Fusion Cafe (已結業)

上星期行過見新開既入左去....都好多人...西式食物....幾好味喎....炒飯好好味....軟心朱古力蛋糕超正...應該係有料到既實力餐廳...以後係西環呢頭有多個選擇

前幾日同朋友見到般咸道有間新餐廳所以去試下...我地3個女仔叫左一個105蚊既扒羊架，一個70蚊既海鮮焗飯同一個30蚊既鮮果沙巴翁...有兩個湯送... 我地選左南瓜湯...好好飲~ 飲完仲想再飲...之後等左一段時間...等既時間都幾長不過傾下傾下就唔覺得耐...終於兩個主菜黎喇...三件羊架配個焗薯同少少菜... 仲有個跟飯或者意粉...淨係睇個樣都已經好吸引喇...個味道都好好...之後個焗海鮮飯好多料呢...有一隻帶子，幾隻蝦同幾舊魚...同出面果d得幾舊蟹柳同"油"魚又賣得貴既海鮮飯完全唔同...之前覺得70蚊一個焗海鮮飯都算貴...但食完先知原來一d都唔算貴...甜品有鮮果沙巴翁...d生果唔係罐頭唔係雪野...係新鮮即切的呢...很fresh的感覺...食完之後係好滿足呢...加埋一每人平均都唔洗100蚊就食到d咁好食既野...就算等幾耐都抵番晒...下次一定會再去過試其它野呀...