Green Common (QRE Plaza) (已結業)

而家興食素, 而今日我第一次黎 Green Common, 平時行過冇留意以為你食西式快餐, 但估唔到原來呢度有中西日韓台式素食, 有ALL DAY BREAKFAST, 沙律, 飯, 麵, 意粉同漢堡包, 味道仲好唔錯。我試咗個焗葡汁植物雞飯, 個名好似有D怪, 不過賣相同味道都好一流, 未食先聞到椰香葡汁味, 而且每一啖都混有好多汁同素雞。朋友揀咗個植物肉豆乳擔擔麵, 睇外觀一D都唔似素肉。原來加$18就可以主食跟飲品, 我去個日有個PROMOTION, 個主食有得平$10。我個飯連咖啡$87

前一天吃了韓燒，大量的醃肉和海鮮，整個人都飽飽濟濟，有時真是要斷食一下，讓身體消化系統有機會休息。曾經試過斷食兩個星期，整個人很冰冷，心情也不好，所以斷食不太適合我，還是食green代替一餐。這間在公司附近的餐廳，料理都很精緻，健康又好味，我點了個蘿蔔漢堡，非常好吃，漢堡口感十分qq 彈牙。旁邊放著新鮮香稔的牛油果，營養價值爆燈。粟米和紅腰豆也是飽肚感十足。同事的藜麥沙拉份量很大，配搭色彩繽紛，好吃又好看。除了不會殺害動物，還可以吃得健康，而且也好吃，一舉多得。只是比較貴而已。

好耐無食 green common，今日放假，做完考順女陪呀爸去律敦治睇醫生，睇完都成三點半過黎試吓哩間（之前都係食將軍澳個間）食個 late lunch 。係天橋邊入好易搵，不過間隔係比條路分開咗咁，又有啲焗。可能附近都係上班族，下午茶時段係無咩人，有啲員工休息緊，感覺將軍澳個間舒服啲。Green common 食過好幾次，不過佢最 hardsell 嘅 beyond burger 我就唔太識欣賞，個植物蛋上次直頭試咗幾啖食唔落肚😖 但有啲嘢食包括啲飯同雞都唔錯嘅 XD 本來好掛住佢個咖喱三寶，但見到有個新登場嘅葡國雞飯好似幾吸引喎！（我都話我好鐘意食焗飯架啦😅）仲要係配黃薑飯，之前試過佢個焗豬排飯都唔錯，於是決定試下。飲品就叫咗個 iced latte ，要燕麥奶（個人唔太鐘意杏仁奶）。係 counter 落完單，就比個牌你坐低等，睇黎因為要焗，都要等成 20 分鐘⋯不過送到黎個樣好靚喎！worth the wait 個飯熱辣辣焗起，個邊仲有少少飯焦，配菜種類多色彩豐富，新鮮得黎又唔會太生好似食草咁！（記得上次係美心食個焗飯啲西蘭花係黃嘅😑 另一次係 green common 就好

第一次到Green common用餐，今日會員優惠還有10%off，奶茶又新推廣買一送一。環境幾燈火通明，但衛生麻麻，很多枱上都有食物殘渣，未有人收拾好。我試了麻辣口水素雞配麵，辣就真是超辣，而素雞是用口腐整的，口感不像，有些奇怪又不結實，反而下面的雞絲條比較有調味，但整體口水雞不算好吃。素麵是豆腐湯底，清清淡淡，不過麵條太淋。焗素豬扒黄薑飯的豬扒反而很似，口感像真度高，炸得都幾香，蕃茄汁飯一般。野菌湯中規中矩，不濃不稠，但幾香野菌味道。最出色的是港式絲麥奶茶，茶底應該用了捷榮茶包，另外選用了燕麥奶，非常特別，很滑又易入口，味道一試難忘！食物一般，但夠新意，希望下次來有進步，畢竟素食是個保護地球又健康的習慣，應大力推廣。

