影片
港鐵尖沙咀/尖東站 B1 出口, 步行約4分鐘
繼續閱讀
電話號碼
94241449
開飯介紹
裝潢趣怪搞鬼的樓上Cafe，牆身及餐碟設計更以各界名人為靈感，具創意又充滿色彩，你可在此一邊享用多國料理，一邊打卡。
繼續閱讀
附加資料
用餐時間90分鐘訂枱(留枱10分鐘）
營業時間
今日營業
12:00 - 22:30
星期一至四
12:00 - 22:00
星期五至六
12:00 - 22:30
星期日
12:00 - 22:00
以上資料只供參考, 請與餐廳確認詳情
有關獎賞計劃
相關文章
相隔一段長時間，再嚟到依間玩味十足嘅Café「GoodDay BadDay MamaDay」食飯，依度嘅菜式依然好啱打卡，食落又好味。*此餐廳收取加一服務費。好日梗係芝士龍蝦意大利扁麵（單點$280），上菜時，原隻龍蝦已經拆殼起肉，客人可以方便享用，食落啖啖肉，龍蝦肉質厚肉，口感彈牙，味道鮮甜，加上龍蝦肉表面經過炙燒，以及使用香草、辣椒粉、黑椒、細鹽調味，食落好惹味；芝士忌廉醬口感Creamy，味道濃郁；意大利扁麵食落軟硬適中，容易掛汁，內有蘑菇、洋蔥。蜜汁香茅豬頸肉沙律（單點$136），豬頸肉肉質爽口，肉味濃香，食落帶點香茅清香，加上使用蜜汁、洋蔥調味，味道甜鹹，食落類似日式豚肉生薑燒味道；沙律內有紅毛生菜、羅馬生菜、苦菊、洋蔥、藍莓、紅桑莓、車厘茄、香橙，配以焙煎芝麻醬食用，味道清爽；芝麻醬撈烏冬表面鋪滿木魚花，口感煙韌；泰式炸蝦片，口感香脆，味道鹹香，配以泰式甜辣醬食用，味道更佳。茫茫人海遇見你嘅途中夾雜住又酸又甜（單點$90），表面鋪有芒果、青檸、薄荷；芒果萊姆雪葩蛋糕食落入口即化，味道酸甜，配以芒果柚子醬食用，味道清新；瑞士餅乾口感酥脆，食落充滿牛油香味。夏日熱辣辣，好熱好熱降溫椰子沙冰（單點$56），表面鋪有椰絲，海鹽口味雪糕味道微鹹，椰子沙冰口感稠身、沒有碎冰感，椰奶味道濃厚。豆腐豆腐豆腐咖啡（單點$56），表面鋪有咖啡豆，豆腐雪糕味道清甜，濃縮咖啡味道濃香，豆奶飲落豆香味濃，豆腐花口感幼滑，略嫌份量比較少。
繼續閱讀
呢間餐廳成日係IG碌碌下就見到有朋友去今日終於輪到我去到先發現原來餐廳有兩層, 2樓仲有現場音樂表演諗都無諗就揀左2樓坐係尖沙咀寸金尺土既地方唔用盡d位去擺餐台反而搞音樂表現,respect!!今晚係sexophone 表演, 仲話如果客人想可以上台唱k添!蠔梗係要炸初頭仲驚驚地會唔會似放題既炸蠔咁黎到外脆內軟加埋個醬汁, 正正就係今日好想食既炸物!!好邪惡咸蛋牛油果蟹肉Pizza直情有蟹鉗係上面, 非常吸睛咸蛋黃係融入左係Pizza既底醬裡面牛油果味道不突出污糟大大條魷魚墨汁扁麵真係大條都唔信, 魷魚肉質仲係非常有水份, 有彈性但唔會耐嚼墨汁扁麵味道濃而不膩, 扁麵平面可以承載到更加多味道, 食到唔停口手工紫薯蛋糕完全無罪疚感既蛋糕!!食開甜品既可能會失望因為味道係淡淡既自然紫薯味平時唔太好甜品既人就非常適合!非一般檸檬烏龍茶沙冰沙冰份量足夠成餐飯同MENU所講一樣就係檸茶但茶味唔係紅茶咁厚味用左烏龍茶配搭檸檬今日飲益力多柚子沙冰益力多味好突出, 飲完後益力多既甜味會有柚子味緩衝左變得清爽
