Fûhn (香港逸東酒店)

營業中

休息中

逸東food court呢度嘅餐廳我都幾乎試勻哂，唯獨呢間越南粉我未食過，因為佐敦油麻地嘅越南粉選擇都多。-今日叫咗個特色濃湯雞絲湯粉試吓，雞絲嘅份量都幾多，仲有雞丸同鵪鶉蛋。佢嘅湯底真係好濃，同平時出邊嘅越南粉嘅清湯唔同，濃湯配雞絲真係最正嘅配搭。-Lunch set就包埋一杯嘢飲，唯獨覺得價錢嚟講，同出邊其他街舖越南粉差唔多，不過你會expect food court價錢會平啲，但比到呢個質素我都覺得會再回頭食。

我間中黎食下午茶，其實啲嘢食ok, 係個戴眼鏡職員唔ok, 唔係懷疑聽力有問題，就係社交能力較低。 因有食物敏感，我想問清楚春卷係乜肉做，佢竟然答唔知，我「吓」左一聲，我問多次，佢竟然再答多次「我唔知春卷係乜肉做」，我個刻好擔心啲春卷其實係人肉造，係懷疑佢係邊度入貨⋯⋯不安之下，立即打退堂鼓重申一次，其實啲食物ok, 如果你唔問係咩肉造嘅話⋯

兩個人嗌咗三樣嘢沙嗲雞扒飯 ：果汁基本上死甜 沙嗲係完全冇乜味 之後塊雞扒都好乾 仲要冇乜味 豬頸肉叻沙： 豬頸肉都係無味 仲要好油 個喇沙算普通過得去同埋沙嗲牛肉串燒： 成串嘢完全燶晒 咬落去係食緊鑊燶咁 又冇乜牛肉味 賣相本身已經差 食落去仲失望 唯獨晚飯凍飲加$5 同埋都唔算好貴 不過冇下次環境嚟講呢度酒店 幾特別 唔算嘈

之前嚟依間酒店食自助餐見到依間越南餐廳。見佢啲價錢又唔貴，又多款式選擇，所以決定今次試吓佢啲越南扎肉髮包，點知就中伏。個價錢$30/1個單點，加嘢飲下午茶要加$5。正常越南法包入邊應該要有豬肝醬，芫荽蔥。依幾樣嘢都係靈魂所在，但偏偏佢冇。入邊只係得沙律醬，有啲生菜，有啲酸蘿蔔絲之類嘅嘢。扎肉得兩三塊，咁價錢$30我都唔預啲扎肉會好多，但係冇豬肝醬真係敗筆。真心好失望。得個平字。我寧願佢去抬高少少價錢，但係比足料。

（10分為滿分：🌕）味道：🌕🌕🌕🌕🌕🌕🌕🌑🌑🌑香茅豬頸肉撈檬($58)夏日熱辣辣梗係食啲酸酸辣辣既野喇😛呢個份量勁大，豬頸肉燒得幾香口，啲撈檬多到唔使錢咁，一個女仔應該食唔曬🤣香茅豬排飯($55)呢個豬扒飯就稍為失色左啲，豬扒比較乾同韌，飯都煮得有少少過硬🫡不過岩曬食肉獸既🫨🫨酸辣無骨鳳爪($34)今日突然想食啲酸辣野就叫左呢個酸辣鳳爪try try, 竟然都有驚喜🤤初初食都唔覺辣，食到中途feel到啲後勁🫡不過細既都勁大碟，大家唔好亂咁叫大size😂😂😂秘製雜感沙嗲串($44)呢個串燒係今日最正既選舉，份量多之餘，每串都燒得好好，唔會乾曬，keep到有肉汁既口感😋😋雖然香茅豬排飯伏左，但串燒黎講豬又佢完全唔鞋🤣椰汁三色冰(+$10)三色冰黎講係碎冰加椰汁再加一大埋綠色啫喱個啲，但因為佢實左太多碎冰，雖然飲落係好涼爽，但敏感牙齒既我飲唔掂😂😂凍咸檸7(+$5)咸檸7就不過不失，粒咸檸雪到實曬，要用力啲篤篤篤範出味，但加$5黎講我就覺得抵飲過三色汁喇😛😛價錢：🌕🌕🌕🌕🌕🌕🌕🌕🌑🌑午餐都只係50幾蚊，已經平過好多而家既茶記鳥🧐同埋啲份量有番咁上下，絕對係抵食之選🤩🤩🤩交通：🌕🌕🌕🌕🌕🌕🌑🌑

今次同女朋友短短地喺油麻地近佐敦嘅逸東酒店staycation，我哋今次冇買package所以就喺逸東酒店內嘅food court行吓睇吓有咩食。見呢度啲餐廳都好多人排隊買嘢食，應該就唔錯啦。其中一間最多人排嘅就係越南菜—Fuhn🤩真係又大碗又抵食，我作為麻甩佬最愛🤣我哋嗌咗兩碗午市套餐都係香茅雞扒雞翼撈檬，另外仲加咗一份越式雞腳同埋越式春卷，仲飲咗椰汁冰，加埋都係100幾十蚊🙌🏻又大碗又平又好食！推薦指數：💛💛💛💛💛

This was a terrible experience trying out fuhn at hotel eaton food court. I got an afternoon set with lemongrass pork chop & wings with pho. The food was cold, the pork chop was dry & the wings were not fully cooked. I’m not sure if this is an exception, but NOT recommended!!

