Friday Cafe & Wine Bar

營業中

休息中

星期六中午放工後和朋友到上環的Friday Cafe吃午餐，由於不需要趕著返回工作崗位，所以可以悠閑地享用今天的午餐。餐廳舖面不大，但內部裝修別緻，牆上嵌了一隻大角鹿標本，猶如置身歐洲北美，特別有西餐廳的氣氛。另一邊是一排酒櫃，喜歡杯中物的朋友一定賞心悅目。午市套餐包括“主菜”和“飲品”，另可以優惠價錢追加“餐湯”、“沙律”及“甜品”。「燒豬寸骨配沙爹汁」，四隻豬仔腳，肉厚多汁，配上微辣的自家製沙爹醬，份外滋味。配菜是炒蔬菜，有火箭菜、生菜、紅蘿蔔、甜薯、粟米粒、車厘茄......等。「香煎紐西蘭西冷牛扒8oz伴黑椒汁」，一大塊西冷牛扒，肉質鮮嫩，肉汁豐富，牛肉味濃，淋上黑椒汁，特別醒胃。配菜亦是新鮮爽口的蔬菜，配合牛肉的美味，相得益彰。「是日餐湯」，是忌廉磨菇湯，香濃的磨菇味道，還有粒粒磨菇蓉，口感不錯。「是日沙律」，果醋蔬菜沙律，更有多片豬頸肉，爽口彈牙，酸酸甜甜，是很好的開胃前菜。最後，奉上咖啡及檸檬水，為這頓午餐畫上完美句號。

好多人放工happy hour 會選擇去酒吧輕鬆，原來上環有間又有酒飲又有野食餐廳，都一樣一做到下班前來放放鬆的好地方。******************************Friday Cafe and Wine Bar 就能營造到進入餐廳帶著Friday下班心情，好好享受時光與美食。餐廳位置鄰近地鐵站，地方不算大，但都合適20人以下聚餐活動。餐廳裝潢花上不少心思，放滿了心頭好作為裝飾擺設。此外還播放著音樂，確實能讓人心情輕鬆下來。餐牌食物種類都不少，沙律小食、早餐、餐湯、意粉或飯、薄餅漢堡包、肉扒和甜品等。飲品有不少酒類選擇，此外，咖啡、茶飲都有所供應。巴馬火腿拼哈蜜瓜 HKD188，沒想到整碟巴馬火腿和哈蜜瓜份量不少，還有沙律菜伴著。哈蜜瓜清甜，巴馬火腿咸度適中，作為開胃菜都是不錯選擇。法式油封鴨腿 HKD248，2支腿伴著薯蓉、沙筗4菜、炒雜菜、燒粟米和薯角，足夠2人享用。鴨腿咸香夠入味，肉骨一切就完全分離，點著醬汁更多風味。更沒想到薯蓉牛油味香濃、炒雜菜又不錯，薯角又香又惹味，整份食物安排，絕對合適邊閒談邊品酒而吃。咖啡雪糕 HKD68，用上express so 香濃咖

Friday Cafe & Wine Bar 位於上環孖沙街，是一家結合咖啡館和酒吧的餐飲店。它提供舒適的環境和多樣化的菜單，既能在此品嘗精緻的咖啡、茶飲，也可以在晚間享受優質的葡萄酒和雞尾酒。餐廳的裝潢設計融合了工業風和復古風，營造出時尚優雅的氛圍。無論是商務洽談、朋友聚會還是情侶約會，Friday Cafe & Wine Bar 都是上環的熱門選擇之一。它結合了咖啡和酒吧的優點，為客人提供了一個舒適宜人的用餐環境。今晚就跟朋友點了以下美食： 💙檸檬雞翼槌這道小食質素很不錯，雞肉肉嫩多汁，外層則被酥脆香嫩的麵衣包裹，炸得香脆。檸檬汁的酸甜調配恰到好處，為雞翼增添了清新爽口的風味。整體口感非常出色，是一道好吃又令人回味的餐前小吃。 💙德式香腸拼盤這道德式香腸拼盤包含了多種風味不同的優質香腸，有咖哩味濃郁的印度腸、羊肉味醇厚的希臘腸、還有煙熏味濃的德國腸、清新爽口的紅腸和豐腴多汁的白腸等。每種香腸都散發著獨特的香氣，口感彈牙鮮美。搭配薯蓉以及伴碟沙律，完美勾勒出多元的德式風情，讓人胃口大開。這是一道集美味和視覺享受於一體的絕佳拼盤。 💙雙重芝士野菌薄餅這款雙重芝士野菌薄餅外層金黃酥脆，內

