Fun Fun 串串鍋 (已結業)

早排唔小心使大左，又好想狂食，無意中見到呢間餐廳啲價錢真係超吸引！晚市最貴都係158一份咋，而且仲要係任食，真係好抵食！啲醬料有好多配料，基本上你想要既都會有！食物都有好多選擇，我個人最鍾意帝皇蟹柳，真係超級大條！平時去食火鍋都只係得細細條，呢到一條抵人地三條🤣我地叫左一個麻辣中辣湯底同埋椰子雞湯，麻辣都真係偏辣，我地一家都係超鍾意食辣，但都比個湯底辣親，建議想食辣既大家可以叫細平時一個辣度，咁就啱啱好！但係個麻辣都真係超級惹味！我地一邊叫好辣一邊又食到停唔到🤣尤其是淥粉絲時佢索晒啲湯底個陣，諗起都流晒口水🤤🤤🤤食品櫃都好多選擇！甜品方面啲雪糕都係任食唔嬲！

從來都未試過食麻辣串串，就黎尼間試下😋嗌左麻辣湯底中麻辣，一上黎就聞到好香好麻嘅味，尼個好驚喜！配料同串串種類唔多，但真係好好食，尤其係丸類，牛丸貢丸必試👍👍魚肉串串好惹味，肉質幾嫩滑。出面食雞翼都好細隻，但尼間嘅雞翼夠曬大隻，食得好滿足🤤有d野食就要係紙order嘅，安格斯肥牛算細塊，一般般，但黑豚腩片大大塊又算厚切，一d雪藏味都無，好好食!!! 但沙白食到有沙，唔太得☹️ 串串泡椒牛同串串金菇牛d牛肉都好細塊，有d可惜😖本來入到黎見到環境衛生一般般都有d驚中伏，點知湯底食材服務態度都加曬分，價錢方面就$158任食兩個鐘，學生仲有得減$10，埋單都係$167一位，無laat order，食得唔chur夠飽又坐得舒服，冷氣都幾勁唔會食到好熱好焗咁，真係超級推薦尼間啊😋😋🤤

《窮人必食平價串串火鍋》相信大家有去過大陸打邊爐都會食過串串火鍋，呢幾年無返過大陸，差啲都忘記咗呢樣野，最近發現原來旺角都有一間串串火鍋食，價錢仲相當實惠，臨近糧尾梗係唔會錯過！💛任飲任食串串火鍋（$158）我哋叫咗個鴛鴦湯底，分別係招牌重慶麻辣燙鍋同埋椰香海底椰雞鍋。麻辣湯嚟講，呢度都比我想像中辣，即使係就咁聞到啲煙，都有想打乞嗤嘅感覺！椰子湯就相對清淡，一開始會有極香濃嘅椰子味，不過滾下滾下之後就開始會變得更加清淡。食物質素方面就不過不失啦，基本上打邊爐會想食到嘅嘢，例如肥牛、豬肉片、丸、唔同嘅菜類菇類呢度都可以自己任拎。而且嘢飲亦有好多選擇，仲可以揀埋雪糕雪條做甜品。對於呢個價錢就可以食到咁多款唔同嘅嘢食，喺窮人嘅角度嚟睇真係恩物～～💰人均消費：約$170

中伏很懷疑like係...唔知咩人比 ==店內焗無冷氣，環境非常擠迫食物選擇少而唔新鮮完全唔正宗，無麻辣，湯底非常咸第一次食火鍋出去拿食材竟然完全攞唔落手空手而回最後夾硬食兩個面落肚填飽個肚無下次

