Golden Elephant Thai

營業中

休息中

突然想食泰國野 見到呢間餐廳望落唔錯就入去坐低試食下餐廳坐位都幾逼, 見到佢繁忙時間4人檯坐5個人貼住一齊坐都幾辛苦我地叫左個招牌黃咖哩香酥軟殼蟹配手抓薄餅一個炙燒豬頸肉另外叫左杯芒芒椰椰同埋泰式奶茶豬頸肉好快上菜, 比我想像中好食有炙燒既味道 個汁都好夾軟殼蟹都算大隻, 我本身都鍾意食手抓薄餅所以特登叫呢個 不過個薄餅就唔太夠脆無左酥脆既感覺野飲方面芒芒椰椰個味道好淡, 無乜芒果味 椰味都唔重泰式奶茶叫左少甜都仲有D甜整體黎講不過不失

8-7-2023(Sat)朝同老公去完銀行後,行嚟呢頭搵戲睇,之後食個晏,老公話嚟食過嘅呢間(上次食評係2022年10月13日刊登嘅呢篇:https://www.openrice.com/zh/hongkong/review/%E9%BA%BB%E9%BA%BB%E5%9C%B0%E5%98%85%E7%94%9C%E5%93%81-e4574655),我哋坐低睇menu,職員話我哋知海南雞要12點後至有.睇完menu,我哋決定要:2. 叫午市套餐加$9.00升級要珍多冰飲落,味道好淡,淡到近乎冇椰子香;斑蘭條冇味.好掛住之前喺中國染廠大廈嘅5越飲過好好味嘅珍多冰(嗰個食評係2022年1月15日刊登嘅呢篇: https://www.openrice.com/zh/hongkong/review/%E9%90%B5%E5%A9%9A%E5%8D%88%E9%A4%90-%E5%98%A2%E9%A3%B2%E5%A5%BD%E6%8A%B5-e4303529)味道:0.5分 4. 叫午市套餐加$9.00升級要泰式手標奶茶呢個老公嘅,我飲啲,呢個係得個甜字,口感係滑.味道:2.8分1. $

放lunch想食下Thai food~  行過見到啲飯都係$5x, 咁啱有位, 就入去試!!   🍚惹味香葉肉碎蛋拌飯 $57  我以為個肉碎係辣, 點知一啲辣都冇🤣 不過就幾惹味, 香葉肉碎內會粒粒豆角  隻煎蛋仲要係流心!!! 🥚 不論對男女仔嚟講, 個飯嘅份量好足夠!     叫咗杯凍檸茶, 就正常發揮~

餐廳外表及內在裝潢設計較偏向時尚，同平時傳統泰國餐廳唔同！中午時段款式都算多選擇，價錢合理之餘，份量又足🤩✨泰式豬頸肉炒手切闊河粉 ($56)炒河粉好有鑊氣！河粉係闊條，有咬口，唔會炒到斷晒。每條都好夠味，甜咸比例適中。豬頸肉係厚身個款，食落爽口又脆！好特別😍✨海南雞泰式冬陰公湯粉 ($52)冬蔭公湯底好濃椰奶味，中和番本身冬蔭公酸酸辣辣嘅味道。河粉浸係湯入面，食到最尾都唔會斷，而且好吸汁！食到最後已經冇乜湯😆 海南雞份量都幾多，口感好嫩滑，而且全部都已經拆晒骨！食完之後好飽肚😚🥤凍檸茶；凍奶茶 (凍飲跟餐+$3)兩杯飲品味道都正正常常，夠晒大杯👍🏻———————————————————————🌼評分：5個🌕為滿分🫧味道：🌕🌕🌕🌗🫧環境：🌕🌕🌕🌕🫧性價：🌕🌕🌕🌖🫧回頭：🌕🌕🌕🌗💰加一：❌ ⏰限時：NA

