Explore Kitchen (已結業)

聖誕同另一半喺油麻地行到攰又夠鐘食Dinner，於是近近地又去返呢間餐廳。唔講咁多廢話，羅勒蕃茄濃湯同法式海鮮龍蝦湯一如保持水準，main就叫咗炭燒西班牙粟飼配黑醋蘋果蓉帶骨豬，燒到外脆內軟，冇得輸，而烤美國野雞配法式金菌牛油汁雞肉好軟滑，好好味👍🏼另外再嗌嘅黃金薄脆海鮮酥就真係麻麻，凍咗同失水準，蜜糖雞翼唔錯不過不失啦。跟餐甜品雖係自家製，但唔太好引起我興趣，所以散嗌兩個雪芭，菠蘿雪芭同朱古力雪芭，反而有驚喜，兩個甜度都恰到好處。下次經過會再幫襯。