Food Combo (已結業)

再次黎到#foodcombo 之前已經食過一次 今次再食唔使問梗係覺得滿意程度高所以再嚟啦因為佢嘅套餐真係好抵食而且賞心悅目🔺首先不得不提我真係好鍾意佢嘅南瓜湯 因為佢嘅南瓜湯又濃又香 ❤️🔺食親佢嘅套餐都會覺得好似好有營養好均衡咁又有湯又有生果又有沙律🔺今次同朋友嚟食朋友叫咗個牛扒牛扒真係好大塊 食到朋友覺得咬到嘴累🤣牛扒切開目測大約五成熟 我試過感覺肉質鮮嫩南瓜薯餅好香口 下面嘅薯蓉好滑口 配埋用牛油煮過嘅粟米好香口食落去超滿足又飽肚🔺而我就叫咗個卡邦尼意粉卡邦尼味道唔係太重 配埋煙肉同埋少量嘅冬菇都唔錯既我諗呢個套餐適合一啲鍾意食比較清淡嘢食嘅人佢既炸物就普普通通還可以 粉漿比較口 而隻蝦又好細粒🔺生果亦都同上一次一樣好新鮮又甜 所以滿意程度絕對唔會低🌞大家不妨都可以去屯門試吓呢一間多國菜

午餐吃得不多，於是進店一嘗下午茶。叫了小食拼盤，樣樣有，可以一次嘗試到不同食物。雞翼連翼尖，炸到金黃色，表面怖滿芝麻，味道香口。薯角比較淋，如果炸得再乾身一點會更好。魚餅不過不失。墨魚串爽口。$65算是中價，以這個價錢來說也是不錯。店員態度有待改善。

今日黎到屯市 上網search完決定黎呢間food combo食個dinner! 見到佢有好多款定食選擇咁！裡面飲品就係自助嘅！有3款 一款係薄荷橙水 一款係熱嘅紅棗桂圓 仲有檸檬茶！ 自己想飲就去斟就ok!! 試過薄荷橙水如紅棗桂圓，so far紅棗桂圓係有啲驚喜 幾好飲！！大家可以飲下定食方面我地叫左一個卡邦尼大通粉 同埋 三文魚呢2款 一個定食裡面包晒湯啦 沙律 一款小食 主菜同水果！都幾豐富下架！！首先講三文魚個個 佢配上嘅小食係炸雞 真心幾好食！！炸得好香 咬落去索索聲 好脆 唔會覺得一啖粉皮咁！！小食係幾出色嘅 而卡邦尼配嘅係薯絲蝦 蝦肉彈牙 點上泰式辣醬 呢個小食都真心唔錯！！haha可惜佢主打定食 冇得單叫小食講返主菜 卡邦尼大通粉有點兒太水 但蛋嘅半生熟係做得好好嘅！ 整體食落都唔錯 而個三文魚煎得非常鮮嫩 配上個sauce都好夾！當日我係薯蓉加栗米粒 薯蓉非常之綿滑！ 食晒真係好飽😂成個定食好豐富

喺屯門新墟附近有一間開咗唔係好耐嘅西餐，今日就同朋友中午去試試佢。.食西餐我一定會叫牛扒，首先喺呢度叫咗一個Food Combo雜扒黑椒汁配南瓜薯餅定食。有餐湯、沙律、南瓜薯餅、生果同埋牛扒。其中個小食南瓜薯餅揸得好脆，主菜塊牛扒成隻碟咁大，食落去唔韌，另外配埋雞翼、煙肉蝦、同埋薯蓉，好有滿足感。.另外叫咗個香煎挪威三文魚叼草蛋黃醬配特色炸雞粒，都係有湯、沙律、生果。個炸雞好香口，主菜個挪威三文魚啖啖肉配埋佢呢個蛋黃醬簡直完美。另外佢煎得唔乾，我最怕食到啲煎魚乾爭爭要邊食邊飲水。.飲品方面佢套餐係以自助任飲形式去拎飲品。佢呢度三款飲品都唔簡單。有熱嘅先薑紅棗桂圓杞子水，凍嘅就有檸檬茶同埋薄荷鮮橙水，我就試咗佢個薄荷鮮橙水，飲落去涼兩地好Fresh。

今日約咗朋友嚟屯門睇戲，之後就去附近行吓街，咁啱呢就見到有間鋪頭可以食比較精緻嘅西式定食咁，就抱着試一試嘅心態呢就去食啦。首先就見到餐牌都比較多選擇，無論係普通嘅煎魚，甚至去到西冷牛扒都有得食。咁我同朋友就各自嗌左個海鮮炒飯同埋豬𩣑扒試吓啦。上菜之後發現其實佢包嘅嘢都非常之豐富，咁就有個前菜、小食同湯，仲有飯後生果添，如果唔夠仲可以加少少錢買埋甜品添，咁前菜同小食都不過不失嘅，但最令人驚喜呢就係佢嘅豬𩣑扒係做到好多肉汁，完全都唔覺得乾，有好多類似嘅餐廳都會將豬肉煮到好乾，所以呢度整到咁juicy都令我有啲驚喜，另外嗰個海鮮炒飯味道好濃郁，整體來講非常值得推介。

