Fûhn Express (已結業)

經常外出用膳， 有時真係食到唔知食乜好， 星期六晚上揸車到旺角太子道西的新世紀廣場吃晚飯， 原來這裏三樓有一個food court， 一於入去睇下。 當晚想食粉類， 很快就揀好試Fûhn Express， 晚餐有火車頭湯粉$65、 生牛肉湯粉$49、 越式扎肉串$19、 扎肉紙米卷$38。火車頭湯粉～ 有牛丸、生牛肉和牛柏葉， 以火車頭湯粉來計， 配料算少， 整體味道不過不失。生牛肉湯粉～ 生牛肉湯粉最重要是湯底夠熱， 但可惜這款湯底只是暖， 金邊粉份量多， 但還是一餅餅， 較難把金邊粉分開。越式扎肉串～ 扎肉串有兩條，味道可以。扎肉紙米卷～ 紙米卷裏面有一條很細很幼的紮肉， 跟整條紙米卷不成比例。整體而言各方面質素普通， 之後還走到Food Opera 的水吧買了兩杯飲品， 味道也是一般般。

有日睇電視，介紹呢間越南菜，店舖喺銅鑼灣，不過有分店分別喺佐敦同旺角都有分店。咁星期六專登去Moko Food Opera試吓佢啲湯河同香茅豬扒。去到當日只有牛肉湯河同雞絲湯河供應，大佬即時放棄去第二間揀其他嘢食。我就是但揀咗碗雞絲湯河。個碗就確實好大，不過睇到份量唔多，湯頭勁咸似飲緊味精湯無異，河粉又碎又爛，完全用筷子夾唔到，成碗粉我要用匙先可以食到。雞絲又嚡又冇味，如𡁻膠絲，我食咗幾啖都放棄。雖然Food Court質素可能會差啲，不過我完全體驗到佢其餘嗰兩間嘅質素，真心唔會想幫襯。

今日又約咗女朋友拍下拖、行下街。喺新世紀廣場行，行到攰又要食嘢啦。喱度food court有好多好嘢食，我哋揀越南嘢食叫咗個豬扒撈檬同生牛肉湯粉。出餐幾快，兩份餐都有跟蝦片，係脆㗎。兩餐都幾好食，又唔貴，份量都好夠。下次如果又想食越南野都會再食。

Food court 實在有太多選擇，見呢間越式店鋪都多人揀就去睇下，發現餐牌上既種類都唔少有餐或散叫，價錢都唔貴，就叫左幾個試！生牛肉河d牛唔錯，有牛味之餘又有口感，咁既價錢都算唔錯！米紙卷真心平，平時都6x幾，但呢度唔洗，好味都不特止，d料又足，好有咬口，下次一定要encore！牛油炸雞好香，外脆內軟，後悔只叫左兩件撈濛都好抵食，好大碗，食到我隔離位個男士都話食完個肚都飽飽地！一句講哂係估唔到呢間野咁抵食同咁高質，真心推介👍🏻

喺商場行街，我覺得food court嘅嘢食永遠都係平靚正🤣見呢排天氣熱辣辣，所以揀咗比較開胃嘅越南菜。全日套餐有得送蝦片🤣湯粉有得揀河粉或者金邊粉。我嗌左生牛肉湯河粉，湯底有香料同牛骨味，完全唔肥膩。佢採用左美國安格斯牛肉，肉味重。配埋有好多嘅蔥粒同洋蔥絲，口感清爽。我地仲嗌左特色雞絲湯金邊粉。湯底係用雞殼熬製而成，好濃郁。配料有手撕雞，鵪鶉蛋同手打雞肉丸，其中嘅雞肉丸最為有特色👍🏻我哋亦都嗌咗好幾款小食：手打蝦餅係用全蝦肉而成，蝦味十足，仲相當彈牙。配埋酸辣醬或者他他醬都好夾味。炸春卷好脆口，內有蔬菜絲同粉絲。扎肉串食起上嚟好方便，味道唔會過鹹。

一直覺得Fuhn既越南粉質素好高 價錢唔貴又大大份😳今次去新世紀睇戲見到food court有間新開既fuhn就忍唔住要去嘆一嘆越南河😆價錢真心幾抵 一碗大特式牛湯粉先HKD78🙈有齊生牛肉、牛坑腩、牛丸、牛筋、牛栢葉等等😳仲要份量真係唔細 一碗其實都夠曬兩個細食既女仔食🤭我地亦都加購左小食😍 十分推介大家加購手打炸蝦餅(HKD22)同炸牛油雞翼(HKD18)💛全部小食都係熱辣辣新鮮炸起🤤 蝦餅仲要有真蝦味 幾彈牙！

