Go Go咖喱 (已結業)

來自日本的GO GO 咖喱在2004 年由創辦人宮森宏和在新宿開設，現在日本國內有55店並且已開店遠至New York。上年終於引入香港。位於銅鑼灣橫街的GO GO 咖喱，大猩猩頭的標誌加上紅黃旗幟，看起來相當sharp 。店內地方較為狹窄，大約只容下十人左右的吧位另有一張四人枱。店子裝璜簡約，天花板用上鮮黃色的顏色，另外加上多粒紅星，盡頭有一隻大猩猩的圖像....正是GO GO 咖喱的LOGO。餐牌非常簡單，只供應五款飯: GO GO 咖喱飯、咖喱雞扒飯、咖喱豬扒飯、香腸咖喱飯和炸蝦咖喱飯。另外可以追加配料: 芝士、咖喱汁、豬扒、香腸和炸蝦 $20。 烚蛋 $10。份量有四款: 輕量、中量、重量、超重量 (英文名字比較可愛: Healthy class, economy class, business class, first class)輕量大約有一碗飯，中量級有兩碗飯，如此類推。每上一級+$5其實只有飯的份量加大，但咖哩及主菜的份量就沒有改變。女仔叫輕量絕對足夠有餘。美中不足是這裡的辣度只得一款，不可以加辣或減辣。 對愛吃辣的朋友，會有些失望~點了咖喱豬扒飯(中量) +咖喱雞扒飯

某日從九龍過港島，公車站在伊利莎伯大廈附近，午飯時間已過，於是往小街裏鑽，找到此店，地方不大，長長的舖位，二十座位也不到，進店，店內滲着濃濃的東洋味，由侍應到食客，甚至電視播影的片段都是日語。此店明顯日式咖喱專門店，選擇不多，十分專一。選了小號咖喱豬扒飯，剛巧坐在吧台，能看到烹調情況，豬扒即叫即做，上碟用上不锈鋼配以叉一隻，豬扒十分脆口，用上珍珠米，咖喱十分日式，濃濃的啡色，有着咖喱的香味，不辣。女士們小號已十分足夠。作為午餐不過不失，小店子就是應多光顧。

本來打算去吃另一間日本拉麵，但已經滿座，再加一條長龍在等待，所以轉場去食咖喱。這裡裝修有特色，我們點了一客咖喱炸豬扒飯拼咖喱烏冬，一客咖喱炸鳮。咖喱汁唔好食，杰撻撻又無咖喱香味。個炸豬扒同炸鳮的粉厚到食唔出係豬定雞，而且個份量太細，唔值70蚊套歺。

看到OPENRICE 介紹這間咖喱店 原來來自日本 好像很吸引的樣子 而且雜誌都有介紹 就很想去一試 位罝就在銅鑼灣鬧市 於銅鑼灣廣場二期後面 門口雖然很細但燈光非常耀眼 所以離很遠就可望見我大概六點到逹 不用等位便可入內 只是2個人在裡面 店舖非常細 只有一排可坐十人的Bar枱和一張四人枱 還好現在人不多 不用和別人撞手肘首先要在門口的收銀處購票 再坐下等待應送到你面前 因為新開張的關係 所以現在購買任何的咖哩飯只須五十五元 餐牌很簡單 只有炸雞排/豬排 或者淨咖哩飯 有唔同SIZE 輕量級 中量級 重量級 和超量級另外可以加其他配料包括炸蝦 香腸 烚蛋等 我於是點了重量級炸豬排 因為我覺得炸豬扒和咖哩才是絕配不消數分鐘便送到了 賣相不錯 有很多的生菜絲 試一口豬排 有點乾身 皮太厚了 甚至比肉更多 應該是落得太多粉了 猶幸份量不少至於咖喱汁 味道一般 有點甜也有點鹹 汁的份量很慷慨 舖滿整個飯碗飯就應該是用日本珍珠米 很有飯香生菜絲不是太新鮮 入口不算太清爽枱上還有漬物 原來是蘿蔔乾 很爽口 而且有少少甜 幾開胃總括而言 食物水準一般 並沒有日本的風味 但以這個價錢還是可以

今日午飯搵咖啡精同事一齊去試Go Go Curry。Go Go Curry貴就預左，地方細都預左。我地叫左咖哩豬同咖哩雞。咖哩豬 – 即叫即烤，脆漿好味，但係好普通。咖哩雞 – 薄炸雞扒好鬆脆，可惜脆漿重厚過雞。但…呢個飯80蚊左d唔值wor…….

