影片
開飯介紹
設有外賣自取服務,不設外賣送貨服務
繼續閱讀
營業時間
星期一至日
07:00 - 23:00
以上資料只供參考, 請與餐廳確認詳情
招牌菜
果日禁啱有個朋友(女的)生日，陪佢行完街之後，打算一齊食餐晚飯，禁啱行過呢間餐廳到試下。間餐廳雖然比較細，而且....有啲貴，不過D野食都算唔錯，算係物有所值，最令我深刻既係服務XD個沙律D蔬菜食得出幾新鮮，之後個湯，我個人覺得個龍蝦湯唔錯，只係我朋友覺得個雜菜湯有D淡。之後既主菜我同我朋友都覺得唔錯，我食果個羊架D肉幾嫩，又無咩酥咩，加上D汁，幾好食，只係份量比較少，好彩個侍應肯幫我個食咗一半既菜加個飯。而我朋友食果個龍蝦天使麵，佢話覺得個龍蝦好香，又多肉，可能女仔食得少啲，對佢黎講份量剛剛好，食完主菜已經話好飽。到上甜品既時候，我點咗個芝士蛋糕，我個人就無咩特別既感想，點係....可能個侍應誤會啦，佢係我朋友個芝士蛋糕上寫咗D字，我諗大家都應該知道大約字咗D咩啦(奸笑)。可能因為呢件事，我同果位朋友(依加要改口啦XD)關係有所拉近(笑)。呢間餐廳對我黎講，感覺頗特別，有幾深刻既記憶。
繼續閱讀
老婆突然提起一間見到好多年，但從沒幫襯過的餐廳，晚上七點半走去睇睇，星期六預左多人要等，點知成間餐廳只得四人外籍客人，仲好！最怕等位。睇下個menu，價錢都算幾進取，咁我當然對佢的出品有要求了。老婆點左個大蝦卡邦尼寬條面set+龍蝦湯，我就點左白雪魚set+意大利西蘭花忌廉湯，waitress幾有禮貌，上菜都好快。同老婆都有一個疑問，星期六晚得咁少人客點生存？是否價錢比較高？但以前間雅閣都好多人，不停地有問號。上頭盤沙律，不過不失，D蔬菜唔算特別新鮮，但個黑醋幾香。龍蝦湯唔夠熱有d fishy，其實龍蝦湯超易整得好，所以應該係唔夠新鮮。西蘭花忌廉湯比較watery，咸左少少， 我唔識呢個湯，唔俾評語了。寬條面幾彈牙，大蝦都彈牙，老婆話個卡邦尼好"溜"，唔食甜品了。我個魚煎得幾好，裡面幾juicy，可惜個汁味道好flat，食唔出用咩材料打出黎。奇怪在個汁，表面有層衣，唔會用mircowave同我翻熱卦？仲有兩個main course的碟崩得咁嚴重既？餐茶凍飲+$3，我就+$15要杯Iced Mocha。杯Mocha飲一啖我即刻俾返佢，成杯低糖谷古咁，一D咖啡味都冇，換翻杯餐飲熱咖啡算把啦。餐廳硬件不算差，相信開業初時老闆幾花心機想做好佢，不過出品真係要管理一下，咁少客人一定有原因的。堅持咁多年唔通係自置物業？唔係自置物業，咁的質素又點做到咁多年呢？真係一間非常難得的餐廳！埋單加一$433，無計我之前果杯Funny Mocha的$15，個人認為要收咁的價錢就要提升出品質素。就俾夠你$460(聽到話之前的客人只俾$3貼士，唔想再令職員受打擊，呵呵)，下次再試你的Set Tea ，希望有改善啦。
繼續閱讀
午膳時間，小小的餐廳坐滿食客，侍應有禮。怕Set lunch的食物質素普通，order了比Set lunch 貴一倍的扒餐。 先上麵包餐湯，蒜蓉包和餐湯一樣，淡而無味。 主菜的雞扒肉身又硬又"鞋"，另一個魚扒又燶又硬，薯菜雖然薯條多，可惜"林林"的，不要看兩個主菜的汁料顏料不同，但味道卻是一樣。 估不到連餐飲也令人失望，奶茶又稀又淡，連最基本的茶味也沒有，而凍檸水，真的是檸檬加水，連蜜糖水也沒加。這午餐真的是極度失望。
繼續閱讀
環境很好，播放優雅既英文舊歌，可惜食物真的太遜了，下午茶點了三十九元黑椒牛柳絲炒扁意粉，扁意粉淡而無味得過份，而且烹煮時間太長，已失去意粉應有彈性及淡淡小麥味，加上廚師試用大量黑椒掩飾，反而令意粉更失敗。焦糖咖啡，亦沒有焦糖味，咖啡亦很普通，這樣咖啡也需要另加十元，未必太沒用心了
繼續閱讀
話說係一個無心理準備既時候經過呢間野…咁岩男人又肚餓~就企係門口望下個餐牌啦~點知個老細﹙應該係啦~﹚就好殷勤咁係咁介紹佢d lunch~咁又未食過咪試下囉~價錢有平有貴~$40+ - $90+都有~咁我見唔餓就無自己叫一個餐~男人叫左個蒜汁雞排飯~咁我淨係飲個餐湯+沙律+cake都夠飽了~餐具放法好一般…先泥個沙律…唔太得…個sauce好酸好水…成碟野好冰凍…之後係湯~我叫左白湯~忌廉海鮮湯~唔錯~都幾creamy~之後到主菜~雞排唔錯！夠味~ 口感都幾好！泥埋個Cheese cake~ 其實有Tiramisu、blueberry同new york cheese cake揀的~我要左New York~不過好可惜…太甜…芝士味唔夠…有d失望…更加美中不足既係…佢無比多隻叉我食cake…不過值得一提既係個裝修~好有心思！燈光唔錯~我見佢上面仲有排射燈~我諗夜晚會開的~男人話下次試下個dinner wo~有機會再寫dinner既食評啦~~^^
繼續閱讀