Fun Fun 串串鍋 (已結業)

揀呢間餐廳全因爲位置方便，位置係旺角銀城廣場對面；價錢平，百零蚊位；以及想試下串串火鍋。打開門就『嘩』咗一聲，好迫吖！一張四人枱，仲細過張公司枱，要身型細中碼嘅女性坐埋一枱就得。而且都冇政府所謂嘅保留一定嘅距離，枱與枱之間只係相隔一個人位。多少少空間都冇！湯底有6款，呢幾款麻辣湯/椰香海底椰子雞及藥膳胡椒魚肚湯，比較受歡迎。由於我哋食唔到辣，就揀咗藥膳胡椒魚肚湯，中意惹味嘅人啱晒。大家仲可以單點紙上面嘅食物呢度啲肥牛唔同黑豚腩片都幾好食除咗兩個大雪柜有火鍋料外，仲有好多串串。有百頁豆腐，有雞翼有豬腸，亦都有好多類似金菇肥牛卷嘅串串。例如牛肉包芫荽，豬肉包韭黃，呢幾個真係幾好食喎！嘢飲都真係好多款，有三份錫紙包講嘅無糖果汁幾特別。唔係好甜，大大包，特別係西柚菠蘿汁及熱情果橙汁，個個同事都啜左幾多包。共有五款雪糕撇除間餐廳又迫又窄外，呢度啲碗碗碟碟都唔係咁乾淨。我見到提供被客人夾食物嘅碟上面都有啲污跡，同埋人手唔係咁夠嘅關係，所以執碗碟呢度都慢啲，完！

好少咁好心機打食評，但呢間食完真係有感達劣食之癲。食完返到屋企我地兩位都肚痛肚痾，我唔會話一定係佢，只可以話有無咁啱。//一坐低落咗第一轉嘢食，耐到追佢兩次都唔嚟，連隔離遲入座過我地都已經嚟咗。好聲好氣問佢係咪漏咗單，個後生仔店員仲西西地面答話嚟緊，已經有啲不滿。到嘢食嚟到又無沙白，以為未到，再問先話沙白無啦，大佬我俾足錢入嚟食，你menu上嘅野有野無係咪應該講聲？我地睇返menu，先見到一句有食材無恕不另行通知，一間小店都可以咁臭串笠頭盔笠到咁嘅地步，真係見識少。//到食物質素，我地都覺真係差到一舊水都唔值。個湯底叫咗胡椒藥膳魚肚湯，嚟到已經索到一大浸味精加重胡椒味，一食，果然係味精湯。放幾粒杞子就叫自己藥膳，根本一啲藥膳味都無，魚肚更加唔洗講，係一舊都無。//食食下想加湯，食過咁多邊爐間間都會係加乳白色嘅上湯，呢度係直接幫你倒滾水，我地見到真心吹漲。hea都唔好hea到出樣吖大佬。係比一般平姐，但都百六蚊架。//到邊爐最重要嘅牛，每次叫都只係嚟得幾塊，仲要鬼咁細舊，目測得8cm左右，肥膏多到又無牛味，仲鞋過樹皮，真心佳寶都可能仲好食啲，有圖有真相。。落柯打叫嘅芫茜肥牛卷，塊牛真係嚇

Fun Fun 串串鍋 地址: 旺角西洋菜南街1A-1K百寶利商業中心5樓電話: 22345639===================傾起旅行經歷，share 吃喝玩樂，友人A 話之前成日返深圳食，未封關前流行麻辣串串，一串$1-2元，會令人不經不覺食到多，因長竹纖都是少量少量的，試過一次吃了過百元。友人b 說一個人消費過百？呢個價錢香港直頭有店子做任食包飲品！什麼！？即打聽資料book 位挑戰湯底有6款，選好個 湯，飲品同食材都係行出去雪櫃自己拎架！嘩！有很多款呀，好似有豬雞，芫茜牛好特別，餐肉腸仔蔬菜係好吸湯，都抵左唔小二三十串一次過放在滾湯中,過一。陣見湯出白煙煮熟就直接拿起竹纖串。本身食物如肉類都有醃過，湯亦都夠味。仲有雪糕同豆腐花食架，雖然位迫d同嘈，但氣氛係令人食得好開心好玩7：30前埋單人均$138

