Grove (始創中心)

營業中

休息中

今日出開魚街，唔想又茶記咁heavy，成日行過Grove又想食意粉咪試下，叫左個豬扒意粉（唔記得係咪豬鞍）加凍伯爵茶，坐低一陣黎杯茶，至於碟意粉………………，等左差不多四個字都未黎就問下，個男士話豬扒唔知要點整，咁再等，期間個男人再主動話要等多陣，之後見出意粉同魚，遲過我既都有得食，望下廚房，煎緊兩件唔知豬定牛，於是話唔要退錢，對方仲話就快有得食，真係咪搞，放假姐，唔代表我要咁等，同埋標榜休閒都唔係代表出餐慢成咁呀

服務態度極差，所有好評應該係買返嚟，唔信嘅可以去試吓，非常趕客，真心唔明呢間Cafe員工咁不可一世嘅態度係喺邊度嚟？試過一次堂食，感覺已經唔好，但因為喺附近返工，可以舒服坐低飲杯咖啡食嘢嘅地方唔多，咁再試嘅就係買外賣，買外賣都要受氣🤣🤣一定唔會再有第三次

女店員態度好差，落單時候同葛種不屑同高傲既語氣同眼神，令你好想同距對罵，呢種帶住情緒返工既態度，好趕客。冷氣冷，食完快走，野食一般。一直食開，女店員服務態度每況愈下，難怪越黎越少人黎，都唔想做生意。

我哋三個大人兩個小朋友，買嘢食嘅時候佢先同我哋講話要有最低消費，佢根本成間餐廳都冇寫住話有最低消費，原本諗住走，點知佢話可以豁免我哋，咁反正我哋都坐低咗，所以照樣叫嘢食，咁其實我哋都叫咗三個餐，但佢全程黑晒面，最慘就係啲食物質素勁差，牛油果是爛的，咁都可以比客人食😡啲餐具亦都有污跡，叫佢更換嘅時候個女侍應黑晒面態度惡劣。不會再次幫襯😤大家如冇必要都唔好去。同場有其他客人同樣喺度投訴，佢冇寫最低消費，買嘢嘅時候先至同佢哋講，又係無奈咁硬，睇佢黑面。

Cafe $40低消 合理但要受氣真係唔合理見唔到佢寫低消，叫左個餐之後俾哂錢，無啦啦提有低消，佢話寫左係門口（態度差），食客們可以慢慢搵佢個低消提示放邊（保證好玩過city hunt)…我地3個人叫左$12x，佢話唔計每人低消，都算，咁都要俾客人諗下要咩掛然後坐低左諗下叫咩，佢地好似好驚人唔叫咁，係咁話你叫杯野飲，其實佢不停講，不如直接收$40入場費啦，同朋友傾緊計都要提一提人未過低消最後都怕左佢地，立即衝去買，仲要俾人黑住面咁對待，真心貼錢買難受，chur 過澳牛

平日2-3pm光顧，不是假日座位4成沒有人,不是爆場已經不是第一次買外賣，但出餐20mins 以上我前面個男人order 一杯drinks.要15mins 我買走一個teaset 要 30mins，是否也很正常？?做野的有4人在，工作力要加強

呢間位於太子始創中心樓下既小cafe———Grove平時行過就多，都未真係入去試吓今日一於去試一試！！員工服務態度唔錯，好有禮貌👍🏻呢間餐廳主要係健康食品為主餐牌上都好多選擇我揀咗燒牛肉，蘑菇，車打芝士意式三文治配鮮奶咖啡☕️三文治個皮烤過好脆口🥪牛肉好靭，冇牛肉味不過就配左好多蔬菜係入面食落冇食物既香味同層次個人認為一般般佢午餐仲有好多選擇都有啲咖啡豆賣兩個人埋單$142抵唔抵食見人見智啦😂

有時唔想食得太heavy 就黎太子呢間地舖cafe位置十分方便 下午茶選擇都多我次次都係食健康沙律乳酪餐有各種蔬菜 番茄仔 bb蘆筍 胡蘿蔔仔 菜 高纖健康多士 牛油果同乳酪 味道都可以

時不時睇到某些食店正評甚多, 但當自己去幫襯時又係另一回事,Grove 絕對係其中一間. 有日要去旺角太子,諗起一直都想試一下正評多嘅 Grove, 幫襯買咗下午茶 牛油果雙重芝士烤卷配藜麥沙律,黑咖啡 $49.打開外賣盒,我見唔到"卷", 只有4塊薄到以為漏咗餡料嘅餅皮, 我見餐牌寫烤卷,心目中自以為係wrap而不是薄嘅餅皮. 就算唔斟酌食物同餐牌描述,呢份 $49下午茶絕對令人失望,眼見薄餅皮薄到好似冇餡料咁,打開塊餅睇下,只見濕濕碎碎牛油果蓉同類似紅椒物體,D餡料又薄又疏,食入口完全只係餅皮一塊,餐牌上重話雙重芝士,現實完全食唔出芝士味,與實物絕對不符.唔會有興趣幫襯第二次.