香港人是很喜歡「打邊爐」，打邊爐一年四季都適宜。在家可以，朋友家又可以，去食店又可以打邊爐。 食材的選擇又多, 老人家大人小朋友又適合食, 食材真的多到成張枱子，冰雪櫃都放不下。 趁周日，約了朋友食飯……近年，串串燒變了串串火鍋，感覺很有新鮮感。雖然串串鍋不是新鮮食法，但是在香港，還是近年新的選擇。 食店位於旺角大熱鬧區，食店，時裝店，電器店，化妝品店，應有盡有，交通方便，選擇又多……我們逛了一陣街後，直上食店。一入食店，已經坐滿人，有驚無險，很快地可以坐定定，叫湯底了。店內大部份佔有80%是年輕人, 感受青春的一刻, 突然年輕了少少, 盡情打下串串火鍋, 感覺很開心。 我們選了椰香海底椰雞鍋及藥膳胡椒魚肚湯鍋, 喜歡原汁原味, 及健康及養生。 打邊爐必有的調味料 : 蔥花, 紅辣椒碎, 乾蒜, 新鮮蒜蓉, 辣椒油醬, 沙爹醬, 茶沙醬., 醬油.....自由配搭, 混出自己喜歡的醬料油。 一串串, 已經準備好在雪櫃, 任君選擇....近期流行的芫茜配上牛肉, 非常清新, 好味道 .....原來芫茜有4大功效 : 芫茜有抗氧化預防衰老功效、有助提高身體凝血能力、有助保持皮膚健康 及

週末喺旺角搵食Openrice見依間餐廳性價比幾高，一於去試一試12:30左右去到，唔需要等位坐低揀好湯底，就可以出去拎嘢食，同埋喺醬料區拎自己鍾意既醬料雪櫃飲品選擇都幾多，總共有三個雪櫃都係放飲品，另外食物就有一部份係用竹籤，一部份係普通一件件，仲有幾款粉面選擇：韓國即食麵，印尼撈麵，粉絲等等。第一次打邊爐係用長竹籤一串串吉好晒感覺都幾得意，同埋幾好玩，幾方便😛😛我哋揀咗藥膳胡椒魚肚湯，個湯越煲越濃胡椒味，辣辣地，幾過癮。魚肚煮耐少少，更加入味👍🏼之後仲落咗個粉絲，吸晒啲湯，好味☺️☺️配料來講，我就最鍾意潮州魚蛋，性價比超高😆😆 另外豆卜，牛柏葉，芝士腸同龍利魚柳，都係我狂食之選🔥🔥同胡椒湯好夾依度仲有提供巨型蟹柳，佢嘅長度差唔多係個煲直徑咁長😁😁午市$100都唔使，有冷氣，可以慢慢食，飲吓嘢，仲有豆腐花添，算係唔錯嘅選擇👍🏼👍🏼

呢度個地點便利位於旺角上樓舖，估唔到上到去有咁多人、非常好生意。環境唔算寬躺，座位會坐得密一啲。第一次食串串鍋、好似好得意。原來係有一串串嘅火鍋配料放落去打邊爐。相對地方便，而且出去拎火鍋配料亦都較方便衛生。湯底亦都好多選擇，有椰子雞、麻辣、胡椒豬肚、沙嗲、壽喜燒及韓式部隊鍋。唔想食太辣，又想有啲味道，就揀咗胡椒豬肚湯底。湯底十分濃，胡椒味好夠。越滾越辣。火鍋配料喺出邊自助區有得拎，另外仲有啲係寫紙點單。食串串鍋真係幾有風味，全部串起方便打邊爐。呢度嘅食物種類都算多，而且味道算唔錯，咁抵食。肥牛豚肉質素都算係咁～仲有豆腐、鴨血、瓜類、丸類。咁多嘢食，我仲食埋公仔麵。打完邊爐已經夠晒飽，仲有甜品雪糕都係任食！

