Goobne Chicken (The Hart)

營業中

休息中

之前睇韓劇成日見到Goobne 就已經好想試🤣今次經過見到就try try!UFO 芝士火鍋＄288可以揀兩種雞嘅口味～分別有果味醬油蒜香烤雞、三重芝士烤雞、甜辣烤雞、蜜糖香滑烤雞、火山烤雞、蜜糖蒜香烤雞我哋就揀咗甜辣烤雞同蜜糖香滑烤雞～最主要揀佢哋都係因為佢哋係烤雞而唔係炸雞～雞肉好嫩滑多汁，而且無骨啖啖肉好滿足！芝士有好多款，炒溶咗之後就變成拉絲芝士！加埋芝士真係別有一番風味🥹好食到爆！Goobne Chicken (The Hart) (尖沙咀)尖沙咀赫德道4號The Hart 2樓

最近出左熱浪味炸雞！作為佢地死忠既我當然第一時間就衝左去食。For未食過Goobne Chicken既朋友仔，呢一間韓式烤雞店同一般炸雞店唔同，佢哋主打嘅無油烤雞做到外脆內軟，雞肉潤滑多汁，配搭各種唔同嘅口味，例如又辣又過癮嘅火山烤雞，香甜惹味嘅蜜糖蒜香烤雞，呢間餐廳係我心目中最好食嘅烤雞店。加上餐廳舒服精緻嘅氣氛，友善熱心嘅侍應，成個用餐體驗係一流。熱浪味Chipken任何嘢只要加上熱浪嘅味道，都一定會變得更加好食，更何況係Goobne Chicken嘅烤雞。優質嘅雞肉裹上令人愉悅的辣味及香噴噴的粉末。經過焗爐烤制後，搭配辣、甜和鹹味的墨西哥粟米片，口感層次豐富，食到完全停唔到手。鐵板芝士辣炒雞肉用新鮮嘅韓國雞肉，切成一口大小，放入特製醬汁中醃製，然後加入包心菜、洋蔥、大蔥和年糕一齊炒熟，最後加入半融拉絲嘅芝士，每一啖都又邪惡又令人上癮。Somersby Apple Rita 蘋果酒次次嚟到都一定會嗌嘅飲品，用蘋果酒為基底，搭配酸甜嘅沙冰，口感清新解膩，飲完啱啱好有微醺嘅感覺，令成餐飯更加舒服。Goobne Chicken 係我同朋友聚餐名單入面必定會出現嘅餐廳，咁多年嚟佢哋一直保持

邪惡芝士火鍋配烤雞🫕落地大玻璃可以俯視銅鑼灣，感覺開掦，這個環境配韓國的烤雞確實少有呢！♡CU UFO芝士火鍋 無骨$288🥢必點🥢非常邪惡的芝士火鍋配烤雞！有六款味道的烤雞可以選擇，我們選了果味醬油蒜香烤雞和甜辣烤雞。全部烤雞都是無骨啖啖肉的唷！而芝士都有好幾款啊！有瑪蘇里拉芝士、車打芝士、Grana Padano芝士，看着職員把原本一條條的芝士溶化，變成拉絲芝士，已經覺得十分吸引啦！咸香味的芝士配烤雞真的滋味無窮～蜜糖BBQ芝加哥薄餅 ❤ 5款唔同口味既芝士，加上BBQ豬肉粒同薯蓉，再夾埋蜜糖 咸咸甜甜，好得別!!! 豬肉食起黎好似叉燒，批邊夠香脆，2個人share岩岩好，唔好睇小佢一塊，食多塊都開始覺飽肚! 第一次食甜pizza，螞蟻人必點。

Goobne 係我好多年前就已經好鍾意嘅一間韓國烤雞店。定期就好似毒癮發作要嚟食一食佢啲炸雞同埋pizza。😂炸雞有好多隻味都勁好食。pizza我永恆會點齋芝士嗰一款。因為試過其他都係覺得呢隻最好味。另外我發現如果想食炸雞加pizza嘅話點套餐，係會比單點平20幾蚊🥰*果味醬油蒜香烤雞*，一上碟就已經吸引到我。雞肉烤得外脆內嫩，果味醬油帶出咗濃郁的香氣，蒜香味亦恰到好處，唔會太 overpower，反而令整體味道更加豐富。每一口都好 juicy。*芝加哥薄餅*，呢一款薄餅真係好特別。餅底厚實，裡面包住大量芝士，咬開一口，芝士拉絲的感覺令我忍唔住想多食幾口。呢款Pizza係我每次都必點。可以話係最愛。🫶🏻*忌廉溝牛奶*奶香味濃厚，忌廉的加入令整體更加香滑

