Fass (已結業)

原來河內道有🇩🇪🐖手食,一直都唔知。朋友響Price買咗優惠券見到地址先知，原來成日行過餐廳𠺢 haha... 我哋成功訂到木桶位，感覺好正，有得較下燈光，拍拖拖既都可以黎浪漫吓！食物想像唔到咁啱胃口，薯泥牛油味好香好濃，腸就鐘意食香草加黑椒嗰條，燒雞好香，豬手好味道，而我最鐘意系個甜品雲糕蘋果派，蘋果咗浸咗酒去焗，焗完有啲酒味，蘋果食落肚好温胃，連個餅底都好好味，加埋個冰凍雪糕冰火一下，滿足囇。Price價5百幾蚊4個人，連埋4杯啤酒，每人都系百零蚊，好味好抵食！😋

我哋一行五人，獲安排坐喺大酒桶入面，初初係幾開心幾得意嘅，仲可以自己校光暗；但愈坐得耐就覺得愈焗，問侍應可唔可以開大啲冷氣佢又話啲冷氣唔會入到嚟... 如果餐廳可以改善呢個缺點，客人會食得開心啲。［Figs Salad，$138］除左新鮮無花果外，沙律內有火箭菜、菠菜、車厘茄、核桃碎，配意大利油醋汁。其實味道係唔錯，但佢叫無花果沙律而無花果含量又極少，收呢個價錢真係有啲貴。［Fass Combo Platter，$268］餐牌上面乜腸都想試嘅時候，叫呢個platter就啱喇。其實食完都唔知邊隻腸打邊隻腸，不過印象最深刻係呢個唔知叫咩嘅「肉餅」，個個都話好味。［Roasted Pork Knuckle with Sauerkraut，$198］豬手已經切件，所以食嘅時候好方便。不過食落個皮就有少少太硬，啲肉又有少少太實... 食完一小嚿已經覺得咬到牙骹好攰。我哋五個人叫呢三樣嘢已經夠飽，因為份量真係幾多

聽人講尖沙咀呢間的豬手唔錯就去試下, 餐廳位於地牢, 一行落樓梯已有侍應等待, 因為事先已訂位, 所以即刻有位坐, 餐廳燈光有的暗, 但氣氛幾好, 而卡位是坐入去木酒桶裡面幾得意,  因為天氣太熱, 坐底即order柸啤酒嘆下, 德國 Bitburger 生啤好純好易入口, Salad with Balsamic Dressing 菜好新鮮, 個沙律汁酸酸地好清新開胃, German mixed Sausage 可以一次試到幾款腸, 朋友話幾款腸都好好食, 但我覺得味道好似差唔多, 唔太食出分別, Roast Pork knuckle with Sauerkraut 個豬手皮脆到不得了,  外脆內軟, 咬落去feel到食左好多骨膠, 而且一的都唔肥膩, 唔油, 十分好味, 豬手切開一件件大小適中, 旁邊既酸菜簡直係絕配, 完全中和豬手少少肥膩感, 一路食下傾下飲下啤酒咁唔經唔覺坐左幾粒鍾, 愉快.

近來少了團購，原因是餐廳水準不穏或將價就貨，買Fass之前己做咗好幾次資料搜集，再加上團購突然有優惠，而家加埋一都唔駛 $300，比正價平好多，我見又好耐無食過豬手喎，所以博一博試一試。二人套餐 $288意式雜菜沙律近排鍾意食意式沙律，因為加咗黑醋好開胃，雜菜新鮮無苦澀烤德國腸拼盤(4款)配炸薯格4款腸各有特色，我個人比較鍾意紅色腸多d，因為腸味出d；薯格比KFC好味得多，熱辣辣兼香脆可口德國咸豬手配酸菜要等成廿幾分鐘，豬手上枱時已去骨，肉嫩皮脆，超級好味，略嫌份量太少，每人只分得兩件；酸菜好酸好酸，食咗一啖唔想再食德國啤酒Bitburger生啤及汽水一杯老公話Bitburger似喜力，所以好一般二人共消費：$270(折後價)+$29(加一)

係Groupon見到餐廳環境幾靚,個餐又幾豐富,咪訂個特選二人餐同太太試下.去到餐廳原來要落一層地厙. 明明有幾張吉枱,我又訂左枱,但見前面一對情侶都要等,我都即管問一問,(I reserved table for 2 at 08:30pm please). Waitress replied me, please wait. 咁我咪等囉.個waitress 好好咁話俾酒桶卡位我地,但要22:00還枱, 我OK.甜品:蘋果pie, 果肉同pie底係原全分開,一叉落去,散唒. 唯一service 係幾好,環境唔錯. 唔會有下次

