FIVE GUYS

營業中

休息中

呢排行緊低碳減肥法，每次行近快餐店都覺得好吸引，無奈漢堡包之類嘅buns係極高碳水，次次都係得個望字。不過我就發現原來Five Guys嘅漢堡包同熱狗都有得轉麵包做生菜，雖然冇咁飽肚，但有得過下癮都好嘅。之前試過佢哋嘅正常漢堡包，只能夠話中規中矩，反而係薯條好正，尤其係cajun味，而熱狗我就未試過喇。今次 order咗全牛熱狗，buns轉生菜。咁佢嘅外型係唔似熱狗嘅，反而似一個扁咗嘅漢堡包。啲熱狗腸食得出係真材實料，但調味略淡，而生菜就好爽脆多汁。以我一個鍾意食生菜嘅人嘅標準黎睇，生菜嘅份量可以再多啲。可圈可點嘅係佢wrap得幾好，啲garnish同熱狗腸唔會跌到周圍都係，唔會搞到自己好狼狽。

Was halfway done with my burger and I found a tiny and thick hair, resembling a pupic hair inside my burger. Was offered a replacement burger but didn't and couldn't accept as i've lost my appetite immediately...

好耐無食Five Guys! 行經APM, 一於食下先🤤————————————————————————簡潔有力既slogan👍🏻👍🏻————————————————————————好普通既配搭，純粹落左蛋黃醬、extra cheese😂對於我地呢種熱愛芝士既人，簡簡單單就已經係最完美❤️肉汁豐富、芝直口感夠哂Rich!!! 不過事後唔記得加煙肉，唯有下次啦🤣————————————————————————另一半唔食牛，叫左呢個for vetgetarian既三文治，配料新鮮，同樣都咁出色👍🏻👍🏻————————————————————————食漢堡就梗係薯條加汽水啦🤩————————————————————————好耐無咁放肆，不過係值得既，大家快啲去食啦🤝

剛巧路經觀塘，所以就去左apm試下Five Guys🍔(唔好講笑，大鄉里開左咁耐真係未去過，因為平時唔太中意食burger🙊)/🍔Little Cheese Burger個人完全分唔出佢同普通Cheese burger，size好似一樣咁大，女仔黎講真係唔會食得哂😨選擇困難既我叫左ALL THE WAY：有蘑菇好好食，咩汁都有夠哂肥仔🤣味道係好食既，比麥噹噹出色，但又未至於好驚為天人咁啦/🍟Regular Fries怕肥既我原本話叫細份，但肥仔老公話要Regular，點知原來都幾多下，仲瀉哂出黎🤤重點來了，粗身的薯條薯肉滿滿，又脆又香口，老公仲話食倒花生油的香氣😌由於佢太香脆，我就一發不可收拾，食唔停口.. 然後食飽飽多眼望下官方的卡路里表：Regular Fries 950cal😨💔🤦🏻‍♀️心有如大石般下沉🥲/🍼Milk Shake with whip cream啲咁肥仔既野都係老公叫，仲加埋朱古力同oreo，真係肥仔至最！喺佢極力推介之下試左兩啖，個人覺得好杰同勁甜🐷真係超肥仔餐！/食完之後內疚左好耐，雖然係好食，不過應該唔會成日食喇！年紀大，唔可以食太多加工食物💆🏻‍♀️一餐都ov

有次行街經過apm，又嘴仔痕，想去食少少野，經過呢間野，聽女朋友講話好出名，好好食既，咁我話不如試下啦，講到咁勁咁。入左去排隊點餐啦，要用英文，因為好似服務員唔識講廣東話既，咁就點左個薯條食啦，因為都飽飽地,只係咁岩口痕🤣服務幾好 ， 好nice價錢就真係算貴既等候時間極耐。叫薯條都等左差不多3-4個字先有得食，不過可能因為咁先好食，因為驟眼睇係即炸即整。一食入口，真係好好食，上癮份量都算多。夠2個人頂下肚咁👍🏿

呢間餐廳開喺香港都已經有一段時間，今次喺A先生強烈推薦下，終於去左食burger🤣🤣佢嘅toppings全部都係免費，想加幾多款都得，第一次試我要左All the way🤣·Cheese burger($85)唔好以為快餐店一定快，買完之後都要等5-10分鐘先有😂😂見到廚房無停手咁整，一打開包裝有少少失望🙈個包塌左又皺皮嘅，唔係飽滿脹卜卜🥲🥲一咬落口都唔係好熱無出煙，我見A先生果隻出晒煙望上去都熱好多🥲味道黎講係唔錯，好厚嘅牛肉，配芝士真係一流🤤·Fries(Little $40)最細size嘅薯條都好大份，我覺得份量同金拱門嘅大薯條差唔多😂不過呢個薯條夠晒熱好好食😆·呢度叫可樂可以無限refill，但係$35就⋯我飲一杯都夠所以覺得好貴🤣🙈·整體黎講雖然味道唔錯，但如果真係想食burger我寧願去返餐廳食多過食快餐店😂反正價錢都差唔多😵

