係輕輕燒過下, 好有牛味. 飯就充滿温泉蛋汁和泡菜汁, 濕潤又香口, 令人一啖接一啖. 海帶同紅蘿蔔令口感更豐富, 翠玉瓜就唔係好夾. 榛子咖啡, 跟餐+$21好甜! 下次記得少甜. 此外都係正常好飲. 粟米茶, 跟餐免費用透明茶壺上, 感覺好chill, 味道香濃, 推介.
繼續閱讀
來支持吓新餐廳，裝修簡單，都幾大，可能新開張，午市人唔算多。今日得一位侍應睇全場，但佢好主動介紹菜單，又有禮貌。稍為麻煩係要自己剔紙仔落單，有幾頁紙咁多，有啲誇張。叫咗個韓式炸雞飯跟巴馬臣芝士醬，連餐前伴菜都有得四揀二。餐飲揀咗熱粟米茶。估唔到芝士炸雞飯好好食，炸雞香脆又多肉汁，好香雞味；芝士醬份量適中，亦都有芝士香；跟飯嘅沙律亦算新鮮。粟米茶原來用茶壺上，味道夠香濃。呢餐幾驚喜，會再來。另外，佢有個特別午餐，冇餐前伴菜，但比其他午餐價錢平少少，可以抵啲。
繼續閱讀
舊舖係荔枝角嘅𝙀𝙓𝙊𝘿𝙐𝙎 𝘾𝙖𝙛𝙚搬地鋪啦見到11月7號開始試業就當然要黎試下啦🤤🐈.𝙎𝙪𝙢𝙢𝙖𝙧𝙮簡約裝修 衛生半開放式廚房店內播韓文歌 環境悠閒👍🏻👍🏻👍🏻味道有驚喜 下次再黎試下個甜品🍮.🐈.🌟套餐: 泡菜豚肉飯 - $92伴菜可選擇2款 (韓國泡菜 大醬菠菜 柚子蘿蔔 醬油魚板)味道中上 唔會太辣 對食小/BB辣嘅人士都非常友好😋份量唔少 白飯都有剩～.凍鮮奶咖啡 - $10 (跟餐)𝘐𝘤𝘦𝘥 𝘓𝘢𝘵𝘵𝘦味道正常餐廳水準 價錢實惠💰(正價$20 跟餐半價).整體印象良好 店員都幾nice 會再幫襯💗
繼續閱讀
見到佢新張試業有9折， 就入到試下啦！可能因為新開張， 餐牌款式唔算多。我地4個女仔就叫左： 泡菜海撒沙律、芝士泡菜肉醬炸薯角、清酒煮大蜆意粉、韓式醬燒牛仔骨、牛角包窩夫配雪糕 同埋 法式多士配雪糕。一坐底， 店員已經遞上4碟韓式前菜我哋問左員， 佢地d前菜係自家製， 唔係出面買現成返黎嘅。泡菜唔會好重味，唔會太辣。最欣賞係柚子汁醃蘿蔔， 平時出面食到既係偏酸， 佢呢個用柚子汁就好好食。泡菜凱撒沙律🥗 原先都有諗 會唔會好怪呢？ 泡菜同沙律組合？ 黎到就完全明白， 原來係泡菜醬汁。 驚喜係 原來有炸 Parma Ham 喺入面， 當堂成個菜式高級左。 仲有， 個泡菜醬酸may may , 好開胃。芝士泡菜肉醬炸薯角。 呢個肉醬都好食，泡菜唔會好搶味。唯一覺得唔好係 太…大…碟😅 因為呢個小食都比較heavy, 女仔食咁多 唔係咁好囉😂清酒煮大蜆意粉🍝 呢個就做得有少少中式， 因為好多蔥花， 但味道係好食嘅， 蜆肉亦都乾淨， 冇沙。韓式醬燒牛仔骨。 食到呢度， 其實我哋4個都開始飽飽地。原先呢個菜係有跟白飯既， 我地都同店員講唔要飯喇。 牛肉要左7成熟， 上面放左個 x x 他他醬 （唔記得左全名）。個他他醬好好味 ，酸酸地可以抵消牛肉既油膩；再加埋沙律菜， 女士最愛啦。分別係：牛角酥窩夫配雪糕、法式多士配雪糕窩夫食得出係有少少酥脆👍🏼法式多士配雪糕，老闆娘話係signature。 多士香脆， 好食。呢餐飯 我地食到好飽， 好滿足。 最最最好嘅係， 食完唔會覺得口渴，即刻冇味精👍🏼👍🏼👍🏼
繼續閱讀