繼續閱讀
GoodDay BadDay MamaDay📍尖沙咀加連威老道27-27A號嘉榮大廈地舖及1樓我嘅大學好友準備結婚啦，有幸成為佢嘅姊妹一員，喺星期六專程相約去度身做裙，朋友都有嚟陪我。度完身、試完裙，我哋仲去埋The One個snoopy pop up添，之後決定去bookmark良久，朋友多次回訪嘅人氣玩味餐廳，GoodDay BadDay MamaDay食個early dinner！店內裝修別樹一格，有數之不盡嘅公仔、海報同裝飾品，淨係打卡都夠玩成個鐘，而餐點名都搞笑過人，menu設計更加係世界級正，連玻璃檯下都係用彩色Lego裝飾而成，環境氣氛無得頂！ 💰$188鵝肝槓上肝菌飯講十次 🍛鵝肝煎得香口，聞落油香四溢，食落近乎入口即化，油香仲會喺口中散發，頗有驚喜。至於risotto就有好濃烈嘅牛肝菌香氣，整體香而不膩，一啖盡食菌香、鵝油香同醬香，非常值得一試。 💰$148黃金軟殼蟹忌廉意粉 🍝Fettuccine寬寬扁扁帶點厚度，最適合配較濃稠嘅醬汁或芝士調味，所以餐廳選用統稱為「金沙」嘅鹹蛋黃醬實在非常明智，加埋忌廉一齊煮，口感更creamy！軟殼蟹炸得香口酥脆，配上大量菇菌點綴，盡是滋味！ 💰$145好邪惡嘅咸蛋牛油果蟹肉比薩咩叫減肥 🍕好邪惡！真係好邪惡！大量芝士加咸蛋醬抹滿整塊薄身脆pizza，完美地放上六隻蟹鉗，隨心灑上蟹肉、切粒牛油果同切片番茄仔，再放上沙律菜裝飾，賣相相當吸引，多重口感，多重享受。脆脆嘅pizza邊唔會過乾，芝士同咸蛋味道適中唔會過鹹，雖然好邪惡，但一啲都唔肥膩！ 💰$56士多啤梨奶昔 🍓個人認為呢間餐廳嘅飲品比食物同甜品出色，尤其係喺熱辣辣又翳焗嘅天氣下，飲到一杯透心涼嘅飲品，真係特別加分！而且我鍾意佢哋嘅飲品唔花巧，除咗用啲比較有特色嘅玻璃杯裝住外，相比起其他餐點，佢哋嘅賣相都唔會華而不實，純粹係一杯杯簡單、清涼、解渴嘅飲品。朋友好鐘意飲milkshake，考慮到我唔食得太多香蕉，所以佢揀咗strawberry milkshake試試。細細一杯淡粉紅色嘅milkshake帶有淡淡嘅士多啤梨香氣，食到少許果肉同果籽，唔會有粒粒碎冰，口感順滑，味道清甜唔假，推介！ 💰$56夏日熱辣辣，好熱好熱降溫椰子沙冰 🥥而我就叫咗一杯椰子沙冰，個名又係改都好鬼馬，望住啲字個腦就已經響起「夏日熱辣辣，吃西瓜消暑解渴；夏日熱辣辣，喝一杯凍檸檬茶！」呢幾句歌詞，勁好笑！椰子沙冰分量都幾大，而且冰度十足，上面仲放咗一球海鹽雪糕，絲絲鹹味令本身已經好香濃嘅椰子味更突出，半溶嘅雪糕加上frappe嘅綿滑，配pizza、risotto呢類較飽膩嘅主食最為佳！ 💰$68唔甜的紫薯蛋糕 🍰自家製嘅紫薯蛋糕非常精美，蛋糕共有四層，薄薄嘅餅底為底層，數上去有紫薯cream cheese同幼滑嘅mousse，而最頂層就鋪滿紫薯蓉，層次分明，口感豐富細膩，而且食到紫薯自身嘅甜味，想食甜品但怕肥嘅朋友可以考慮一試！ 💰$68焙茶芝士蛋糕 🍰另一款cheesecake朋友揀咗焙茶口味，整體口感唔算柔軟，偏硬身、紮實，勝在茶味香醇，餅底相比下較為厚身，食完唔會有好膩嘅感覺。
