Ferglas Kitchen (已結業)

買咗團購套餐，真係覺得遠超水準。鵝肝，外脆內軟磨菇湯，很濃，若有埋粒粒菇相信會更有咬口。藜麥沙津，個汁做得好好。T骨排，4成熟，火力控制得好。但友人略嫌唔太夠熱。油鴨脾，外皮脆，沒有“蘇”味。燒雞，少少辣，D肉好滑，完全無雪味。炸豬手，勁脆，酸菜好醒胃，讚。飲品，試過咖啡太苦，奶茶淡如水。兩樣都比不上大家樂，但檸茶唔錯。我之前曾兩次walk in都full house，之後兩次嚟都係book位。

這家餐廳就位於我大廈的樓下，由開張以來嚐過四次（或以上）每次對於食物的質素都好滿足，例如餐前麵包是自家製的，配上的牛油亦有用蕃茄和蒜末再加以炮製；又例如低溫三文魚的魚肉嫩滑好吃，如不吃落重牛油的薯蓉就是女性們的理想健康的一餐。是次推介的則是燒雞半隻（需等30分鐘）。即使是雞胸都嫩滑無比，雞味十足，150蚊包沙律/餐湯和飲品一杯，性價比很高！其次即是原條燒爐魚，廚師同樣用心製作，加上檸檬和辣椒碎把魚本身的鮮味提高。而侍應哥哥的服務都算是親切有禮的，亦頻頻加水，只是有點大頭蝦，是可以包容的，畢竟也只有一位侍應服務。如果十分著重環境的客人或許就要到別家去吃了，這裡是般咸道的飯堂，賣的是食物質素和親切感。

之前見有人介紹今晚慕名而來店仔細細大約只有二十個位所以一定要book位Menu 中每一款也不太貴百幾多D 抵食我決定叫左烤雞同豬扒首先個餐湯真係麻麻地太酸似乎下太多茄膏了但沙律幾好新鮮冇怪味到主菜烤雞微辣但十分入味肉嫩多汁而骨軟不用十五分鐘已經食哂再來豬扒以前廣告曾說是日本黑毛豬但現在已轉了加拿大的但絕不失禮肉淋不起渣正！

同女朋友去西營盤覓食，無意間搵到依間質素頗高既西餐廳。先講環境，餐廳雖然細，但系裝潢同裝飾都十分優雅，兩個人食飯，特別系餐廳少人既時候，有一種爛放鬆又浪漫既感覺。Set lunch入面，我揀左煙鴨胸鮮茄長通粉配餐湯（65HKD)。是日餐湯系洋蔥湯，湯既味道唔錯，調味突出左洋蔥既甜味，用黎配烘到熱辣辣幾小餐包正合適。至於主菜，鴨胸既料理，調味十分到位，唔會太咸之餘又同濃烈既番茄味相配搭，相當出色。另一邊箱，作為前菜既三文魚沙律十分開胃，而主菜既葡國雞皇飯（55HKD)都十分唔錯。餐廳既set有平有貴，平既符合鍾意食平價西餐既你，性價比高；而貴既水準亦都唔差。總體黎講，系一間令人驚喜既靜街餐廳，令人十分滿意。

今日book 左食dinner,有兩個menu,一個係一個月轉一次嫁，一個係main menu . 首先麵包係熱lala 同好脆的，個湯係濃番茄湯所以我地叫左一個係4月set menu 燒雞半隻加apple salad $118,個雞超滑雞胸都滑的有小小辣多汁真係好好食仲有order 了main menu apple汁豬扒$148 如叫set 加20 蚊我們都加左叫左salad,salad好新鮮 ，個豬扒多汁彈牙，好味，但無咩apple味之後叫左dessert 加左25 蚊心太軟外脆入面好多朱古力流出來同雲呢拿雪糕食好味這餐廳要book 因為好full 下但好味值得再返黎食service 都不錯,價格都不貴一共用了$342兩個人

朋友推介，西營盤站對面，超方便，店仔細細，食物出色，正👍👍👍是日餐湯，甘筍忌廉，好滑好香，本來對甘筍一般，但師傅做到好滑好creamy，好好味👍配上熱騰騰的小麵包，好正👍👍黑松露意大利飯，全碟飯也充滿黑松露的香氣，飯粒較適合香港人中意的飯身較軟，但本人仍然喜歡飯身硬少許😜朋友叫的大蝦煙肉意大利麵條，超多芝士和煙肉，我試了一隻超爽大蝦，我已經想定下次叫了😜😜😜加25蚊就可以加甜點，好好好味的流心朱古力心太軟，好味喔😍下次再來👏👏👏

本來以為這間小小的店子做街坊生意，所以無期望地只想舒舒服服平平淡淡安安靜靜的吃一餐下午茶，點知很有驚喜：凱撒沙律 - 生菜很新鮮焗薯皮 - 簡單的 bacon and cheese，已經很野味Carbonara - 用了扁意粉，個sauce 比較重 cheese 味，咬口 perfectFish fingers and chips - 是 a la Carte 的兒童餐... Fish fingers 和平常外面吃的不同，用了較脆的有香料的 batter，很驚喜！下午茶份量少， $40-50 左右，價錢 ok 啦！Dinner 大概 $100 一個 dish。對正將來港鐵站，遲些可能就會很熱鬧了吧！