Flame at Towngas Avenue (已結業)

食物很豐富,很精緻,環境很幽美,可以有一個超級無敵大海景,睇住夜景咁食住野...很浪漫😍很有滿足感...有時約埋朋友三五知己一齊飯聚,或者節日慶祝飯局,都係唔錯的食野地方選擇👍👍

早一星期就預約了這餐廳，一家在星期日晚上都十分旺場，有幸坐到窗邊的位置，望出去看到香港夜景。我們分別叫一個前菜及四個main course，西班牙火腿蜜瓜甜甜的蜜瓜配上大大片pama ham，要分開幾口才食完，大滿足。蕃茄吸管粉甜甜酸酸的蕃茄汁配上空心我吸管粉，每條吸管粉都沾滿了醬汁，吃起來爽口的，口感十分特別。野菌燴飯燴飯吃起來有別於一般，硬硬的口感，容易將其咀嚼的。聞起來有黑松露白汁的香氣傳來，馬上趕緊食多幾口。海陸拼盤拼盤中的配料十分多，有薯仔，粟米，蒜頭，蕃茄，露荀。主菜有大蝦及牛扒，以一個拼盤而言，份量都算大，性價比高。一家人來慶祝紀念日或者生日都是一個不錯選擇。

因買熱水爐送了coupon所以訂枱食午餐。上OpenRice看了多編評論，抱著用了coupon便算的心態，也想試試食物及服務是不是有那麼不好。可能没有希望，反而有驚喜。到餐廳門口，見到女店員木口木面的，心想與網上所說的一樣，我表明已訂枱，女店員立即面帶笑容回應「請跟我過來」，其實好正常不過，但與預想的有所出入食物方面也是正正常常的，咖啡也很不錯。食物上枱時，男店員亦面帶笑容，叫我小心熱。服務也不錯呀。服務，食物也是正常水平，在尖沙咀這價錢，這食物不算平，但亦算合理水平。

我要3成熟肉眼扒廚房比舊7成熟肉眼扒我，唔知佢落錯單定廚房煮錯野，我要求換，第一塊肉眼扒好正常好靚無問題，第二塊扲舊垃圾比我，肉眼扒有根同骨，1睇就知係d勁cheap $20塊d垃圾扒，同我講呢塊係肉眼，當我弱智定白痴？我問佢呢塊係肉眼？佢答我係....果一下我真係想XX佢，我問佢點解第一塊同第二塊差咁遠，佢答我係架喇，差唔多姐，我比成$200叫塊肉眼你比塊$20都唔值既垃圾我，仲同我講差唔多，咁我比$20埋單，同你講都係差唔多姐！d野食唔係特別好食，完全唔值呢個價，絕對唔會有下次！最重要係一坐低就有隻蜜蜂係我個身係咁飛🤬🤬🤬🤬🤬

唔係因為餐飲劵食600蚊, 都未必會來呢度食!先講自己個208蚊海鮮拼多士(lunch set)2粒蜆1隻青口1隻中蝦1粒帶子2件三文魚2入件魷魚食完仲係餓!!!!加38蚊叫咗個沙律, 味道叫做唔錯...除咗呢個, 叫加咗個蘋果撻配雪糕(58蚊)!雪糕係冇乜機會出錯的， 可惜個蘋果乾片... 硬到咬唔開!!!! 另外, 再叫咗美國肉眼扒, 7成熟, 可惜出來是全熟... 又歪又咬唔開... 份量.... 又細! 總結: 唔值!

趁着今天假期，帶着爸媽到尖沙咀食午餐。到中港城的甲板，看到這間餐廳，便入去試試。職員安排我們坐在窗邊，望著無邊際的海景，感覺很寫意我們點了菠菜松子意粉，煎牛扒，all day breakfast.菠菜松子意粉配有忌廉汁，忌廉汁很濃厚，雖然是素菜，但也得好味！！All day breakfast 份量很夠，就算男生也能飽飽的！最後煎牛排，建議不要太熟，就算我們點了medium,不過有點熟~~最後提一提，coffee是很不錯！！

It's my first time to have this dessert, the inside is the waffle cracker with ice cream wrapped with marshmallow on topDuck breast with mango and carrotI am never a big fan of duck breast, but this one the meat is tasty and tender

$300 coupon快到期，趁著中秋節前夕去食晚飯，順道慶祝一下。電話訂了兩位，但遲了半小時才到。窗口位置只剩下四人位，所以被安排坐在角落位。在點菜時發現窗口二人位置結帳，隨即安排轉枱。點菜係送上熱騰騰的餐麭蒜片大蝦蕃茄意粉甜品薑汁梳乎厘好好味整體服務好好，食物一般，甜品好味。扣除coupon 後只需付$56，心足了。