繼續閱讀
假期同朋友想搵間餐廳食吓嘢影吓相，見到呢一間環境幾好嘢食，又好似幾吸引。去到Menu好玩味，嘢食名改得比較盞鬼搞笑，有個缺點就係太長同埋要load一load先知道係咩嚟😂 嗌咗個打拋豬烏冬同炸物小食拼盤。打拋豬烏冬雖然Menu寫話辣，但係食落只係好微辣，份量都多，係有少少濕嘅炒烏冬。小食拼盤份量好大，種類都多，有薯條雞翼炸魚柳炸蝦，附帶茄汁，可以額外問佢哋拎沙律醬裝潢篇黑色style ，但係牆身好靚，如果鍾意影相嘅話，可以影到好靚嘅Cafe相
繼續閱讀
同朋友一起过圣诞，她说要在尖沙咀，我就找餐厅定座位。看到这家收藏高好评多就订了 668 的圣诞波龙套餐。前菜是松叶蟹腿番茄浓汤。我的评价是感觉像番茄酱加水和蟹棒。然后是（似乎预制）鸡腿卷佐土豆泥。因为这个菜上的特别快，任何人几乎不用等，应该是做好了就微波炉一微就好了。特别软没啥味。然后是一个“圣诞树”（菜名）。就是三片法棍，中间分别夹的是火腿和花蛤，最上面刺了三颗番茄。下面还有一点番茄碎和火腿碎。面包不好吃，火腿很咸，我一向欣赏不来这种高端的东西。但是花蛤不错。然后就是我们等了40分钟的这个波士顿龙虾西班牙炒饭。西班牙炒饭中规中矩，龙虾头大身子小，肉很少，剥完大小近似皮皮虾。靠近壳的部分很咸难以下咽。并且和炒饭不能说是锦上添花只能说是毫无关系。然后是一个灾难般的甜品。就是一个草莓切成两半，然后下面是一个大福，最下面是奥利奥。草莓很酸，用的奶油是植物奶油（老式蛋糕裱花的味道）大福甜到令人不适。饮品我要的是玫瑰荔枝苏打水，气不够还没味。朋友要的是另一款（忘了名字）评价是某品牌瓶装饮料同款。吃完了菜，服务员不及时把盘子收走，桌上根本就放不下，叫了好几次，连眼神都对不上。一碗西班牙炒饭找了两个服务员催了两次近 40 分钟才慢悠悠地上了。真的不明白为什么这么多人定这家餐厅，导致我们只能订到 20:30的位置。在外面游荡了很久才过来吃，已经饥肠辘辘，实在是饥不择食，不然真的吃不下这些这么难吃的餐点。我们在吃的时候，后面也有好多好多情侣排队，餐厅内，除了我们之外，基本上90%以上都是情侣。可能过来吃一个氛围？？？但是店内装修风格混乱，硬装（天花板和墙壁）都很粗糙。用了大量摆件和梗图、灯光等增加元素和色彩，但是毫无格调，不伦不类。非常不建议来的餐厅，实在是言过其实，非常失望。堪称这个圣诞的一个败笔。我不知道我这个细心撰写甚至多加修改措辞的差评会不会被淹没在 1k的好评浪潮里。但是我必须说，它就是如此而已。
繼續閱讀