Explorer Fusion Restaurant (已結業)

聽人講呢間嘢幾好食，但只做到月尾，就專程去支持吓。真係估唔到咁就自投羅網，親身體會到呢間野點解會執。叫咗個火炙五色丼($88)，店員問跟唔跟餐（加$20），見睇個餐牌又麵豉湯，又茶碗蒸，又小食又飲品都叫唔錯就加啦。結果攞嘅時候茶碗蒸又冇，小食又冇，走返去問個店員佢就好理直氣壯咁話茶碗蒸太熱外賣俾唔到你，個小食都好莫名其妙咁順便無埋。佢哋又識玩啊，明知外賣加$20得碗麵豉湯同支嘢飲仔都唔會出聲，問跟唔跟餐時唔會主動講外賣唔包茶碗蒸同小食，就算問佢跟餐有乜嘅時候都只會答麵豉湯飲品嗰啲，等人自然以為其他都跟，提都唔會提茶碗蒸又冇小食又冇。到攞餐發現乜都冇嘅時候問個店員佢先講所謂加二十跟餐就係得碗麵豉湯同埋支嘢飲，其餘乜都冇，你買嘅時候冇了解清楚就係你問題。個店員熟練嘅應對應該都唔係第一次，應該就係睇死啲客唔會追究個廿雞。最好笑嘅係茶碗蒸又冇俾，小食又冇俾，但外賣盒就收足你三個嘅價錢。真係連嗰一蚊都要貪到盡。個飯味道就正正常常，不過成肚氣食乜都冇心情。真係唔知係就執所以咁唔老實，定係咁唔老實所以先要執。不過如果之前嘅經營手法都係咁唔老實嘅話都真係難怪冇回頭客，俾你呃到人一次當你叻啦，但你覺得有

石門一直都係沙田區嘅街坊飯堂，出名多小店價錢又親民。但如果你星期六日想去食個lunch度度都人山人海，同普遍餐廳都偏迫同坐位偏窄…今日試咗間幾chill既日式+西式餐廳出面睇同第一眼好西式酒bar feel，但裡面又有啲日系擺設同電視播下MV，比起石門其他地方食到趕頭趕命都幾舒服。座位好闊，好有個人空間。午餐餐牌好簡單，一頁係日本菜，一頁係西餐。我叫左西班牙黑毛豚肉扒8oz配薯條，意粉 （$88）+$20西式套餐第一眼見到最特別係薯條同意粉一齊上唔駛揀。意粉係普通意粉但有落足蒜炒仲有啲蒜片係上面ok。薯條即炸，本人幾鍾意食連皮既薯條覺得幾好食。黑毛豬偏薄，但有兩塊（影相影得唔好）同keep到裡面剛熟唔乾身。+餐部分無牛角包轉做炸洋蔥圈，飲品有烏龍茶同汽水揀，還有一個湯及沙律，$20也算便宜。如果你在石門想有個小天地自己靜靜地食個飯，依間餐廳大推

今日晏晝去咗石門有間特別餐廳，有西式日式好多唔同選擇，我同朋友一齊嚟食晏，我就嗌咗 explorer豐盛丼，上菜簡直係娃娃聲，好多唔同嘅刺身，好真係好豐盛，有大蝦海膽蟹膏三文魚帶子蟹肉，真係太好了，全部海鮮都好新鮮，海膽特別甜美朋友就嗌咗燒三文魚丼，一樣咁出色，唔係全熟所以三文魚口感都好好，唔係太肥膩另外再叫多咗個天婦羅小食，炸得剛剛好，新鮮滾熱辣好滿足嘅一個午餐 下次可以試下佢啲西餐， 相信一樣咁有特色 👍

出晒名的小店，一直冇機會試。 屋企人一直都話好貴，咁我見我一個人又有下午茶，入去！都好多嘢揀，仲可以跟餐湯加$20。 我揀左個最平的卡邦尼意粉$58。舖頭當時一個人都冇，而家香港地做生意真係好艱難。½嚟到。我嘩一聲 ，$58 食到呢個質素，淨係睇啲巴馬臣芝士碎都夠晒正，材料都唔算多，淨係煙肉同洋蔥🧅，但係夠晒味，意粉煮得啱啱好！唔會太林唔會太韌，個汁又唔會好杰，又香！見佢仲有魚生飯可以叫，真係乜野都有！