今日放工去咗隔離街嘅Friday Cafe & Wine Bar食晚餐 呢度都有幾多唔同種類嘅嘢食選擇 意粉/意大利飯/Pizza 甚至乎扒類/豬手/鴨腿都有呢度嘅裝修非常有心思 尤其以餐廳中心有隻大鹿頭最為吸精 仲有其他形形式式嘅擺設 相當有格調English Breakfast 夜媽媽但係我哋選擇咗成個美式早餐貪佢有好多唔同種類嘅嘢食可以當小食食下 炒蛋/香腸/煙肉/扒茄/火腿/薯角/法包/炒野菌/沙律 咩都有啲滿足我咩都想食啲嘅慾望黑松露野菌意粉 黑松露味十足 裏面都幾多菇菌 個意粉炒得都算乾身 呢個意粉唔係走creamy路線 而係嗰種屬於帶咸香嗰種意粉蕃茄蓉烤雞意大利飯 意大利飯粒粒分明有咬口 吸哂鮮蕃茄汁非常濃鬱 面頭有塊烤香左既雞扒檸檬雞翼槌 味道酸酸甜甜 雖然係雞槌但係雞肉一啲都唔埋口好有肉汁另外仲叫咗個嘢飲 雖然呢度有酒飲 但係我哋只叫咗杯青檸梳打 純粹想飲啲有汽嘅嘢可以解渴啲

寶寶平時都會去happy hour 最近發現上環有間特色打卡餐廳 復古風好chill 飲返兩杯酒傾下計啱晒 ☺️餐廳擺左好多公仔，用左玻璃酒樽砌成嘅酒樽牆做裝飾 寶寶鐘意🐰🎉Cafe 除左有咖啡之外仲會有酒類飲品出售😊😊😊寶寶Happy hour 首選 巴馬火腿拼哈密瓜🍈鹹甜組合 輕食啱哂 🩷另外食左個肉眼扒加薯角肉眼扒肉質軟腍 呢到cock tail 同酒精飲品選擇都足夠約朋友嚟飲嘢，實有一款啱傾吓偈食吓嘢又一day

今次我去咗上環呢間餐廳，店內裝修花咗唔少心思設計，好特別嘅裝飾擺設，忍唔住不停咁打卡影相，店內環境舒適，播放著舒適嘅音樂，而且服務都幾好，最重要係食物質素高宜家係午餐時間，叫咗2份套餐，兩份套餐都+ $12 配咗個是日餐湯或沙律，我哋兩個都揀咗餐湯 [ 周打蜆湯 ] 香滑好飲又多料今日套餐 A 係 [ 燒三文魚粒明太子意大利麵 $128 ] 面頭灑上芝士碎，仲有數塊煙三文魚，粉橙色嘅明太子醬同意大利麵撈埋頭齊，口感彈牙又香濃，食落一口接一口，根本停唔到口，內裡有野菌及洋蔥，食落有層次，再灑上少少香草調味另一份套餐 E 係 [ 虎蝦肉明太子碎蛋配牛油果羽衣甘藍田園沙律 $108 ] 牛油果滑溜溜，搭配新鮮嘅羽衣甘藍，加埋虎蝦肉同明太子碎蛋，味道食落層次非常豐富。虎蝦肉鮮甜爽口，明太子嘅鹹香味更加突出套餐配餐飲 [ +$3 凍檸檬水 ] 清新又解渴。另升級特飲半價 [ + $45 白酒 ] 口感輕盈，飲落去好順口，搭配燒三文魚意粉菜式就啱餐後甜品 [ + $25 雜果意大利4.3牛奶凍 ] 牛奶凍夠滑嫩，配搭新鮮藍莓及龍珠果。為今日午餐畫上完美嘅句號

這天晚上我約了朋友在上環吃晚飯，經過網上的推薦，我們便決定來到這間西餐廳試一試，店內環境明亮和清潔衛生，冷氣夠，環境十分舒適，餐廳會播放英文歌芝士牛肉醬千層麵($158)芝士味道很濃郁，份量很多，牛肉醬香稔軟嫩，千層麵十分軟身和新鮮，份量十分多巴馬火腿拼哈密瓜($188)哈密瓜鮮甜多汁，質素非常高，巴馬火腿十分嫩滑柔軟，味道鹹中帶一點清甜，份量非常多，沙律菜爽口新鮮香煎精選魚柳($248)鯛魚柳非常嫩滑細密，非常新鮮，用少許檸檬調味，味道酸中帶一點鹹，紅蘿蔔爽口微彈，椰菜稔香軟彈，粟米鮮甜，薯角外脆內軟，非常新鮮凍鮮奶咖啡($42)鮮奶輕盈幼滑，十分新鮮，咖啡味道回甘凍榛子鮮奶咖啡($46)榛子清新淡雅，鮮奶幼滑，咖啡味道不會太苦，十分提神整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的選擇十分多，食物是即點即做，價錢相對合理，而店員亦有良好的服務態度和積極，所以我認為這間餐廳是值得再去惠顧

