EXP

營業中

休息中

好彩友人一早訂位 如果唔係星期五實無位食飯 有排等 雖然兩人位變三人位 但冇時間限制 可以任傾唔嬲 食物味道可以 不過果芝士牛油果薯角好"留" 食幾舊就已經唔想食 個冰就淨係得面個層有味

琴日去又一城行街，黎到EXP門口見無咩人排隊，就拎飛等位，好好彩下午茶時段無咩人等，５分鐘就入到去。平時繁忙時段至少要等15-30分鐘。因為唔太肚餓，只叫左少量野食。叫左杯野飲 係用新鮮生果即搾既 我呢杯呢 有青蘋果 提子 檸檬 奇異果  第一啖飲落好清新 之後飲到D青蘋果同奇異果味 甜甜地 好飲!叫左個炸粟米蝦餅 每次黎食都係必叫既 好彈牙 配埋甜酸醬 非常惹味 之後到牛柳粒，呢個第一次叫，有驚喜。好重牛味，煮到岩岩好，不會太un。最後到我最鍾意既墨魚麵!! 帶子超級彈牙 墨魚麵好香忌廉味 又唔膩 食到我停唔到口 食完個嘴黑蚊蚊 好搞笑 

點左墨汁意粉同長條型既水牛芝士簿餅，帶子忌廉墨汁意粉既意粉好食，墨汁甜甜的只係成嘴黑曬，帶子一般啦不過有4粒，二個人分都得，水牛芝士簿餅係即叫即整，簿餅熱食時會好juicy,呢間既簿餅口感較似麵包，凍左少少時就會比較拉到芝士絲但無咁多水份。今次係我第一次試呢間餐廳，咁我同朋友食飯既上菜速度正常，不過對面有位男士就比較黑仔，對面座位男士係我地來之前已坐下等野食，開頭以為佢仲有人未到所以未上菜，但我地既野食黎齊食曬佢都未有，最後個位男士就話取消食物走人了，不過都見個位男士無咩點催促，但覺得個位男士都幾慘。不過就食緊時都見服務生有主動加水既，服務算係可以。

九龍塘又一城所有食市都一向大排長龍，特別是假日，今天星期天可能打風後下午街上人不多，去到EXP境然不用等位。今天我們兩人點了一客燒蝦柚子沙律及一客Parma ham pizza。燒蝦柚子沙律-大蝦新鮮彈牙多汁，烤得很香Parma Ham Pizza-料夠多，如果餅底用薄皮更好味*EXP服務水準不錯，員工親切有耐性

EXP已不知第幾次光顧了，每逢生日飯，選擇餐廳list裡總有它。今次我們叫了一個沙律、兩個意粉、一個蕎麥麵、一個pizza、兩個小食，食物質素還是一如過往保持水準，只是時間上1.5小時就要交枱，聊天就要找別的地方了。

今日同朋友係又一城行街shopping去埋EXP食晚餐。兩個人點左一份意粉，一份pizza，食到飽飽。意粉點左燒雞肉茄汁意粉，不過不失，意粉唔會太腍，麵質爽口。薄餅點左Parma Ham and Pineapple Pizza。Pizza 賣相唔錯，芝士濃郁，再配上Parma Ham就好好味👍🏻Pineapple夠清甜，都算唔錯。麵包底再鬆軟香d就更正喇！

每次去又一城都一定要食EXP，今次已經係第三次黎喇🤣🤣🤣🤣我既目標係要試哂佢地所有既甜品！！！wakakakakaa🤗食物一如既往，同男朋友食野都一定要嗌沙律，但對上兩次黎都係嗌軟殼蟹沙律（大份夾抵食），今次就要轉下口味！！本以為呢個同上次食既雖然喺餐牌度都有講明係辣嘅，但係軟殼蟹沙律食落就唔係好辣於是就決定一試～點知！呢個堅辣架！！🤣但食落又好鬼正，雖然叫做沙律，但係係冇菜既，只得柚子同蝦，份量上亦較另一款沙律小，但竟然價錢貴一點😮。不過整體食落都係好好食架！一碟有四串，都算OK既，食落都唔錯😄本來以為魚柳焗飯冇死，點知就衰係個被汁到，搞到食落陣味有d奇怪🙄.......今餐既唯一敗筆！本來食完上面3樣野已經超級飽！但我就係死都要食甜品既人呀！！！上次食左個即焗泡芙班㦸真係正到核爆，今次就食呢個睇個名都覺得正既！ 又係即叫即製，所以都要預返時間！黎到既時候簡直正到不行～～雪糕係熱辣辣的麵包布甸上溶化中(｡♥‿♥｡) ～～～，麵包食落去夾雜住布甸小量的蛋香，軟軟的～面包邊食落脆脆的，但又唔會太硬～～整體黎講真係好正😋😋😋