今晚約咗屋企人來到石門這間餐廳食晚飯，雖然餐牌上有日式和西式食品，但今天我們全部選了西式食品這個日式油醋牛油果刺身，份量挺大的，三文魚和牛油果尚算新鮮，油醋味道可口，令人開胃這個澳洲肉眼牛扒，牛味挺重的，薯條亦很好味這個煙三文魚薯片雜菜炒意粉，是三個意粉中味道最正常的卡邦尼意粉味道太鹹第一次食薯蓉粉，口感很特別，感覺挺新鮮的😛墨西哥脆片，脆片本身沒有味道，要連同醬料一齊食，是佐酒的好菜式總括而言，食物味道不過不失，但餐廳環境有待改善，我們整個用餐時間都不太感覺到冷氣，在夏天這個季節，大大降低了我們(用餐者)的用餐體驗

第一次去石門 冇諗過呢區咁多野食，其實都有好多間都想試，最後揀左呢間。我揀左光速孖堡，入黎食都係因為佢咋。平時安格斯嘅burger ，豬肉嘅burger就真係未試過。Size普通漢堡包，兩個包$108 ok嘅。佢個秘汁幾好食，甜甜地帶少少酸咁。我一個人食唔哂兩個包，食哂嘅話就太滯喇。另一個包就冇乜大特別，不過我好鍾意佢個煎蛋😂男友叫左個魚生蟹子冷麵。呢個都好有驚喜喎！一啲都唔吝嗇呀好多蟹子，而刺身都新鮮嘅。店嘅裝修冇影到。格局似美式同酒吧，坐亦舒服嘅。Menu上好多都吸引，但我真係食唔到咁多，只好留返下次再食，呢間我會回頭。

今日(31-3-2023 Fri)晏晝,同男同事SY,女同事WL食晏,我揀咗好耐之前,同田舊女同事CY食過嘅呢間(食評係2017年3月12日刊登嘅呢篇:https://www.openrice.com/zh/hongkong/review/%E5%94%94%E9%8C%AF-e2744312),由於SY話呢間有好多人食,於是我哋早啲出嚟食,我哋嚟到都有客人同都重有位嘅,坐低後睇完menu,我決定要$88.00嘅西班牙豚配薯條意粉, 加$20.00成餐,有是日餐湯,沙律同牛角包,飲品就要果茶.是日餐湯係橙色嘅,唔係羅宋湯,飲到嘅係紅蘿蔔嘅味道,仍嘅質地唔會太杰,係啱啱好.味道:3分果茶味道亦啱啱好,唔會太甜,不過又俾咁多冰嘅?味道:4分之後到沙律同牛角包, 見到沙律菜唔多,醋亦都唔多;牛角包外脆內裡鬆軟.味道:4分等咗都幾耐, 西班牙豚配薯條意粉到嚟,其實我原以為係薯條同意粉選一,點知係兩樣都有,真絛未見過.而幸好,見到意粉份量唔多.西班牙豚肉口感好鬆軟,唔會死實,不過燒汁味道有啲鹹.味道:4.5分薯條都幾厚身,口感正常亦有薯味;意粉都係有好少好少嘅硬身,而佢本身都有落橄欖油,味道啱啱

無意中同朋友搵到呢間餐廳本身諗住係食西餐原來入邊有日本嘢食仲有其他酒飲 可以放鬆一下😗😗呢度啲壽司刺身都好新鮮💪🏼💪🏼😋😋完全10分驚喜💜💜💜冇諗到石門都可以識到呢啲咁出色嘅日本菜💕叫咗個三文魚他他擺盤10分精緻 味道都唔錯👏👏三文魚海鮮沙律😍😍入邊仲有八爪魚 同 蟹籽非常新鮮 應該唔係冷凍食物🥰仲叫咗個壽司拼盤不過壽司飯好似爭啲🙆🏼‍♀️醋味唔係好夠 整體來講喺 性價比非常之高💪🏼💪🏼💪🏼餐廳唔會太多人 枱與枱之間唔會太迫同朋友傾偈都好舒服❗️❗️平時可能會過嚟飲吓嘢

