Green Common (QRE Plaza) (已結業)

在灣仔食晏，食嚟食去都係嗰啲，實在有點悶。今日同事介紹我去Green Common買外賣，雖然價錢比茶記嘅lunch貴少少，位置距離office亦遠少少，但畢竟素食有新意，行遠啲啲都試下啦！Lunch menu 有唔少選擇，有burger、海南雞飯、藜麥沙律、越南牛肉湯粉...等等，唔包飲品，不過下午6點前幫襯可減$10。我叫咗個上海涼拌 (雞絲粉皮)，「雞」其實係菇嚟嘅，醬汁係麻醬，大熱天時最啱食。起初睇個份量唔算好大，仲擔心會唔夠飽，誰知食完真係幾飽肚，OK喎！素食我未必會日日食，不過間唔中一餐都唔錯。