🔺Food Combo 呢間餐廳主要賣西式定食🍱一個定食包左沙律、餐湯、生果、前菜同主食 超級豐富🙈餐廳仲提供薄荷鮮橙水、鮮薑紅棗桂圓杞子水同凍檸茶俾客人自由斟🙆🏻‍♀️價錢由$92-$218不等 全日免收加一🍽.美國安格斯西冷配南瓜薯餅🥩西冷扒好大塊有9安士😳而且肉質好軟林 肉味香濃.香煎挪威三文魚配炸雞粒🐟三文魚嫩滑 魚皮煎得好脆👍🏻友人覺得有少少腥 小編覺得還好☺️.總括黎講呢間餐廳性價比幾高👍🏻定食份量好多 當日小編同友人無一個可以食晒成個餐😂而且聽聞廚師係迪士尼酒店做過的😯所以食物質素有返咁上下保證😁

每星期總會到VCity食Lunch ，無意中發現對面The Parkville原來都開左幾間餐廳。其中見到Food Combo裝修好靚又有BB櫈所以入去試下。惠顧午餐仲可以去自助水吧無限Refill 飲品。揀左黑椒汁雜扒餐(牛，雞翼，煙肉，蛋）仲叫多左個焦糖青檸雞翼配薯角，同埋蒜蓉牛油炒雜菌。黑椒汁雜扒餐，一上枱就見到隻流心蛋好吸引呀！牛扒好淋唔會好韌。焦糖青檸雞翼好惹味，外皮炸到好脆。仲有好香焦糖味，配合青檸無晒啲油膩感。蒜蓉牛油炒雜菌，好香牛油同蒜蓉味。環境好靚，食物又唔錯。下次可以再黎試下其他嘢。

呢日好特別，接媽媽收工之後一齊去食lunch ,可以話係第一次！黎到新開既food combo，就試下新餐廳。飲品係自助形式，有三款可供選擇，包括檸檬茶、鮮橙薄荷水、杞子圓肉紅棗茶，可以話係任飲品嬲！班尼迪大通粉配溫泉蛋大通粉係坊間唔常見，大大粒既通粉，口感好特別，外內都包住汁醬，加上溫泉蛋既蛋鮮，為通汁更添美味！輕食 - 小食拼盤小食拼盤當中包括雞翼、八爪魚、魚餅、薯角、炸雞，每樣兩件，對我既食量就剛好，平時份量太多會食唔哂，依個剛好！雞翼係青檸味，好開胃呀！酸酸甜甜的味道八爪魚爽口又不失海水鮮味，媽媽大讚魚餅有泰國風味，辣得好過癮炸雞卻有點失望，較為鞋身另+$15 有南瓜薯餅味道相當濃郁，綿綿既口感，媽媽非常滿意

星期日下晝想食個豐富嘅午餐，就同朋友揀左呢間喺V City對面嘅Food Combo。之前試過食dinner，星期日就無平時嘅lunch set。叫完嘢食之後，就可以去自助bar度拎嘢飲，有三款揀，凍嘅檸檬蜜，薄荷葉+橙水，熱杞子蜜，三款都唔錯。等左一陣就有嘢食啦，每個set都有前菜沙律同埋南瓜湯，非常開胃。主菜我揀左什扒，配薯蓉，我朋友就揀左肉眼，7成熟，都煮得幾好食。個set仲有埋生果，都幾新鮮好食。

呢間餐廳，清一式的好評，好似好值得試試咁。所以今次就早早地自己一人去呢度食晚餐。今日六點鐘黎到，成間鋪都冇乜人，坐得幾舒服。我點了晚餐J($178)，是海鮮意大利飯，配柚子雞翼，隨餐有一杯仔沙律，一碗濃湯，同埋一杯雜果。附送自助嘅drink bar。Drink Bar有三款basic嘅飲品，有橙味嘅水，檸檬茶同埋一款熱飲。免費的飲品都是正正常常，唔會難飲。個餐送到黎，個賣相係唔錯，好打倒卡，海鮮份量正常，但以呢個價錢黎講有點普通。個餐唔同嘅野都唔太特別，正常味道，係叫做有個combo好豐富咁囉。

