影片
更多
2024-07-13
250 瀏覽
約左個中同食飯，佢喺中環番工，正！我又可以順便開發下港島區嘅餐廳啦😍我地揀左間近近地，位於上環地鐵站附近嘅餐廳，餐廳好有格調，每個角落都有佈置裝飾，加上燈光柔和配合，好有feel，我自己就好鍾意呢一種感覺喇🥰食物方面，小店黎講選擇種類都唔少，有意粉類、意大利飯、Pizza、扒類等等，我地叫左個芝士肉醬千層麵同埋紅酒燒汁燴羊膝。個芝士肉醬千層麵熱辣辣，拉絲芝士加上滑嘟嘟嘅千層麵，配合埋啖啖嘅肉醬一齊放入口，個感覺真係好滿足🤤溫提大家記得要用匙食，先做到呢個滿足感丫😄紅酒燒汁燴羊膝都有驚喜喎，佢整隻羊膝嘅肉都好腍又好入味之餘，整隻羊膝肉都羶味十足，痴住骨嘅根位更加係精華所在🤤諗番起都流口水🤤同埋喺佢旁邊嘅沙律菜好新鮮，墊住羊膝嘅薯茸都好足夠，我諗就算大食嘅朋友都可以食得飽👍🏻😁唯一可惜嘅係，本身想試下佢地杯3D咖啡打下卡🤣但係咁啱去嗰日無，唯有等機會再試啦😆
我地揀左間近近地，位於上環地鐵站附近嘅餐廳，餐廳好有格調，每個角落都有佈置裝飾，加上燈光柔和配合，好有feel，我自己就好鍾意呢一種感覺喇🥰
食物方面，小店黎講選擇種類都唔少，有意粉類、意大利飯、Pizza、扒類等等，我地叫左個芝士肉醬千層麵同埋紅酒燒汁燴羊膝。
個芝士肉醬千層麵熱辣辣，拉絲芝士加上滑嘟嘟嘅千層麵，配合埋啖啖嘅肉醬一齊放入口，個感覺真係好滿足🤤溫提大家記得要用匙食，先做到呢個滿足感丫😄
紅酒燒汁燴羊膝都有驚喜喎，佢整隻羊膝嘅肉都好腍又好入味之餘，整隻羊膝肉都羶味十足，痴住骨嘅根位更加係精華所在🤤諗番起都流口水🤤同埋喺佢旁邊嘅沙律菜好新鮮，墊住羊膝嘅薯茸都好足夠，我諗就算大食嘅朋友都可以食得飽👍🏻😁
唯一可惜嘅係，本身想試下佢地杯3D咖啡打下卡🤣但係咁啱去嗰日無，唯有等機會再試啦😆
張貼
