Gram Cafe & Pancakes

營業中

休息中

👌🏻近日係尖沙咀上堂， Lunch Break 係附近 The one 行左轉，最終入左呢間日式 Cafe。以前食過佢地既 Pancake，對佢地既水平都有啲信心，今次點份午市套餐醫下肚 😛👅 蟹肉忌廉意粉 ( $ 78 )灑上不少紫菜碎片既意粉，面條軟身而掛汁後忌廉味頗重，質感順滑，搭配份量充足既蟹籽、蟹肉，帶來濃厚既海鮮風味 🦀🦀👅 豚肉咖哩蛋包飯 ( $ 88 )咖喱用左日式甘口咖喱，入口甜甜地送飯一流，面頭層半生熟滑蛋熟度岩岩好，包住飯嚟食再送埋帶有豚香既咖喱，層次豐富，日式家常菜，但帶黎既係滿足既味道。▫️◾️▫️◾️▫️◾️▫️◾️▫️◾️▫️◾️▫️◾️▫️Gram cafe & pancakes (尖沙咀)📍尖沙咀彌敦道100號The ONE 4樓L408號舖#moooveat尖沙咀#moooveat日菜#尖沙咀#日菜 #japanesefood #hkfood #hkfoodie #hkfoodblog #hkeat #food #foodie #hkrestaurant#探店 #香港 #美食 ＃相機食先 #香港好去處 #手機食先 #食好西 #食食食 #打卡 #香港探店

今日兩個為食仔係尖沙咀食完飯，見時間仲早行左陣The One，見呢間日式Pancake好似唔錯就入左去食甜品#超人氣招牌梳乎厘班戟 （$138） - 侍應送過黎既時候，見佢要小心翼翼咁樣，驚個梳乎厘會冧，然後上枱之後再用隻叉係碟底固定反個位，好細心👍🏻👍🏻個梳乎厘好鬆軟，真係震下震下咁樣，蜜糖漿好好味好有楓葉糖漿味，再配合埋糖粉，完美既甜品另外有好大嘅cream俾你搽勻晒成個pancake添😈#西瓜雪花冰（$98） - 佢用左大半個西瓜，挖到d西瓜肉細細舊，岩岩好一啖一舊，加埋西瓜肉上面既忌廉同西瓜肉下面既雪花冰，非常邪惡既組合，而且好清涼勁啱夏天食。不過要提一提各位朋友，要趁凍食😈😈

正所謂唔係猛龍唔過江😍來自日本的梳乎厘班戟店，煮法完全跟從日本。✨意大利芝士蛋糕班戟（$118）將班戟同Tiramisu合體🤩佢將三層鹹熱香餅班戟加香滑吉士醬，鋪滿咖啡粉和朱古力粉，擁有多重口感又唔會太甜。✨雜果朱古力班㦸（$108）造型相當之吸引，雜果五顏六色再配上朱古力醬，水果有橙，奇異果，士多啤梨同藍莓，撒上糖霜既熱香餅旁邊有香滑忌廉同煉奶，任由你自己搭配食法，整體感覺好輕盈、健康，生果開胃又清新。環境採用木系裝修，簡簡單單令人坐得舒適👍🏻

女女每次行經呢間店舖都會比pancake吸引左，次次都話要入去食，今次我地趕時間就買番屋企慢慢嘆。石板街班戟身為朱古力迷嘅我一定會揀呢個，有三層朱古力班戟，班戟質感鬆軟，中間夾住一層忌廉一層吉士醬，忌廉打到好幼滑，完全唔覺得膩，加埋吉士醬口感豐富有層次，最上層有生果，濃郁可可粉和香甜朱古力醬。烤蘋果配紅茶忌廉班戟第一層放滿粒粒蘋果，味道酸酸甜甜，好香肉桂粉香味，中間夾住紅茶忌廉，淡淡嘅茶香味道好夾。

鍾意甜品嘅我其實已經幫襯過呢間餐廳無數次～不過今次係難得地試咗下Pancake以外嘅甜品，食物品質亦都係一如既往好～———————————————🌟蜜瓜雪花冰 $118呢個蜜瓜外表都好花心思，將蜜瓜一粒粒刮出嚟再堆喺雪花冰外層，上面再加有一層忌廉。整體最出色嘅地方其實係蜜瓜本身，係一粒非常香甜嘅蜜瓜。其次就係入面嘅雪花冰，食落好綿滑什至有少少似雪糕嘅口感，味道上唔會太甜仲會有牛奶嘅味道。食到比較底時鮮蜜瓜汁仲會同雪花冰混合，每啖冰都帶有蜜瓜嘅味道。.🌟煙肉炒蛋班戟 $118佢一共有3塊班戟，呢份係咸食所以班戟本身味道都係咸味為主，但食落一啲都唔違和仲好香。特別想讚係佢果幾塊煙肉真心好出色，首先佢係厚切口感已經好正，其次佢本身肥瘦勻稱，咸香咸香咁食落真係好好食，食完真係心諗如果有得買淨煙肉都正🤭

