Find The Way

營業中

休息中

📍Find The Way, Long Ping (For more photos, follow @tobb.kitchen) Seating just 8, the intimate space presents an open kitchens and bar seating. The interiors of the cafe was warm and inviting with many decoration details that celebrate the Japanese culture, including the cabinet, bar table, photo frame and so on. Ordered the signature hot pancake 🥞, as thick as your books. It’s not the typical fluffy one but definitely worth the try! The caramel egg pudding is sweet, kinda like what I expected. L

有啲店賣造型，有啲賣誠意，有啲賣實力。Find The Way 三樣都有。先講造型，裝修得好似舊式日式咖啡店/酒吧，得一張bar枱，座位後面都有勾掛外衣或袋。店主打 hot cake，即叫即整，上面件牛油仲係特别處理過。另外每日有不同甜品，今日選了游泳池西餅，即叫即組合，呢種 made to order既形式好有誠意。Hot cake 係厚既pancake，因為即做所以有熱度，皮有少少脆。件牛油自己加工過，我只可以形容為有啲成人向。食之前一定要加糖槳。游泳池西餅係傅統西餅既進化版，裡面有兩件預先做好的蛋榚底，唔知同hot cake 係咪同一種槳，但口感完全不同（可以因為溫度唔同），非常軟綿濕潤，落單先至塗 cream吱 Jam組裝。飲品叫了iced black coffee 同 iced latte。因為唔識品嘗咖啡，所以唔評了。店好似得8-10個位，無位先留電話，有位會打比你通知。我啦等四組 （我估都係兩人星組掛），留完電話先去附近茶記午餐，食完行一陣就下一組到我哋了，我估大約半小時左右。真心覺得讚👍❤️

元朗區日式喫茶店舖頭既裝修同氛圍都好日式，成個感覺真係好似去左京都既喫茶店，不過店內好細，唔算坐得舒服。黎到基乎每枱必點既一定係雪糕梳打（$50），賣相真係冇得輸，大大球牛奶雪糕配埋冰凍既梳打，雪糕融左後會變粉藍色更靚😆。甜品本身好想試鬆餅但真係好飽唯有下次😆！焦糖雞蛋布丁🍮($40)望落細細杯，但其實好大個，布丁既底部比個杯擋左好多😂，食落質感幾實在細膩。蛋糕款式會定期轉，咁岩去既時候係青提梅酒乳酪忌廉蛋糕($50)，無論蛋糕定cream入口都好輕盈唔會好厚重😝。

🍳Find The Way⭐楓糖漿鬆餅 ($45)朋友成日推薦呢間find the way, 一入到去嘅時候的確覺得佢個裝修冇得輸。好濃嘅日式感覺而且係一種比較似日本電視劇入面嘅日式cafe 。如果係鐘意chill 嘅朋友, 我就真係好推薦你去享受下佢嘅環境呀。至於食物我就覺得唔算太特別la, 佢個鬆餅係實心嘅, 我比較鐘意食一啲fluffy d 嘅鬆餅, 所以就覺得比較普通, 不過環境就真係有 95分。Address:元朗屏會街9號同發大廈地下P3號舖Shop P3, G/F, Tung Fat Building, 9 Ping Wui Street, Yuen Long港鐵朗屏站 B2 出口, 步行約5分鐘#food #foodie #foodhk #foodiehk #元朗 #美食 #元朗美食 #hkrestaurant #hongkong #foodlover #香港

生意難做我明，但冇心經營就唔好求求其其，唔係影張相放到上網就叫好，呢間cafe冇呢個能力，只能扮日式吸客。可能佢只想做打卡人生意。去一次都太多....你入去叫得唔多野食就會比人黑面，去得果到就唔係食正餐，唔通要試曬佢成個menu？但佢地會講說話你聽，一入去個感覺好不友善，仲要咁近距離，令人不安。Awful cafe experience, no heart to serve customers at all.Just present u sth eye-catching for social media, and dun really care about quality. Not recommend it if u want a quality chat with friends there.

第一次寫OpenRice ，覺得真係好過分，從來冇去過一間咁差嘅coffee shop，大開眼界。個咖啡店外表想模仿日本，但人嘅質素同埋整個用餐體驗簡直係差天共地。本身去完accro 佢地啲咖啡同服務質素真係滿分。嚟到呢間Find My Way, 叫左一壺熱茶，但杯茶似水咁淡，冇放茶葉去焗，食物現實睇唔吸引。然後坐低用一路飲茶一路用macbook做嘢，坐左大概45分鐘之後，突然之間發生以下嘅事：1. 我問男店員可唔可以加一啲滾水去杯茶度，個男店員本身話可以，跟住見佢過一排都冇加，咁我都好有禮貌咁話唔好意思可唔可以加番啲水，然後佢突然之間發脾氣， 男店員講：「呢度冇加水嘅服務。」咁我話唔緊要，咁可唔可以淨係要一杯普通嘅水，個男店員突然之間就講：「同埋呢到唔係俾你做嘢唔該你走。」2.見到咁差嘅服務態度就決定埋單走人，開門離開，順手幫佢閂返道門費事啲冷氣就走出，個男店員竟然走出嚟話「你以後唔好嚟，同埋你整親我對門，我可以告你」。其實由頭到尾都唔知發生咗咩事，如果唔想加水又或者唔想我喺度做嘢可以好聲好氣講。同埋我都係好好咁幫佢地閂門，見佢未閂好，幫佢閂返好，但係毫無先兆底下無端端跳掣發爛渣真