Intro: 今次又去石門搵野食啦，仲想食好少少！呢一次就見到左有一間酒吧有做午市套餐，menu選擇都多，加多$20蚊仲配餐湯、沙律、薯條同飲品，埋單一百頭，久唔久食餐西餐都開心！___________________🍽 吉列豚肉漢堡配薯條💰 78 ⭐️8/10✍🏻 吉列豚肉大塊到突哂出黎，因為炸嘅關係肉質比較韌，炸粉偏多，但唔會食到蘇味；✍🏻 幾鐘意豚肉底嘅椰絲菜，沙律都算落得足；✍🏻 漢堡塊包皮鬆軟，夾埋番芝士嘅配搭好好；✍🏻 薯條份量多，仲好脆好厚肉，如果加多少少味粉會更惹味；🍹 配餐湯、沙律、薯條、飲品💰 +20 ⭐️8/10✍🏻 餐湯係磨菇湯，但就淡味又少少；✍🏻 估唔到沙律仲送左個小型牛角包，牛角包好香好脆，而沙律菜都算新鮮；✍🏻 menu原來有得揀烏龍水果茶，見咁特別就揀左，用酒杯裝夠特別，味道幾清甜，烏龍茶味都好突出。___________________🏠 Explorer Fusion restaurant 📍 沙田石門安群街京瑞廣場地鋪G10⭐️ 8/10（cafe）___________________

Roadside restaurant with decent foods. Not a big manual but sufficient choices on Western and Japanese dishes.The rice roll is tasty. The ingredients were great. While the spaghetti was a bit too wet but on correct taste. Too bad they don’t have a dessert menu to make the dinner complete.

萬聖節前夕黎到餐廳佈置沖滿萬聖節氣氛過咗多人時間先過黎點咗兩個Lunch Set前菜黎到 沙律菜新鮮 牛角包重暖暖地鬆軟帶牛油香＊西紅椒慢烤鱸魚 w/薯菜＊鱸魚上枱時候魚皮重帶脆慢烤嘅關係肉質鎖住水份完全唔會過熟下面嘅西紅椒同脆肉瓜都係用烤焗方式原汁原味 重好爽口唔會變油淋淋＊8oz 澳洲肉眼扒 w/薯菜＊牛扒要咗Medium嘅熟度黎到真係岩岩好 唔會太生或太熟醬汁剛剛好 唔會將牛味蓋過

繼續係石門搵食。呢間餐廳主要係食 fusion 菜，午市套餐有兩大類（日式、西餐）。今日想清清哋，揀咗日式嘅丼。Explorer 豐盛丼（$88）轉套餐（+$20）套餐包麵豉湯（普通，勝在多昆布）、茶碗蒸蛋（滑，但蛋味不足）、小食（螺肉，正常）、餐飲（烏龍茶、雜果茶、汽水，其他加錢）。主菜都有幾多料（蝦、帶子、八爪魚、象拔蚌、三文魚子、三文魚腩、燒吞拿魚、醋鯖魚、吞拿魚蓉、醃蘿蔔、醃荀、子薑），各種刺身類都叫新鮮，味道可以。丼飯並不是普通的壽司醋飯，係有醬汁的米飯，味道不錯。PS：另收加一，只收現金。

同班同事試吓依個位於石門的餐廳有日式料理 或西餐Lunch time 一個主菜預$88 有2 個同事都叫 $88 「極上海膽拖羅壽司飯」賣相的確幾靚+　$20 有餐飲同小菜 2 個同事都話幾好食杯餐飲都幾大杯我同另2 位同事就叫西餐$88 - 8 安士澳洲牛有意粉同薯菜最可惜比較咸懷疑廚師👨‍🍳重手了落多了鹽太咸了😂😂😂 要改進吧！餐廳🍴播住歌感覺都幾chill

嚟開石門同朋友食飯傾偈，試下呢間酒店。鋪面不大，但環境好舒服，一入到去就已經備水水、豉油碟等等，好Welcoming。點咗兩個壽司拼盤($208, 8件)，都係好食嘅壽司，有三文魚、吞拿魚、甜蝦、海膽、三文魚子等等，貴得嚟質素係相稱的，擺盤都有誠意。仲有一客三重芝士炸蝦卷，芝士控必食！另外再叫咗牛扒(7成熟)($228) 同豬鞍($208)，都係配薯條，兩個肉都整得好食。酒就嗌咗Vodka Lime ($98) 同埋Vodka Peach ($98)，略嫌唔夠酒味，唔夠喉。三個人每人$5xx，貴但高質。

今日係我第一次來石門Explorer Fusion Restaurant品嚐食物。午餐供應的款式不多、我地二人各自點了一份午餐、分別係牛脷滑蛋飯、全刺身定食。套餐有蒸蛋、中華沙律用餐湯附送。牛舌煎得夠香、爽口、高質素，日本刺身有5款、吞拿、帶子、墨魚、三文魚同埋劍魚，入口新鮮。我地覺得兩款也選對啦！沙律爽甜、蒸蛋味道香醇、只係不夠熱而已，miso soup有點不夠地道、味道一般。那杯咖啡☕️呢、奶量充足⋯總體驗係可以番食