位於旺角近太子的簡約小清新風格Cafe☕️ 主打各款西式輕食🌿 餐牌上有亦素食選擇🌱以落地玻璃引入自然光，明亮開揚環境，讓人放鬆心情來享受美食💚🍽👍🏻A nice and chill cafe located in MongKok near Prince Edward station🚉 Serves meat, vegetarian options available.🌱 It offers mostly western style dishes like pasta, salads and sandwiches. The cafe is decorated with floor-to-ceiling windows, opening up the room and allowing plenty of natural light into the space. Thus,the environment is very relaxing 💚🍽👍🏻🔸健康蔬菜乳酪早餐｜Roasted Vegetable Breakfast with Yoghurt Salad 🥗🎃 🍅🥕🥬🍄🥑🍞🥛烤BB小南

有一段時間，我好希望可以有時間同朋友出去食個Tea飲杯咖啡好想唔洗再湊住個仔周圍去，好想就係自己一個抖一下，不過近來反而我覺得我慶幸我有一個小暖男在身邊因為他可以幫我拍照，教我擺Pose，同埋陪我去食野在剛剛的除夕，我們在西九打完卡後，打算接爸爸收工在路途中，我地就誤入左呢間Cafe 店看到櫥窗的客人吃的蛋糕蠻吸晴，就即刻問小情人去唔去食蛋糕當然甜野，蛋糕點會抗拒呢? 它家既Afternoon Tea Time 時間好似係14:00/14:30左右開始我們當日去了吃兩款T1 是日精選蛋糕價錢為$40-88 ，價錢合理唔算太貴它家是以先到收銀點餐後，拿回牌子到自己位就會送上店鋪不算太大，近街邊的窗口位置大約有3張四人枱，而家店內就數張小圓枱，都好岩有時同朋友短聚吹水而當天我們很好運，有客人見到我帶著小朋友就給我坐近街邊的落地玻璃的位置，由其當天的日落時間那個陽光真係打卡超棒的~先介紹這一款的軟朱古力蛋糕 $40配熱朱古力鮮奶 (另外$7)它是軟朱古力，所以在切下去時不會太實，朱古力味太甜，連同穀物脆脆，多重口感味道不錯小孩把我的蛋糕差不多吃了大半，他指這款好吃，味道他喜歡的本身只打算搵個

呢一日約左朋友食晚飯，但係又未夠鐘，想搵間餐廳Hea下，見到Grove啲下午茶好似幾抵，於是就去試下，太子分店較細，所以枱同枱之間都有啲迫，不過可能落雨，所以就唔算好多人🤭，可以慢慢Hea下🤡❣️朱古力蛋糕+鮮奶咖啡 $44蛋糕朱古力味濃，欣賞佢雖然平，但上枱都有擺盤😆，蛋糕略嫌有少少乾；鮮奶咖啡拉花唔錯，味道就正常啦，咁嘅價錢配埋野飲真係算係咁😬❣️鮮蝦多士配田園沙律+鮮奶朱古力 $49欣賞佢個多士係新鮮整起，味道似Pizza味嘅多士，大蝦🦐爽口彈牙，燕麥底多士有口感，配埋清新嘅沙律，成個配搭好好味；鮮奶朱古力味濃，好飲😃❣️鮮奶抹茶 $34中規中矩，抹茶味唔算太濃，但個賣相唔錯🤣🏦是次消費總額 $127（人均消費 $43） 👅好味度：8.5（10分滿分）呢個價錢CP值真係超高，食物質素唔錯，欣賞佢唔係俾hea貨，如果攰攰地嚟食個tea都係個唔錯嘅選擇😋

可以做得更好 咖啡唔夠熱 pancake唔夠熱 bagel冇乜點焗過。 焗香會好好食 pancake一大塊蛋餡料得中間啲咁多 大塊不夠餡料冇用。 總之都係嗰句可以做得更好 做咗件事同做好件事是兩回事。

行過旺角見到全落地玻璃嘅cafe，落地玻璃好光猛，入去hea 飲杯咖啡都好 ，雖然地方唔大但係都幾乾淨。見到佢個下午茶超抵仲連飲品，無加一。All day breakfast $62 連飲品顏值高，份All day breakfast幾多嘢食。同埋真係幾好食嘅，尤其是佢個香腸係好好味。煙三文魚碎蛋沙律比高 $55 連飲品沙律菜好新鮮，碎蛋非常嫩滑，有啲洋蔥三文魚夠多，比高正。呢個價錢同朋友坐低飲杯咖啡，食下午茶 hea hea，真係超值

今日收工同同事去開太子，攰攰地諗住搵間cafe坐下🤣咁啱見到Grove，平時食佢啲三文治就多，下午茶真係未食過🤭原來佢啲下午茶都幾抵食🤤味道仲要唔差，下次可以再嚟