Friday Cafe & Wine Bar令人驚喜嘅餐廳，一入到餐廳就見到右邊有個好大個鹿擺設又有Iron Man，好有美式餐廳感覺。而左邊就配合返Wine Bar成個櫃都放滿咗各國唔同種類嘅酒。今次喺Friday Cafe& Wine Bar點咗4款食物+一個湯+兩杯飲品，包括：是日餐湯（南瓜忌廉湯）配西多士牛油果雞肉沙律檸檬雞鎚露筍炒野菌肉醬Salami PizzaLime SodaGrapefruit Squash南瓜忌廉湯份量足夠兩個人飲，超大碗，最重要係好香濃嘅南瓜味。牛油果雞肉沙律，雞肉係烤過，配合黑醋整個味道好夾。檸檬雞鎚，酸酸甜甜好開胃露筍炒野菌，露筍爽口食到唔停口肉醬Salami Pizza，配料好多，滿滿肉醬配合埋芝士，啱哂食肉獸。食完飲返啖Lime Soda/Grapefruit Squash油膩嘅感覺都消失晒！

上環呢個地方係幾獨特嘅～有現代化商廈建設～亦有歷史建築痕跡～所以有時放假都鍾意去附近遊走一下🙂行到攰搵番間cafe歎杯咖啡&醫醫肚～都咪話唔chill🙌🏻🙌🏻是日搵咗呢間好有氛圍感嘅餐廳坐坐～發現呢度仲有酒飲添🍺🍷下次Happy Hours可以再嚟喎！！.✨榛子鮮奶咖啡 $42✨焦糖鮮奶咖啡 $42靚靚拉花令咖啡大加分😍😍睇得又飲得！咖啡香氣撲鼻宜人～口感幼滑順喉💯💯.✨煙三文魚薄餅 $158突然好想食pizza🍕選擇咗 煙三文魚x芝士🧀呢個誘人組合！！咸香煙燻味道+拉絲芝味+濃濃蕃茄醬🍕趁熱食最好味！！.✨明太子煙三文魚意粉 $158煙三文魚食落咸香美味～配上掛汁彈牙意粉🍝～最驚喜係加入咗明太子立方體粒粒😋一咬落去爽脆明太子四散於口中～令整體口感層次更昇華🫶🏻🫶🏻幾推薦!! .✨檸檬雞翼搥 6pc $88表層焗得金黃香口～卻保持到雞肉嫩滑juicy🐔加上新鮮檸檬汁令整體味道更清新美味🍋🍋.✨是日蛋糕 $38每日有幾款不同蛋糕選擇～揀咗朱古力慕絲蛋糕😍😍層層不同質感～🍫朱古力味道非常濃郁口可🫶🏻大推薦俾熱愛朱古力嘅朋友！！.✨加一服務費

Happy Friday來到Friday Cafe食晚飯。Bailey Latte百利甜酒加入鮮奶咖啡，甜酒單喝本來會太甜，加入咖啡內沖淡了甜味，只留下香濃順滑口感。Iced MochaMocha味道不太甜，朱古力與咖啡的香同樣突出。德式香腸拼盤拼盤包含了五種不同的香腸，最令我印象深刻的是有一款咖哩味的香腸，咖哩味淡淡的，不會嗆鼻，卻很香醇。千島醬海鮮PIZZA甜酸千島醬配上海鮮及薄脆批皮，加上表面的煙三文魚，入口層次豐富。龍蝦汁海鮮意大利麵龍蝦汁掛滿麵條，味道鮮香，不錯！

剛剛和久未見面從外地回港的朋友敍餐. 訂枱時, 接聽的男服務員對答得體.  到埗後接待的帶位服務員(可能是同一人)亦有禮貎. 午餐選擇合理, 價錢相宜. 友人點選了紅酒燴牛尾飯, 賣相及份量都不俗, 雖然我無試, 但友人(平時都有要求)全部食哂, 看來應該不錯.我點了New Zealand Rib Eye Steak, 很失望, 很多筋, 有近三份一嚼唔到, 亦唔明點解隔離枱都係叫牛扒但看似份量明顯比我的多. (可能是隔離飯香或我唔好彩) 我明白$178算是很相宜, 但因為已是午餐裡最貴的選擇, 實在亦有點期望. 配菜的薯條好好食, 可惜得5條, 食唔飽. 加咗$12要Fish Chowder Soup, 亦與我預期相距甚遠.  建議大家要SALAD, 可能好吃些. 