・　UFO 芝士火鍋（無骨）🫕 ($288)果然係韓國炸雞專門店，啲雞整得好好食！呢個芝士火鍋可以揀兩款雞，我哋揀咗甜辣雞同埋果醬豉油雞，調味好特別，雞嘅外皮炸到好香脆，即使淋咗啲汁落去都係好脆，食過返尋味！點埋中間嘅芝士簡直味道一流❤️ 店員會幫手將中間嘅芝士炒溶，芝士好拉絲，好滋味🫶🏻・　蜜糖BBQ芝加哥pizza🍕 ($208)令人印象深刻嘅Pizza！整體口味偏甜，pizza成個批咁，比較厚身，但係佢連麵包嘅部份都做得好好，鬆軟而帶一點蜜糖嘅香味，中間肉比較甜，配合鹹香嘅芝士🧀 鹹甜交加，令我印象深刻😻👍

餐廳：Goobne Chicken地點：尖沙咀赫德道菜式：韓式炸雞餐牌：推薦菜式、半半烤雞、全隻烤雞、沙律、副餐、韓式麵 & 飯、韓式湯、小配菜、飮品、韓國燒酒、啤酒、RITA、無酒精雞尾酒、沙冰、特飲、水果茶、茶、套餐、Highball、午市套餐Chi Pi Chi Pi 套餐$388另加一，包烤雞口味三選一同薄餅口味二選一。果味醬油蒜香烤雞烤雞可揀有骨或者無骨，我地揀左有骨既雞肉。烤雞一共有十幾件雞件加雞頸。雞皮非常薄脆又唔油，雞肉算嫩，個汁係蘋果檸檬醬汁配蒜香，甜甜地好味道。雞件有雞上脾，雞下脾，雞全翼等，似有全隻雞份量。伴有甜爽白蘿蔔粒可解膩。蜜糖BBQ芝加哥薄餅 蜜糖BBQ芝加哥薄餅熱辣辣上枱，足足有9吋，一開8件，餡料有豬肉粒加大量兩色芝士，再加上蜜糖同薯仔粒，口感豐富。薄餅好厚身，口感似酥皮，脆口餅底加上滑溜芝士同拉絲芝士，仲有甜甜地既蜜糖醬，味道多層次，好正！另一款可以叫嘅薄餅係芝加哥薄餅。韓國濟州樽裝水 $10 另加一韓國濟州樽裝水係凍凍地，健康解渴。總括而言，呢個餐份量超大，適合三至四人食用，薄餅非常出色！平日午餐都有唔少食客，仲有經濟午餐可以叫。環境安靜，座位都舒

老婆嗌咗幾日想食炸雞，但係我生痱滋唔想食，點知今日行經尖沙咀見店舖主打零油全烤焗，啱晒懶係健康嘅我，諗唔到理由推搪。 ✦ 熱浪味Chipken (有骨版)雖然話推搪唔到，但真係冇諗過要食咁多。份量好大，我諗有成十件以上，兩個人根本食唔曬。而重點係 好 好 食 ﹐上嘅時候係熱辣辣，熱到我想拎起一隻影相都要等陣，而且雞肉超 級 嫩 滑 ﹐完全唔係出面嗰啲得表皮脆裡面鞋颯颯 。味道真係幾似熱浪，的確係有甜有辣，好惹味。 ✦ 韓式雞蛋卷 又要再講，真係好大份。雞蛋卷入面有青瓜、醃紅蘿蔔、餐肉、海苔同芝士，每啖都好有層次感。而且雞蛋卷實證係可以攤返開做一整條，有心機。 唯一缺點可能係地地位置比較偏僻，但真係值得更多人嚟發掘。