💋 美味四式: ¤ 好味😋😋😋.好耐無黎過灣仔， 想周圍睇下有咩特別嘢食。 行過呢度呢間見到原來係素菜喎，見佢啲相好似幾吸引咁， 仲有一杯叫絲麥奶茶嘅奶茶☕， 好似幾特別咁，所以就入咗去試啦。.原來佢而家做緊優惠， 免費做咗會員之後，絲麥奶茶係買一送一， 食嘢仲有九折仲有得儲分，所以我哋就二話不說就做左會員!.我哋叫咗:1.四川麻辣植物雞配豆乳家常麵 2. 日式照燒未來漢堡 3.絲麥奶茶.1.四川麻辣植物雞配豆乳家常麵:  首先講下植物雞啦， 實則佢唔係真雞嚟嘅但係呢咬落去個感覺呢又幾似喎， 配上四川麻辣， 味道幾濃， 我自己覺得佢係有少少辣，但 其實連續食幾舊嘅話呢可能會想飲啲野😂 呢個時候佢嘅豆乳湯麵就非常之幫到你。 個豆乳湯非常之濃郁，豆味好香。 就算我食曬啲麵都好，都忍唔住飲埋啲湯佢。.2.日式照燒未來漢堡: 有茄子，牙菜絲，九芽菜同埋"肉"。 我覺得其實同真嘅漢堡係冇分別❤ 因為佢本身冇肉汁， 所以配上佢個日式照燒汁，就唔會太乾身， 加埋啲菜感覺好清新。.3. 絲麥奶茶:佢係有機錫蘭紅茶配低脂高纖燕麥奶。 感覺好似冇飲一般奶茶咁肥😝 佢個味同一般奶茶有啲唔同， 但都十分順滑，

点了个海南鸡饭 上来一看全是豆腐干😂 原来是个吃素的。to be fair it tastes better than I thought. For veggie food there is a line b/w ah it is like meat and wow is this meat??? If it is too good then perhaps something fishy is going on behind the scene - and that’s exactly what happened when Anthony had his fake fake cheese (some Italian stuff ending with roni) in the pasta at Riding House Cafe. To summarise, this is a place you would expect to see gals with sports bra carrying a S’well bottle (unfortunately it’s wan chai

難得今日下就要過海聽talk, 黎到灣仔唔知食乜好, lunch hour又周圍都係人, 行到QRE, 同事就提議不如試下呢間, 佢話係美食博覽有見過呢個booth, 但就無試到,好啦！咁試一試佢啦, 叫左個未來漢堡PLUS, ($108) 因為plus有牛油果本來聽到話食素, 都有d灰, 但放人口又幾好味喎！食到塊漢堡扒係用豆做既, 但唔會好重青味(我唔中意), 味道都好好, 好有肉feel呢間餐廳仲有好多素食食材賣, 下次經過再黎計劃下健康人生

上月30日，我獨自到灣仔Cafe Green Common吃午餐。那一個星期都在下大雨。而且還是在上、下班和午飯時間便下雨。那天真的是天公造美，難得一天出外吃午餐（平日），完全沒有下雨呢！之前還在苦惱要到甚麼地方吃午餐。所以也沒有相約同事一同前往。天氣好，當然要走遠一點了。 這個未來瘋味包（$35）推出了一段時間。我才第一次吃。現在到Green Common網頁查看餐單，已找不到這個包了……灣仔分店有午間優惠。逢星期一至五（公眾假期除外）下午六時前，惠顧任何小食、湯或甜品，每份均減$5。所以，這個未來瘋味包便是$30。 這個包是台式的刈包。不像中式蒸包般口感鬆軟。它是軟而有一點韌度。表面是平滑的，並不粗糙。因為薄的關係，不會讓人咀嚼得太累。 刈包中有豐富的餡料。外面是滿多的青瓜絲和白芝蔴。 裡面還有素肉碎和榨菜。醬汁和榨菜的味道比較鹹，但惹味。與清新的青瓜絲一起咀嚼會淡化鹹味。整體的口感軟滑。 新豬肉煎餃，$52。同樣享有午間優惠，是$47。一份是六隻煎餃。伴以生鮮蔬菜和醬油。 煎餃的表面略為焦脆。油份頗多。餃子皮薄。放涼了有少許韌度，但不難咀嚼。 內餡是新豬肉。是純素且沒有五葷。新豬