2006 年於 Open Rice 註冊，已多年沒寫食評，但這次不吐不快。舖天蓋地的宣傳，滿心期盼的前去，換來卻只有極之的失望。咖喱豬扒飯，最重要的是咖喱，其次是飯，末節才是豬扒。豬扒製作得不錯，新鮮即炸，炸粉厚薄適中，肉汁鮮味；飯是日本米，可惜不夠熱，大打折扣。可能是因為每次上碟前，職員也需要拙劣的「過磅」量度飯量吧。看上去似是精密，但細心想一想，真正的大師傅，順手拈來就是美；一勺就是一勺，一匙就是一匙，份量自有掌握。慢慢的去量度，只會令飯變冷，影響了熱力迫出咖喱香味的效果。最名過其實的，是咖喱。甜又不夠甜，辣又不覺辣，只是一團近黑色、有咸味的醬，完全沒有日式咖喱著名的香味！中國人說食物要「色香味」俱全。抱歉，以 $70 一個飯的標準，色香味三個部份也不及格。同樣的級數，鄰近的「CoCo壹番屋」物有所值得多了。

昨天到銅鑼灣,因為工作需要所以時間緊迫.之前有經過門口感覺不錯.入店後要先買飛,後進食.當時很多人在店內進食.我叫的是豬排咖哩飯,那豬排不像之前說得那麼差.豬排也不會太乾,內裹也有小許肉汁.飯也很熱,咖哩汁不像出面食的咖哩汁比較特別.有些不好的地方就是沒有汽水和其他飲品供應,和價錢有點小貴.店員的服務也很好,我走的時候有個日本的店員向我 身匊 工 ,令我有點吃驚.。

人地Happy Friday, 我要OT, 放工後也要到銅鑼灣打咭, 但心目中早有一人晚飯Target 。 選定了謝斐道的 Go! Go! Curry! 店子非常細, 只有幾個高枱位和一張四人枱 黃金時段店內食客也不多, 先點食物, 付款後店員便會送上冷水數分鐘內食物便送到面前 我選了中型Size, 對我而言份量剛好, 炸雞扒皮比肉厚得多, 而且皮肉分離, 我只有把雞扒的皮除去口感略有改善。咖哩汁是日式一貫的濃調的質感, 更有點過咸, 但還可以用椰菜絲中和一下 日本珍珠米圓潤易入口, 好容易完成一整碟了

之前係日本生活 咁岩返到hk就見到日本食過既gogo curry 諗住一個人去試下 有d咩分別出菜速度比普通食肆快，高效率呀！抵讚珍珠米有咬口，煙煙韌韌，幾有嚼頭，同日本個間有得揮，加分！但可惜飯唔夠熱，扣晒分... 唉彈:環境方面地方太細了，得一張四台，其餘只有bar台，不太舒適。可能舖頭地方細，壓迫感大，有d想快快食完就走人咁。衛生就麻麻啦不斷有蚊同烏蠅飛來飛去，幾騷擾咖嘛！有其他客人坐四人台近廁所，話有異味。仲話廚房不時有水濺出，我好奇裝下，點知真係有！ 地面油林林，臨走時差點仆親，好彩冇事，如果唔係而家就要揸拐杖了。講左咁耐，都未講我食左d咩haha @@我呢就點左個咖喱雞扒飯d雞扒有酸'宿'味，d粉過厚同埋肉少皮厚 咖喱汁太稀啦，只得少少甜味，吃不出日式咖喱濃而不辣個種風味，跟之前我在日本吃的完全不同。。。價錢略嫌過高，有點物非所值的感覺。敗筆係欠缺飲品，只得凍水...