來自日本大阪的人氣Pancake專門店🥞Gram自登陸香港以來一直廣受歡迎，疊成厚厚三層的Premium Pancake梳乎厘班戟更是它的招牌菜式，每天限量供應。班戟除了梳乎里款式還有熱香餅款式，有甜班戟也有鹹班戟，鹹味更是香港限定。其他食品還有三文治🥪、沙律🥙、湯🥣、法式多士🍞、雪糕🍦、雪花冰🍧和各式飲品🍹，另外還提供午市套餐和兒童餐。餐廳樓底極高，很有空間感，店內店外均設有座位，放置了不少綠色植物🌳作點綴，感覺像置身一個小花園內。門口位置有個疊高成三層的巨型梳乎厘🥞造型cushion，適合打卡。假日經過此店都看到有很多人，難得平日和朋友在附近吃完飯想吃甜品，於是過來試試。꧁🍉西瓜雪花冰꧂ ($98)造型好吸引的西瓜冰，西瓜刨成粒狀，方便食客放入口，下面是香濃的牛奶冰，味道和西瓜很搭配，絕對是夏天的消暑佳品。雪花冰是期間限定，每天售完即止的。꧁🥞雜果朱古力班戟꧂ ($108)班戟賣相不錯，顏色配搭方面明顯花過心思，雜果五顏六色，有橙、奇異果、士多啤梨和藍莓。三片原味班戟選用熱香餅款式，味道帶點鹹味，伴有朱古力醬、香滑忌廉、煉奶，上面灑上糖霜。✧ ˚ · . *:･ﾟ✧*:･ﾟ✧･ﾟ:

夏日炎炎真係好岩食下啲甜野凍野消暑解渴今次要為大家介紹既係 - Gram cafe & pancakesGram cafe & pancakes係位於尖沙咀彌敦道100號The ONE 4樓L408號舖顧名思義餐廳主打係食pancakes為主啦不過佢地都仲有好多其他正既甜品今次重點推介:蜜瓜雪花冰佢地用左新鮮既蜜瓜去整而且配有奶香味既雪花冰食落真係夏日透心涼有興趣既朋友仔就bookmark定啦Location: Tsim Sha TsuiPrice : $100-$200/p.pEnvironment (10 is chill): 7/10Yummy (10 is delicious): 7/10

呢間pancake專門店之前係日本都食過，質素不錯！震騰騰嘅梳乎厘入口非常輕盈，今日同朋友食完晚飯後，經過見到呢間專門店，又即刻衝左入去食，女生食甜品永遠有第二個胃🤭士多啤梨火山流漿班戟 $118賣相好精緻🤩，拎起塊膠片有如火山爆發效果，同招牌班戟分別係呢個凍食😋另外增添一層士多啤梨醬，味道酸酸甜甜。梳乎厘入口軟綿綿，好輕盈！有得玩又有得食～焦糖香蕉班戟 $98香蕉上層加左薄薄嘅焦糖，再配上濃郁香滑嘅忌廉同精緻糖漿，甜度比例適中，甜而不膩。班戟口感比較扎實，有核桃粒伴碟增加口感層次。

📍尖沙咀《Gram Pancakes》我想講 我係Tiramisu嘅super fans🤭😆所以我諗都唔諗 就揀咗tiramisu班戟😬🥞意大利芝士蛋糕班戟☕️$118口感比平時嘅tiramisu實 感覺幾得意😅💜紫薯火山流漿班戟🍠$118依個嘅pancake就比較鬆軟 似平時Gram嘅空氣pancakes外賣都包裝得好靚 好細緻😍果然係日本品牌🤣拎到返屋企 兩個pancakes🥞完全完整無缺👍🏻👍🏻

本身我很喜歡食班戟， 每次到Gram都食得很滿足🤪今次快閃The One，一定要去滿足吓自己慾望🤣因為外賣返去食，所以揀左兩款mini Pancakes，細份版本挺特別，賣相也很吸引。石板街班戟班戟有三塊，充滿香濃朱古力味，與忌廉和吉士醬層層相隔，賣相高身好似蛋糕仔~班戟口味偏厚實鬆化，味道像平常吃開的Tiramisu，但這個口感較豐富朱古力雜果班戟色彩繽紛的雜果🫐🍊🥝🍓， 加上濃香的朱古力醬和輕盈的忌廉， 班戟鬆軟帶點淡淡的鹹味，味道多元化。