一向都好鍾意同朋友去旺角行街 食飯選擇多 而且亦都可以搵到唔同地方特色菜 今次一試，試下有幾好食入到去環境唔算好大 兩個人坐四人枱都幾舒服 我哋講咗一個鴛鴦湯底麻辣味 。出面嘅選擇都好多 基本上你諗到嘅產品都有 而且佢仲有特色嘅芫荽牛肉 鴨血 菜類都好豐富 生菜同娃娃菜 配合麻辣湯汁 非常惹味。我非常推薦蟹柳 超長版本 配埋芝麻醬 真係好正！另一樣想推薦大家一定唔會係佢哋嘅雞翼 而且煮雞翼嘅速度都好快 顏色上色超靚 另外鳳爪都幾新奇 推薦比大家餐廳仲會有個筒俾你放竹籤 咁樣食起嚟就唔會好亂 而且成個感覺都好地道 有別於一般打邊爐嘅感覺。

和朋友去了旺角西洋菜南街1A-1K百寶利商業中心5樓Fun Fun 串串鍋食飯。這是一間專食串串摸鍋的火鍋店。在5樓有兩間餐廳，這是出𨋢靠近左手邊的餐廳。聽講這間餐廳好爆場，我們六點前已經到場，所以仍有位。餐廳裝修很有四川風格，安排我們在卡位安座，有自成一角的感覺，在餐廳當眼處可以自行攞串串火鍋配料，醬料，飲品和雪糕雪條等。串串鍋的配料有，牛柏葉，蔥，魚蛋，廚師腸，雞翼等有二三十分可以選擇。另外亦可以點紙上的肥牛，香菜牛肉捲，牛柳等。我們點了藥膳胡椒魚肚鍋，有些胡椒香味好暖胃。飲品方便有十多款選擇，有含糖的汽水，與不含糖的茶類啤酒等，適合不同人口味的選擇和需要。一串一串，不知不覺間已經食了很多串，看見滿滿的竹筒，好有滿足感，最後還可以食埋雪糕和雪條作甜品，作圓滿的一餐。總結：Fun Fun 串串鍋和朋友過來食串串，飲下嘢，傾下偈，好適合。但記得過了六點半後，人流會比較多，最好先book枱訂枱確保有位😉👍👍

夜晚收工同同事打邊爐，book左5位環境：畀我地坐最角落果張枱，其實坐角落冇問題，但嗰個位置偏暗。最後係因為有客book左後面間VIP房，開左燈先透左啲光出嚟VIP房啲人食煙，開閂門都聞到強烈煙味可能坐角落頭，冷氣唔夠，流住汗食成餐臨埋單走之前，仲見到隻老鼠仔喺醬料區跑入去廚房出菜嘅窗口坐正望住隻老鼠仔跑過真係嚇死食物：湯底點左三款：海底椰雞、麻辣鍋、魚肚湯。麻辣完全冇味，得個辣字，另外兩款就清水。紙仔嘅選擇偏少，得一款牛同豬，難食，冇肉味又勁嚡。螺係臭嘅、沙白都尚可接受(都有一兩粒臭)，白蘿蔔切到好薄，又係冇味總之食物質素都偏差豉油真係咸到難以想像，打邊爐從來未食過咁咸嘅豉油，係咁溝湯落去，都咸到打冷震服務態度：極差、差到一個點因為紙仔寫明「按人數比例分配」，同行有5個人，我地就喺牛果得寫左4。點知唔係嚟4碟，係嚟4塊！！之後加單，我地牛、豬各寫左10。個職員好似未見過咁大個數咁，走去問唔知係老世定經理。最後都係上左豬牛各8塊，仲老屈我哋點左萵筍、白蘿蔔、沙白果啲，我地話：之前有填 你已經畀左，之後我地冇再填啦，呢轉唔係我地㗎。個職員都仲堅持係我地填、逼我地要

