Explore Kitchen (已結業)

朋友介紹來呢度食，看到食評有點担心。抱住試吓的心態，親身體驗係咪咁差先。不論男、女的淺啡色衫年輕一些的侍應、態度都非常好，好樂意幫忙。我原本坐的位置剛巧有一大班人一齊，比較嘈吵，同個男仔講，他立即幫我轉位。點餐時，大致都ok , 只是覺得綠色衫的侍應有點不耐煩，朋友問多句，都有點唔想答你咁，耐性有待改善。但後來埋單傾計，態度多ok 喎。午餐前菜：餐包餐湯或沙律主菜：點左兩個餐-左個牛扒和盲鰽魚，魚好好食，3 件，好精緻。煎香塊皮，d 肉好鮮嫩。d 配菜好豐富：有南瓜、車厘茄、薯仔、菜（有少少醋調味）

星期日黎食 lunch, 點知食野變受氣。個阿姐黑口黑面態度十分惡劣，講野大聲過大排檔，員工之間傾計竟然夾雜粗口。明明大把吉位，係要安排坐死位，同佢講話想坐出d, 態度超差大話話［好呀］，之後掉餐牌落枱。食野一直無人收碟，張枱無位擺，送餐見到都堅持唔收碟，叫又無人應，唯有將碟叠起，之後粗聲粗氣男人竟然話做乜叠起d碟，佢好難攞喎。兩大兩細叫咗4個餐，加埋錢叫曬飲品，小朋友攞支水出黎飲，竟然即刻叫收埋，如果唔係要收錢。收碟又唔見佢咁快。我唔會再黎亦唔建議，如果呢兩個人唔係老闆，係打工既，老闆真係慘。

餐廳入面好啱打卡📸️第一次去食👍味道幾好 湯都正 連埋野飲同湯樓上鋪Cafe價錢中等既西餐廳！玻璃屋設計裝修近彌敦道大街和地鐵站，位置方便，環境裝修，好好一班朋友聚會，😍😆早去食午餐時間不太多人☺️無論兩、三個人或多人去坐都好🫶推薦😆📌三文魚黑松露蛋炒飯📌香煎紐西蘭西冷牛扒配黑椒汁

公眾假期同朋友冇咩Planning，又冇Book餐廳，喺彌敦道搵餐廳嘅時候，咁啱上咗一間隱世西餐廳食晚飯。是日餐湯係椰菜花湯，加$48可以轉海鮮龍蝦湯，所以我地一次過試曬兩種湯。龍蝦湯鮮味好濃，材料幾有誠意，有青口又有鮮蝦。除咗湯之外，每人都可以從六款頭盤沙律甜品揀一款。我地揀咗黃金薄脆海鮮酥同煙三文魚凱撒沙律。海鮮酥上嘅沙律醬非常開胃，魚子醬帶出蝦嘅鮮甜味。煙三文魚凱撒沙律冇咩特別，煙三文魚大份啲會食得更滿足。上主菜之前，我地點咗一份芝士焗西蘭花。上碟時仲係熱辣辣，菜式用上兩款芝士，拉絲非常好食，西蘭花新鮮、焗得唔太老。主菜之一嘅意大利飯嘅配料簡單，帶子調味適宜，肉汁保留咗喺裏面；龍蝦汁就係頭先龍蝦餐湯溝淡咗嘅版本。另外一款主菜就係燒牛肋排，燒得好淋，唔駛用刀都食到肉，調味非常出色。甜品需要另外加錢追加，絕對冇令人失望。日式蘋果芝士餅非常好食同Creamy；水蜜桃雪葩用雪凍咗嘅水蜜桃裝起，雪葩水蜜桃味好強。餐廳會定期更新Menu，有興趣嘅朋友就快啲去試下啦。黃金薄脆海鮮酥煙三文魚凱撒沙律 $68香煎北海道帶子配龍蝦汁意大利飯 $208自家醬燒美國牛肋排 $218日式蘋果芝士餅 $38