位於逸東酒店既food court人流唔算多，去過兩次都冇咩人，food court餐廳選擇唔算太多，但同其他food court相比連鎖餐廳唔多。而位置係自助餐樓上，環境燈光柔和，座位亦寬闊。🥢香茅雞扒雞翼飯 (下午茶$48)雖話係下午茶，但郤係午餐份量🤭雞扒同雞翼香茅味重，但已經得返微暖，飯就仲熱辣辣。跟餐仲包左一杯飲品，叫左柚子蜜。🥢迷你海南雞飯 (下午茶$46)叫得迷你但份量都係午餐份量😛海南雞有少少鞋口，醬汁有豉油同薑蓉，而豉油同薑蓉油飯味道唔錯。跟餐叫包左杯飲品。

價錢係輕微偏貴一個飯要$60唔包飲品熱飲品要加$3，所以無加到不過不失，豬頸肉量足夠都幾好食，部份幾脆口飯都夠既，食得飽可能今日星期六，雖然係12點幾，但都幾多人個價真係唔多抵食

*此餐廳收取加一服務費。火車牛魔粉（單點$128），好足料，安格斯牛肉質嫩滑，牛味濃厚；牛坑腩、牛腩邊肉質肥瘦適中；手打牛丸口感彈牙，內有牛脂，肉汁飽滿；牛筋片口感腍滑；牛栢葉食落好爽口；湯底味道鮮甜；河粉配以是拉差辣椒醬、海鮮醬、魚露食用，味道更佳；配料有洋蔥、香蔥、越南香草、豆芽。是拉差軟殼蟹撈檬（單點$128），軟殼蟹肉質肥美、厚肉，口感酥脆，食落有鮮味，配以千島醬食用，味道更佳，配料包括有醃白蘿蔔、紅蘿蔔、紫洋蔥、沙律菜、香蔥，檬粉口感爽滑，配以魚露甜酸汁食用，味道正宗。椰汁冰（單點$38），甜度3分，飲落無添加糖，主要係椰汁原本嘅味道。蜜桃梳打（單點$30），蜜桃味道清甜，飲落好清爽。

逸東酒店地下LG樓層係我最近新蒲點😍個度好似food court咁，不過個度店舖比其他大型商場嘅food court好味好多！同埋坐得好舒服😌夏日炎炎好想食啲refreshing嘅嘢，個度除咗有性價比高嘅丼飯外，亦有高質越南🇻🇳菜。今次我就試咗香茅豬扒撈檬（$68）豬扒煎得好香脆，份量十足，好香香茅味，肉質嫩滑🥰，加埋酸酸甜甜嘅撈汁真係好開胃，佢嘅飯都好吸引，但只有一個胃，唯有下次再試😆！

🐔雞絲撈檬 $65撈檬上面有少量酸瓜 醃蘿蔔 炸蒜粒同埋蔥油隔離配咗碗撈粉嘅汁 酸酸地帶微辣好開胃雞絲份量都唔少 食到底仲有好多碗邊圍住好多沙律菜 雖然望落好吸引 但全部都好苦😭 基本上完全食唔落。

唔係朋友帶我去，我都唔知原來逸東酒店有一個food court，food court有好多嘢食，日本嘢，越南嘢都有。今次試左雞扒撈檬，$60 幾蚊，雞扒有少少油膩，不過香茅味幾香，有埋少少沙律消滯，中和返~下次可以試下其他店😂

逸東酒店地庫有Food hall 環境都幾大今次試左Fuhn越南餐廳我會推薦香茅豬頸肉撈檬$75+凍檸茶$3豬頸肉炸得好好食小食叫左個米紙卷丶沙律$15米紙卷一般，無咩特別沙律就幾好食，配上千島醬

逸東地下foodcourt ,一路都想試下但未有機會日式 中式 西式 東南亞都有 最後選擇左一間Fuhn 原來佢有其他分店樣子平平無其的撈㩚 有驚喜豬頸肉夠熱 爽口 味道夠 有厚度$75 香茅豬頸肉撈檬奶茶正常港式奶茶