Goobne 韓國燒雞食過好多次今次同朋友嚟食，打下評語先$308嘅套餐選擇咗甜辣烤雞同埋鐵板海鮮煎餅咁多款雞當中甜辣烤雞係最好味㗎味道最濃 調味啱啱揀咗無雞骨嘅部份 啖啖肉 個皮沾滿汁，都仍然非常之脆弱，肉質好Juicy雖然佢話辣，但係唔食辣嘅人都應該接受到鐵板海鮮煎餅未上枱已經聞到香味見到佢薄薄地，原來好飽肚㗎咬落去脆卜卜嘅外皮入面有有蝦啦、魷魚啦、蜆仔啦、墨魚、仲有大量嘅蔬菜中間係煙煙韌韌，有口感之餘，仲回味無窮餐廳嘅飲品款式好多，韓國人出名飲得，所以酒類款式非常之多佢都有啲for小朋友嘅飲品人參雞湯 $168我哋嘅選擇係冇揀到啤酒或者韓國酒反而揀咗飲佢嘅韓國人蔘雞傳統嘅人蔘雞湯會用紅棗、蒜、人蔘長時間煮成湯底未濃而且啲雞嘅精華滲曬落湯度事實上，三百幾蚊嗰個餐已經非常之飽加埋個人蔘湯真係捧住個肚每一樣食物份量都非常之大建議一大班人多啲一齊去食，咁就可以食得多啲款式

想同全世界宣傳這家韓式烤雞！ 炸雞愛好者一向很喜歡韓式炸雞，這次和朋友約吃這家韓國開過來的炸雞店，在尖沙咀那邊，老闆和部分店員也是🇰🇷人點了個半半烤雞選了⭐蜜糖蒜香+甜辣烤雞全！ 部！ 都！ 很！ 好！ 食！兩種都是偏甜口的，不知道來香港有沒有口味改良過，但炸雞烤得剛剛好，超級熱辣，裡面的肉很嫩很飽滿，不會乾，毫無異味蜜糖蒜帶醬油和蒜香味，我個人比較喜歡這個甜辣味也很好吃，這間的雞是我目前吃過的香港韓國炸雞店裡比較優秀的份量很大，這個價格也很合理，需要三個人才吃的了另外還點了一份魚糕湯，滿滿不同種類的魚糕，配烤雞，天冷喝或醒酒飲飲都很合適已經和朋友約好下次吃韓式炸雞/烤雞再來了

一提起韓式炸雞，第一時間就會想起有「韓國第一烤雞品牌」之稱的Goobne Chicken，在香港開業後便大受歡迎，分店遍佈港九新界區。今次就來到尖沙咀分店，內裡面積寬敞，落地玻璃窗飽覽鬧市街景。除了主打韓式烤雞外，其他小食及主食如泡菜餅、韓式雞蛋卷、蜜糖BBQ芝加哥薄餅、芝士炒年糕、人參雞湯等也是人氣之選。CHI PI CHI PI套餐$388包括一份烤雞和一個芝加哥薄餅，比單點更抵吃。蜜糖BBQ芝加哥薄餅Pizza 即點即焗熱烘烘出爐，以口感鬆脆的厚身餅皮作為餅底，集合5種世界級的優質芝士，包含瑪蘇里拉芝士、意大利乳清瑞可達芝士、羅馬諾羊乳芝士、格魯耶爾芝士及巴馬臣芝士。超濃厚的芝士融化後增強了實在感，成了一種集香、滑、軟、濃於一身的芝士，拉絲效果衝擊眼球，芝味無窮，揉合天然甘甜的蜜糖和粉糯薯蓉，鹹甜夾雜卻沒有違和感。果味醬油蒜香烤雞採用烤箱烘烤的料理方式，而不需用一滴油， 比一般韓式炸雞低反式脂肪和低卡路里，減低罪疚感，重量級份量足夠2-3人享用。將濕潤濃稠的特製醬料包裹在烤雞上，不但不影響外皮的酥脆度，無骨雞件大件厚肉，肉質嫩滑，鎖緊肉汁，隨烤雞附送醃製的酸蘿蔔切粒，亦可擠下新鮮

甜辣烤雞❤️雞件勁juicy！！烤到皮脆內嫩，肉質嫩滑！每咬一啖都有肉汁爆出黎。無骨雞扒肉，啖啖肉好滿足。甜辣醬汁，偏甜微微辣，有小小蜜糖香甜，就算食唔到辣既人都唔會覺得佢辣！ 件件雞都有滿滿既醬汁，份量好滿足！兩個人食岩岩好芝加哥薄餅❤️集合5款芝士奶！分別係瑪蘇里拉芝士，乳清瑞可達芝士，羅馬諾羊乳芝士，巴馬臣芝士！配上意大利辣茄醬，口感香濃唔死咸，味道一d都唔單調。鬆脆厚身既薄餅底，好滿足❤️❤️