突然之間戲癮再現，好想睇一套電影，但係又唔想自己一個睇咁孤獨，所以搵埋舊同事夾時間。點知佢黎梗放大假唔係香港，因為驚等佢返黎香港既時候，套戲都落畫，所以要趁佢仲係香港就約佢去睇戲。因為大家都係返輪班，所以雖然禮拜六下晝有野做，但係夾到朝早有時間又有早場都照約去睇戲。黎到戲院先發現原來宜家都幾多人會黎睇早場喎，可能平D啩~睇完戲，好自然就去搵野食。之前中學既時候食過EXP，記得印象好唔錯，所以就揀咗呢間。可能時間仲早，一入去就有位。間餐廳係溜冰場隔離，坐低覺得有少少凍，好彩有帶外套。兩個女仔就唔食太多啦，只係叫咗兩樣。其實叫呢個燒帶子墨魚忌廉汁意粉 ($98)之前，心裏面係有少少掙扎，因為食完墨汁乜乜都會染到掤牙黑哂，搞到好樣衰。但係我見到燒帶子好吸引，所以就叫咗呢樣。帶子燒得好好味，仲有D蟹子係上面，D墨魚忌廉汁唔係好濃，但係配襯起D軟硬適中既意粉，味道啱啱好。第二樣就係波菜意式煙肉薄餅 (好似係九十幾蚊)。形狀係不規則，食落去唔覺餅皮好厚，D波菜好味(不過分量唔多)，但係D煙肉有D咸，所以夾埋餅皮一齊食係可以中和返D味道。唔知係咪我記錯，我印象中，中學時期黎既時候，D水係檸檬水，好好

很少到又一城，走了幾間見這家餐廳餐牌好像不錯，便試試。餐廳面積寬敞，廚房是開放式的。每廚師都專心烹調，整體整齊清潔。坐位除一般餐桌外，亦設有高櫈吧枱。餐牌有個顏色，藍紅碰在一起很搶眼這個「X」是用來放Pizza的燒蝦柚子沙律如果可辣一點更野味這杯疏菜汁，有少許黑椒調味，清新又開胃。菠菜意式煙肉Pizza 鬆軟，濃濃芝士香氣硯肉意粉可惜不是經常到又一城，下次食未知是何時？

今日朋友生日所以就食餐好既，見呢間平時都咁多人排隊應該都唔錯就試下了☺️首先個頭盤係蕃茄濃湯，而真係呢到既湯先值得叫「濃」，因為飲得出係由新鮮蕃茄煮既湯，而唔似出面嗰啲咁水汪汪呢個扁意粉好香芝士味，而且意粉有少少彈牙，唔會煮到冧晒咁。好重要一點係意粉都係新鮮人手即整！！係舖入面其實都會見到啲師傅係到整，高質👍🏻👍🏻我既係雜菌飯，面頭既係一大塊芝士☺️☺️而個汁濃郁得黎好香，加上落左香草就更好味了🤤🤤整體價錢又唔貴，去既時間仲早好快有位，好適合情侶去拍下拖呢🤣🤣

夜晚本身打算食food court不過無位，所以黎左exp。好肚餓，一坐低就落order。叫左照燒汁牛柳粒，燒帶子墨魚忌廉汁意粉，迷你韓式炸雞漢堡，日式咖哩豬扒炒飯配炒蛋，同波菜意式煙肉薄餅。前菜未到，首先黎既就係墨魚汁意粉。極度推介，帶子好入味，送意粉一流，而且好夠墨魚汁。之後係薄餅，熱辣辣上台好正，芝士夠溶，菇味同煙肉好香味道好出，批邊唔係好脆不過勝在唔會過厚過薄。迷你漢堡分三個味道，分別係柚子，泡菜同芝士蒜香。唔太建議，因為柚味唔出泡菜好似純粹普通辣椒醬芝士蒜香既芝士都唔出。照燒牛柳粒份量極少，配兩粒大葱，照燒汁過咸，呢個價錢唔值。最後係咖哩炒飯，個外表幾好睇，炒蛋貌似好滑，但食落唔知係咪落左黑松露有d臭臭地，咖哩同炒飯都係普普通通，不過不失。