今天和我的朋友一起，前往觀塘 5 guys，打算點 7 個漢堡。落單既一位女店員我地先跟她打招呼“Good afternoon, we would like to have XX”，話都未完，就俾佢 打斷，她立即回覆“ 我識聽廣東話OK?”無論如何啦，都係買個包食姐，我們就繼續落單點漢堡，熱狗和芝士漢堡等，但係當我地講唔要既材料同醬個陣，我地又再一次被打斷，店員就說“你咪講你要D咩料囉，如果唔係個包咁多料我點樣逐樣走呀” 相信落單黎講，佢一定比我更熟悉程序，但我地冇諗到只係落個單都要俾佢不斷質疑，自問一開始都客氣有禮，我都明白當日人流甚多，但點解要轉嫁你既怒氣到客人上呢? 只係想買個包姐，而類似既過程亦繼續發生係餘下落既幾個包上。結果我們點了 7 個漢堡，但落左 6 個，都算了，唔想再俾人鬧...不過，漢堡和薯條的味道真係唔錯，LITTLE BURGER 有層次感，材料夠juicy，但服務體驗真係遠遠低於平均水平，我地從來沒有在灣仔/中環遇到過同樣情況，次次d staff都好NICE，好friendly，同時佢地都係好忙。明白服務從業員有佢地既辛苦同壓力，不過尊重自己、尊重工作都係基本

唱k唱到8:00，知道觀塘有間fiveguys就去試，價錢同出面食漢堡嘅鋪頭差唔多，就系冇乜款，除左漢堡，芝士漢堡，就系cheese bacon burger，我見都仲有其他嘅，就系熱狗，sandwich,野飲都系汔水果d，不過飲斟。我叫左個regular size嘅 cheese burger,因為我見佢d bacon真系都幾乾下，果包d配料真系幾多，我就叫咩料都加，要spicy加左墨西哥辣椒，都幾match，不過都幾濟。我個fd就叫左little size 嘅cheese burger， 細食可以揀little size. 薯條就分左大中細size，中size抵食d，細size兩個人食都得（如果細食嘅話）咁個食后感就系食完真系冇咩特別，依個價寧願食其他漢堡，因為佢個包都唔系幾特別，好食就ok啦，不過佢個薯條真系幾好食，我就prefer加辣，辣好食過原味，佢個辣似shake shake粉，不過如果唔鐘意食腍嘅話就唔好叫。不過都系食過一次唔會再食

之前係美國食過念念不忘，香港愈來愈多分店，好方便，不過可惜嘅係APM呢間冇得任食花生，因為佢嘅花生都好食㗎！！士多啤梨奶昔好香滑， $55一杯唔算平，但真係幾唔錯單層煙肉芝士漢堡$75 ，入邊有蕃茄丶生菜丶芝士，當然唔少得仲有塊牛肉，牛肉厚身之餘仲好Juice，麵包上面有好多芝麻好香口，加上麵包好軟身，配搭埋咁多材料一齊食好有口感我最愛佢呢一間嘅薯條，薯味十足，而且調味過，好食過麥叔叔既一百倍，薯條控既我真係食唔停口

成日路過，終於可一試呢間人氣美國餐廳。因為近，所以選擇咗APM果間。閒日去，無咩人！其實我地真係中意閒日去食嘢，一來又少啲人唔使排隊，二來甚至有時會有優惠！可惜APM呢間冇得任食花生，搵到位之後就出去買嘢食啦！不過揸住張Menu有少少心慌意亂，得啲字，又無圖片，作為第一次食嘅我真係有少少緊張，唔知點揀！🪁士多啤梨奶昔🥰🥰🥰🥰🥰 $55出發之前上網做咗功課，個個都話必叫士多啤梨奶昔！果然好飲又幼滑！其中一杯仲加咗佢哋推薦嘅煙肉碎😅落去(免費)😜！驚喜、特別又好飲🤩！一啲遺和感都冇！正正正！👍🏻👍🏻🪁單層煙肉芝士漢堡🥰🥰🥰🥰🥰$75叫過最豐富有單層嘅！冇咁貴得來又可以食晒所有嘢！我覺得呢個選擇好正確！當去到選配料嘅時候，又係心煩意亂嘅開始😂🤣！個包好食亦多汁！🪁薯條（普通）🤩🤩🤩🤩🤩$50薯條係朋友大力大力推薦嘅食物之一🤩！好好食！又夠脆又夠味，分量仲要好夠食！😋整體而言，啲嘢係好好食嘅😙！不過價錢就有啲貴🤓，兩個人加埋都要三百幾蚊💵！