我每個星期都會去灣仔一次，要找食物有質素，價錢又適中的素食餐廳並不容易。自從在灣仔 Green Common 吃過日式植物蛋照燒碗後， 很高興在灣仔吃素又多一個選擇。日式植物蛋照燒碗在這分店吃過兩次，食材有糙米飯、雜菜、植物蛋，最開心有很多蟲草花，落足本!份量足， 賣相，味道!日式燒汁份量適中， 不會蓋過食材本身的鮮味。我第一次惠顧的時候，服務員有禮的建議我拿餐牌 找座位坐下慢慢看。 選好了便去counter付款。這裏座位足夠，坐得舒適。有專人送餐，服務很好!這天還收到店員送的飲品coupon。

初一茹素，今天第二次來光顧Green Common，常聽朋友介紹Beyond Burger，今日一於試下啦Burger 味道及口感有九成多的像真度，只是欠了食真肉時的一點張力，夾著蕃茄及菜一起食，帶出了肉的美味，也要讚一讚麵包，外脆內軟，令整個burger 更加一試難忘今天還叫了一杯紫薯杏仁奶，紫薯味香濃幼滑，yummy ah

今時今日茹素唔再係老土既事，可以食得好green 同好「潮」係QRE Plaza 平台的green common 開業一年多都未試過，今次就一試龍與鳳。平日lunch time 排隊自助買野食都多人，叫左個甘筍漢堡，想飽肚dGolden Muffin Plus $62 有牛油果，corn and red kidney bean 做配菜Portion of avocado and corn and red kidney bean is few, overall taste of burger was alright.Weekday lunch 可以平 $10， 即$52仲即時送左張奶茶coupon, 即換左一杯，好有茶香味

今日十五，第一次來Green Common 找素，點了一個例牌的海南雞飯，（如要走五辛，可在落單時先說明）。海南雞飯味道不錯，飯香肉滑，還有在7月2日前惠顧任何食品，送一杯絲麥奶茶，茶味很濃不錯吖

在灣仔食晏，食嚟食去都係嗰啲，實在有點悶。今日同事介紹我去Green Common買外賣，雖然價錢比茶記嘅lunch貴少少，位置距離office亦遠少少，但畢竟素食有新意，行遠啲啲都試下啦！Lunch menu 有唔少選擇，有burger、海南雞飯、藜麥沙律、越南牛肉湯粉...等等，唔包飲品，不過下午6點前幫襯可減$10。我叫咗個上海涼拌 (雞絲粉皮)，「雞」其實係菇嚟嘅，醬汁係麻醬，大熱天時最啱食。起初睇個份量唔算好大，仲擔心會唔夠飽，誰知食完真係幾飽肚，OK喎！素食我未必會日日食，不過間唔中一餐都唔錯。

由於有朋友是食素的關係，今日我終於試咗一次全素西餐！睇餐牌嘅時候不斷問朋友 “呢啲都係素呢架？”因為餐牌上嘅菜式實在比我想像中多呢！首先坐下，看看餐牌有什麼好吃，然後便可到收銀機落單，其後便會有侍應送上食物！我點左個日式汁漢堡和薯條，另外叫左碟咖哩三寶（魚蛋、蘿蔔、尤魚）大家share食！漢堡內有日式燒汁、茄和素漢堡。漢堡除咗冇肉汁之外，口感上其實和真肉漢堡是沒有太大的分別，十分驚喜！最驚喜的是咖喱三寶，魚蛋和真魚蛋一樣的口感

「未來蛋牛治」 ($55)評分：8/10.蛋牛治係咩味，如果要你憑空形容，你會點形容呢?呢份未來蛋牛治，其實係純素版嘅蛋牛治。唔講真係唔知係不含肉類製品嘅。🙈 蛋嘅原材料系 JUST Scramble 嘅植物蛋，以及未來漢堡扒製成。皆因佢係味道上的確係蛋牛治嘅味，其實就算係正常嘅蛋牛治，牛肉味因為醃過其實食唔出都好正常。仲要係免治豬肉嘅關係，其實口感上要仿製又冇原塊牛肉咁難。🤗所以呢份蛋牛治的確係好成功咁魚目混珠