早已想來這餐廳用餐一次,見佢宣傳得咁勁而上星期咁岩在銅鑼灣接到傳單,7月2放假就同朋友來啦!踏入餐廳都唔係好多人,入到去諗住搵個好位坐下一個女店員就叫我地買飛先,不過唔多好禮貌囉咁坐左係bar台,地方唔算大,bar台加一張4人台先得十幾個位不過都幾光猛,成店都係黃色好sharp!!!點野食後店員為我送上1杯水,先發現原來依到冇其他野飲買,真係有d唔方便我點既係豬排而朋友的是雞排飯野食好快就黎到!!!真係好快!賣相真係ok嫁(冇影到相haha)見佢賣相幾好,諗住都幾好味!咖哩汁好濃,聞落去有d果泥既香味!加小小甜味點知食落口真係唔得,個咖哩汁熱但d飯凍既!完全已經唔係好想食個飯都唔掂,都仲有塊排點知塊排薄到好易紙咁!仲要有小小黑好似炸得太耐咁!完全唔脆!仲要勁乾叫人點食呀!!!???友人的飯也如是難食唔緊要,但她的雞排食落口酸酸地好似壞左咁咬落去好大陣腥臭味真係食唔落口,最後冇乜點食過..臨走時門口的女店員仲好大聲講粗口同其他人傾計,好冇禮貌,扣分真係冇下次,講真,人地銀咖哩賣得果2,3十蚊都做得好過你地好多!白白浪費左70蚊!!!

話說七點零去到個度都唔算多人 但去到先知原來間野係吧台設計 座位唔算多一個直排好幾個位 都幾擔心無位 企左係門口無耐 就有侍應講話有位不過要買飛先 menu選擇唔算多 咖喱吉列雞/豬 淨咖哩 輕中..量級 同咩咩特盛個啲見小小餓 所以同個fd一個吉列雞扒 一個吉列豬扒 中量級 盛惠一人 75蚊老實講 個飯睇呀幾好睇 靚靚仔仔 深色既咖喱醬(唔係汁 好稠 好濃)滿滿咁舖係個飯面 左邊一堆椰菜絲 右面一片金黃色既吉列雞扒切好哂 排到整整齊齊 但一放入口 唔知點解 個味道好神奇 咩野咖哩呀果泥味 一啲都食唔出 倒係酸酸地 有啲似李x林喼汁咁既味 而且個咖哩醬真係淨係醬 洋蔥 蘿蔔 薯仔 咩都無 我唔知正宗日本咖哩係咪咁 但咩都無好寡再食個雞扒 個雞扒 薄到紙咁 不過個脆漿好脆 試埋個fd個個豬扒 同雞扒一樣 揾啲肉食下都無而且一樣鞋 無咩味道 倒係個咖哩汁超濃 濃到要撥走啲先可以入口 總括而言 七十幾蚊一個咁既飯 真係普普通通 再食就唔好試下就無妨 成碟野之中我最鐘意都係啲椰菜絲 幾清新btw臨走個陣睇到人食個個特盛咖哩飯 一百二十五蚊 有蝦有豬有雞 有蛋 大大盤咁 二個人share食勉強

平日晚上7點, 人不多, 但要人齊才可以入, 所以等了一陣.坐counter, 對住廚房比較熱, 本來食物好味都可以忍下, 不過一來就出錯餐俾我 =.= 叫炸豬俾個炸雞, 之後換番個炸豬俾我, 一睇就知道個豬扒好乾, 食落覺得食緊紙皮咁. 然後就係個各大雜誌盛讚嘅咖哩汁, 係好深色呀, 但係冇咩味道, 冇香料味, 得個咸字, 食完要灌水. 我跟老公同冇食晒個飯 (浪費食物, 罪過罪過 >.<), 如果之前游0左三個鐘頭水可能會食晒嘅. 仲有睇到旁邊個女仔, 一個人來叫個細飯都剩好多, 係飯送兩樣都剩, 睇怕唔只我一個覺得唔好食.另外有日本朋友試過, 佢話同日本舖嘅味道完全唔同...我未食過日本GoGoCurry, 不過都相信, 因為覺得咖哩磚煮出來都好味好多.總之, 唔會再去.