星期日又係時候休息下。。。黎左2次，今次終於坐到窗口位，比係入面，出面靜好多，望下海，既舒服又舒心。。。叫左一份龍脷魚柳伴薯菜，香草忌廉汁，魚柳煎得啱啱好，唔會太老，亦有少少脆口，忌廉汁唔會太膩，唔錯~另外，叫左份牛肉漢堡配薯條，牛肉煎得有d老，牛味都唔夠濃。。。老實講，以食物質素來說，不會驚喜，但我就係鍾意可以靜靜望下海，休息下，所以話，食野除左食食物，環境都好重要，最好個waiter唔好理我，等我自己慢慢享受。。。最後叫左件new York cheesecake 結尾，餅底太厚，普通普通

同另一半拍拍拖, 同埋慶祝我地既紀念日,咁岩屋企人俾左D coupon我地. 諗住中港城都望到下個靚靚夜景, 所以book左位食喇.餐廳就O係間酒店既附近, 入口都唔算難搵既.有outside枱既, 不過可能因為天氣所以冇開出面既area. 望到少少日落, 都幾寫意~入到餐廳, 俾我想像中細.座位間既空間唔算好大. 靠窗邊位置似乎已被reserved, 所以冇得望住個靚景lu.留意到牆身有D廚具做decor, 幾搞鬼.只有一個set dinner for one.我地散叫左1個pasta同1個main course加side dish.落完order, 先上餐包澳洲羊架不錯!幾有驚喜. 個羊完全冇羶味, 好juicy, 配個芥末汁都夾.叫左七成熟, 睇落去好似好生, 但食落去又OK, 口感岩岩好!連D伴碟配菜都冇馬虎, 烤得幾好食!粗薯條 (side dish)真係啖啖都係薯味, 份量都幾多, 食唔哂XD蜆肉意粉幾香, 雖然D蜆唔算大粒, 但都有好多粒肚仔滿足, 去個平台欣賞下個美麗既海景, 更滿足~

Heard that this place was bad in terms of service and food quality. From friends to Openrice reviews, this lunch try out was bound to end in tragedy. How surprised I was though. I had a Veggie Burger and my partner had a Risotto. Both were decently cooked. Service was great. The waiters were friendly and seemed to enjoy doing their jobs. Let bygones be bygones and give this place a chance. Management must have done or said something to improve this place.

同個frd去食lunch 叫咗一道羊架同一道肉眼扒 叫7成熟 不過黎到好似熟咗少少 味道不錯 有肉味 另外份量偏細 男仔未必夠食 最後試埋件new york cheese cake 同tiramisu 味道同出面普通餅店差唔多 都ok ge 總括服務態度幾好 同埋有海景 算係咁

換左熱水爐，煤氣公司送左$600 coupon，所以就和阿囡去試😁阿囡叫左澳洲羊架，我唔食羊，所以唔知味道如何，阿囡就話Ok😂我覺得法包好香脆，加上牛油好我就點左海陸拼盤，分量幾多下，肉眼幾淋，大蝦就細左D。呢到只有4人餐，冇2人餐，所以要散叫，其實散叫價錢都唔平，如果唔係有coupon，真係要諗清楚先好

因為有幾張coupon, 又行過附近又諗唔到食咩好，所以過左黎食用埋佢。黎之前已經睇定好多食評，已經無揀main course, 叫左個野菌燴飯就算。……不過餐包似叮熱既，硬到咬唔到。飯上面既啡菇好似白烚咁…意大利飯夠杰，但係就好似就咁搵忌廉煮佢就算，調味呢😂？係飯裡面d 菇仔有d 味咁，難怪食評咁差。海景幾好，店員service 都ok, 只係食物……um ………只能說浪費晒d 食材。算啦，個個都係用coupon, 我係老細都士旦就算啦，又唔係真係賺。成餐飯最好味係杯水……

因為 Coupon 才會到這間「煤氣餐廳」，由於近期負評較多，只抱着儘管一試的心情，感覺上廚師和侍應也盡了本份，只是沒有驚喜，而且餐廳的價錢略為偏高，性價比不高。但午餐牌來說價錢相對合理，有機會在中港城搭船也會再來光顧。每天下午六時至八時提供「歡樂時光」，Drink list 內飲品有7折，點了水果酒和生啤，一家子悠閒地看着窗邊的太陽緩緩降下，快樂從來很簡單。頭盤點了白酒青口，青口煮得剛好，再把麵包點上汁醬，第一道菜感覺良好。再來的是烤肉拼盤，除了羊架有點 overcooked，整體尚算滿意。最後的蜆肉意粉不過不失，整餐飯都算合格。尤其是侍應們表現 殷勤，這方面值得加分。