串串可以打邊爐真係一個新奇既食法，而座落旺角百寶利商業中心5樓既串串鍋就可以有咁既食法。雖然佢係大廈既水牌宣傳唔夠明顯，但上到5樓一出門就有大大既招牌，所以都唔難搵。串串鍋嘅湯底類別都唔小，有重慶麻辣湯鍋、胡椒魚肚湯、韓式部隊鍋、海底椰雞煲、沙嗲湯同壽喜燒。我就簡左胡椒魚肚湯同海底椰雞煲，可以懷念一下北上食椰子雞既感覺。串串鍋係120分鐘任食任飲，一般食物牛肉、煙肉、鴨胸、魚塊、雞翼、雞腎、餐肉、丸類、餃子、豆製品和新鮮蔬菜都可以選擇。而且仲可以另外劃紙叫肥牛同腩片，滿足唔同口味既人，而且雪糕都係任食，真係食極都唔夠，鐘意試下特別野既朋友可以黎試下。

疫情持續咁耐，食串串鍋其實比起食其他火鍋衛生D，今次同Friend食呢間串串鍋，一入黎就見呢到野飲超過十款以上，雪糕又有5款以上。我最鐘意食蟹籽丸同埋芝士丸，夾咗勁多黎食。自己係屋企打邊爐又要洗又要買，計埋都唔止呢到個價，性價比高。最開心係有出前一丁，麵有好多選擇，薯粉，想食既野都有。同埋可以單點牛肉，佢啲牛真係幾好食，同一般打邊爐肥牛唔同，比較新鮮D。我朋友就鐘意食蟹柳，最搞笑佢見到辣條未食過，係咁問係咩黎XD最後拎咗黎食， 建議大家辣條唔好煮咁耐，唔係會冇乜味

朋友突然話想食麻辣火鍋，又想試試新事物，所以又去OpenRice嗰度搵吓有邊啲係食麻辣火鍋有任食又唔係台式嘅舖頭，咁就搵到呢一間小店啦唔好俾佢哋嘅外表嚇親，因為佢哋嘅地點完全唔起眼，但係就被佢哋嘅湯底加咗好多分首先我自己係第一次食一串串穿好嘅麻辣火鍋原來真係幾方便，一串串穿好擺落去滾完就咁攞返支竹籤嚟食，真心幾方便大家記得一定要食佢哋嘅芫荽肥牛卷我第一次食，但係真係覺得真心好食另外呢度啲嘢飲都有啲幾得意嘅，佢哋有屈臣氏出嘅汽水飲囉，另外仲有啲啲台灣製造嘅飲品大家都可以試吓講真喺旺角只係價錢$158已經有任飲任食嘅火鍋真係性價比超高

第一次去，揀左午市場了、原來午市冇牛肉，淨係得冷凍櫃既野食，老闆人好好，熱情招待，冷凍櫃野食有d少，魚好快就冇哂，但係服務都唔錯，比較推薦夜市去食，菜同肉多d，希望老闆可以加多d菜，火鍋湯底值得試下，有唔同種類，比較新穎，係學生價錢上比較平d，值得去試下，冷氣充足，環境都算OK，地方比想像中有少少細，位置都OK，午市1-2點去都仲有位，即去即食，唔錯，雖然旺角有好多件野食，但係串串都算旺角街中比較新穎既一種野食，如果想鍾意四川菜，都可以試下。

串串鍋初體驗第一次在香港食，新奇有趣，不知不覺食了好多。重點午餐食足兩個鐘，人流學生佔八成五，事關同台嘅友人還是學生，事緣學生減$10，無加一，難怪啦！點幾兩點全場full house！網上食評以為伏，咁多人黎就知佢咩料啦！.望落雞翼白雪雪唔覺有味，平時打邊爐點會食雞翼，放落火鍋滾咗好耐都仍然好嫩滑，問老闆先知雞翼和部分食物有特別調味，好有心機！場內醬料成十種，食物款式眼睇三十幾四十款、飲品竟然有枝裝和沙示😲童年回憶呀！等待放榜食飽啲有力啲😜我們叫了鴛鴦鍋，椰子雞和秘製沙嗲，加多$28無限追加，一串串細細地我鍾意，咁就可以試晒！喜歡食芫荽嘅朋友，芫荽牛肉串必試！我好似食左6串🤣好香芫荽配上醃製過嘅牛肉！香～同座女學生好喜歡食芋泥丸😋食到尾尾食碗豆腐花，好透心涼，又再開胃，再食過，開始食菜，放落沙嗲鍋，好吸味！正！.㊙️必食三大：1. 雞翼2. 串串芫荽牛肉3. 肥牛.@funfun.pot