一向鍾情日本咖喱的我，看到雜誌介紹這間咖喱店，即急不及待要去試一試。我們晚上約7時到逹，不用等位便可以立即入內。店舖很迷你，只有10個Bar枱位及一張4人枱，並且要先購票買飯。Menu很簡單，只有浄喱咖，炸雞排喱咖和炸豬排喱咖。我和朋友分別選了炸雞排喱咖和炸豬排喱咖。可是，不知怎的，售票員態度竟十分惡劣! 我的炸雞排飯到了，賣相OK，可是雞排很乾，皮多過肉，咖喱偏醎，生菜絲不够新鮮，腸仔味道不俗，不過感覺像超級市場都可買到的貨色。另外，朋友仔的炸豬排我亦嘗了一口，同樣是很乾，比較硬身，炸蝦則用很大層粉包著。我們坐的是Bar枱位，店舖真的狹窄，可是不知為什麼店員(之前售票那位)總是站在我們後面，很有壓迫感。我朋友一吃完最後一口，店員就急不及待收走他的碟子，像是想趕人走似的! 總括而言，食物水準不值這個價錢，我寧願多付一點到 Izumi，因 Izumi 好吃很多(個人意見)，亦較多選擇。

於another fine day寧靜過後, 又返回現實, 接近七時, 大家都相繼離開, 只剩下我們三人, 這麼快便用晚飯, 好像有點誇張, 但不吃始終覺得有點意猶未盡, 於是又促成了一個即興飯局。 要我霎時間想出地方可算考起我, 這重任倒不如交給緊貼飲食資訊的食友吧! 看他很快又想到了開張不久的日式咖喱店。光顧時店子仍在試業階段, 故整個五月都是優惠月, 所有大、中、小份咖喱飯一律只售$55, 據知大份足有三碗飯, 大胃王來到絕對夠飽足。 已作好準備要排隊, 只不過是等侯時間的長短, 見前面站在不夠十人, 又鬆了一口氣, 應該不會太久吧! 外面下著毛毛細雨, 我們也只能躲在簷下。店內地方較為狹窄, 只容下十人左右, 清一色是吧位, 滿有日式街頭小店的影子。 裝璜簡約, 木色為主, 在偏橙黃燈光的照射下, 倍感和諧。 邊播著節奏輕快的日文歌曲, 即使不諳日語, 但身體似乎也想跟著動一下似的。 天花板用色鮮明的黃色, 再鋪上多粒紅星, 突然聯想到會否想寓意猩猩? 又在胡思亂想起來了! 這店需要自助購票, 臨近有位時, 店員會自動替客人入單, 再多等十多分鐘便可以吃了。 餐牌簡單不過, 只

從OR而得知有新咖喱飯店做promotion 劃一$55（正價有點不平宜，但在銅鑼灣算正常吧…)對喜歡吃日本咖喱的人，當然要來試試。逛完街，9點到來，店舖位置不難找到。在伊利莎白廣場後面便是了有好隻大猩猩logo，好好認！店面較小，坐bar 枱。好有日本小店feel 店員奉上冰水，自行到收銀處點餐點了炸豬扒輕量級和炸雞扒中量級，銀盤子捧上炸物和咖喱汁po滿飯面，側面有一椰菜絲咖喱甜甜微辣，豬扒配上，不錯。也試了友人的雞扒，我覺得雞扒好味一點豬扒有點實，哈期間店員也有幫我們加水，不錯呢下次想吃咖喱便再來。期待它的五星級咖喱。