很久沒到元朗了，看到朗屏開了很多新餐廳，所以特意拜訪、一試究竟。餐廳採用懷舊金日式復古的設計，彷如回到過去。而且店主採用開放式bar檯，全程可以看到店主倆準備出餐的情況，而且不時美味會充斥整間餐廳，確是不錯的設計。環境方面寧靜舒適，是自己安靜地享受me time 的好地方！食物方面不俗，點了一件青提梅酒蜂蜜蛋糕不會太甜，能吃到啖啖青提和梅子的香味，忌廉甜度適中，也不會過膩，是一件適合夏天的蛋糕。另外還有這件hot cake，配上飲品$80，價錢不算貴，而且趁熱吃，配上楓糖漿，充滿牛油香，不俗！之後一定會再訪。

日式嘅梳乎厘班戟就食得多 但係呢一款咁傳統嘅楓糖漿鬆餅🥞就真係比較少見～食落去會比較實淨 但係都鬆軟嘅 個蛋香味真係超級濃郁🥚再淋上清甜嘅楓糖漿🍯真係好好食😋

平時多數都係食梳乎厘班戟 都好少見呢啲厚鬆餅🥞嗰次就嗌咗個楓糖醬鬆餅嚟試吓～鬆餅口感係偏厚實 唔係平時嗰種空氣感～食落好濃郁蛋香味 唔算好甜 再配埋面頭舊牛油🧈同埋楓糖漿 都真係幾好食😋

元朗越來越多咖啡店，不過呢種咁日系既家庭式小店就真係得呢間。由鋪頭設計裝修，到decorations，再到啲咖啡杯同餐具，睇得出兩位店主既心事👍🏻我揀左Oat Milk Latte，偏nutty，咖啡味香濃，幾有層次。拉花就一般啦，仲有進步既空間。對比起一般日系咖啡店既咖啡，呢度算係唔錯。另外，仲試埋Coffee Eclairs。Surprise既係女店主即叫即整，呢啲就係小店既好處～ 咖啡味調得幾好，唔會好甜，但就唔係好脆，不過都算幾好😊

—星期日3點鐘喺鋪頭留名 40分鐘左右打嚟有位牆身有掛鉤可以掛衫掛袋楓糖漿鬆餅 配飲品($80)見到老闆娘係即整餅漿倒模兩份hotcake同時完成呈上非常有厚度 口感界乎鬆軟偏扎實之間就咁食冇咩麵粉或蛋香 要加楓糖調味香蕉巧克力忌廉蛋糕($55)(使用比利時70.5%黑巧克力)朱古力味香濃 甜度同澀度啱啱好夾離香甜綿密香蕉 蛋糕都鬆軟凍朱古力/ 抹茶鮮奶——————————————————Find The Way元朗屏會街9號同發大廈地下P3號舖

食全日早餐，元朗呢條街附近食甘多間，呢間係數一數二。唔係吹水，試過一次之後，成日心思思想番焯。呢間雖然迫左d,都可以接受。牛角包，一定係首選，牛油比例係略重小小，包包又脆又軟，係好好食。個包又大份，食完已經即刻想encall.佢既配菜亦好有份量，呢d就係食一啖少一啖。叫埋個起司，份量超左負荷，唔埋甘多，好食就要繼續食。飲埋杯flat white, 堅爽，雖然咖啡不係冠軍級，不過飲下飲下都ok...拿，記得牛角包先係主角。

(元朗)-楓糖漿鬆餅配飲品 $80雪糕梳打 $50雜果忌廉蛋糕 $50-元朗開業不久的cafe喜歡這裡日式復古的氛圍很適合靜靜地待一個下午飲品食物都不錯咖啡都是由店主手沖的食物方面推薦楓糖漿鬆餅是偏厚實煙韌的口感連食物也有滿滿的昭和感🤍

有一日行過呢間 cafe，咦，咁日式嘅，好吸引咁，入去食個下午茶先☺️楓糖漿鬆餅嘅牛油味好突出，我亦都好鍾意佢面頭嗰件 Brown Butter😋如果蛋糕本身再濕潤啲會更加好~ 同埋佢嘅份量比較適合兩個人 share，一個人食會有啲膩😅 而 Chai Latte 奶、茶和香料的比例調較得好👍🏻舖面雖然不大，只有八個座位嘅 Bar 檯，但環境好舒服，而且不斷播放著日本歌曲，可以令人暫時脫離一下現實🤭好似去左日本咁，而且 Bar 檯可以讓客人同店主兩口子傾下計👍🏻

Findtheway係一間喺元朗啱啱新開嘅一間眧和式珈啡廳，入咗去就好似真係去左舊日本咁，好有日本喫茶店的風格🍵深木家具同柔和玻璃燈比人一種溫暖的感覺，座位後仲擺左一個衣架比客人掛衣服👔店舖由一對夫妻經營🎎200餘尺既空間，一行八座的吧檯，可以觀賞店主係面前沖調飲品同製作鬆餅🥞提提大家cafe主要提供輕食、甜品以及咖啡梳打🍴🥞楓糖漿鬆餅套餐$80鬆餅即點即製，所以需要等候一段時間咬落係偏厚實既質地，鬆餅本身唔甜既，配埋糖漿同牛油🧈一個人食應該勁飽肚🤣不過小私心覺得如果蛋香重d應該更好食🤏🏻☕️Cuppuccino(跟餐）跟餐免費✨配埋鬆餅飲好解膩😋咖啡有微微堅果香同酸味，拉花唔錯🍹藍橙雪糕梳打$50超吸睛既打卡飲品😍藍色梳打＋雪糕＋點綴櫻桃，成個喫茶店既氣氛出曬黎✨唯一可惜既係味道較淡🤔好似冇咩味咁