約左個中同食飯，佢喺中環番工，正！我又可以順便開發下港島區嘅餐廳啦😍我地揀左間近近地，位於上環地鐵站附近嘅餐廳，餐廳好有格調，每個角落都有佈置裝飾，加上燈光柔和配合，好有feel，我自己就好鍾意呢一種感覺喇🥰食物方面，小店黎講選擇種類都唔少，有意粉類、意大利飯、Pizza、扒類等等，我地叫左個芝士肉醬千層麵同埋紅酒燒汁燴羊膝。個芝士肉醬千層麵熱辣辣，拉絲芝士加上滑嘟嘟嘅千層麵，配合埋啖啖嘅肉醬一齊放入口，個感覺真係好滿足🤤溫提大家記得要用匙食，先做到呢個滿足感丫😄紅酒燒汁燴羊膝都有驚喜喎，佢整隻羊膝嘅肉都好腍又好入味之餘，整隻羊膝肉都羶味十足，痴住骨嘅根位更加係精華所在🤤諗番起都流口水🤤同埋喺佢旁邊嘅沙律菜好新鮮，墊住羊膝嘅薯茸都好足夠，我諗就算大食嘅朋友都可以食得飽👍🏻😁唯一可惜嘅係，本身想試下佢地杯3D咖啡打下卡🤣但係咁啱去嗰日無，唯有等機會再試啦😆

上環孖沙街有間好特色嘅Cafe, 小店裝修好精緻，有好多唔同得意嘅公仔，用玻璃酒樽砌成嘅酒樽牆做裝飾；Cafe除左有咖啡之外仲會有酒類飲品出售！我今日就同朋友來食午餐，叫左兩份前菜+一個主食🥚🥑牛油果烤雞沙律 $128- 烤雞肉好嫩口，啖啖雞肉加牛油果， 好有口感🥓🍈巴馬火腿拼哈密瓜$188- 哈密瓜好甜，配合火腿嘅鹹味，喺最佳配搭🍝明太子煙三文魚意粉$168- 呢個意粉好好食，明太子同三文魚都好多，醬汁勁creamy☕CARAMEL LATTE$46整體餐廳環境好Chill, 設計同擺設都見到心思！喺上環一間唔錯嘅打卡Cafe！

😍環境主動工業風加復古風，一邊係Marvel模型，另一邊係酒櫃，中間就是咖啡機位置，每邊都有特色，座位不多假期日子建議預約定。🥢食物👌🏻餐湯好足料，每啖都有料，但味道較淡。👌🏻卡邦尼煙肉扁意粉 $138好足料洋蔥菇煙肉份量多，味道中規中矩，不夠cream。👌🏻慢煮美國豬肉眼配黑啤蜜糖汁伴炒雜菜 $168好肥美好多脂肪位，因近脂肪位肉很嫩。👌🏻當天甜品係牛乳布甸🤩服務當天偏靜得2枱客，服務很好，會吃完再上下一道菜，注意夜晚10點就關門。

餐廳牆邊擺放著唔同嘅裝飾，🈶 Iron man公仔、鹿頭、單車等等，座位唔算太多，當日冇3D 咖啡，叫咗杯紫薯鮮奶，味道很好，飲落唔會太甜檸檬雞翼搥有6️⃣隻，賣相好吸引🤩表面有少少焦香，入口酸酸甜甜，十分惹味牛油果烤雞沙律非常豐富，沙律菜新鮮爽脆，配上開胃嘅黑醋汁，仲有生熟程度剛好嘅牛油果，食落美味可口，烤雞肉質香滑，味道不錯👍🏻美國安格斯牛肉漢堡🍔配有薯角➕沙律菜，黑炭漢堡包鬆軟，牛肉充滿香濃嘅牛味，加上洋蔥🧅、芝士🧀及生菜，食落好滋味自家制什果窩夫加雲呢拿雪糕配上軟綿綿嘅紅豆🫘，感覺幾特別，窩夫口感比較軟身，什果有蘋果、提子🍇及火龍果