屯門vcity對出其實都有好多高質餐廳，呢間food combo一向好評不斷，連住附近嘅中年人士都非常喜愛㗎！全因呢度真係好抵食呀！食物又健康！店面好乾淨又光猛非常舒適！午餐時間黎到有好多獨自黎食嘅客人，大家都好似係熟客黎，加添一份親切感！Lunch menu款式多，價錢親民！以一間高質西餐黎講，主食只係大概50-70，非常公道！仲包自助水吧，正！如果想食得豐富啲可以再叫配菜，配菜都係沙律、水果杯為受歡迎之選！提一提自助水吧，都係自製嘅健康飲品，包括薄荷鮮橙水、鮮姜桂圓紅棗茶，凍檸茶。最好味係桂圓紅棗茶，非常有養生嘅感覺，味道仲要唔差，完全係真材實料！生果杯好新鮮，每種生果都好好味！牛油炒雜菌就略嫌竉咗少少，識到一啲苦味，但係用嚟送飯都唔錯嘅鮮茄焗牛肉飯茄汁五米我哋平時食開嗰種咁稠茄汁，比較稀身，而且顏色都比較淺，應該係冇加太多茄膏嘅健康茄汁。牛肉份量好多！係牛腩而唔係牛柳粒。 茄汁大蝦蘑菇扁意粉茄汁煮得好好味，唔會太酸亦都唔會太甜，最重要係貶意粉朔晒茄汁嘅味，非常容易入口。蝦同埋蘑菇嘅份量都好祝，抵食！

上次黎過，今次帶媽咪黎食，一樣咁有水準，而且好滿足，媽咪超鍾意，除左一個SET，有哂沙律﹑餐湯﹑水果﹑小食外，佢仲有個自助飲品bar，有熱飲凍飲，我地最鍾意個熱飲(杞子龍眼水)，健康!有骨豬鞍野菌汁配泰式辣魚餅香橙紅菜頭沙律好fresh又甜，豬鞍超嫩，好Juicy，仲有個薯蓉好滑好香，栗米粒用牛油撈過，又香又甜，好細心嘅菜!欣賞卡邦尼大通粉配薯絲蝦份量好大，又美味! 長通粉軟硬度適中，薯仔沙律好開胃，餐湯係白蘿蔔湯，好creamy，好正，夠特別，炸蝦卷都好好味!

來了不只一次了今次轉了menu有更多食物店內光猛清新食物一次過上，色彩繽紛，很吸引而且價錢不算貴又近屯門西鐵站/ VCity.Food Combo 什扒黑椒汁配南瓜薯餅 （$188）非常豐富的一餐首先有一大塊牛扒下面還有德國腸、煙肉、2隻蝦及雞翼加上栗米及薯泥，十分足料牛扒煎得夠香，新鮮沒有冰鮮的味小食南瓜薯餅非常不錯外表香脆，內裡啖啖南瓜茸另外有蘋果沙律及生果放在杯子內很精緻.飲品方面，有自助水吧三款飲品任飲有熱有冷的，還有很養生的枸杞茶！.香煎挪威三文魚刁草蛋黃醬配特式炸雞粒 （$178）看起來也很不錯，下次我來嚐嚐三文魚吧！

由屯門西鐵站E出口走入VCity 從地下的一田百貨出鄉事路再往The Parkville 行數分鐘就到Food Combo .這裡是食日式西餐定食的一個托盤，有齊主菜、沙律、湯、水果及小食飲品是任飲的.主菜多元化有飯、意粉、扒等等價錢由$92至$218不收加一.我今次叫了Set I香煎挪威三文魚刁草蛋黃醬配特色雞粒三文魚煎得很香，而且很厚是一長塊的肉感實在，鮮香十足.雞粒有3粒用了特別的香料，很exotic .沙律有紅菜頭及沙律菜，新鮮加上生果及湯十分飽飽呢！

對我來講，屯門真係一個好陌生嘅地方，隨時係用埋Google Map都會蕩失路！呢幾日竟然又要去屯門開工，真係令人好擔心，好彩出外靠朋友，梗係捉住屯門地膽老友問路啦，麻煩左人就梗係要自己識做，於是就請佢食晚飯，佢話佢都冇乜idea，於是就邊行邊搵，行吓行吓就嚟到呢間餐廳嘅門口，侍應哥哥好落力咁樣Sell我哋，見過價錢同埋啲套餐個樣都唔錯，於是就入去坐低。呢間餐廳主打西餐配以日式定食setting(呢個係侍應哥哥咁講嘅)，對我來講就即係將啲西餐搞到乜都有啲，然後整到細細份。佢啲餐有接近一百至到手二百幾，本身睇中過$176嘅西班牙海鮮飯，但係驚中伏，於是就揀咗個平啲嘅葡汁雞扒，至於我老友就揀咗粗身長通粉，兩個主菜都係味道正常，未算有驚喜，每個套餐都會跟一個湯、一個小食、一個沙律同埋一份生果，感覺似飛機餐。呢間餐廳最值得一提嘅賣點就係佢有兩款特飲加凍檸茶係飲飲嘅，呢兩款特飲就係杞子桂圓生薑水同埋薄荷橙水，一熱一凍，可能係成餐最唔錯嘅嘢。