周不時黎食dinner, 但每次都唔會嗌dessert.今次第一次試dessert. Waiter 推介麵包布甸， 咁就試下啦。 點知...咁鬼好食嘅！ 麵包布甸最好食就係焗脆左嘅面。呢個個面有成4~5塊麵包， 脆嘅範圍真係好多 😋 有時d 麵包布甸加左提子同有少少酒味，個人黎講唔太like. EXP 呢個就冇提子同酒味， 所以真係好正～～加埋vanilla 雪糕 (杜文澤話加vanilla 雪糕最正），冇得輸。不過分量都幾多。兩個女仔食真係盡晒力都KO 唔到。 最好就係4個人share~~ 食完唔會太飽，回味無窮。p.s. 衛生，環境扣一分， 係因為我好mind 垃圾係經餐廳範圍推出去囉...

今日約左朋友係九龍塘食飯，EXP 係一個好選擇。大蝦西柚芒果蕎麥麵 - 蕎麥麵硬身左D，但其他材料都好新鮮，夏天食真係一大享受。軟殼蟹沙律 - 超級大分，而且軟殼蟹分量都唔少，雖然價錢唔係平，但都叫一分錢一分貨，軟殼蟹外脆內滑，配上新鮮沙律菜味道一流。大蝦牛油果薄餅 - 朋友話EXP 的 PIZZA 真係必定要叫，差不多每檯都會叫一個，我地選左大蝦牛油果薄餅，真係好足料，而且加埋千島醬真係好好食。燒雞肉茄汁意粉 - 雖然雞肉較細粒，但個醬汁加上芝士同樣好食，只係相比其他款式比較失色。整體而言，EXP 雖然係美心集團的餐廳，但食物味道真係唔錯，而且價錢係九龍塘來講算合理，只係近住溜冰場真係太嘈，唔方便傾計，但好大機會會再來食的。

其實我已經食咗好多次EXP但次次都唔記得影相 所以今次有影就打返篇食評尼個餐廳我好推介因為味道、價錢、地方方面我都好滿意佢唔算貴 嘢食款式都多 而且味道又好味同朋友出街 九龍塘係中心點 約喺度食飯又方便以前成日都覺得係又一城餐廳食嘢就會好貴 但試完呢間餐廳我就唔覺得Lu佢啲嘢食大多數都唔使超過＄100一碟一個Pizza都係八十幾九十幾 而且個Pizza係大長條型嘅 好吸引 haha我本身係一個好唔鍾意食牛油果嘅人但係試完佢個牛油果Pizza真係返唔到轉頭次次去都必叫嘅其實我今次都叫咗好多款嘢食款款味道都好唔錯所以經開九龍塘嘅話我覺得呢間餐廳係絕對值得一試

第一次來這裡吃晚餐，幸好安排入座於餐廳內，而不是溜冰場旁邊，否則我怕會冷死。點了4款食品，不約而同地均有水果作為食材，它們皆為食品添上美味的一筆。香芒米紙卷，作為開胃菜十分出色，它夾著數種蔬菜絲，伴上芒果打成的醬，酸甜而清新，令人更為垂涎。迷你炸雞漢堡，分別是芝士、韓式辣醬、柚子口味，芝士屬正常，辣醬偏辣，但很惹味，柚子除了醬汁內有柚子，包中亦夾著柚皮，中和了炸雞的油膩。大蝦牛油果醬薄餅，本來預期是整個餅都是牛油果，但出來只有中間一直線的果醬，餘面是千島醬，但這個薄餅很鬆軟，大蝦爽口，也是頗好吃的。即烤泡芺窩夫伴雪糕，它質感實際上是厚實的，蛋香味和牛油味濃，配上一口雲尼拿雪糕，剛剛好。