聖誕同另一半喺油麻地行到攰又夠鐘食Dinner，於是近近地又去返呢間餐廳。唔講咁多廢話，羅勒蕃茄濃湯同法式海鮮龍蝦湯一如保持水準，main就叫咗炭燒西班牙粟飼配黑醋蘋果蓉帶骨豬，燒到外脆內軟，冇得輸，而烤美國野雞配法式金菌牛油汁雞肉好軟滑，好好味👍🏼另外再嗌嘅黃金薄脆海鮮酥就真係麻麻，凍咗同失水準，蜜糖雞翼唔錯不過不失啦。跟餐甜品雖係自家製，但唔太好引起我興趣，所以散嗌兩個雪芭，菠蘿雪芭同朱古力雪芭，反而有驚喜，兩個甜度都恰到好處。下次經過會再幫襯。

朋友介紹嚟食，佢話性價比高同又好食嘅餐廳。餐廳位於旺角，高樓底，望景一流。水牛城單骨雞翼7成熟西冷牛扒炸魚薯條鮮茄辣蝦意粉只不過佢食飯的時間有限制，中午60分鐘，夜晚我就唔知啦同埋佢哋啲態度唔係幾好，要改善下。

食物質素可以，普普通通。2個 lunch set 共$180，時限一小時。食快餐的水準，唔值。下單時，想之後才order飲品，服務員說是有1小時時限，夠鐘食唔晒，自負😒。向服務員要一杯水，說等一等，終於等到食完都無提供。（沒有再要求，不想自討沒趣，兼被人黑面）

高樓底，望街景！環境一流！奈何服務態度非常惡劣，可以用冇禮貌來形容。我問：「餐飲有咩？」侍應：「寫哂係度，你自己睇。」意思：「你盲架？」如果餐牌寫得好啲、清晰啲，我咪唔會問囉！後來我們都吃完碟上的食物，有一位侍應過來問我們：「食完未？」我哋呆咗，都唔知點答好。個碟都冇哂食物，唔係食完可以係乜嘢？侍應見到我哋呆咗，就再大聲啲問我哋一句：「我問你食完呀？」就係我哋坐夠兩個鐘之後，餐廳空無一人，有冇人等位，另一位侍應就攞張單過嚟，說：「只可以坐兩個鐘唔該埋單。」其實態度差係唔緊要嘅，但餐廳至少要寫明比顧客知道，原來請嘅侍應係有社交障礙，咁我哋會理解並且更加支持。我唔會再嚟囉。絕對冇下次。

前幾日lunch 諗食野無意中發掘到呢間餐廳，餐廳環境睇落好光猛，有落地大玻璃，採光度充足。入到去掃安心時職員就表示 lunch限60分鐘，餐廳lunch有時間限制，感覺怪怪哋，雖然我 lunch 都係得1個鐘。叫左份7成熟西冷牛扒配薯菜，有餐湯配蒜蓉包，一杯飲品。蒜蓉包烘得脆，好香幾好食，不過餐湯蔬菜雞湯就似中式，覺得唔太配合到蒜蓉食。西冷牛扒比較驚喜7成熟既程度岩岩好，味道幾鮮同嫩滑，可惜有一個位置有筋位咬唔到，薯菜係幼薯條，如果配粗薯條會好食d。

個大媽，一嚟度黑口黑面，呼呼喝喝，叫我坐埋一邊，我明一個人食係要坐細枱，但全場都係4人枱，我見一個人都冇，咪是但坐，要我起身轉位，然後又話只開以食一個鐘，我知lunch time , 但講嘢可唔可有返d尾音，叫嘢食，又臭寸， 嬲到爆😡😡😡

食意粉、鋸扒嚟講呢間都算係平！而且味道都唔錯～烤海蝦黃金意大利飯 $88 4/5😋呢個價錢仲送埋餐湯同麵包！湯就麻麻地，冇咩味🥲個飯好香鹹蛋黃味！食到少少沙沙地嘅口感😍配埋啲飯味道一流！蝦就正正常常～如果可以多啲配菜就更加好！BBQ燒豬肋骨配薯條 $88 3.8/5😋豬肋骨size唔算大，不過食落去都好淋😍本身上面已經淋咗酸酸甜甜嘅醬，一開始覺得唔係咁夾，但食落都ok~相反隔離擺喺度嘅醬就冇咩味，單食反而更加好！水牛城單骨雞翼 $56 3.8/5😋味道就正正常常冇咩特別🤣不過呢個價錢嚟講份量都好多！整體來講晚市叫埋嘢飲每人$150左右真係好抵！其實主菜味道都唔錯😍但感覺啲醬同其他位同配菜可以做得好啲！