不想再光顧大品牌連鎖餐廳？想吃有質素的本土小店？荃灣大壩街和享和街，你一定要去逛一圈，選擇花多眼亂：泰國菜、越南菜、台灣菜、港式粉麵飯、西式漢堡鋸扒、中式茶樓等等，應有盡有。選擇困難症發作？多人排隊那一間，尤其是多年輕人排隊那一間，必定不會死錯人！不想排隊也沒關係，反正這兩條街的餐廳差極有個譜，要不然很快就會被淘汰。畢竟有比較就有傷害，就像今日日間筆者光顧了一間垃圾，性價比比我自己下廚還要低。然後晚餐在大壩街選擇了這間泰國菜— — golden elephant Thai，無論人潮、價格、賣相和味道都是日間那餐館冇法媲美。🍞［咖哩海鮮包］$98甫入餐廳，還未坐下，就看見侍應端著一盤很搶眼的菜餚經過，一個外型似椰青的麵包，挖空了包芯，填滿咖哩，賣相很吸引。看看餐牌，原來是［咖哩海鮮包］，海鮮包括青口、蝦🦐、魷魚和小元貝，幾足料，才$98，二話不說就點一個。上菜認真一看，就像小宵虎南擺在面前等你享用一樣，外表好看，而且相當有份量，絕對是視覺的享受。另外，挖出來的麵包芯十足小宵的頭燈軟綿綿，沾著熱騰騰、香噴噴的咖喱吃，很是開胃。飽腹感和滿足感指標，都直線向上扯，是道值得點贊的好西👍🏾。［冬陰

一上嚟，我叫個牛頸脊，賣相10分寒酸，肉少都算，即係咁嘅爛鬼碟我裝，好似就咁將啲肉擺喺張枱度個咖喱雞扒，石鍋細過個飯碗，雞扒唔係成塊，係切咗四條俾我，兩個成年人食完點夠飽，點解呢間嘢仲可以生存到杯特飲都唔好提，味道你自己試吓，兩啖冇咗130幾蚊，咁既樣，真係十分之寒酸點解咁樣都可以開到鋪伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏

午市既大壩街都幾多選擇。今日午飯時間喺呢頭，突然間想食海南雞就試咗呢間。午市餐牌唔算好多選擇。唔算太餓之下揀咗自選湯河，包括一款食物。我驚唔夠就加$ 5 要雙款：海南雞、香茅雞翼。第一次食呢度既湯河。喺冇期望諗住是但食啲嘢醫肚。但估唔到俾到驚喜我。雞肉👉份量都幾多 (女仔食都好夠，唔算少）雞肉好滑。好味指數：4/5雞翼👉煎到脆口既香茅雞翼。幾好味。又香又脆，正！好味指數：5/5湯底和河粉👉都ok不錯。

星期六嘅下午，見到呢間都好似幾多人食，於是就入咗去試下。叫咗個招牌無骨海南雞飯配秘製雞醬，同埋泰北香茅豬扒煎蛋飯 。首先來嘅熱檸水，得半杯份量。跟住啲豬扒同雞全部都咸到一個點，豬扒下面仲要浸住啲鹹菜，完全難以入口。煎蛋係硬唒嘅全熟蛋，咁不如直情畀烚蛋我啦。海南雞油飯冇味又霖唒，個秘制雞醬又少又完全冇特別。最後想重複多次個豬扒係真係好咸，肉同汁都好咸，本身已經好餓，食到我一肚氣。平均$54一個人，寧願畀多幾廿蚊去隔嚟食。

最經常去荃灣活動既我，見到呢間泰國菜，門面裝修好似正正常常咁，而且好少見星期六日都有lunch set ，又唔太貴，就拿拿走入去食完睇戲啦。泰式炙燒豬頸肉炒手切闊條麵$54賣相幾有色水，可惜味道差啲，豬肉有啲怪，整體味道較淡，比較油膩，食完成咀都係油。泰式湯粉$46（香矛雞翼、河粉、+$5 轉冬蔭公湯底）同樣得個樣，賣相幾哂引，冬蔭公好淡，香茅雞翼算不錯，幾有香茅味，總共有3隻，不過size都超迷你。整體來講，食物賣相呃得下人，但味道要改善下～～

一個人原來都可以盡興🎼🎼 50幾蚊叫個泰式嘅午餐，味道真係唔太差，加埋杯凍檸茶$60有找份量唔細㗎😆加多少少錢又可以有小食，呢間泰式午餐仲平過茶餐廳😂😂下次要試埋佢嘅滷水豬手同埋海南雞飯先😋😋

4-10-2022 (Tue)重陽節假期,同老公出去食完早餐同懲罰咗阿布泰後,熱到冇mood,我就返屋企先,老公就繼續喺街盪,盪到食晏時間,佢喺呢喥食咗海南雞飯,之後大讚,然後問我要唔要買芒果糯米飯返屋企?好啦.返到屋企睇,個盒大大個,打開睇,嘩!份量係適中,我哋食完晚飯就食,糯米飯係粘晒,但似未夠腍;椰漿唔香亦唔夠甜,質地亦稀,麻麻;芒果都甜甜地嘅,不過有渣.價錢:呢個賣$48.00,會唔會太貴?