之前排晒隊嘅 Gram Cafe & Pancakes 今日終於試到啦. The One L4. 環境唔錯，以簡約為主叫左個主打即製pancake.$138用qr code 落單睇住個waitress 捧住軟林林搖下搖下嘅pancake，行過黎已經令人期待簡，又充滿幻想。輕輕切開，充分感受到佢嘅鬆軟，暖暖地放入口即溶嘅感覺，簡直係叫人上癮，2人share一份啱啱好。另外叫左杯芒果沙冰$45，芒果味無特別濃，有少少甜過龍，飲到尾真係頂唔順！

黎到炎炎夏日 真係好需要解渴可口的冰凍甜食 有日同朋友行街行到身水身汗 見到門口有西瓜冰 就即刻入黎坐下 食下西瓜飲杯水解一解暑先🥰🍉西瓜雪花冰 -造型好吸引的西瓜冰 粒粒西瓜好易食😜裡面仲有好香濃的牛奶冰 一睇就知係解暑涼伴啦❤️🌋紫薯火山流漿班戟黎到更係要試埋梳乎厘班戟 今次就試左紫薯味 梳乎厘質地厚實 做到有空氣感而不失咬口 唔會好似食左陣風咁 外層好多紫薯醬 啖啖都有紫薯味 第一次食咸味梳乎厘 原來都幾夾個喎😂

曾經在日本京都吃過這間pancake店，一試難忘。這店在當地非常受歡迎，每日限製特定數量，售完即止。它打入香港之後一直未有機會試，今晚行過，決定尋找回憶的味道。我們點了兩個pancake：石板街班戟（$118)三層班戟的味道有點像麵包，不是梳乎厘的那種班戟，中間夾着杏仁吉士醬和厚厚的忌廉。上面和旁邊放了一點水果，擺盤不錯，打卡一流。三層班戟一口夾著吃，味道ok。朱古力雜果班戟（$108)三片原味班戟上面放滿不同水果，有少量橙、奇異果、藍莓、士多啤梨等，再配上朱古力醬，賣相不錯。旁邊起初以為是雪糕，原來是幼滑的忌廉。

好多人去日本都會食嘅Gram Pancake，喺香港開咗之後一直未有機會試。呢日終於約咗同朋友去試吓啦～原來有香港限定menu，仲要係鹹味pancake，都幾值得一試！🍽️日本和牛漢堡班戟 $128外型幾好幾大份！和牛漢堡上面有肉醬，漢堡肉都算juicy唔乾，加埋肉醬配pancake鹹食，味道都幾好喎！pancake鬆軟，仲有沙律菜平衡返個配搭，整體味道幾好，值得一試！🥞招牌梳乎厘班戟 $138每日限量供應，超人氣嘅梳乎厘pancake~~ 每份有3件，超級鬆軟，入口即融，空氣感都幾重！大食嘅朋友食晒3件都應該唔夠飽🤣 pancake本身味道唔重，配埋牛油、忌廉同蜜糖食就啱啱好啦～～整體味道都唔錯，鍾意輕盈口感揀梳乎厘班戟，鍾意口感實在啲就揀和牛漢堡班戟😂 我個人鍾意和牛漢堡班戟多啲，配搭比較新穎！

「Gram」班戟專門店於2014年創立於日本大阪心齋橋、 現在以位於關西的本店為中心。最出名既厚厚疊成三層的軟綿綿梳乎厘班戟更是gram的第一名人氣商品！甜品店樓底勁高，沒有壓逼感。有店內，亦有店外既坐位選擇。假期平時都好多人幫襯，難得今日無咩人就走入去試試。石板街班戟 $118朱古力班戟表面有兩粒新鮮既士多啤梨。上面個層既cream 係超級軟滑，再加埋下面個層帶酸嘅cream 夾埋成個班戟一齊食，完全無得彈，十分滋味。而且班戟真係做到超濃朱古力味，真係抵讚。伴碟仲有棉花糖粒、藍莓粒及朱古力漿作點綴，形成美麗既構圖。打卡必點之選。焦糖脆脆流漿班戟甜品做到好似一舊Tiramisu，加邊做到似一個盆栽植物，上面仲要放左D新鮮香葉作為裝飾。原來係要拉開嗰個膠筒先開始食，當一拉開個膠筒後。D芝士爆到周圍有焦糖碎。 Cream味道全帶酸，用來配襯芝士既酸味，喜歡吃帶酸流漿班戟既朋友，一定唔可以錯過。下次會再試埋今次試唔到既軟綿綿梳乎厘班戟。