喺OpenRice見到旺角有間抵食打邊爐，係將所有材料一寸一寸咁樣，所以名為串串鍋 我因為喺樓上鋪，所以價錢十2分相宜👍跟一般打邊爐放題一樣，都係自己混醬首先自選湯底我就鍾意清清地，所以揀左海底椰雞鍋另外有一張自選嘅，有豬肉，牛肉，魚皮餃，萵筍。。。牛肉片肥瘦相間，牛味香濃，我都吾記得叫左幾多個round😅其他就自己出去攞喇，款式都不少呢👍一串串咁，食落都好方便😋我好鍾意筷子咁長嘅蟹柳，好滋味😋😋😋餐肉，芝士腸，餃子，什丸，應有盡有飲品，甜品都一應俱全，足足食左兩個鐘，都係每人$150😍一個字‘抵’難怪咁多後生仔上嚟食啦，真係好想問下老闆。。。有冇錢賺咖😅

旺角開咗一間串串為主嘅火鍋店開所以就相約MY BOSS一齊麻辣串串🤪晚市都係只需要$158就可以任飲任食👌🏻Total有六款湯底可以揀 鴛鴦鍋都係加$25我哋就揀咗招牌重慶麻辣湯同椰香海底椰雞湯前者辣味香味十足 後者亦十分清甜大部分嘅配菜都可以係出面2個雪櫃度拎最值得拎就係6吋蟹棒 放落麻辣湯就可以索湯汁除此之外就係金菇肥牛串同串串泡椒牛適合中意辣刺激嘅朋友仔🌶🌶額外仲有安格斯肥牛同沙白 無限追加‼️當然唔少得解渴嘅竹蔗茅根同荔枝烏龍茶🤩呢個價錢都比較相宜 閒時可以帶朋友一試🙂-裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)唔信我嘅可以自己去試試😂

呢間野好細環境又暗，坐位又逼食物種類又少又唔新鮮～叫沙白未見過咁細沙白大拇指咁大粒，晚市咁嘅價錢真係中曬大伏，時間一到拿拿聲收起你d 野叫你走。。d 好評買返黎 185蚊一位呢個價錢旺角大把好選擇

呢間真係唔會再去第二次….放入BlackList🥲我地4點入座，埋單連埋加一每人$163，性價比極低，其次衛生方面比一般較大嘅連鎖餐廳差。先講食物質素方面麻麻地，出到去自助區見到食物種類唔多，大部份都係丸類，而丸類其實就同平時去街市買個啲一樣質素，參考翻其他食評都終於明點解啲人會話食丸飽，因為我自己都係食丸飽…至於飲品方面唔知點解罐嘢飲一啲都唔凍…而啲牛肉質素就一般。其次環境方面極差，入去一坐低就見到張枱未抹乾淨、張凳仲有上一家留低嘅湯積冇清理好，行到去自助區其實見到啲食物都唔係好開胃，感覺好污糟，同埋店員fill嘢食個陣係除口罩fill🤮，姐係佢一唔小心打個乞嗤咳一咳嘅話你地應該全部會係醫院見，啲碗碟全部都要攞紙巾抹一抹先好用，重點來了，食到一半無啦啦係牆邊跑左隻曱甴出黎，個男店員仲要懵下懵下咁第一反應係繼續執枱，隔左陣先放低手上嘅嘢黎處理，但仲要唔知做乜你望我我望你咁，然後淨係問左句隻曱甴走左未，正常一間餐廳出現左一隻第一時間應該主動處理同埋安排調坐兼道歉講句唔好意思有幾難…仲要個陣餐廳得兩台客…其他女店員就比較好態度，其中一個男店員長期除低口罩兼講粗口，比隻曱甴搞到食唔落仲要冇賠