喺新世紀睇完戲就食埋個午餐先～ food court 新開左一間越南餐廳未試過 一於去試下！生牛肉湯河檸粉配牛骨湯後更條條分明，而且配料齊備，可自行加青檸、辣椒、蔥粒等，安格斯牛肉嫩滑、配菜又多，如芽菜、醃製籮蔔、洋蔥。蒜蓉牛油雞翼超香牛油味， 雞翼炸得脆脆，上面再放上金蒜，很好食蝦餅質素好過好多大品牌！大大塊又彈牙，外表金黃酥脆。滿滿的全部都是蝦膠。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

星期日行旺角，行完moko已經成六點，於是上一層去food court 覓食，Moko 絕對係童年回憶咁話，細個去完公園就會同阿媽去food court 食野，不過佢前幾年裝修完面目全非之後就冇食過啦行到入food court，都真係天氣咁熱，特別想食東南亞野食，見到有間越南粉當下就決定試試我同朋友都冇食lunch，餓鬼上身，所以唔止叫左兩碗粉，仲order埋沙律同小食tim我要左個雞絲檬粉，唔止碗大而且份量好足，好好食！！！配埋豐富既沙律簡直perfect，好開胃，食入口又夠清新每份仲送兩塊蝦餅tim朋友叫既生牛肉河，一樣高質而蝦餅我朋友食完尖叫出黎，話係佢食過最正既蝦餅wor，雖然熱氣，不過的確係幾好味豬頸肉沙律一樣好正食得好飽好滿足呢間fuhn express大家行過moko 推薦試下，我同朋友原本都冇expect food court quality 可以咁好

新世紀moko嘅food court 不嬲都好多嘢食，今日同朋友去咗food court搵晚餐食我哋兩個都好鍾意食豬頸肉，所以一個叫咗豬頸肉撈檬，一個叫左豬頸肉飯，仲加左幾樣小食，包括越式扎肉，牛油雞翼，同埋炸蝦餅豬頸肉係啱啱炸起，入口嘅溫度唔錯，亦都幾有肉汁，好脆口嘅同時又keep 到肉質，配上撈檬同飯都好好食同好夾，我哋加咗嘅幾款小食分別係扎肉串燒 炸蝦餅同埋牛油雞翼，特別推介炸蝦餅，入面有好足料嘅蝦容，再加埋餐廳提供嘅泰式辣醬好抵食，牛油雞翼都幾特別，其他地方食唔到，炸得好脆，牛油味入晒落雞翼肉入面，扎肉都好好食，好似香腸咁一串串，好特別，建議budget唔多但係又鍾意食越菜嘅朋友嚟呢度食

約左朋友旺角東等，順便係food court食埋野food court以不同地區菜式作為招徠，行到入啲，有間越式餐廳，可以加配小食，感覺幾抵食特色牛湯粉 牛湯粉就似牛雜河，但比牛雜河更多餸唔只有牛栢葉，牛腩，牛肉片而且餸既份量都大手筆牛栢葉好爽，牛腩牛味都ok湯河滑身，湯底是清清的鮮甜肉湯另一主食係燒豬頸肉撈檬因為呢到係food court既緣故，餐廳準備左一杯撈檬醬汁比每一客撈檬豬頸肉既厚度適中，燒得賣相幾好睇撈檬爽口，條條分明差啲唔記得講所有湯粉、撈檬都會送越式炸春捲我地就額外再加18蚊要越式扎肉串

最近經常留連旺角，所以都要成日喺附近搵嘢食。但係旺角食嘢好多都唔平，朋友話旺角MOKO Food court越嚟越高質，叫我一定要去試吓。今日嚟到發覺真係唔錯，有好多唔同種類嘅餐廳日本野，廣州野，泰國嘢，越南野，基本上都有，而且價錢都唔貴好多都係50至$70就有。而呢啲天氣咁熱又唔係好想食飯，亦都唔係好想食辣野，見到呢間越南野都好多人排隊望一望菜單，全部都係50至$70咋好抵呀而且見到人攞碗麵真係勁大碗仲大過我塊面。我哋一人叫咗碗麵，仲加咗兩款小食，一款炸蝦餅，另外一款牛油雞翼。都係加十零蚊但係兩款小食一啲都唔馬虎。呢度大部份套餐都有兩款size，一款正常一款加大。男朋友叫咗A餐差啲都食唔晒，而我叫B杯，我諗真係兩個女仔share都得。最欣賞佢呢度啲配菜全部都好出色洋蔥夠多而且湯底一啲都唔油膩，仲可以自己加辣椒同青檸生牛肉呢碗標明用安格斯牛肉，牛肉份量都唔少而且快快都好大塊唔係一啲碎牛肉，呢個價錢來講絕對要返嚟再食。而且呢度啲小食都好出色，炸牛油雞翼就算係兩隻都即叫即炸，就黎旁邊擺盤都用翡翠苗而蝦餅我覺得仲好食過泰國鋪頭嗰啲，好彈牙。大大塊，夠脆唔油。依間野真係絕對係高CP

