Food Pyramid

營業中

休息中

黃竹坑都有印度菜、墨西哥菜同地中海菜食啦😋 而家放工搭鐵直接去黃竹坑好方便！我地去左呢間本身專做到會同外賣既餐廳，有唔同既大公司都有搵佢地搞到會，而家餐廳經營埋堂食，集印度菜、地中海菜、墨西哥菜同意粉於一身，提供多款選擇！環境不大，不過外籍老闆同老闆娘都好nice! 氣氛熱鬧🎉 我地既晚餐就叫左：.🫔烤羊肉卷Donar (Lamb) Wrap 配薯條及汽水不得不說，烤羊肉卷好足料，口感好豐富！裡面除左羊肉，仲有椰菜、蕃茄、芝士、彩椒同酸瓜，加埋千島醬汁，好juicy好好食！而薯條係粗身果款，唔點醬都已經好好食! .🌮雞肉脆批Chicken Quesadilla配汽水呢款就有烤雞肉、洋蔥、蕃茄同彩椒，雞肉好香，醬汁好惹味，口感又係好豐富！.🥘印式香料咖哩雞飯配沙律及汽水印式香料咖哩雞真係幾香，咖哩既份量都幾多，撈飯一流！而且佢地既飯係採用左印度米，即比較長身果種，比較正宗！旁邊附有沙律菜，係好齊全既便當呢🍱 .🍗麥樂雞 Chicken Nuggets 8件麥樂雞熱辣辣，炸得幾香口，而且仲附有燒烤醬幾好食！.由於本身主力做到會同外賣，所以而家就算有堂食，為左方便都會使用返外賣盒同餐具為主!

👉工業大廈內餐廳往往臥虎藏龍，這裏地方不大，也可以包場作私人聚會，供應中東、意大利🇮🇹、印度🇮🇳菜式⋯⋯也有不少素菜選擇。。。☺️📌BBQ Chicken Pizza $170 ～ 薄餅🍕正常呎吋，焗得香脆，饀料非常豐盛，佈滿雞件厚肉，配料三色椒🫑、紫洋葱、芝士⋯鋪🈵整個薄餅。。。🤤📌Penne Pesto w/ Chicken $90 ～ 羅勒青醬雞肉長通粉，厚厚芝士🧀，輕易做出拉絲效果，坑紋長通粉吸盡羅勒🌿醬，芳香味美，一口雞肉粒方便食用。🥳📌BBQ Wings $70 ～ 雞翼已有微微底味，點上BBQ醬加倍冶味。。🥰📌Onion Rings $55 ～ 洋葱🧅圈炸🉐脆口乾身，漿粉厚薄均勻，唔會🈵口油，做前菜 / 小食1️⃣流。。。👍🏬 Food Pyramid (黃竹坑)🚦 黃竹坑業勤街33號金來工業大廈第二座16樓B/R室

Food Pyramid (黃竹坑)黃竹坑業勤街33號金來工業大廈第二座16樓B/R室入黄竹坑，如果不是在那邊返工，想不會專登入去吧！但今次比較有趣，用了生日免費優惠陪朋友去了ocean park,要知道園內食物水準同選擇都不合心水，所以出了黄竹坑工廈搵食。$120 chicken tikka salad,菜單中除了burger ,pizza ，pasta 以外，還有不小印度菜式。夏天偏向多食salad，印度香料醃製的chickentikka salad 🥗 $85chicken kebah連汽水, 以前食開間kebah 結業，見到呢度都有kebah 食，正呀。大大卷張大口咬，好多醬，雞肉生洋蔥蕃茄，令人懷念的味道。$128 thai green curry prawn 青咖喱蝦，跟飯個咖喱汁好下飯，都幾辣風味十足，椰奶令到個汁又滑又香。想不到這裡有咁多選擇，主要做take away 。堂食食到新鮮熱辣辣的食品。

本身諗住買外賣返屋企食，點知撞到好耐冇見嘅朋友😳我哋傾左好耐偈，決定食埋野☺️本身諗住搵間餐廳食，但朋友係一名外籍人士，佢想食嘅野係印度菜，於是上網搵左間印度菜餐廳🍴餐廳位於工業區，地點唔算太容易搵，但係勝在網上好多外賣平台有提供服務，落單都方便☺️因為我地唔算太餓，所以朋友揀左幾款小食加一款主食☺️我哋點左咖喱雞飯烤雞沙律辣薯條烤薄餅😂全部都係飽肚小食咁濟😂最後有少少食唔晒我自己本人對印度菜一般，但係朋友話性價比還可以😌如果鍾意食印度餐，可以去試吓☺️📍Food Pyramid (黃竹坑)黃竹坑業勤街33號金來工業大廈第二座16樓B/R室#印度菜 #indianfood #foodpyramid #foodie #黃竹坑美食 #黃竹坑印度菜 #外賣 #takeaway

今日假期過嚟搵朋友，所以誤打誤撞嚟到，發現呢間位於黄竹坑工業大廈内的特色小店，佢係以外賣為主，集合中東、意大利及印度菜於一身嘅外賣食店。食物選擇非常多樣化，有Appetisers 、 Pizzas 、Pastas 、Salad、Curry 、 Sabzi 、 Warp 、 Quesadilla 、Burger 、 Rice等等。《Chicken Tikka Masala with Naan 》（$118）：主食之外另配有沙律，再包一罐飲品。Masala 香料味濃但不會太辣，如果喜歡較辣可以點餐時要求。Naan 烤得夠熱，沾上masala 十分夾。配菜沙律味道不錯，有紫洋蔥、青瓜粒、蕃茄、生菜絲，一點都不馬虎。《Chicken Tikka salad》 $110有燒雞肉、沙律菜新鮮。Samosa (4pcs / $60) (veg)咖哩角：入口鬆脆、加埋酸甜汁就不會太乾，而且味道會更佳。呢件咖喱角係店員介紹，專誠送一件給我試食。廚師係一位香港士生的外籍人士，對煮食有著熱誠，今次確實係一次很特別既餐飲體驗。使用點單平台落單，除可享15%折扣外，滿$300 更可免運費送貨，相對更方便及抵食。