今日去咗人山人海嘅觀塘，lunch hour 諗咗好耐，都係去有冷氣嘅商場舒舒服服坐低食好啲，就決定試呢間Five Guys 🤩🤩👏香港第一間Five Guys係喺灣仔嘅，初時都好多人排隊架~之後開多幾間就少咗人排。佢哋嘅薯條真係好出色😍有Cajun辣粉，唔食得辣嘅朋友都唔洗擔心架😌唔落辣粉都好好食，食得出真係用薯仔整，同快餐店嘅好唔同，食落去係脆又實在嘅😍個包就可以自己揀要咩配料，唔想諗太多就可以All The Way😗建議大家都係食Little Size ，因為都好大個好飽肚地址－Five Guys (觀塘)觀塘觀塘道418號創紀之城五期apm大堂C2號舖環境／設施:佢哋個廚房係Open Kitchen，大家可以睇住佢哋點整架😌人均價格－$100左右評分－4.0/5.0

APM最近終於開咗，快餐有多一個選擇。佢嘅嘢食都係即叫即製，保證熱辣辣。其實之前其他分店都食過幾次，最令我念念不忘嘅就係佢嘅薯條啦！之前食過幾次都知佢薯條嘅份量好多，所以今次朋友同我一行二人share一份中嘅就可以啦！最重點係佢嘅辣粉，非常出色令人食唔停口。另外雖然佢嘅主打應該係burger，但我就偏好佢嘅熱狗。食起上嚟方便啲，而且份量都好夠飽。朋友再推介，奶昔試吓配煙肉。初時覺得甜野配鹹嘅，仲要係煙肉好奇怪，但今次一試好驚喜！冇諗過會咁夾，口感非常之豐富。雖然唔平，亦好heavy，但間唔時食下真係好開心。

冇食漢堡，叫咗一個全牛熱狗，而我就因為唔食牛，店員話得三文治冇牛，所以叫咗個BLT。其實我哋係咪應該要叫signature嘅burger，因為我哋覺得好唔值，一個$60嘅包，已經唔係大個，只食包一定唔夠飽，而重點係個包係凍冰冰嘅，而脆身同凍煙肉我真係唔識欣賞，唔通因為鬼佬唔食熱嘢？但真係唔啱我口味。另外杯奶昔，我哋揀咗朱古力，香蕉，oreo，焦糖同加咗bacon。但我哋都完全唔覺有朱古力味，飲到好少好珍貴嘅香蕉，但可惜我都係感覺唔到佢嘅存在，唯一飲到就係甜味，但亦唔似係焦糖味，總之成杯嘢就係得個甜字。至於薯條就正常，以價錢計唔算特別好食。最後就係我可唔可以用中文溝通，話哂觀塘唔係個個都識英文😒

Five Guys最出名就係佢嘅milkshake, 如果冇試過佢嘅milkshake就唔好同人講話嚟過Five Guys啦。佢嘅描述有相當多嘅味道俾大家選擇而且係冇上限嘅所以你鍾意溝咩味就可以溝咩味。今次我自己就選擇左strewberry, salted milk, bacon, 同埋Cookie。聽落加bacon好似怪怪地但係原來會令人一試難忘。如果你個人唔係鍾意好甜味嘅話，加咗bacon就可以中和返甜味，你飲落去嘅時候後勁會帶有少少鹹既bacon味，口感非常豐富。

Five guys愈開愈多分店，今次就去咗apm店食，貪佢方便又快捷。而且場又夠闊落，坐得都舒服啲唔侷促。為佢地嘅Cajun fries而來，細size都已經好大份係佢地嘅特點！而burger就揀咗 cheeseburger，正常size嘅burger都偏大，兩人分享都足夠。芝士好邪惡patty肉汁都好多，浸淋咗所以包體偏濕。內裡配料揀咗所有都要，其中最鍾意係grilled mushroom，平時都鍾意食蘑菇漢堡嘅表示堅正啊！可以再多啲蘑菇就好啦。重頭戲Cajun fries調味粉惹味有微辣，睇到有啲香料嘅蹤影。薯條外脆內軟，入面好綿密，新鮮熱辣真係同平時啲fast good shop好唔一樣㗎！嗌過一次Cajun就唔會再想嗌原味薯條啦。仲有唔同口味嘅milkshakes，之前試過香蕉味，今次就試士多啤梨味，好creamy奶滑但就相對易膩。下次都係揀返free refill嘅汽水會爽啲。