星期六同男朋友去左行街，行左一陣見肚餓就諗住點食少少醫肚，順便坐低休息下。諗左一陣男朋友話不如去求其食點野就算啦，去到坐低行左個圈，見呢間店賣相都唔錯，就決定左食呢間越南野。我就叫左個特式牛湯粉，裡面就有生牛肉、牛坑腩、手打牛丸、牛筋片、牛腩邊、牛柏葉，用料豐富架。湯底會較清淡，所以我地用左大量調味料製作出屬於自己的一碗麵。生牛肉就不嬲都係我食越南野必叫既野食，呢道都整得好好味，牛肉質感好正，牛味豐富。原來越南菜都几好食。

星期日上完韓文堂就去左呢間位於旺角moko food court裡面嘅越南餐廳食lunch！我order左一個特色雞肉湯河、雞排沙律、春捲同扎肉串。特色雞肉湯河好特別，除左有雞絲、仲有自製嘅豬肉丸同鵪鶉蛋，湯頭清甜，有超多雞絲，豬肉丸爽滑彈牙～雞排沙律有生菜、紅蘿蔔、白蘿蔔絲同埋煎得金黃香脆嘅雞排，醬汁系酸酸甜甜嘅，所以好開胃，好清新。春捲熱辣辣，外皮炸得好香脆，餡料豐富，唔會太油膩。扎肉串都好好味，調味惹味，唔會燒得太乾，而且保留到肉汁。鍾意食越南嘢嘅朋友值得一試哦！

今日要去moko嘅一田超級市場買啲嘢買完啲嘢之後就搵個lunch食. 好耐冇去過呢個商場嘅food court食就一於入去兜個圈, 見到越南餐好似都ok就唔諗咁多喇, 試下啦!我叫咗特色牛湯粉, 當中包括生牛肉, 牛坑腩片, 牛柏葉, 手打牛丸, 牛筋片, 牛腩片. 鍾意佢嘅配料係自己任加包括辣椒, 九層塔葉, 柑桔粒, 鍾意食幾多夾幾多! 令湯底更加相得益彰更添味道! 牛肉片都幾大塊而且有口感充滿牛香味, 另外嗰個呢個粉，有超多餸, 爽口彈牙嘅牛丸同埋牛柏葉, 煙韌嘅牛筋片, 甚至食肉獸嘅至愛-牛坑腩片,都通通滿足到!另外可以加錢就有兩片蝦餅這個蝦餅與一般出面嘅唔同我姑出面嘅都係就咁買返嚟咋呢個好明顯係食到一粒粒蝦肉蝦膠, 食落十分鬆軟,彈牙, 另外唔會太油,炸得漂亮的金黃色,非常吸引.由於我最愛嘅菜式之一, 係越南菜, 所以係又偏愛的, 雖然佢係喺foodcourt但係都唔會失水準, 作為三心兩意嘅朋友, 推介呢個特色牛湯粉俾大家!

今晚同女朋友去左Moko行街，行左一陣見肚餓就諗住d食少少醫肚，順便坐低休息下。諗左一陣女朋友話不如去food court求其食d野就算啦，去到food court坐低行左個圈，見呢間fuhn express賣相都唔錯，評價又唔錯，就決定左食呢間越南野。我地叫左燒豬頸肉撈檬，生牛肉湯河，手打炸蝦餅同越式扎肉串。首先想講下個豬頸肉好厚肉好juicy，燒得都幾香，份量又多，唔錯。生牛肉就不嬲都係我食越南野必叫既野食，呢道都整得好好味，牛肉質感好正，牛味豐富。最令我有驚喜既係果個小食，個炸蝦餅口感非常彈牙，feel到佢係即叫即炸，皮脆肉香，一流！扎肉串好特別，肉感實在，非常唔錯值得一試。呢間fuhn express絕不求其，反而好有誠意，平靚正，下次經過一定要encore。