星期六係旺角行完街，又到左晚飯時間，行過大廈見到個廣告牌，見到任食同比個價錢吸引左人均都係15X/人頭, 任食打邊爐黎講，旺角區真係幾抵上到去，店面唔算係大型既任食場裝潢，但都企理整潔，大約有20張枱店面雖少，都做到一應俱全，任食櫃面有，行出去自取，飲品櫃都有3個，仲有韓國飲品揀，可以任食兩個鐘，整體來說呢個價錢，係性價甚高如果揀兩款湯底就要另外加錢，我地只係揀左麻辣湯鍋(bb辣)，再出去翻去扲串串，放個鍋到，第一次咁樣食打邊爐，感覺幾特別。一口基本上=一串，所以出去扲串串既同時見到職員係度添加食材，另外枱上面有得畫紙點出面架上無既食材，都ok多選擇，d安格斯肉唔錯的說個人好鐘意金菇牛肉串同水魷串串夏日炎炎，行街行到累，有得任食有地方坐有冷氣涼，野飲又夠冰凍，$15X呢個價錢係抵食既一餐，還會再幫襯P.S.: 見到有雪糕任食，係阿波羅，屬於香港人既童年回憶，隻牛奶雪條同朱古力雪糕唔錯

今日呢間火鍋店，位於旺角鬧市，估唔到臨近旺角地鐵站但價錢好實惠。仲有學生優惠，所以現場可見年輕食客居多。室內環境寬敞，以放題型式任飲任食。自取食物兩區，左邊是用夾。右邊係串串。食物一盆盆分别放在食物凍櫃上，某些用竹簽串好一串串。例如:金菇肥牛串、雞腎串、鮮魷串、羊肉串、雞翼串、紅腸串⋯⋯某些係一盆盆用夾自取。例如鮑魚菇，粟米，丸類，菜類，雞肉腸、蟹柳條，午餐肉，螺⋯⋯⋯另外有啲係自選嘅，自己畫紙仔，再由廚房執料送上枱。飲品欄都有三個大雪櫃咁多，啤酒就要自費$28/支。特別難忘嘅就係呢個芫茜串串牛，由一塊本地手切牛肉包住芫茜串成一串，放入火鍋爐滾熟咗之後，一串一口帶來滿口芫荽味混合肉的鮮味，非常滿足。成為全場熱點。

同阿妹二人想打邊爐，見到依間串串鍋咁特色，價錢又真係好吸引，就走咗上嚟先。飲品、醬料、甜品以及各種串串火鍋食材都係雪櫃或者自助區，客人可以自助隨意揀選。一坐低當然先選擇湯底，基本湯底有六款，我們選擇了椰香海底椰雞鍋，湯底一啲都唔好差，入邊有新鮮海底椰亦都有唔少雞，飲落真係有平時飲海底椰湯嘅味道，喜歡兩種湯底嘅亦都可以選擇加$15揀多一款湯底。而佢亦都有一款汀汀招牌酸菜魚，另外再加魚片就加$48。除咗自助區嘅串串火鍋配料之外，店員仲提供另外一張紙仔，入面有安格斯肥牛，黑豚腩片。而當中最吸引到我的當然是串串芫荽牛。其實我行入餐廳嘅時候已經比出邊一大盤嘅芫荽吸引。而當日我亦都點左唔少沙白，呢個價錢來講有咁多食材仲要有海鮮，真係好抵。

上星期同同事去左旺角食飯，突然抽起條筋想打邊爐，就搵左呢間在百寶利商業中心5樓嘅Fun Fun串串鍋。呢到唔難搵，西洋菜街百老匯斜對面就是。5樓一出lift左邊果間就是。內裹都幾闊落，枱同枱之間都隔得幾開。椰香海底椰雞鍋我地叫左呢款椰香海底椰雞鍋，上枱就聞到好香椰子味，而且雞件都幾多同埋好滑。不過海底椰有些少硬，可能要煮耐少少。黑豚腩片呢個黑豚腩片就好香豬味，同埋油脂較多，食落較香。安格斯肥牛呢款安格斯肥牛都有好香濃嘅牛味，而且油脂唔算太多，食多啲都唔怕太漏。