黃竹坑工廈新開嘅多國菜餐廳Food pyramid主要做中東菜、意大利菜及印度菜，餐廳以外賣為主，可以whatsapp或外賣平台order得到😀其中Bolly Food! 餐廳印度人好熱情，推介咗我哋食沙律同咖喱，於是就嗌咗呢兩款：Garden Salad 同Chicken Tikka Masala，每款價錢約$100上下。Garden Salad份量唔少，有番茄青瓜蒜蓉麵包粒等配料，沙律菜新鮮爽脆，醬汁微微酸甜好開胃😀Chicken Tikka Masala係印度餐廳嘅招牌菜之一，咖哩辛香料味香濃帶有椰香，辣度適中應該都幾多香港人會鍾意呢種辣，雞肉份量都唔少，個汁配上印度飯幾好食，如果唔鍾意食飯仲可以轉蒜味薄餅garlic naan🤤

係黃竹坑翻工平時都冇啖好食，咁啱俾我喺工廈入面發現咗一間隱世外賣小店，WhatsApp落單一上去就有得拎☺️Carbonara🧀超級足料，仲有得揀唔同意粉嘅類型，可以揀蝴蝶粉或者普通長條型意粉，我自己就揀咗普通意粉💙麵條啱啱好煮到al denta，雖然佢唔係正宗嗰隻芝士卡邦尼，但係落咗非常多三色椒同雞肉，雞肉切粒好入味，應該係用咗橄欖油同少少忌廉，好香好creamy✨Greek style warp🌯跟咗一個酸酸甜甜嘅辣醬，食完飽腹感max🩶趁熱食入邊啲芝士半融狀態唔會太膩啱啱好，仲要係好多好多雞肉好料！本來以為佢greek style 都幾重香料味點知原來個調味都幾fresh下👀除咗意粉同wrap，原來仲有唔少印度菜同pizza，小食亦都有好多種類，俾個意粉吸引Ignore原來都多野可以order，下次喺公司一大班人開party要試一試喺度訂🤤

又新一間美食外賣店平日係黃竹坑番工，經常黎金來工業大廈買外賣，呢到又新開左一間中東、意大利、印度美食既外賣店，可以scan QR code 或電話落單或外賣平台都可以落單店主雖然係印度面孔，但一口流利廣東話，好西利。Salmon Salad驚喜嘅地方係三文魚係煎好嘅，而唔係一般嘅煙三文魚，沙律份量唔算多，調味都係同出面一般餐廳味道差唔多Buffalo Wings (6PCS)水牛城雞翼，果然好食，辣辣地，幾入味。Celebrity Special (Chicken / Pork/ Beef) PizzaPizza新鮮出爐，外賣拎走食仍然熱辣辣，雞肉豬肉味都好香。

Food Pyramid😘😘😘地道美食外賣店黃竹坑金來工業大廈、新開中東、意大利、印度美食外賣店、體驗多款地道美食！可以透過QR code 或電話訂購、外賣平台或親臨自取！簡易方便！😊經website 落單仲有15%折扣優惠！店主說得一口流利廣東話🤩Beef burger$101⋯漢堡用kebabs方式烤牛肉、成串厚漢堡、濃濃牛香味、飽飽內軟外脆金黃、內夾一屬芝士、一件漢堡、一片菜、兩片蕃茄、營養均勻、伴碟酥脆薯條、又幾特別！Thai coconut green prawn$128⋯⋯泰國青咖啡汁、清甜香氣、新鮮大大隻蝦、爽口彈牙、好多材料、有青、紅、黃椒粒、配印度米、米質幼長身、黏性低、沒有膽固醇、口感特別！開胃配菜、南瓜粒、蕃茄、青瓜粒、甜甜酸酸😝+$10 Naan⋯⋯至愛、咪走雞、大大片、煙煙靭靭⋯⋯配青咖喱汁、又幾夾👍🏻+$15 garlic Naan⋯勁多蒜蓉、香氣撲鼻、唔錯選擇👏🏻Carbonara $90⋯⋯意大利名菜、忌廉白汁長通粉、長通粉軟硬剛好、每條沾滿醬汁、creamy、yummy煎香煙肉、人間美食絕配、雞粒軟滑、飽肚滿足😌Cream soda (can) 330

原來”Food Pyramid”係總公司的名稱，這間餐廳有另外一個名叫”ADDA”!呢間餐廳主力做外賣，所以外貌沒什麼特別，連盛載食物也會用外賣盒，我哋也不會介意，我哋只注重食物的味道！Coconut Red Prawn（$128）- 味道不錯，蝦也大隻爽口！Chicken Spinach （$118） - 鷄肉不會「嚡」口，相對Coconut Red Prawn就比較濃味！Garlic Naah ($15) - 一向都喜歡食Naah，煙韌度啱啱好，冇令我失望！Garden Salad ($98) - 菜好新鮮，加埋醬汁食就冇咁dry!原本想飲Mango Lassi, 可惜今晚沒有，唯有轉飲Coke（$14）同Cream soda（$14）！店員很殷勤招待我們兩人，是一間用心經營的小店！