Foam Bar & Restaurant (已結業)

界限街新開嘅餐廳, 晚上7點去到冇乜人, 兩個女仔點咗三樣嘢都夠飽: 黑松露炸雞, 椰子雞意粉, 蒜蓉白酒煮青口青口隻隻都好大, 但衰在帶腥味, 唔新鮮。椰子雞意粉幾特別嘅配搭, 正常意粉嘅水準。去骨嘅黑松露炸雞最好味! 香脆可口! 去骨夠細心, 唯一美中不足係炸雞唔配沙律醬或檸檬等, 好dry! 好在佢都可以免費拎比我地! 應該即場飲番杯手工啤酒! 另外foam嘅桌椅係用木箱特別設計, 但個人覺得座位比較坐得唔舒服, 枱下有舊木頂住!

位於晚上有的冷清嘅界限街，唔洗等位見到有手工啤酒飲，就即刻去試下！有濃, 淡兩款口味, 經店員細心解說, 選了濃口味，推介!甘 ，順喉。main 叫左咖啡牛扒，咖啡有點蓋了牛味，也有點太熟， 但伴碟嘅意粉反而有驚喜！香草意粉伴濃味牛扒，出期地清新！總括嚟講，哩餐都好滿意 侍應主動細心(仲多送我哋一客甜品)。順帶一題，佢雖然話係一間bar,但環境唔嘈雜，用餐傾計，都係唔錯既選擇。

之前番工經過呢間餐廳已經俾佢門面吸引住,有d似歐式小酒館,終於尋日約齊m club成員聚餐，所以決定試一試呢間野 我地一行六人浩浩蕩蕩闖入,果然環境係酒館形式,裝修得幾特别,眼見餐廳兩人工作,係開放式廚房，一問之下先知原來而家試業當中,老細話佢地主打自釀啤酒,慢火煮食,一聽到酒精,m club成員急不及待一人一杯啤啤佢,確實幾特別,佢有兩款揀, 有花香味嘅淡d,另外個隻麥味重d，兩款我都有試，本人鍾意花香個隻多d,因為較易入口，之後開始點菜,我地點左七個菜式,有牛扒,有鴨胸,魚,青口，雞同埋魷魚,份量岩岩好,老細最後仲送多兩杯酒俾我地,食物質素同環境都唔錯,埋單都係一千蚊有找,每人200都唔使,超抵食,m club成員亦大讚本小姐揀得好 我會再去,下次帶我男人一試，佢都係偏愛杯中物 自釀啤酒實岩佢。補充一句,雖然只得兩個人工作,但上菜速度絕對可以接受，而且服務態度亦好好,兩位男士樣貌仲唔錯tim 食得m club成員個個心花怒放，哈哈,講笑者,但真係估唔到太子區都會有如此高質素餐廳，值得推介