Goobne Chicken尖沙咀赫德道4號 The Hart 2 樓經開尖沙咀，老友推介 Fusion 韓式餐廳，環境舒適，食材新鮮，果然冇介紹錯。😸蘿蔔前菜，酸度適中，新鮮爽口。😁CHI PI CHI PI果味醬油蒜香烤雞即叫即炸，外層香脆，份量十足，我哋揀咗無骨雞肉，雞肉新鮮嫩滑，肉汁豐富，解凍處理得很好，沒有雪味。香甜的醬汁，蒜香味慢慢滲出，開胃惹味，吃到中段加新鮮檸檬汁，效果更佳，必食！😻蜜糖BBQ芝加哥薄餅面層加了香甜的蜜糖，烤豬肉口感煙韌，肉汁豐富，與香濃的芝士和薯蓉融為一體。餅底爽脆，充滿牛油的香味，鹹度適中，大滿足！🤤芒果沙冰+士多啤梨沙冰果汁香濃，甜度適中，沙冰夠凍，加一片清新的薄荷葉，飲完好舒暢。😽Goobne Chicken 環境舒適氣氛好，食材新鮮高質，侍應服務態度好，還會再來。😎🤘🏻

Goobne係一間專注於無油烤雞嘅韓國連鎖店，都開左好耐，一直都係我心目中烤雞no1。QR code落單，叫左火山+原味雞，無骨，同埋雞蛋捲。首先講火山雞。無骨雞肉嫩滑，辣汁滲透入肉，非常惹味。不過，唔係太能食辣嘅朋友可能會覺得辣度有啲過火。配埋啤酒一齊食，辣味中和得啱啱好。至於原味雞，味道就比較清淡，突出咗雞肉本身嘅鮮味。無油烤焗嘅方式保持咗雞肉嘅嫩滑，冇咁油膩，食落去唔會覺得滯。呢款雞好適合唔鍾意太重口味嘅人。雞蛋捲係意外驚喜，蛋皮柔軟，裡面夾雜住青瓜，魚糕，醃蘿蔔，火腿，口感豐富。呢個配菜可以中和啲辣味。總結嚟講，Goobne都幾適合frd 聚會，因為野食都比較大份，加上舒適嘅用餐環境幾好。

同朋友去尖沙咀行街 , 咁啱見到呢間韓國炸雞店都幾出名就食呢間啦~甜辣烤雞, 果味醬油蒜香烤雞烤雞啲皮好薄好脆, 感覺冇傳統炸雞咁油膩, 雞肉好嫩滑～甜辣醬汁係微辣,都幾惹味~ 果味醬油蒜香炸雞有一片片蒜片喺上邊, 甜醬油味都幾特別~一次過食晒兩種味好滿足!部隊鍋呢個唔係火鍋嚟嘅, 係一個部隊鍋湯麵~ 入面好多唔同款式嘅韓國香腸, 午餐肉, 年糕, 茄汁豆等等, 都幾足料~湯底辣度適中, 好惹味, 好好食! 韓國麵唔會煮得好腍煙煙韌韌咁, 好掛湯, 幾好味!呢間店嘅炸雞有好多款式, 賣相好吸引! 下次要再嚟試吓其他款式炸雞先得~

UFO 芝士火鍋是餐廳招牌菜式，幾乎看到每一台客人都有點。芝士火鍋可自選兩款口味的雞，包括果味醬油蒜香烤雞， 三重芝士烤雞，甜辣烤雞，蜜糖香滑烤雞 ，火山烤雞和 蜜糖蒜香烤雞。烤雞鮮嫩多汁，加上馬蘇里拉、車打和巴馬臣三種芝士的融合,形成一種濃郁而綿密的口感。從第一口開始,芝士餘韻就在口中化開，芝士控must try。凱撒沙律清新的羅馬生菜,煙肉鹹香,加上番茄仔的清脆,再淋上凱撒沙律醬,開胃爽口。卡邦尼炒年糕濃郁的奶油醬、意大利麵、煙肉和年糕融為一體,口感綿密滑嫩,巴馬臣芝士增添了幾分香醇。蜜糖BBQ芝加哥薄餅批邊厚實鬆脆，薄餅底鋪滿滿烤豬、芝士和香甜蜜糖，每一口都能吃到餡料。辣椒脆烤雞烤雞表面鋪青陽辣椒粉，脆雞皮脆肉嫩，充滿肉汁，韓式的青陽辣椒帶有微辣又有一絲煙熏，令口味不單調鯊魚之淚一條可愛的小鯊魚造型插進杯子，賣相吸精，淡淡檸檬香桃口味的沙冰，有輕微酒精，酸酸甜甜很開胃