看過這間德國餐廳的食評，似乎甚為正宗，於是約了好友來一頓生日盛宴！不可不試的是這個份量"的骰"的咸豬手，廚師已把它切成one bite size，兩個女孩子吃剛好！豬手皮脆得很，酸菜也很正宗，不會過酸，剛好中和豬手的油膩！另一必試的焗田螺，重點在於薯蓉，入口綿綿的，很滑，薯味也甚重。田螺則屬一般水平！來吃德國菜怎能不配啤酒呢？我倆都點了這款Wernesgrüner啤酒，清爽順喉，麥味則不太多。最後，為好朋友準備了生日驚喜。點了心太軟，餐廳為我們寫上名字及點上蠟燭，只要提早和餐廳提出便會安排，不過需要以英語溝通！店員更主動替我們拍照，服務很讚！

老公好鐘意食豬手，上網睇過食評唔錯，位置係k11隔離，好方便，就即刻買左。餐廳侍應全部係外籍人士，用我有限度英文總算成功訂位，去到環境一流，小朋友見到個酒桶勁興奮，我地訂左8點半，但酒桶先到先得，所以我地8點就去到等，等左半個鐘先有位，服務都ok。我地買左4人餐，開頭諗住兩大兩細食會有多，但其實剛剛好，如果4個大人我覺得份量小左d。

This is a classic example of a restaurant where good food and good location are not enough to ensure good business:1. The booking system is a mess: even though it is stated in the Groupon voucher that we may either phone or WhatsApp to book (and we did phone twice and left messages for our booking), the service staff simply admitted that they did not retrieve phone messages, and would only accept bookings via WhatsApp; they refused to give us a table until we agreed to leave before 8:30pm (we ar

星期五晚踫上good Friday, 結伴好友共享德國餐。首點的雜錦德國腸，選擇頗多，提供五款腸類，各類腸的外層勻是脆皮，肉層肉質嫩滑。Carbonara, 外觀雖然普通，但奶油味濃郁，值得一讚。德國咸豬手，份量比想像中少，本以為是原隻豬手上台，但上菜時已切成多件，方便進食。豬手外層焗得夠香脆，味道偏咸。法式焗田螺，香草味濃，味道算是不過不失。

經過周末周日的懶洋洋的時光，星期一還是要早起身返工，是鐵一般事實，除非當日放假吧。下班後當然是放鬆了不少，故走到尖沙咀，食一個晚飯又如何呢？Fass 既是一間德國餐廳，又是一間酒吧餐廳，門外已擺放了酒櫃，也有多支洋酒在內。沿樓梯拾級而下，第一眼見到的，便是一個個的酒桶座位，亦是眼前一亮，打破了酒吧餐廳的格局。再望一望，就會發現一個酒吧位置，雖然沒有高櫈，但是卻已給予一個可以飲番一杯的機會。坐在酒桶怎坐位，有一窗框，擺了一盆盆栽，添上了綠色素材。餐牌中以散點為主，亦有套餐供應，除此之外，還有飲品餐牌，當然以餐酒，威士忌等主導，但亦有含有酒精類和非酒精類的雞尾酒。當然顧客可按需要，而來所需的食物與飲品吧。還在選擇食物時，店員奉來一籃麵包，雖然只有三塊，卻是可打一打開胃納。麵包質感脆而較硬，塗上牛油，令食味增添。Pork Knuckle (一百九十八個大洋）點來一客德國豬手，豬手已經切開，可見碟上仍有豬骨。豬皮已炸得像芝麻一樣，入口時卻又很脆，不過略為硬了一點，但仍可接受。豬手肉呈紅色，質感柔糯，有種鬆化口感。而豬皮及肉中間仍有一層軟體，質感就像是骨膠感覺。Lmeon Tart （六十八個大