今日到旺角辦事，找到附近一間樓上餐廳食晏，地方雖不大，但樓底高，空間感十足，陽光從窗外透入，感覺舒適自在。一行二人，两個set lunch。香煎比目魚鮮茄汁配飯及紅酒燴牛尾配薯蓉。整體食物味道不錯。比目魚肉嫩，皮煎得十分香脆，牛尾份量十足，如是两個女孩子吃一份再加個沙律餐便足夠了。有點美中不足，Mocha味道有點像一般即磨咖啡，稍微調整吓會更滿足。

旺角呢間樓上餐廳位置方便而且好容易搵，入面座位寬闊，適合多人聚餐。晚市套餐有丼飯、意粉、扒類選擇，食物質素唔錯，以晚市西餐黎講價錢合理。🥖🥣晚市套餐提供南瓜湯同蒜蓉包，麵包既蒜蓉味唔算濃，但勝在有咬口，一啖麵包一啖湯就啱啱好。🍝🐚 白酒汁蜆肉意粉 $78蜆肉分量非常多，但欠缺其他配菜同醬汁，所以味道比較單調，而意粉口感適中，整體而言中規中矩。🥩🍟 香煎澳洲西冷牛扒配薯條 $88西冷牛扒厚身大份，切開中間可以睇到肉質鮮嫩，牛肉味夠，美中不足嘅係牛扒上面有好多血汁，雖然唔影響味道，但外觀唔討好。薯條啱啱炸好，好香口，但就冇其他配菜。

特色－每位入座最低消一個set lunch，有限時人均價格－$96評分－🌟🌟🌟🌟🌟油麻地找一個舒服，食物質素好嘅餐廳，唔係咁易。如果路過，提議大家試下呢一間💜之前食過一次，今次第二次，質素維持到，星期六中午要一早搵位，唔係就無位，落地大玻璃，採光度好高，光猛舒服，加上木枱櫈，帶來自然清新的感覺今天叫了2個sets,一個係ALL DAY BREAKFAST，另一個係漢堡包（仲有沙律，意大利飯，煎扒等選擇）All day breakfast樣樣都好食，特別推介：漢堡包爆醬芝士，口感層次好豐富，仲有厚厚嘅漢堡扒，食落好滿足😋😋雖然呢個包係等得耐少少，但一直叫廚房係出漢堡包占中，証明好多人也點了漢堡包飲品方面：伯爵茶，早餐茶2款不用加錢，其他也要加錢

Lunch 食咩好？諗唔到就食Explore Kitchen，每一次食都有新驚喜👍🏻 今次係「日式咖喱牛肉蛋包飯」同埋「明太子鮮蝦意粉」，而我今次食日式咖喱牛肉蛋包飯🥚🥩🍚🍛⭐️日式咖喱牛肉蛋包飯 💰$62唔好睇佢簡簡單單嘅日式蛋包飯咁，原來佢嘅飯係連埋牛肉一齊煮㗎，所以食每一啖飯都有好香濃嘅牛腩味👍🏻而且飯入邊嘅牛肉呢都係入口即溶😋如果想食嘅朋友可以打一打電話過去問，幾時會出日式咖喱牛肉蛋包飯😂⭐️明太子鮮蝦意粉 💰$56淨係睇個賣相都好正，佢嘅每一隻蝦都好新鮮，仲幫你搣埋外面嘅殼，留返頭同尾保留返蝦嘅原有形態😂🍤🦐成個意粉又唔會太鹹，又有好香濃嘅明太子嘅味道，整體來講都係唔錯呀！👍🏻😋