今日去到叫咗個焗芝士馬沙文牛腩飯，諗住平平常常食一餐飯就算㗎啦救命個飯裏面竟然冇牛腩？？得一舊好細又肥既牛腩仔咁不如我就咁嗌個白飯算啦💩💩💩跟住之後問個侍應 佢話師傅可能焗嘅時候唔小心唔記得咗擺牛腩落去 係咁嘅話 咁佢咪可以次次都唔小心囉💩💩💩救命玩晒啦大家千祈食之前要三思而後行阿講真！成50幾蚊一個飯 餐牌上面個圖片的確係唔錯嘅 但係實際成品出到嚟竟然係完全唔同樣嘅 都唔知係咪自己嗌錯咗 定係份份都係咁真係食到成肚氣呀😡😡🔥🔥

大家有冇諗住幾時飛呀? ✈️✈️✈️0+3真係好吸引，但係唔知難唔難搶到機票呢，我都仲未搶到啊🚦但係已經有啲掛住去旅行，所以就搵咗間🇹🇭ThaiFood 餐廳食飯。呢一間位於荃灣嘅泰國菜💁🏻‍♀️，喺荃灣廣場附近，位置都算容易搵，細細間，餐廳外面同埋裏面嘅裝修都好有泰國feel🏝️今次我就叫咗一個🥘石鍋馬沙文咖喱牛腩配薄餅、惹味香葉肉碎煎蛋飯。石鍋馬沙文咖喱牛腩配薄餅🥘🍛🍕🔥上枱嘅時候成個石鍋熱辣辣，勁香咖喱牛腩味，侍應放低嘅時候仲提醒唔好掂到個石鍋，🐮牛腩肉質嫩滑又腍，唔會入口仲黐牙，而且勁入味。馬莎文咖喱嘅香味濃郁，另外呢個咖喱裏面仲有薯仔🥔，佢嘅薯仔係煎過再放入咖喱的，所以薯仔味更加香。另外佢個薄餅外面香脆，裏面少少煙靭🤤，而且薄餅熱辣辣，點埋咖喱食，真係一流。惹味香葉肉碎煎蛋飯🌶️🐷🍳呢一個香葉肉碎，係有少少辣的🌶️，肉碎同香葉同埋四季豆(唔肯定隻豆叫咩名)嘅比例做得好好，每一啖我都食到肉碎同埋豆，連埋蛋同飯一齊食🍚，撈飯真係一流。呢個嘅煎蛋係全熟蛋，我個人比較鍾意食全熟，所以啱晒我食😋再叫埋杯青檸梳打🍹，真係一餐Perfect嘅泰國菜🫶🏻🇹🇭

荃灣區冇乜泰國嘢食好味，見到呢間又近自己，價錢又唔算太貴，所以幫襯過好幾次，lunch時諗唔到食乜，都會走去求其食過海南雞飯算。唔知係咪因為疫情無咁嚴重，多返d人出嚟食嘢，連坐邊個位都要畀佢哋決定😑今日安排咗個又細又窄嘅位我，我唔肯，問個侍應可唔可以搭其他人枱，點知佢地竟然唔肯轉第二個位比我，我即走，真係無下次！經濟咁差，今時今日咁嘅服務真係遲早執。如果各位想受下氣嘅...就可以去幫襯下嘅...

呢間泰國嘢喺荃灣廣場隔離條街，位置都算方便，下午茶時間叫左個豬頸肉炒河同鳳爪，仲嗌咗杯嘢飲。鳳爪味道ok，唯一有d太辣，唔太食得辣嘅朋友要留意。反而想講下豬頸肉炒河，份量非常足夠，不過d河粉黐埋一堆，上碟似係喺個碗度cup出嚟，可能一早炒定然後再翻熱，味道唔算太差，但就好油膩。最大鑊係，食完之後即日肚痾，屙咗兩次添。唔知係咪個鳳爪辣得滯定係個豬頸肉炒河太油膩。除非大家想清清腸胃，否則附近有更多更好既餐廳選擇。