有趣地發現，原來打邊爐都可以串住打。平時任食打邊爐都係自己出去夾或者執好哂一碟送上枱。。今次好特別，係一串串咁打邊爐！上到去餐廳環境唔算好大，我地6點上到去仲要差不多滿座。好彩距離晚飯時間算剛開始，有位即入我地就先食啦😆一坐低職員會問揀邊款湯底，我地決定食藥膳胡椒魚肚湯，想試兩款湯底加25蚊就可以。湯底上到好香濃，入面加左啲藥材，紅棗，大量胡椒同2件魚肚。。出面有2個大雪櫃，入面放左好多不同嘅串串，仲有好多打邊爐材料。醬料區串串好方便，拎完啲食物直接成串放入鍋，熟左一串串食，好有趣！可以挑戰下串串塞爆個籤筒😂我覺得餐廳啲牛牛質素幾好，起碼唔係啲平嘅肥牛，而且食落都有牛肉味唔肥另外芫茜牛，中意食芫茜的話必食！我覺得都幾夾，個味好清新🤣仲有海鮮㗎，出面雪櫃可以拎螺，紙仔又可以點沙白。海鮮類都新鮮，入口唔會成口沙，有鮮甜味。飲品種類好多！必飲菓汁先生同鴻福堂小樽裝，因為坊間好少見！不過我地呢個胡椒鍋真係愈滾愈辣，好辣呀！睇下我地煮左個粉絲食，上面全部癡哂胡椒。。。。。。好辣。。。所以要食番杯雪糕先呢度我覺得環境有小小迫，不過員工十分殷勤友善！讚！仲有如果唔想等，記得一定要訂枱！我地走嘅時候出

今日去開旺角行街，夜晚book左呢間串串火鍋店，上到去都好full，好彩book左就好快有位。佢就有限時2小時，所以要留意番。一入去就見到有一排飲品櫃，有汽無汽有酒精冇酒精都有，好多選擇。格離就有兩個大冰櫃，有一邊就係啲丸同啲菜，另一邊就係主打嘅串串同粉麵。而家餐廳有提供六款湯底加一款酸菜魚湯底，而我哋揀左個胡椒豬肚湯底，上到嚟好香胡椒味，做湯底一流。另外仲有張紙可以俾錢加料或者自己揀一啲特別啲嘅配料。醬料區都好多選擇，好多配料。我推薦巨型日本蟹柳，雞腎，芝心丸，牛栢葉，好正！我哋食完見到仲有人等第二輪，睇嚟呢間餐廳都好旺。記得嚟食要訂枱！

2018年我去成都實習，最令人深刻既食物有火鍋同串串，串串同普通火鍋無咩太大分別，只係食材用竹籤串起來，不過別具風味。原來香港都有一間以串串為主題既火鍋放題，而且只係$158一位😱湯底方面可以選擇單一湯底或者鴛鴦湯底，咁啱女友想食辣但我唔想，所以叫左招牌重慶麻辣湯鍋同藥膳胡椒魚肚湯。藥膳胡椒魚肚湯好足料，胡椒味亦好重，飲完一啖湯成個人即刻暖晒。至於重慶麻辣湯鍋比較啱香港人口味，味道唔油膩，同時麻辣香味四溢。自助吧食物主要分為四大類，包括菇類、蔬菜類、丸類同其他包括香腸同餐肉。串串既食物比較特別，例如魷魚、雞腎、牛柏葉、金菇肥牛等等。另外有啲食物要自己落單，份量會按人數比例分配，我地叫左安格斯肥牛、黑豚腩片、薯仔片同魚皮餃，安格斯肥牛肉味香濃，黑豚腩片好大件。飲品種類同一般放題相比差唔多，飲品放滿兩個雪櫃。旺角既放題競爭非常激烈，不過我認為fun fun串串鍋係最扺食，而且有特色！

鍋底及調味料過於鹹，只是放一小勺，也鹹到不行，只能喝飲料來稀釋。整體食物不新鮮，串串的品種很少且不正宗，環境太熱。在全是火鍋的店裡，吃得人汗流浹背。實在不會再來也不推薦！