決定唔煮飯 出街食餐好既。老公話見到朋友上次食德國菜好正 又想飲啤酒 即刻問左朋友然後出發。餐廳係地牢 佈置都好特別 坐在一個個大型釀酒桶入面 哈哈。幾好情調。有個大型bar枱 見到好多啤酒 佢即刻雙眼發光。只有兩個人 要認真諗諗嗌咩食。因為Menu實在太多選擇。最後 都是決定一頭盤一主菜一甜品。頭盤揀左我最鐘意的蕃茄水牛芝士。水牛芝士甘香煙韌 上面配上好像香草橄欖油的醬汁 好清新 醒胃。主菜揀左德國菜必食既脆豬手。豬手配上酸菜 炒薯仔。豬手皮烤得好脆 但唔硬 肉質好香 而且一點都唔會太肥 好新鮮 好好食！洋蔥炒薯仔 薯仔應該係先炸過 再用洋蔥炒 有心思。牛油薯蓉真是超滑好香 食唔停。酸菜如果可以再酸一點 會更加開胃。甜品揀心太軟最好。甜甜蜜蜜。賣相不錯 配上雲呢嗱雪糕 心太軟一切就流出半溶的朱古力醬 好濃 暖暖的配上雪糕 正！愛酒的佢揀了德國樽裝啤酒 佢話有少少檸味 濃濃麥味 口感濃厚 讚。我就揀了一杯grapefruit mint cooler, 有薄荷葉 主要係西柚汁的味道 幾開胃 可以解膩。食飽飽 再去尖沙咀睇燈飾 免得聖誕同人迫。好滿足的一晚。

約左靚女食飯,緊係要有搵間有情調食野!呢間野都幾特別!木桶雅座!開飯首選介紹德國豬手!非常肥美豬手!個皮好脆!咬開肉汁出曬黎!配埋個芥末醬，辣辣地好惹味!叫埋個燒春雞,配個煎薯仔,都煎得幾香脆,幾好味!燒春雞燒得火候岩岩好,皮脆肉嫩,咬落去勁多汁!不過其實份量都幾多,兩個人都超飽!叫埋杯酒飲, 美酒佳餚人生一大樂事!

話說想搵間有情調有氣氛既餐廳過生日，經友人介紹下發現了尖沙咀地鐵站附近，門口非常不起眼，以前常路經都不知道的FASS~走落樓梯，入到餐廳，好幾個木桶卡位～侍應幫的地點左蠟燭～送上餐包～讓我們慢慢看menu~ Menu 全英文，侍應也是外籍人士，還好用我破爛英文還是可以溝通，三文魚扁意粉$178～煙三文魚造成玫瑰花形狀，賣相超靚，而且佢個sauce好好味，有點三文魚肉～超級推薦！！ 德國豬手$198～外皮超脆，裡面的肉很軟很易咬～雖然有配芥末醬，不過個人覺得不沾醬更美味～ 我沒有order 酒，點了兩杯fruit cocktail ~Grapefruit mint cooler $68薄荷味加西柚的特飲，幾特別～～Caribbean cocktail $68味道主要係芒果、橙、香蕉，酸酸甜甜好好飲～ 隱藏在角落還有一個VIP Room，大大的水晶燈，裝潢真的很漂亮～而且餐廳很安靜，真的很浪漫有情調～

Went here after a party so wasn’t that hungry.Ordered the pork knuckle and a drink but the staff wasn’t amused I only ordered one drink.Anyway, sat on the corner so it was pretty dark to take food pictures.The pork knuckle was as good as expected with crispy skin and it was not overly salty.The drink was an interesting combination of tomato, orange and cucumber but it would have tasted nicer if it was freshly squeezed orange juice and not the concentrate.

是日，多得久催兄的關照，使得我們三位叔父能與幾位美少女共晉晚餐，少女情懷總是詩，選址方面當然要浪漫D啦，同行穆斯林兄提議到尖沙咀河內道的fass。店舖位於港鐵N2出口側，看到招牌再向地牢推進便是。店內燈光幽幽，很有情調，清一色講英文的侍應令氛圍更加離港。先來每人一杯德國啤為是晚揭開序幕，穆兄向我推介了麥味濃郁的 Hefe Dunkel （$55）。啤酒傾刻送來，head foam足有四點二吋，緊緊鎖好啤酒的味道，加上修長的杯身，吸引程度與枱底的長腿不遑多讓，分別只在於我能將面前啤酒就地正法，一親香澤，啤酒順滑入喉，那麥香在口中傾刻爆發，並纏繞在舌頭之上久久不散，突然想起了祥仔哥的那句好味，夾好啤。穆兄則為對面美女點了bitburger（$55），她呷了一口，雙目閉上，見她滿足的表情令我怦然心動，待她把杯子放下後我立馬搶過來試品，雙唇剛好交疊在杯邊的紅唇印上，咦，怎麼甜甜的，究竟甜味來自唇彩還是啤酒呢！？這些機會...我當然再呷多口，鎖定了是啤酒的甜味，bitburger 入口清新，有着淡淡的啤酒花香，少少甜身更合少女的口味。我說，我飲左你口水尾，今晚要聽你話，她回以一個甜美的笑容，縮縮